(CWCI Cambodia /អត្តបទដោយ ម៉ែន ណាត /០៦ សី)ហា ២០១៩)
របបដឹកនាំរបស់លោក ហ៊ុន សែន សម្រេចដាក់ចេញនូវ ប្រតិទិនឈប់សម្រាកប្រចាំឆ្នាំជាថ្មី ដោយដកចេញនូវទិវាឈប់សម្រាកដ៏សំខាន់ៗ ២ ដែលខ្លឹមជាប្រវិត្តសាស្ត្រ ទាក់ទងការផ្សះផ្សារជាតិ និងការនាំចូលលទ្ធិប្រជាធិបតេយ្យ នៅកម្ពុជា។ នេះបើតាមអនុក្រឹត្យ ដែលចុះហត្ថលេខាដោយនាយករដ្ឋមន្រ្តី {មិនស្របច្បាប់?} លោក ហ៊ុន សែន កាលពីថ្ងៃទី០២ ខែសីហា ឆ្នាំ២០១៩។
ការដកចេញពីប្រតិទិននេះមាន «កិច្ចព្រមព្រៀងសន្តិភាពទីក្រុងប៉ារីស ២៣ ខែតុលា, ទិវាកុមារអន្តរជាតិ ០១ មិថុនា និងទិវាសិទ្ធិមនុស្សអន្តរជាតិ ១០ ធ្នូ» ដែលនាំឲ្យមានការរិះគន់ធ្ងន់ៗ ទៅលើរបបលោក ហ៊ុន សែន កំពុងដឹកនាំប្រទេស ឲ្យទៅរកសម័យអតីតកាល មុនទសវត្សរ៍ទី៩០។
ការដកចេញពីប្រតិទិនឈប់សម្រាក នូវកិច្ចព្រមព្រៀងទីក្រុងប៉ារីស ប្រៀបបានដូចការបំភ្លេចចោលទិវាបុណ្យជាតិដ៏សំខាន់ ដែលត្រូវបានកំណត់តាំងពីឆ្នាំ១៩៩៣ បន្ទាប់ពីការបោះឆ្នោតជាតិ លើកទី១ ដែលរៀបចំដោយអង្គការសហប្រជាជាតិ ហៅកាត់អ៊ុនតាក់ (UNTAC) ក្នុងគោលបំណងរំលឹកឡើងវិញនូវ ការផ្សះផ្សារជាតិ បញ្ចប់សង្គ្រាមស៊ីវិល និង {បញ្ចប់ការឈ្លានពានរបស់វៀតណាម ដែលចូលលុកលុយកម្ពុជា ពីឆ្នាំ១៩៧៩ ដល់ឆ្នាំ ១៩៨៩} មកនោះ។
មួយវិញទៀតការដកចេញពីប្រតិទិនឈប់សម្រាកទិវាបុណ្យជាតិ នូវទិវាសិទ្ធិមនុស្សអន្តរជាតិ ១០ ធ្នូ ក៏គឺជាការដកចេញនូវសិទ្ធិមនុស្ស និងលទ្ធិប្រជាធិបតេយ្យពីកម្ពុជា មានកំណត់ក្នុងរដ្ឋធម្មនុញ្ញជាតិ។
នៅលើបណ្តាញសង្គម និងក្រុមមន្រ្តីអង្គការសង្គមស៊ីវិល បានមានប្រតិកម្មព្រមៗគ្នា ចំពោះការសម្រេចរបស់របបលោក ហ៊ុន សែន ក្នុងការលុបចោលទិវាបុណ្យជាតិដ៏មានសារសំខាន់ខាងលើ។
ក្រុមអ្នកប្រឆាំង និងអ្នកជាតិនិយម បានផ្តល់យោបល់ថា ទិវាបុណ្យជាតិខាងលើ មិនគួរត្រូវបានលុបចោលពីប្រតិទិនទេ។ ប៉ុន្តែអ្វីដែលគួរត្រូវលុបចោល គឺគួរតែរបប ហ៊ុន សែន លុបទិវា ៧ មករា ពីប្រតិទិនបុណ្យជាតិ ពីព្រោះថាថ្ងៃ ៧ មករា វាជាថ្ងៃដែលវៀតណាម ឈ្លានពានកម្ពុជា៕
