Tag Archives: ឌី ការេត

គណៈកម្មាធិការព្រំដែនកម្ពុជា ទាមទារឲ្យ ហ៊ុន សែន លុបចោលសន្ធិសញ្ញានានា ដែលនាំឲ្យកម្ពុជា ខាតបង់ព្រំដែន និងប្រជុំ កោះត្រល់

ឌី ការេត ១

គណៈកម្មាធិការព្រំដែនកម្ពុជា ទាមទារឲ្យ ហ៊ុន សែន លុបចោលសន្ធិសញ្ញានានា ដែលនាំឲ្យកម្ពុជា ខាតបង់ព្រំដែន និងប្រជុំ កោះត្រល់


គណៈកម្មាធិការព្រំដែនកម្ពុជា ប្រទេសបារាំង ទាមទារឲ្យរដ្ឋាភិបាលកម្ពុជា លុបចោលទាំងអស់នូវកិច្ចព្រមព្រៀង នយោបាយ និងទឹកដី ជាមួយ​វៀតណាម ដែលធ្វើឡើងកាលពី ឆ្នាំ១៩៧៩ ដល់ឆ្នាំ១៩៨៩ ដើម្បីការពារអធិបតេយ្យរបស់កម្ពុជា មិនឲ្យបាត់បង់ទៅ វៀតណាម។

ការទាមទាររបស់ក្រុមនេះ ធ្វើឡើងក្រោយពីលោក ហ៊ុន សែន ថ្លែងនៅចំពោះក្រុមអ្នកគាំទ្ររបស់លោក ក្នុងប្រទេសអូស្ត្រាលីកាល ពីពាក់កណ្តាលខែមីនា ថារដ្ឋធម្មនុញ្ញកម្ពុជា មានចំនុចខ្សោយពីរ ដែលលំបាកតវ៉ា ជាមួយប្រទេសជិតខាង។ ចំនុចខ្សោយទី១ នៃរដ្ឋធម្មនុញ្ញ គឺការកំណត់ចន្លោះឆ្នាំ១៩៣៣ និង១៩៥៣ នៃការធ្វើផែនទីកម្ពុជា ហើយ ទី២ គឺផែនទី ខ្នាត១ លើ ២០០ពាន់ ជាមួយប្រទេសថៃអត់បានដាក់ក្នុង រដ្ឋធម្មនុញ្ញ។

ប្រធានគណៈកម្មាធិការព្រំដែនកម្ពុជា លោក ស៊ាន ប៉េងសែ កាលពេលនៅរស់ ធ្លាប់អះអាងថា សន្ធិសញ្ញាឆ្នាំ១៩៨២, ៨៣ និង ៨៥ ដែលលោក ហ៊ុន សែន បានចុះហត្ថលេខា ជាមួយលោក ង្វៀង កូថាច់ រដ្ឋមន្ត្រីការបរទេសវៀតណាម ខណៈកម្ពុជា ស្ថិតក្រោមការត្រួតត្រារបស់កងទ័ពវៀតណាម បាននាំឲ្យកម្ពុជា បាត់ព្រំដែនទឹករបស់ខ្លួន ចម្ងាយជាង ៣ ម៉ឺនគីឡូម៉ែត្រការ៉េ ហើយបានបាត់ កោះត្រល់ ទំហំជាង ៥០០ គីឡូម៉ែត្រការ៉េ ដែលមានទំហំប៉ុនប្រទេសសិង្ហបុរីទាំងមូល។ លោក បន្តថាសន្ធិសញ្ញាទាំងនេះ ក៏បាននាំឲ្យកម្ពុជាបាត់ កោះក្រចកសេះ ទំហំប្រហែល ៦ គីឡូម៉ែត្រការ៉េថែមទៀត។ (ពី The Cambodia Daily / 21-4-2018)

14358775_1063990477030388_1591452018098723890_n

1985-map-1

CFC, DECLARATION sur la Constitution et Koh Tral, 22mars2018, Kh_Page_1CFC, DECLARATION sur la Constitution et Koh Tral, 22mars2018, Kh_Page_2capturee19e85e19e9f

Advertisements

បណ្ឌិត ឌី ការេត បញ្ជាក់អំពី​រដ្ឋធម្មនុញ្ញ «មាត្រា២», ព្រំដែនដីគោក ​និង កោះត្រល់ ប្រឆាំងជំទាស់នឹង​ការអះអាង​របស់ ហ៊ុន សែន

 

ឌី ការេត ១

លោកបណ្ឌិត ឌី ការេត បញ្ជាក់អំពី​រដ្ឋធម្មនុញ្ញ (មាត្រា២), ព្រំដែនដីគោក ​និង កោះត្រល់ នៃបូរណភាពទឹកដីខ្មែរ ប្រឆាំងជំទាស់នឹងការអះអាងរបស់ ហ៊ុន សែន ថ្មីៗនេះ!

