Tag Archives: ឆាំ ឆានី

ពលរដ្ឋខ្មែរ-ន័រវេស៍ ស្នើទៅនាយករដ្ឋមន្រ្តី Erna Solberg លើកឡើងពីការស្ដារធិប្រជាធិបតេយ្យ នៅកម្ពុជា ក្នុងជំនួបជាមួយលោក ហ៊ុន សែន

44111002_1858214014274693_556812320601276416_n

ពលរដ្ឋខ្មែរ នៅប្រទេសន័រវេស៍ ស្នើទៅនាយករដ្ឋមន្រ្តីន័រវេស៍ (Norway) លើកឡើងពីការស្ដារលទ្ធិប្រជាធិបតេយ្យ នៅកម្ពុជា នៅចំពោះមុខលោក ហ៊ុន សែន ក្នុងជំនួបដោយឡែកមួយ នៅក្នុងកិច្ចប្រជុំកំពូលអឺរ៉ុប-អាស៊ី។

លោក គង់ ស៊ីម៉ន, លោក ម៉ែន ណាត, លោក ឆាំ ឆានី, លោក វិរះ យេន, លោក អៀ ចាន់ណា និងលោក ចៅ ទុយ ជាតំណាងស្ថាប័នសមាគម និងសង្គមស៊ីវិលខ្មែរ នៅប្រទេសន័រវេស៍ បានសរសេរលិខិត ទៅកាន់ នាយករដ្ឋមន្រ្តីន័រវេស៍ លោកស្រី អានណា ស៊ុលប៊ឺក (Erna Solberg) អំពីវិបត្តិដ៏ធ្ងន់ធ្ងរ នៅប្រទេស​កម្ពុជា ខណៈដែលលោកស្រី នឹងមានជំនួបដោយឡែក ជាមួយលោក ហ៊ុន សែន នៅក្នុងកិច្ចប្រជុំកំពូលអឺរ៉ុប-អាស៊ី នៅថ្ងៃទី ១៨-១៩ ខែតុលា ឆ្នាំ២០១៨ ។

ក្នុងខ្លឹមសារលិខិត បានស្នើទៅលោកស្រី Erna Solberg ឲ្យលើកឡើងនៅចំពោះមុខលោក ហ៊ុន សែន ពីការស្ដារ លទ្ធិប្រជាធិបតេយ្យឡើងវិញ នៅប្រទេសកម្ពុជា រួមមានការដោះលែងលោក កឹម សុខា ប្រធានគណបក្សសង្គ្រោះជាតិ និងអ្នកទោសមនសិការទាំងអស់ ឲ្យមានសេរីភាព ព្រមទាំងអនុញ្ញាតឲ្យថ្នាក់ដឹកនាំគណបក្សសង្គ្រោះជាតិ ទាំង ១១៨ រូប មានសិទ្ធិធ្វើនយោបាយឡើងវិញ។

លិខិតដដែល បានអំពាវនាវឲ្យរបប លោក ហ៊ុន សែន អនុញ្ញាតឲ្យក្រុមអង្គការសង្គមស៊ីវិល និងសហជីពឯករាជ្យ បំពេញតួនាទី និងមុខងាររបស់ខ្លួន ដោយគ្មានការគំរាមកំហែង និងគ្មានការបំផិតបំភ័យ ដូចនៅសង្គមប្រជាធិបតេយ្យផ្សេងៗទៀតផងដែរ។

ពលរដ្ឋខ្មែរនៅប្រទេសន័រវេស៍ បញ្ជាក់ថា រដ្ឋាភិបាលន័រវេស៍ បានជួយពួកគេ និងក្រុមគ្រួសារ ឲ្យបានរួចផុតពីការគាបសង្កត់ ពីសំណាក់របបលោក ហ៊ុន សែន និងបានជួយពួកគេឲ្យបានក៏សាងជីវិតថ្មី នៅលើទឹកដីប្រទេសន័រវេស៍។ យ៉ាងណាក៏ដោយ ពួកគេមិនអាចឈរមើលរបបលោក ហ៊ុន សែន បំផ្លាញលទ្ធិប្រជាធិបតេយ្យ និងសិទ្ធិមនុស្សនៅកម្ពុជាបាននោះទេ ជាពិសេសពួកគេ បារម្ភពីសុវត្ថិភាពក្រុមគ្រួសារពួកគេ ដែលកំពុងរស់នៅក្រោមរបបលោក ហ៊ុន សែន ដែលមានលក្ខណៈផ្ដាច់ការនោះ។ តំណាងពលរដ្ឋខ្មែរ នៅប្រទេសន័រវេស៍ ជឿជាក់ថា លោកស្រីនាយករដ្ឋមន្រ្តី អាណា ស៊ុលប៊ឺក នឹងយកចិត្តទុកដាក់ ចំពោះសំណើរខាងលើនេះ៕  (អត្ថបទដោយ CSCNews)

English: – Kristiansand, 16 Oct 2018

The Honorable Prime Minister Erna Solberg 
Prime Minister of Norway
Glacisgata 1 
0150 Oslo
Norway

Dear Prime Minister,

We write to you as Cambodian-Norwegians as we are informed of your meeting with Mr. Hun Sen at the 12th Asia Europe Meeting Summit in Brussels on 18-19 October, 2018.

The 29 July election was considered not free, not fair by the people of Cambodia and by the world community. The Cambodia National Rescue Party-the only credible opposition was unconstitutionally dissolved. Mr. Hun Sen continues to rule as his party controls the total 125 parliamentary seats. Cambodia has gone back to a one-party state as during the Khmer Rouge years and the period when the country was embargoed by the world community.

We are sincerely hopefully that you will raise with Mr. Hun Sen the necessity to restore democracy in Cambodia by releasing the leader of the opposition, Mr. KEM Sokha and all political prisoners. All charges must be dropped so that they can resume their political rights and other fundamental rights. Furthermore, members of the civil society and independent trade unions must be allowed to perform their roles and functions without fear and intimidation, as in any democratic society.

As students, human rights activists and civil servants, we survived oppression and escaped threats by the regime of Mr. Hun Sen. We have been given the protection and full rights by the government of Norway to rebuild a new life for ourselves and for our children in our new home- Norway. However, we cannot stand by to watch the regime of Mr. Hun Sen destroy democracy and demonstrate total disregard to fundamental human rights. We fear for the safety and security of our family members in Cambodia under the one-party regime of Mr. Hun Sen.

We sincerely trust that you will take into consideration our expressed request and pressing concerns.

Most respectfully,

Kong Simorn,
Leader of Cambodia National Rescue Party, NORWAY

Men Nath,
Leader, Cambodia Watchdog Council International, Norway

Chham Chhany,
Secretary of the Khmer Buddhist Society in Norway
Ir Channa,
Secretary General, Cambodia Watchdog Council International

Virak Yenn,
Leader of Cambodia Border Committee, Norway

Chau Tui,
Steering Committee member, the Khmer Buddhist Society in Norway44087373_1858199120942849_8367894360573870080_n (1)18275074_1651153984956774_254485478664091462_n27460032_1713183462074718_682769877597157942_n

 

Advertisements

ហ៊ុន សែន ប្រតិកម្មខ្លាំងៗតបទៅ ក្រុមប្រឹក្សាឃ្លាំមើលកម្ពុជា ដែលអំពាវនាវ កុំឲ្យពលរដ្ឋទៅបោះឆ្នោត ថាជាការ​«ឆោតល្ងង់ណាស់»

Captureមម

ប៉ុន្មានថ្ងៃនេះ មន្រ្តីជាន់ខ្ពស់ក្នុងរបប ហ៊ុន សែន រួមទាំងលោក ហ៊ុន សែន បានប្រតិកម្មផ្ទួនៗគ្នាជាបន្តបន្ទាប់ ប្រឆាំងនឹងសេចក្តីអំពាវនាវរបស់ ក្រុមប្រឹក្សាឃ្លាំមើលកម្ពុជា ដែលលើកទឹកចិត្តពលរដ្ឋខ្មែរ ឲ្យធ្វើពហិការការបោះឆ្នោតជាតិ ថ្ងែទី២៩ ខែកក្កដា ឆ្នាំ២០១៨ បើសិនជាគ្មានវត្តមាន គណបក្សសង្គ្រោះជាតិ ក្នុងការចូលរួមប្រកួតប្រជែងទេនោះ លោក ហ៊ុន សែន បានប្រតិកម្មក្នុងរឿងនេះ នៅថ្ងៃទី២៨ ខែកម្ភៈ ឆ្នាំ២០១៨ គឺពេលដែលលោក សំណេះសំណាលជាមួយក្រុមកម្មករ ជាង ១ ម៉ឺននាក់ នៅខេត្តកំពង់ស្ពឺ។


ហ៊ុន សែន ប្រតិកម្មថា ការអំពាវនាវ កុំឲ្យពលរដ្ឋទៅបោះឆ្នោត ជាការ «ឆោតល្ងង់»

(VOD News: ដោយ លោក ញឹម សុខន​​ | ថ្ងៃពុធ ទី២៨ ខែកុម្ភៈ ឆ្នាំ២០១៨)
លោ​កនាយករដ្ឋមន្ត្រី ហ៊ុន សែន ប្រតិកម្មខ្លាំងៗ​ ​ទៅនឹងអ្នកដែលបានអំពាវនាវ កុំឲ្យពលរដ្ឋចេញ​ទៅ​បោះ​​ឆ្នោ​ត​ថា ​​ជាមនុស្សឆោត​ល្ងង់ ធ្វើយុទ្ធសាស្ត្រវង្វេងទិស ខណៈស​ហគមន៍​អ​ន្តរ​ជា​តិ កំពុង​ដាក់​ស​​ម្ពា​ធ ឲ្យស្តា​រលទ្ធិប្រ​​​​ជា​ធិ​ប​​​​​​តេយ្យឡើងវិញ។

កាលពីសប្តាហ៍មុន ក្រុមប្រឹក្សាឃ្លាំមើលកម្ពុជា មានមូលដ្ឋាននៅក្រៅប្រទេស បានអំពាវនាវទៅ​ប្រជាពលរដ្ឋ កុំឲ្យ​ទៅបោះឆ្នោតជ្រើសតាំងតំណាងរាស្ត្រអាណត្តិទី៦ ដែលគ្រោងធ្វើនៅថ្ងៃទី២៩ ខែកក្កដា ខាងមុខ ដោយថា «បើ​គ្មា​នគ​ណបក្ស​សង្គ្រោះជាតិ​ចូ​លរួមប្រ​កួតប្រ​ជែង»

ក្រុមអ្នកអំពាវនាវ បាន​លើក​ឡើង​ក្នុងលិខិតចំហរមួយ​ថា របបដឹកនាំ​របស់លោក ហ៊ុន សែន ត្រូវ​ការ​ពលរដ្ឋ​​ជា​ង ៥០ ​ភាគរយ ចេញទៅបោះឆ្នោត ដើម្បី​​បង្ហាញ​ទៅ​​អន្ត​​រ​ជា​តិ​​ថា ពលរដ្ឋ​កម្ពុជា​ពេញ​ចិត្ត​ នឹង​របប​ដឹកនាំ​បច្ចុប្បន្ន។

ក្រុមប្រឹក្សាឃ្លាំមើលកម្ពុជា ថា​បើ​ចំនួន​អ្នកចេញ​ទៅ​បោះ​ឆ្នោត ​តិច​ជាង ៥០ ​ភាគរយ មានន័យថា ពលរដ្ឋ ​មិន​ពេញ​ចិត្ត​នឹង​របប​ដឹកនាំ​របស់ លោក ហ៊ុន សែន។

ប៉ុន្តែ លោក ហ៊ុន សែន ក្នុងពិធីចុះជួបកម្មករ ​នៅខេត្តកំពង់ស្ពឺ​ នាថ្ងៃនេះ បាន​ថ្លែងថា ការអំពាវនាវនេះ ជាទង្វើ​ខុស​ច្បា​​​​ប់ផង និងថា ជាយុទ្ធសាស្ត្រ​បែប «ឆោតល្ងង់» ផង។

លោកថា៖ «អ្នកវង្វេងទិសខ្លះ សូមបន្តរឿងហ្នឹងទៅចុះ បន្តអំពាវនាវកុំឲ្យប្រជាជនទៅបោះឆ្នោត សុំអ្នកឯងធ្វើទៅ ប៉ុន្តែ អ្នកឯងគួរគិតទៅ។ អញ្ចឹង​ទេ ខ្ញុំចាំ​តែក្របួចយកតែម្តង អ្នកដែលទៅបោះ​[ឆ្នោត]ទាំ​ងប៉ុន្មាន អ្នកទាំងអ​ស់ហ្នឹងស្តាប់ការអំ​ពាវនាវរប​ស់គណ​បក្សប្រជា​ជន។ ដល់ទៅបោះៗឲ្យគណបក្សប្រជាជន អាហ្នឹងយ៉ាង​ម៉េចទៅវិញ? អ​ញ្ចឹងទេ អ្នកឯងអំពាវនាវបានត្រឹមសមាជិក ​របស់អ្នកឯងប៉ុណ្ណោះ ឯសមាជិករបស់អ្នកឯង ​ទៅបោះក៏មិនបោះ​ឲ្យខ្ញុំ​ឯ​ណា​​? អញ្ចឹងអ្នកឯងគិតឡើងវិញទៅ ក្រែងលោ​ចេះកែសម្រួលខាងយុទ្ធសាស្ត្រ ខ្ញុំប្រាប់ពីយុ​​ទ្ធ​សា​ស្ត្រទៅ​ចុះ។ ខ្ញុំឃើញអាហ្នឹងភ្លាម ខ្ញុំថា អានេះល្ងង់អីក៏ល្ងង់ម្ល៉េះ»