កាលពីថ្ងៃទី ១៧ ខែមីនា ២០១៨ នៅចំពោះមុខពលរដ្ឋខ្មែរ នៅអូស្ត្រាលី នាយករដ្ឋមន្ត្រី ហ៊ុន សែន បាន​អះអាងថា រដ្ឋធម្មនុញ្ញរបស់កម្ពុជា (ឆ្នាំ១៩៩៣) ​មានចំណុចខ្សោយ ២ ជាហេតុនាំឲ្យពិបាក ក្នុង​ការតវ៉ា លើបញ្ហាទឹកដី ជាមួយ​ប្រទេសជិតខាង ហើយគាត់ត្រូវប្រឹងប្រែងរក្សាទឹកដី បន្សល់​​ដោយសម្តេច នរោត្តម សីហនុ និងត្រូវប្រឹងបោះបង្គោលព្រំដែន ឲ្យបានរឹងមាំ។

ហ៊ុន សែន បានអះអាងទៀតថា កោះត្រល់ (យូនហៅ ភូកុក) គឺអគ្គទេសាភិបាលបារាំង ឈ្មោះ ​(ហ្សុល) ប្រ៊េវីយ៉េ (Jules Brévié) គូសកំណត់ ទៅឲ្យវៀតណាម តាំងពីឆ្នាំ១៩៣១ មកម្ល៉េះ។ លុះនៅឆ្នាំ ១៩៤៩ សភាបារាំង ក៏មានការប្រជុំ រឿងកូសាំងស៊ីន រួមទាំង ​កោះត្រល់ ដែរ តែខ្មែរមិនបាន​តវ៉ានោះទេ ថែមទាំងបោះឆ្នោតអនុប្បវាទថែម ទៀតផង។

ជាការឆ្លើយតប លោកបណ្ឌិត ឌី ការេត ប្រធានស្តីទីនៃ គណៈកម្មាធិការព្រំដែនកម្ពុជា បានប្រឆាំងជំទាស់ ចំពោះការអះអាងរបស់ ហ៊ុន សែន ដែល ហ៊ុន សែន ខ្លួនឯងជាអ្នកចុះហត្ថលេខា លើឯកសារនានា ជាមួយវៀតណាម តាំងពីទសវត្សទី ៨០ មកទល់សព្វថ្ងៃ ធ្វើឲ្យកម្ពុជា បាត់បង់បូរណភាពទឹកដី ហើយ យួប កាន់កាប់ប្រជុំ កោះត្រល់ ទាំងស្រុង។ (សូមអាន ឬទាញយកសេចក្តីថ្លែងការណ៍ CFC)។

CFC, DECLARATION sur la Constitution et Koh Tral, 22mars2018, Kh_Page_1CFC, DECLARATION sur la Constitution et Koh Tral, 22mars2018, Kh_Page_2
27067145_1539679609461470_6609290173237821459_n11866367_831987446897360_16957174121862871_n

ក្រុមប្រឹក្សាឃ្លាំមើលកម្ពុជា ស្នើលោក ឌី ការេត ជាបេក្ខភាពប្រធានថ្មី គណៈកម្មាធិការព្រំដែនកម្ពុជា