មន្ត្រីជាន់ខ្ពស់ផ្នែក​អង្កេត​របស់​ អង្គការ​ខុមហ្វ្រែល លោក កន សាវាង្ស លើក​ឡើង​ថា ច្បាប់បោះឆ្នោតរបស់កម្ពុជា គ្មាន​មាត្រា​ណា​ចែង​កំ​ណត់ ​​​គុណភាពនៃការបោះឆ្នោត តាមរយៈចំនួនអ្នក​ចេញ​ទៅ​បោះ​ឆ្នោត​តិច ឬច្រើននោះ​ទេ ប៉ុ​ន្តែ ​លោក​ថា ​​ប្រទេ​សប្រជាធិប​តេយ្យ គេត្រូវការ លទ្ធផលបោះឆ្នោត កើតចេញពីការប្រកួតប្រជែងមួយ ប្រកប​​ដោ​​​​យតម្ភាភាព សេរី ត្រឹមត្រូវ គ្មានការគំរាមកំហែងផ្នែកនយោបាយ និងមានការ​ទទួល​ស្គា​ល់ ពី​​​អន្តរជាតិ។

លោកថា៖ «អ្វីដែលជាចំណុចល្អ គឺថា កម្លាំងនៃគណបក្សប្រឆាំងហ្នឹង ជាគណបក្សប្រឆាំ​ងដ៏ធំមួយ នៅ​ប្រទេស​កម្ពុជាហ្នឹ​ង បើកឲ្យមានការចូលរួមប្រកួតប្រជែង វាចំណុចល្អមួយ នៅក្នុងការបោះឆ្នោត។ បើ​សិនជាអ​ត់មានការចូល​រួមប្រ​កួតប្រជែងទេ​ មា​នន័យថា មានតែគណ​បក្សធំមួយ វាអត់មានកា​រប្រកួត​ប្រជែ​ងស្មើ​ភា​​ពគ្នា​​ទេ។ អញ្ចឹង យើ​ង​នៅ​តែ​ចង់ឃើ​ញ ការប្រកួតប្រជែ​ងមួយ​ ដោយស្មើភាព និងដោ​យត្រឹម​ត្រូវ»

របត់នយោបាយនៅកម្ពុជា ត្រូវបានសហគមន៍​អន្តរជាតិ ដែល​នាំ​មុខ​ដោយ​ សហភាព​អឺរ៉ុប និង ​អាមេរិក នៅ​តែ​បន្ត​ទាម​ទារ​ទៅ​រដ្ឋាភិបាល​កម្ពុជា ឲ្យ​ស្ដារ​លទ្ធិ​ប្រជាធិបតេយ្យ​ឡើង​វិញ តាម​រយៈ​ការ​អនុញ្ញាត​ឲ្យ​បក្ស​ប្រឆាំង​ ដែល​បាន​​រំលាយទៅហើយនោះ បានចូល​រួម​បោះ​ឆ្នោត ​ដោយ​សេរី​ត្រឹម​ត្រូវ និង​​ដោះ​លែង​មេដឹកនាំ​បក្ស​ប្រឆាំង លោក កឹម សុខា៕


ខាងក្រោមជាឯកសារដើម និងរូបថតមួូយចំនួន៖

CWCI អំពាវនាវពលរដ្ឋ កុំទៅបោះឆ្នោត ខែកក្កដា ២០១៨CWCI ថ្លែងការណ៍រឿង ពហិការការបោះឆ្នោត ខែកក្កដាsay_chhum_supplied10670187_918366958259408_8520807832688678037_n

ក្រុមប្រឹក្សាឃ្លាំមើលកម្ពុជា មិនទទួលស្គាល់​ការបោះឆ្នោត​​​ព្រឹទ្ធសភា

say_chhum_suppliedសេចក្តីថ្លែងការណ៍
មិនទទួលស្គាល់ការបោះឆ្នោតជ្រើសតាំងសមាជិកព្រឹទ្ធសភា

ក្រុមប្រឹក្សាឃ្លាំមើលកម្ពុជា សូមច្រានចោលទាំងស្រុងនូវ ការបោះឆ្នោតព្រឹទ្ធសភា នីតិកាលទី៤ នាថ្ងៃទី​២៥ ខែកុម្ភៈ ឆ្នាំ២០១៨ ធ្វើឡើងដោយមិនស្របច្បាប់ និងមិនស្របតាមឆន្ទៈពលរដ្ឋម្ចាស់ឆ្នោត។ បុព្វហេតុគឺ អង្គបោះឆ្នោតចំនួន ៥០៦២ រូប (តំណាងរាស្រ្ត និងក្រុមប្រឹក្សាឃុំសង្កាត់) មកពីគណបក្សសង្គ្រោះជាតិ ដែលបានជ្រើសរើស​ដោយឆន្ទៈពលរដ្ឋពិតប្រាកដនោះ ត្រូវបានរបបប ហ៊ុន សែន រំលាយចោល ទាំង​បំពានរដ្ឋធម្មនុញ្ញ និងឆក់ប្លន់ឆន្ទៈពលរដ្ឋម្ចាស់ឆ្នោត ពីថ្ងៃទី១៦ ខែវិច្ឆិកា ឆ្នាំ២០១៧ ហើយរឹបអូស​យកអាសនៈទាំងអស់ពី​ បក្សសង្គ្រោះជាតិ ទៅបែងចែកឲ្យគណបក្សសផ្សេងៗ តាមតែអំពើចិត្ត។

របបដឹកនាំរបស់លោក ហ៊ុន សែន មិនមែនជារដ្ឋាភិបាល ជារដ្ឋសភា និងព្រឹទ្ធសភា ដែលស្របច្បាប់ទៀតឡើយ បើផ្អែកតាមខ្លឹមសាររដ្ឋធម្មនុញ្ញកម្ពុជា កិច្ចព្រមព្រៀងទីក្រុងប៉ារីស ច្បាប់បទដ្ឋានគតិយុត្តិ និងឯកសារច្បាប់​អន្តរជាតិនានា ក្នុងសង្គមប្រជាធិបតេយ្យ។

ក្រុមប្រឹក្សាឃ្លាំមើលម្ពុជា សូមរំលឹកដល់ក្រុមប្រទេស ដែលផ្តល់ប្រាក់កម្ចី, ធ្វើកិច្ចសន្យាវិនិយោគ និងធ្វើកិច្ចព្រមព្រៀងនានា ដល់ ឬជាមួយរបប ហ៊ុន សែន ថា យើងជាពលរដ្ឋខ្មែរ មិនទទួលខុសត្រូវ ចំពោះការទូទាត់សង និងការធានាលើកិច្ចសន្យាវិនិយោគ ឬកិច្ចព្រមព្រៀងណាមួយឡើយ នៅពេលកម្ពុជា មានរដ្ឋាភិបាល​ស្របច្បាប់ ដែលស្របតាមសុឆន្ទៈរបស់ពលរដ្ឋម្ចាស់ឆ្នោត។ (សូមទាញយកសេចក្តីថ្លែងការណ៍)

ក្រុងគ្រីស្ទានសាន់ ថ្ងៃទី២៦ ខែកុម្ភៈ ឆ្នាំ២០១៨
ប្រធាន (ហត្ថលេខា)
ម៉ែន ណាត

CWCI មិនទទួលស្គាល់ការបោះឆ្នោតព្រឹទ្ធសភា11112772_902759513100132_4467690831066398197_n

ក្រុមប្រឹក្សាឃ្លាំមើលកម្ពុជា បដិសេធការចោទប្រកាន់​ពីរបប ហ៊ុន សែន និង បន្តលើកទឹកចិត្ត​ឲ្យពលរដ្ឋ ធ្វើពហិការ​ការបោះឆ្នោត ខែកក្កដា

12936549_1156022001136644_8364297122071002237_n

សេចក្តីថ្លែងការណ៍

សេចក្តីអំពាវនាវរបស់​ក្រុមប្រឹក្សាឃ្លាំមើលកម្ពុជា «ស្តីពីការអំពាវនាវឲ្យពលរដ្ឋខ្មែរ ធ្វើពហិការ កុំទៅបោះ​ឆ្នោត ខែកក្កដា» ដែលចុះផ្សាយថ្ងៃទី២១ ខែកុម្ភៈ ឆ្នាំ២០១៨ បានឆ្កឹះចំលើចំណុចរសើបហើយ ធ្វើឲ្យមានប្រតិកម្មខ្លាំងៗ និងគំរាមកំហែងធ្ងន់ធ្ងរ​ពីរបប ហ៊ុន សែន តបមកក្រុមប្រឹក្សាវិញថា «ជាក្រុមឧទ្ទាម» ខណៈ​ពេលរបប ហ៊ុន សែន បានក្លាយជារបបខុសច្បាប់រួចហើយ តាំងពីថ្ងៃទី១៦ ខែវិច្ចិកា ឆ្នាំ២១៧។

យើងខ្ញុំសូមច្រានចោល​ចំពោះការចោទប្រកាន់នានា​មកលើ ក្រុមប្រឹក្សាឃ្លាំមើលកម្ពុជា​ ដែលធ្វើ​សកម្មភាព​​​ប្រកាន់ភ្ជាប់​នូវគោលការណ៍​គោរព​ច្បាប់ គោរពសិទ្ធិមនុស្ស ប្រជាធិបតេយ្យ យុត្តិធម៌ជនរងគ្រោះ ការពារបូរណភាពទឹកដី និងការពារផលប្រយោជន៍ជាតិជាធំ។

​ក្រុមប្រឹក្សាឃ្លាំមើលកម្ពុជា សូមបន្តលើកទឹកចិត្តពលរដ្ឋខ្មែរ ឲ្យប្រើសិទ្ធិស្របច្បាប់របស់ខ្លួន ដែលមាន​ចែងក្នុងរដ្ឋធម្មនុញ្ញ និងច្បាប់អន្តរជាតិ ដូច្នេះសូមមេត្តាកុំចាញ់សម្លុត កុំភ័យខ្លាចការគំរាមកំហែង ពីសំណាក់របបលោក ហ៊ុន សែន តទៅទៀត សូមធ្វើពហិការ កុំទៅបោះឆ្នោត នៅថ្ងៃទី២៩ ខែកក្កដា ឆ្នាំ​២០១៨ បើគ្មានវត្តមានគណបក្សសង្គ្រោះជាតិ ចូលរួមប្រគួតប្រជែងដោយស្មើភាព សេរី ត្រឹមត្រូវ និងយុត្តិធម៌ទេនោះ។ (សូមទាញយកសេចក្តីថ្លែងការណ៍)

ក្រុងគ្រីស្ទានសាន់ ថ្ងៃទី២៣ ខែកុម្ភៈ ឆ្នាំ២០១៨
ប្រធាន 
(ហត្ថលេខា)
ម៉ែន ណាត

CWCI ថ្លែងការណ៍រឿង ពហិការការបោះឆ្នោត ខែកក្កដា18275074_1651153984956774_254485478664091462_n27460032_1713183462074718_682769877597157942_n

 

របប ហ៊ុន សែន ប្រតិកម្មធ្ងន់ៗប្រឆាំង ក្រុមប្រឹក្សាឃ្លាំមើលកម្ពុជា ហើយ​ចោទថា «ឧទ្ទាម និងធ្វើសកម្មភាព​ភេរវកម្ម» ប៉ុន្តែត្រូវបានច្រានចោល

Captureewrer

របប ហ៊ុន សែន ប្រតិកម្មធ្ងន់ៗប្រឆាំង ក្រុមប្រឹក្សាឃ្លាំមើលកម្ពុជា ហើយចោទប្រកាន់ថា «ជាក្រុមឧទ្ទាម និង ធ្វើសកម្មភាពភេរវកម្ម»។ ប៉ុន្តែនៅថ្ងៃទី២៣ ខែកុម្ភៈ ឆ្នាំ២០១៨ នេះ ក្រុមប្រឹក្សាឃ្លាំមើលកម្ពុជា លោក ម៉ែន ណាត បានច្រានចោលការចោទប្រកាន់នានាពីរបប ហ៊ុន សែន ហើយថារបប ហ៊ុន សែន បានក្លាយជារបបខុសច្បាប់ តាំងពីថ្ងៃទី១៦ ខែវិច្ឆិកា ឆ្នាំ២០១៧ ខណៈពេលដែលតុលាការកំពូល​ ប្រកាសសាលក្រម រំលាយបក្សសង្គ្រោះជាតិ។ (សូមទាញយកសេចក្តីថ្លែងការណ៍ ឬអានអត្ថបទរូបភាពខាងក្រោម។)