15326561_1730817187239511_1997076751533590014_n

ក្រុមប្រឹក្សាឃ្លាំមើលកម្ពុជា ផ្ញើជូនលោកបណ្ឌិត ឌី ការេត ប្រធានស្តីទីនៃ គណៈកម្មាធិការព្រំដែនកម្ពុជាប្រទេសបារាំង និងពិភពលោក អំពីការជ្រើសរើសថ្នាក់ដឹកនាំថ្មី (អាចទាញយកលិខិតនេះ)
…………………..
ក្រុមប្រឹក្សាឃ្លាំមើលកម្ពុជា មានកិត្តិយសសូមសរសេរលិខិតមួយច្បាប់នេះ ផ្ញើជូនចំពោះសមាជិក​សមាជិកា​នៃ គណៈកម្មាធិការព្រំដែនកម្ពុជា ប្រទេសបារាំង និងពិភពលោក ខណៈពេលគណៈកម្មាធិការព្រំដែននេះ រៀបចំជ្រើសរើសថ្នាក់ដឹកនាំថ្មី នៅថ្ងៃទី១១ ខែមីនា ឆ្នាំ​២០១៨ ដើម្បីបន្តបេសកកម្មរបស់ លោក ស៊ាន ប៉េងសែ ដែលបានទទួលមរណភាព កាលពីចុងខែមករា ឆ្នាំ២០១៨ កន្លងទៅ «ក្នុងការការពារបូរភាពទឹកដីខ្មែរ ប្រឆាំងសន្ធិសញ្ញាព្រំដែនខុសច្បាប់ ផែនទីខុសច្បាប់ និងឯកសារខុសច្បាប់នានា ដែលធ្វើឡើងដោយរបប ហ៊ុន សែន សព្វថ្ងៃ»។

ក្រុមប្រឹក្សារបស់យើងខ្ញុំ យល់ស្របជាមួយសមាជិកមួយចំនួននៃ គណៈកម្មាធិការព្រំដែន ដែលស្នើឡើងថា «សូមប្រគល់ភារកិច្ចទាំងអស់ជូនក្រុមការងារ អ្នកបច្ចេកទេស និងអ្នកជំនាញនៅប្រទេស​បារាំង ចាត់ចែងទទួលខុសត្រូវរបស់ស្ថាប័ន» ផ្តល់ភាពងាយស្រួលក្នុងការយន្តការ​ការងាររបស់ខ្លួន។

ដោយឡែកករណីមានសមាជិក ១នាក់ ឬ ២នាក់ ដែលចេញផ្សាយសេចក្តីប្រកាស ទិតៀនក្រុមការងារខ្លះ និងលោកបណ្ឌិត ឌី ការេត នៅក្នុងគោលបំណងអ្វីផ្សេងនោះ វាមិនឆ្លុះបញ្ចាំងពីការពិតជាក់ស្តែង នៅចំពោះមុខសកម្មភាពការងាររបស់គណៈកម្មាធិការព្រំដែនកម្ពុជាទេ។

យើងខ្ញុំសូមស្នើយោបល់​ដល់សមាជិកសមាជិកា គណៈកម្មាធិការព្រំដែន​​​កម្ពុជា សូមផ្តល់ការគាំទ្រ លោកបណ្ឌិត ឌី ការេត ជាបេក្ខភាពប្រធាន សម្រាប់អាណត្តិថ្មី។

ដោយសេចក្តីគោរពដ៏ខ្ពង់ខ្ពស់អំពីយើងខ្ញុំ។
ប្រធានក្រុមប្រឹក្សាឃ្លាំមើលកម្ពុជា
(ហត្ថលេខា)
ម៉ែន ណាត

CFC - CWCI ផ្ញើជូនលោក ឌី ការេតCFC Norway 07-03-2018-signed27536023_592443601096366_1434970615_o27460032_1713183462074718_682769877597157942_n22814350_10211960516425900_5479263300456782306_n27067145_1539679609461470_6609290173237821459_n

ស៊ាន ប៉េងសែ អ្នក​រិះគន់​រដ្ឋាភិបាល​រឿង​ព្រំដែន បាន​ទទួល​មរណភាព​ហើយ

Capture​​ុំុំម

(ដោយ បែន សុខហ៊ាន / Phnom Penh Post /25-1-2018)
ភ្នំពេញ៖ អតីត​អ្នក​ជំនាញ​ព្រំដែន​កម្ពុជា ​លោក ស៊ាន ប៉េងសែ ដែល​ជា​អ្នក​រិះគន់​ឥតសំចៃ ​មក​លើ​រដ្ឋាភិបាល​ ជុំវិញ​បញ្ហា​ព្រំដែន និង​ ជា​អតីត​មន្ត្រី​ជាន់ខ្ពស់​ ក្នុង​របប​លោក​សេនាប្រមុខ លន់ នល់ នា​ទសវត្សរ៍​ទី​ ៧០ បាន​ទទួល​មរណភាព ​នៅ​វេលា​ម៉ោង​ ៤ ​ទៀបភ្លឺ ថ្ងៃ​អង្គារ {ថ្ងៃទី ២៣ ខែមករា ២០១៨}​ ក្នុង​ទីក្រុង​ប៉ារីស ទី​ដែល​លោក​បាន​រស់នៅ​ ដោយ​និរទេស​ ចាប់​តាំងពី​ការ​ដួលរលំ​នៃ ​របប​សាធារណរដ្ឋ​ខ្មែរ​ ដែល​គាំទ្រ​ដោយ​សហរដ្ឋអាមេរិក​មក​។