អ្នកឃ្លាំមើលកម្ពុជា អំពាវនាវទៅប្រជាពលរដ្ឋ កុំ​ចេញ​ទៅ​បោះ​ឆ្នោត​  បើ​គ្មាន​បក្ស​ប្រឆាំង​ចូល​រួម

(VOD HotNews / 22-2-2018)
រាជធានី​ភ្នំពេញ៖ ក្រុមប្រឹក្សាឃ្លាំមើលកម្ពុជា ដែលមានមូលដ្ឋាននៅក្រៅប្រទេស បានអំពាវនាវទៅ​ប្រជាពលរដ្ឋ កុំឲ្យ​ទៅបោះឆ្នោត​ នា​ពេល​ខាង​មុខ​នេះ ដោយ​ថា បើគ្មានគណបក្ស​សង្គ្រោះជាតិ ចូលរួមប្រកួតប្រជែងនោះ។

ក្នុងសេចក្ដីអំពាវនាវ​កាល​ពី​ថ្ងៃ​ម្សិល​មិញ​នេះ ក្រុម​ប្រឹក្សា​ឃ្លាំ​មើល​កម្ពុជា បាន​លើក​ឡើង​ថា លោក​នាយករដ្ឋ​មន្ត្រី ហ៊ុន សែន ត្រូវ​ការ​ពលរដ្ឋ​ចេញ​ទៅ​បោះ​ឆ្នោត​ច្រើន​ជាង ៥០​% ​នៃ​ចំនួន​ពលរដ្ឋ​មាន​សិទ្ធិ​បោះ​ឆ្នោត​សរុប​នៅ​ទូទាំង​ប្រទេស។ បើ​តាម​សេចក្ដី​អំពាវ​នាវ​ដដែល​នោះ ក្រុម​ប្រឹក្សា​ឃ្លាំ​មើល​កម្ពុជា ​​បាន​លើក​ឡើង​បន្ថែម​ថា លោក ហ៊ុន សែន ត្រូវ​ការ​បែប​នេះ ដើម្បី​បង្ហាញ​ប្រាប់​ទៅ​សហគមន៍​អន្តរជាតិ​ថា ពលរដ្ឋ​កម្ពុជា​ពេញ​ចិត្ត​នឹង​របប​ដឹកនាំ​បច្ចុប្បន្ន។ ផ្ទុយ​ទៅ​វិញ ប្រសិន​បើ​ចំនួន​ពលរដ្ឋ​ ចេញ​ទៅ​បោះ​ឆ្នោត​តិច​ជាង ៥០​ % ក្រុម​ប្រឹក្សាដែល​មាន​មូលដ្ឋាន​នៅ​ក្នុង​ប្រទេស​ន័រវេស បាន​អះ​អាង​ថា ពលរដ្ឋ​មិន​ពេញ​ចិត្ត​នឹង​របប​ដឹកនាំ​ដោយ​លោក ហ៊ុន សែន នោះ​ឡើយ។

ក្រុមប្រឹក្សាឃ្លាំមើលកម្ពុជា ​បាន​អំពាវនាវឲ្យប្រជាពលរដ្ឋដែលមានសិទ្ធិ និងឯកសារបោះឆ្នោត កុំទៅ​បោះឆ្នោត នៅថ្ងៃទី ២៩ ខែកក្កដា ខាងមុខនេះ បើគ្មានវត្តមានគណបក្សសង្គ្រោះជាតិ ចូលរួមដោយស្មើភាព សេរីត្រឹមត្រូវ និងយុត្តិធម៌នោះទេ។

ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជា ចាត់ទុកការអំពាវនាវនេះថា ជាការបិទសិទ្ធិរបស់​ប្រជាពលរដ្ឋ មិនឲ្យអនុវត្តសិទ្ធិនយោបាយ ដែលមានចែងនៅក្នុងរដ្ឋធម្មនុញ្ញ។ លោកថា៖ «ជាការបិទសិទ្ធិប្រជាពលរដ្ឋ មិនឲ្យអនុវត្តសិទ្ធិនយោបាយរបស់ខ្លួន ដែលមានចែងនៅក្នុងរដ្ឋធម្មនុញ្ញ។ អញ្ចឹង សកម្មភាពនេះ អាចចាត់ទុកថា ជាវិច្ឆេទកម្មនយោបាយយ៉ាងពេញទំហំហឹង ហើយជាបញ្ហាមួយដែលយើងអាចចោទ ក្រុមឃ្លាំមើលកម្ពុជា​ នេះ ក៏ចូលដៃចូលជើងជាមួយ ក្រុមឧទ្ទាមនិយមក្រៅច្បាប់ដែលកំពុងធ្វើសកម្មភាព ដើម្បីសម្លាប់លទ្ធិប្រជាធិបតេយ្យ នៅកម្ពុជា​ពីក្រៅប្រទេសមក»។

ទោះជាយ៉ាងណា មន្ត្រីជាន់ខ្ពស់​នៃ​កម្មវិធី​ផ្នែក​អង្កេត​របស់ ​អង្គការ​ខុមហ្វ្រែល លោក កង សាវាង្ស លើក​ឡើង​ថា គ្មាន​ច្បាប់​ណា​មួយ​បាន​កំណត់​ទាក់​ទង​នឹង​ចំនួន​ពលរដ្ឋ ​ចេញ​ទៅ​បោះ​ឆ្នោត​នោះ​ទេ ប៉ុន្តែលោក​ថា ដើម្បី​ធានា​ថា ការ​បោះ​ឆ្នោត​ដំណើរការ​ទៅ​ដោយ​សេរី ត្រឹមត្រូវ និង​យុត្តិធម៌​នោះ លោក​ថា ត្រូវ​មាន​គណបក្ស​ប្រឆាំង ​ចូល​រួម​ផង​ដែរ។ លោកថា៖ «អ្វីដែលជាចំណុលល្អ គឺថា កម្លាំងនៃគណបក្សប្រឆាំង ដែលជាបក្ស​ប្រឆាំងដ៏ធំមួយ នៅក្នុងប្រទេសកម្ពុជាហ្នឹង បើកឲ្យមានការចូលរួមប្រកួតប្រជែង។ វាជាចំណុលល្អមួយ នៅក្នុងការបោះឆ្នោត។ បើសិនអត់មានការប្រកួតប្រជែងទេ មានន័យថា មានតែគណបក្សមួយដែលកម្លាំងធំ នឹងការប្រកួតប្រជែង វាអត់ស្មើភាពគ្នាទេ។ អញ្ចឹង យើងនៅតែចង់ឃើញការប្រកួតប្រជែងមួយ​ដោយស្មើភាព ដោយត្រឹមត្រូវ​ដដែល សម្រាប់ការយល់ឃើញរបស់យើង»

វត្តមាន​របស់​គណបក្ស​សង្គ្រោះ​ជាតិ​ ​នៅ​ក្នុង​ការ​បោះ​ឆ្នោត ​នា​ខែ​កក្កដា​ ខាង​មុខ នៅ​តែ​មិន​ទាន់​មាន​ភាព​ច្បាស់​លាស់​នៅ​ឡើយ​ទេ​ រហូត​មក​ដល់​ពេល​នេះ បន្ទាប់ពី​បក្ស​ប្រឆាំង​ដ៏​ធំ​មួយ​នេះ ត្រូវ​បាន​តុលាការ​កំពូល ​សម្រេច​រំលាយ​ចោល​ កាល​ពី​ពាក់​កណ្ដាល​ខែ​វិច្ឆិកា​ ឆ្នាំ​មុន ទៅ​តាម​បណ្ដឹង​របស់​រដ្ឋាភិបាល។

សហគមន៍​អន្តរជាតិ ដែល​នាំ​មុខ​ដោយ​សហភាព​អឺរ៉ុប និង​អាមេរិក នៅ​តែ​បន្ត​ទាម​ទារ​ទៅ​រដ្ឋាភិបាល​កម្ពុជា ឲ្យ​ស្ដារ​លទ្ធិ​ប្រជាធិបតេយ្យ ​នៅ​កម្ពុជា​ឡើង​វិញ តាម​រយៈ​ការ​អនុញ្ញាត​ឲ្យ​បក្ស​ប្រឆាំង ​ចូល​រួម​នៅ​ក្នុង​ការ​បោះ​ឆ្នោត​ ដោយ​សេរី​ត្រឹម​ត្រូវ និង​ការ​ដោះ​លែង​មេដឹកនាំ​បក្ស​ប្រឆាំង​ កំពុង​ជាប់​ឃុំ​ គឺលោក កឹម សុខា៕ អត្ថបទភ្ជាប់៖ http://vodhotnews.com/22/02/2018/


លោក ផៃ ស៊ី​ផាន​៖ «​ការអំពាវនាវ មិន​ឲ្យ​ពលរដ្ឋ​ទៅ​បោះឆ្នោត ជា​អំពើ​ភេរវកម្ម​»

(កាសែតថ្មីៗ / 22-2-2018)
ភ្នំពេញ​៖ លោក ផៃ ស៊ី​ផាន អ្នកនាំពាក្យ​នៃ ​ទីស្តីការគណៈរដ្ឋមន្ត្រី បានចាត់ទុក​ការអំពាវនាវ​របស់​អង្គការ​មួយ មិន​ឲ្យ​ប្រជាពលរដ្ឋ​កម្ពុជា ចូលរួម​ការបោះឆ្នោត​ជ្រើសតាំង​តំណាងរាស្ត្រ ​នីតិកាល​ទី​៦ ដែល​នឹង​ប្រព្រឹត្តទៅ​នៅ​ថ្ងៃទី​២៩ ខែកក្កដា ឆ្នាំ​២០១៨ ថា​អំពើ​នៃ​ក្រុម​ឧទ្ទាម​។ លោក បន្តថា ទង្វើ​បែបនេះ គឺ​ប្រឆាំងនឹង​លទ្ធិប្រជាធិបតេយ្យ និង​សិទ្ធិ​នយោបាយ ក្នុងការ​ជ្រើសរើស​អ្នកតំណាង​។

អ្នកនាំពាក្យ​នៃ​ទីស្តីការគណៈរដ្ឋមន្ត្រី​រូបនេះ បាន​ព្រមាន​ធ្ងន់ៗ តាមរយៈ​ការ​បង្ហោះ​សា​រ លើ​គណនី​ហ្វេ​ស​ប៊ុ​ក នៅ​ថ្ងៃទី​២២ ខែកុម្ភៈ ឆ្នាំ​២0១៨ យ៉ាង​ដូច្នេះ​ថា​៖ «​លទ្ធិប្រជាធិបតេយ្យ គឺជា​កម្មសិទ្ធិ​ផ្ទាល់​របស់​ប្រជាពលរដ្ឋ​មា្ន​ក់ៗ ហើយ​ជា​សកម្មភាព​នយោបាយ ក្នុងការ​ជ្រើសរើស​និង​ទទួលខុសត្រូវ​ លើ​ជោគវាសនា​របស់គេ​។ សិទ្ធិ​ស្វ័យ​សម្រេច​របស់​ប្រជាពលរដ្ឋ ត្រូវបាន​ទទួលស្គាល់​ដោយ​ធម្មនុញ្ញ​អង្គការសហប្រជាជាតិ រួមទាំង​កម្ពុជា​ផងដែរ​។ ដូច្នេះ យុទ្ធនាការ​របស់​បុគ្គ​ល​ណា ឬ​ក្រុម​ណា​ ប្រឆាំងនឹង​សិទ្ធិ​នេះ គឺ​មិន​ត្រឹមតែ​ជា [​អំពើ​នៃ​ក្រុម​] «ឧទ្ទាម» ​ប៉ុណ្ណោះ​ទេ តែ​ក៏​ជា​«សកម្មភាព​ភេរវកម្ម» ប្រឆាំងនឹង​អំណាច​ប្រជាពលរដ្ឋ ដែល​រដ្ឋាភិបាល មិន​អនុគ្រោះ​ជាដាច់ខាត​»​។​

​សារ​របស់លោក ផៃ ស៊ី​ផាន គឺធ្វើឡើង​ដើម្បី​ប្រតិកម្ម​នឹង​ ក្រុមប្រឹក្សា​ឃ្លាំមើល​កម្ពុជា (CWCI) ដែល​បាន​អំពាវនាវ មកកាន់​ប្រជាពលរដ្ឋ​កម្ពុជា កុំ​ឲ្យ​ចូលរួម​ការបោះឆ្នោត បើ​អវត្តមាន​គណបក្ស​សង្គ្រោះ​ជាតិ​។ តាមរយៈ​សេចក្តីអំពាវនាវ ក្រុមប្រឹក្សា​ឃ្លាំមើល​កម្ពុជា ដែលមាន​មូលដ្ឋាន​នៅ​ប្រទេស​ន័​រវេ​ស  ហើយ​តែងតែ​ប្រឆាំង​គណបក្សកាន់អំណាច​ និង​រដ្ឋាភិបាល​កម្ពុជា បានស្នើ​ឡើង​យ៉ាង​ដូច្នេះ​ថា​៖ «​បើ​អ្នក​ទៅ​បោះឆ្នោត មាន​ចំនួន​តិចជាង​ ៥០ ​ភាគរយ មានន័យថា​ប្រជាពលរដ្ឋ មិន​ពេញចិត្ត​នឹង​របប​ដឹកនាំ​របស់លោក [​នាយករដ្ឋមន្ត្រី​] ហ៊ុន សែន ហើយ​សហគមន៍​អន្តរជាតិ ក៏​មិន​ទទួលស្គាល់​ដែរ​។  [….] នេះហើយ ជា​ក្តីបារម្ភ​របស់លោក ហ៊ុន សែន និង​គណបក្សកាន់អំណាច​។ ក្រុមប្រឹក្សា​ឃ្លាំមើល​កម្ពុជា សូម​អំពាវនាវ​ដល់​ព​ល​រដ្ឋ​ខ្មែរ កុំទៅ​បោះឆ្នោត​»៕ អត្ថបទភ្ជាប់៖ https://www.thmeythmey.com/