លោក​ ប៉េងសែ បាន​ទទួល​មរណភាព​ក្នុង​ជន្មាយុ ៨២ ឆ្នាំ​ដោយ​រោគាពាធ ​នៅ​មន្ទីរពេទ្យ (Centre Hospitalier d’Orgemont, 77100 Meaux, France) បន្ទាប់ពី​លោក ​បាន​រស់នៅ​ដោយ​និរទេស​ខ្លួន​តាំងពី​ឆ្នាំ​ ១៩៧៤ ​មក​។ លោក ប៉េងសែ កើត​នៅ​ថ្ងៃ​ទី​ ១ ខែ​មករា ឆ្នាំ​ ១៩៣៦ នៅ​ក្នុង​ឃុំ​ស្ពឺ ស្រុក​ចំការលើ ខេត្ត​កំពង់ចាម​។

លោក​ បាន​រៀប​អាពាហ៍ពិពាហ៍​ជាមួយ​អ្នកស្រី វណ្ណ ដារ៉េត ដែល​ត្រូវ​ជា​ក្មួយ​បង្កើត​របស់​ព្រឹទ្ធាចារ្យ​ស្ថាបត្យករ​ខ្មែរ​ដ៏ល្បីល្បាញ វណ្ណ មូលីវណ្ណ នៅ​ខែ​មករា ឆ្នាំ​ ១៩៦៦ ដោយ​មាន​កូន​ចំនួន​ ៤ ​នាក់​ ប្រុស​ ៣ នាក់​។ លោក ​មាន​ឪពុក​ឈ្មោះ ស៊ាន ប៊ុនសេង និង​ម្តាយ​ឈ្មោះ ហេង យូឡាយ​។

តាម​ការ​បញ្ជាក់​របស់​ លោក ឌី ការ៉េត អតីត​អ្នក​កាសែត​ជើងចាស់ និង​ជា​មិត្តភក្តិ​ជិតស្និទ្ធ ​ដែល​បាន​សរសេរ​ប្រវត្តិ​របស់​ លោក ប៉េងសែ បាន​ប្រាប់​ភ្នំពេញ​ប៉ុស្តិ៍​ពី​ទីក្រុង​ប៉ារីស​ កាលពី​ម្សិលមិញ​ថា​ លោក ប៉េងសែ បាន​សិក្សា​នៅ​វិទ្យាល័យ​ព្រះសីហនុ​ ក្នុង​ខេត្ត​កំពង់ចាម និង​បន្ត​ទៅ​វិទ្យាល័យ​ស៊ីសុវត្ថិ​ ក្នុង​ទីក្រុង​ភ្នំពេញ​។ ចន្លោះ​ពី​ឆ្នាំ ១៩៥៩ ដល់​ឆ្នាំ​ ១៩៦០ លោក ​បាន​អាហារូបករណ៍​ទៅ​រៀន ​នៅ​ប្រទេស​បារាំង ​នៅ​សាលា​ជាន់​ខ្ពស់​បារាំង សិក្សា​អំពី​ រ៉ែ និង​បាន​ទទួល​សញ្ញាបត្រ​ជា​វិស្វករ​។

លោក ​បាន​ត្រឡប់​មក​កម្ពុជា ​ក្រោយពី​បញ្ចប់​ការ​សិក្សា​ និង​ធ្វើ​ជា​នាយក​មន្ទីរ ​រ៉ែ នៃ​ក្រសួង​ឧស្សាហកម្ម ចន្លោះ​ពី​ឆ្នាំ​ ១៩៦៧ ដល់​ ១៩៧០​។

នៅ​ថ្ងៃ​ទី​ ១១ ខែ​មេសា​ឆ្នាំ​ ១៨៧០ ​លោក ​ត្រូវ​បាន​តែងតាំង​ជា​អគ្គស្នងការ​ទទួល​បន្ទុក​ថាមពល រ៉ែ និង​សមុទ្រ​។ នៅ​ខែ​ឧសភា ​ឆ្នាំ​ ១៩៧៣ ​របប​សាធារណរដ្ឋ​ខ្មែរ ​បាន​តែងតាំង​លោក​ ជា​រដ្ឋមន្ត្រី​ក្រសួង​ឧស្សាហកម្ម រ៉ែ និង ​សិប្បកម្ម​។ នៅ​ខែ​ឧសភា ១៩៧៤ លោក​ត្រូវ​បាន​តែងតាំង​ជា​ប្រធាន​គណៈប្រតិភូ​កម្ពុជា​ ដើម្បី​ចូលរួម​ការ​ចរចា​ អំពី​បញ្ហា​ព្រំដែន​ ជាមួយ​វៀតណាម ខាង​ត្បូង​ នៅ​ទីក្រុង​ប៉ារីស​។