ខាងក្រោមនេះជាអត្ថបទដើម ជាមួយប្រតិកម្មរបស់ ក្រុមប្រឹក្សាឃ្លាំមើលកម្ពុជា ច្រានចោលការចោទប្រកាន់ ពីសំណាក់របប ហ៊ុន សែន។

CWCI ថ្លែងការណ៍រឿង ពហិការការបោះឆ្នោត ខែកក្កដាCWCI អំពាវនាវពលរដ្ឋ កុំទៅបោះឆ្នោត ខែកក្កដា ២០១៨3cfb336974931fc05efbd014fc8af0c9photo_2017-11-27_14-38-538b0099db31cfa44270ec8be4f75b162b10670187_918366958259408_8520807832688678037_n

ក្រុមប្រឹក្សាឃ្លាំមើលកម្ពុជា ស្នើអូស្ត្រាលី ពិនិត្យ និងចាត់ការលើ ហ៊ុន សែន ករណីគំរាមកំហែងហិង្សា មុនកិច្ចប្រជុំកំពូល​អូស្ត្រាលី-អាស៊ាន

S.K- Chhany-Nath

សេចក្តីប្រកាសព័ត៌មាន

​ក្រុមប្រឹក្សាឃ្លាំមើលកម្ពុជា (Cambodia Watchdog Council International – CWCI) នឹងសរសេរលិខិតផ្លូវការ ផ្ញើជូនស្ថានទូតអូស្ត្រាលីប្រចាំប្រទេសកម្ពុជា, ន័រវ៉េស៍, ស៊ុយអែត, បារាំង, អាល្លឺម៉ង់ ក្រសួងការបរទេសអូស្ត្រាលី និងក្រសួងសន្តិសុខជាតិអូស្រ្តាលី រួមទាំងអង្គការអន្តរសភាអាស៊ាន (ASEAN Inter-Parliamentary Organization- AIPO) និងអគ្គលេខាធិការដ្ឋានអាស៊ាន (ASEAN Secretariat) ដើម្បីសំដែងក្តីព្រួយបារម្ភ ចំពោះសន្ទរកថាដ៏ហិង្សារបស់លោក ហ៊ុន សែន មេដឹកនាំកម្ពុជា បានថ្លែងគំរាមកំហែងដល់ពលរដ្ឋខ្មែរ-អូស្រ្តាលី ពីថ្ងៃទី២១ ខែកុម្ភៈ ឆ្នាំ២០១៨ ប្រឆាំងនឹងសិទ្ធិជួបជុំសាធារណៈ និងសេរីភាពបញ្ចេញមតិដោយសន្តិវិធី ដែលការពារដោយច្បាប់ជាតិ, អាស៊ាន និង អង្គការសហប្រជាជាតិ។

ក្រុមប្រឹក្សាឃ្លាំមើលកម្ពុជា នឹងស្នើរសុំឲ្យរដ្ឋាភិបាលអូស្រ្តាលី ឲ្យលុបចោលការអញ្ជើញលោក ហ៊ុន សែន មកចូលរួមកិច្ចប្រជុំកំពូល អាស៊ាន-អូស្រ្តាលី គ្រោងធ្វើឡើងនៅប្រទេសអូស្ត្រាលី ថ្ងៃទី១៥-១៨ ខែមីនា ឆ្នាំ​២០១៨ ខាងមុខ ដើម្បីបញ្ចៀសអំពើហិង្សាជាយថាហេតុណាមួយ ដែលបង្កដោយលោក ហ៊ុន សែន និងបក្ខពួក ចំពោះពលរដ្ឋខ្មែរ-អូស្រ្តាលី។

ផ្ទុយទៅវិញ ប្រសិនបើមិនមានការលុបចោលការអញ្ជើញទេ ហើយលោក ហ៊ុន សែន ពិតជានឹងសម្រេចចិត្ត ទៅចូលរួមប្រជុំកំពូលនោះមែន ក្រុមប្រឹក្សាឃ្លាំមើលកម្ពុជា សូមអំពាវនាវដល់រដ្ឋាភិបាលអូស្រ្តាលី ជាពិសេសក្រសួងសន្តិសុខជាតិអូស្រ្តាលី ត្រូវតែចាប់ខ្លួន លោក ហ៊ុន សែន ឲ្យទទួលខុសត្រូវចំពោះការគំរាមកំហែងរបស់ខ្លួនចំពោះមុខច្បាប់ តាមរយៈការចាប់ខ្លួនលោក ហ៊ុន សែន កាត់ទោសចំពោះចេតនាហិង្សានេះ ពីបទបឧក្រិដ្ឋ និងបង្កភេរវកម្ម។ ប្រទេសអូស្រ្តាលី មិនគួរអនុញ្ញាតិឲ្យជនណាម្នាក់ គំរាមកំហែង ប្រើហិង្សាលើពលរដ្ឋរបស់ខ្លួន នៅលើទឹកដីរបស់ខ្លួនឡើយ។

ក្រុមប្រឹក្សាឃ្លាំមើលកម្ពុជា សង្ឃឹមលើការគាំទ្ររបស់បងប្អូនខ្មែរ ដែលស្រឡាញ់មាតុភូមិ យុត្តិធម៌ ភាពអហិង្សា និងការគិតចំពោះប្រយោជន៍ជាតិ នឹងគាំទ្រនូវការទាមទារនេះ ចំពោះចំណាត់ការលើលោក ហ៊ុន សែន ពីសំណាក់រដ្ឋាភិបាលអូស្រ្តាលី។

ក្រុងគ្រីស្ទានសាន់ ថ្ងៃទី២២ ខែកុម្ភៈ ឆ្នាំ២០១៨
(ត្រា)
លេខាធិការដ្ឋានក្រុមប្រឹក្សាឃ្លាំមើលកម្ពុជា (ឬទាញយកត្រង់នេះ)

CWCI Cambodia press release on ASEAN-Australia
10670187_918366958259408_8520807832688678037_nCaptureដសដថ

បង្គោលព្រំដែនខ្មែរ-យួន លេខ២៦០ ត្រូវបានបោះ​លើមាត់​ព្រែកខ្មែរ ស្រុកបុរីជលសារ ខេត្តតាកែវ ដែលជាការឈ្លានពានចូលទឹកដីខ្មែរ

Captureុំុំុំុំ

#យើងសូមថ្កោលទោស ចំពោះការបោះបង្គោលព្រំដែន ក្នុងកាលៈទេសៈប្រទេជាតិ #កំពុងមានវិបត្តិនយោបាយធ្នន់ធ្ងរ។ ហើយការបោះបង្គោលព្រំដែន លេខ​​ ២៦០ នៅឃុំកំពង់ក្រសាំង ស្រុកបុរីជលសារ ខេត្តតាកែវនេះ គឺជាការប៉ោះចូលក្នុងទឹកដីខ្មែរសុទ្ធសាទ ដែលរបប ហ៊ុន សែន តម្រូវតាមចិត្តរបស់ភាគី យួន ចង់បាន។

ប្រវត្តិទំនាស់ព្រំដែន នៅស្រុកបុរីជលសារគឺថា «ព្រែកជីកព្រំដែនចាស់ ឬព្រែកជីក អុិន តាំ (មុនឆ្នាំ១៩៧០) ត្រូវបានយួន យកជាស្ថាពរហើយ។ ឥឡូវខ្មែរ-យួន កំណត់យកព្រែកជីកថ្មី (ហៅព្រែក ប៉ុល សារឿន ឆ្នាំ១៩៨៥) ជាខ្សែបន្ទាត់ព្រំដែន នៃប្រទេសទាំងពីរ។ ដូច្នេះយួន យកដីខ្មែរ ជម្រៅពី ៥០ ម៉ែត្រ ទៅជាង ២០០ ម៉ែត្រ»។ ផ្ទុយទៅវិញ ការបោះបង្គោលព្រំដែននាពេលនេះ ត្រូវបានរំកិលចូលមកលើខ្នងព្រែក ខាងភាគីខ្មែរបន្ថែមទៀតតែម្តង។

ខ្ញុំ ម៉ែន ណាត ជាសាក្សី ដែលធ្លាប់បានទៅពិនិត្យព្រំដែនខ្មែរ-យួន នៅខាងកើត ស្រុកកំណើតរបស់ខ្ញុំ តាំងពី២០០០, ២០០២, ២០០៤ និង ឆ្នាំ​២០១៤ ហើយបានជួបសំណេះសំណាល ជាមួយបងប្អូនខ្មែរ ព្រមមន្រ្តីព្រំដែនខ្មែរ ​នៅទីនោះ អំពីរឿងព្រំដែន និងរឿង យួន ចេញចូលតាមច្រកព្រំដែន តាមអំពើចិត្ត។

#ក្នុងនាមខ្លួនខ្ញុំផ្ទាល់ និង #ក្រុមប្រឹក្សាឃ្លាំមើលកម្ពុជា សូមអំពាវនាវជាថ្មីម្តងទៀត ទៅរបប ហ៊ុន សែន ត្រូវបញ្ឈប់ការបោះបង្គោលព្រំដែន ជាបន្ទាន់ ពីព្រោះការបោះបង្គោលព្រំដែន ជាមួយភាគីវៀតណាម តាំងពីឆ្នាំ២០០៦ មក ធ្វើឲ្យខ្មែរ បាត់បង់ភូមិករ និងដីស្រែចំការ របស់ពលរដ្ឋខ្មែរ តាមបណ្តោយព្រំដែន។

ការបោះបង្គោលព្រំដែន អាចធ្វើទៅបាន ដរាបណាប្រទេសកម្ពុជា ត្រូវមានការឯកភាពជាតិជាមុនសិន ហើយភាគីកម្ពុជា ត្រូវតែផ្ទៀងផ្ទាត់ និងសើរើឡើងវិញ នូវសន្ធិសញ្ញាព្រំដែនខុសច្បាប់ មុនសឆ្នាំ១៩៩០ និង សន្ធិសញ្ញាព្រំដែន ឆ្នាំ​២០០៥ ដែលធ្វើឲ្យភាគខ្មែរ បាត់បង់បូរណភាណពទឹកដីរបស់ខ្លួន។

ដូច្នេះរបប ហ៊ុន សែន ត្រូវតែទទួលខុសត្រូវចំពោះមុខប្រវត្តិសាស្រ្ត និងត្រូវតែភ្ញាក់រលឹកឡើងវិញ គឺត្រូវប្តឹងសើរើ សន្ធិសញ្ញា និង បង្គោលព្រំដែនទាំងអស់ ទៅម្ចាស់ហត្ថលេខីនៃ កិច្ចព្រមព្រៀងទីក្រុងប៉ារីស ឆ្នាំ១៩៩១ និង តុលាការអន្តរជាតិ ទីក្រុងឡាអេ។ លោក ហ៊ុន សែន ត្រូវតែស្នើទៅភាគី យួន ឲ្យយក​បង្គោល​ព្រំដែនទាំង ១២៤ ពីសម័យអាណានិគមបារាំង មកដាក់ត្រង់កន្លែងដើមវិញ។

ដោយ ម៉ែន ណាត ប្រធានក្រុមប្រឹក្សាឃ្លាំមើលកម្ពុជា (ប្រទេសន័រវេស៍) / ថ្ងៃទី០៨ កុម្ភៈ ២០១៨)


#ពីបណ្តាញសង្គម៖ ហ៊ុន សែន កាត់ដី និងព្រែកនៅស្រុកបូរីជលសារ ខេត្តតាកែវ ឲ្យយួនទៀតហើយ!
ពត៌មានតាមបណ្តាញសង្គម បានផ្សាយនៅថ្ងៃនេះថា អាជ្ញាធរខ្មែរ យួន បានព្រមព្រៀងគ្នា បោះបង្គោលព្រំដែនខ្មែរ យួន លេខ ២៦០ ស្ថិតនៅទល់មុខ​ច្រក​ទ្វារ​ទ្វេភា គី​កំពង់ក្រសាំង ក្នុង​ស្រុក​បូរីជលសារ ខេត្ត​តាកែវ តែក្នុងទឹកដីខ្មែរ ។

Read more

« Older Entries