លោក ឌី ការ៉េត បញ្ជាក់​ថា​ពេល​នោះ​ហើយ​ដែល ​លោក​ ស៊ាន ប៉េងសែ ត្រូវ​ជាប់​គាំង ​នៅ​ប្រទេស​បារាំង  ខណៈ​កងទ័ព​ខ្មែរក្រហម ​បាន​ផ្តួល​រំលំ​របប​សាធារណរដ្ឋ​ខ្មែរ និង​ចូល​កាន់កាប់​ទីក្រុង​ភ្នំពេញ​ នៅ​ឆ្នាំ​ ១៩៧៥​។ លោក​ ប៉េងសែ បាន​ទទួល​សញ្ជាតិ​បារាំង ​នៅ​ឆ្នាំ ១៩៧៩​។

លោក​ បាន​បង្កើត ​គណៈកម្មាធិការ​ព្រំដែន​កម្ពុជា​​ ដែល​មាន​មូលដ្ឋាន​នៅ​ទីក្រុង​ប៉ារីស​ នា​ឆ្នាំ​ ១៩៩៩ ដែល​មាន​លោក​ជា​ប្រធាន ​រហូត​មក​ដល់​សព្វថ្ងៃ និង​បាន​ធ្វើ​ដំណើរ​មក​ប្រទេស​កម្ពុជា ​ក្នុង​ឆ្នាំ​ ២០០០ ដើម្បី​ជួប​ជាមួយ ​ព្រះមហាក្សត្រ​ នរោត្តម សីហនុ ដើម្បី​ស្នើ​ឲ្យ​ព្រះអង្គ អន្តរាគមន៍​លុប​ចោល​សន្ធិសញ្ញា​ឆ្នាំ​ ១៩៨២ និង ១៩៨៥ ដែល​ចុះ​ហត្ថលេខា​ដោយ​រដ្ឋាភិបាល​ខ្មែរ​សម័យ​នោះ ​ដែល​លោក​ចាត់ទុក​ថា «​បាន​ធ្វើឲ្យ​បាត់បង់​ទឹកដី សមុទ្រ កោះត្រល់ និង​កោះ​ក្រចក​សេះ​ ទៅ​ប្រទេស​វៀតណាម ខណៈ​ដែល​ពេល​នោះ​ប្រទេស​កម្ពុជា​ គ្រប់គ្រង​ដោយ​កងទ័ព​វៀតណាម​»​។

លោក​ ឌី ការ៉េត ថ្លែង​ថា​៖ «​គាត់​គឺជា​បុគ្គល​ស្លូតបូត​ល្អ ត្រឹមត្រូវ ចិត្តត្រង់ និង​មាន​ចិត្ត​សប្បុរស ជាមួយ​មិត្តភក្ដិ​ណាស់ អត់​ចេះ​ភូត ឬ​និយាយ​បំផ្លើស​។ គាត់​ជា​មនុស្ស​មាន​សីលធម៌​ខ្ពស់​… ​ប៉ុន្តែ​រឿង​មួយ​ទៀត​នៅ​ពេល​ចាប់ផ្តើម​និយាយ​គ្នា គាត់​អត់​និយាយ​រឿង​អី​ក្រៅ​ ពី​រឿង​បូរណភាព​ទឹកដី រឿង​ព្រំដែន និង​រឿង​គាត់​មួម៉ៅ ក្ដៅក្រហាយ នឹង​សន្ធិសញ្ញា ដែល​យួន​ ស៊ីញ៉េ​ជាមួយ​លោក​ ហ៊ុន សែន អំពី​រឿង​ទឹកដី រឿង​ព្រំដែន​។ គាត់​ខឹង​ណាស់ គាត់​មួម៉ៅ​ណាស់​។ គាត់ ​បាន​ផ្តាំ​ហើយ​ផ្តាំ​ទៀត ឲ្យ​លុប​ចោល​សន្ធិសញ្ញា​ឆ្នាំ​ ១៩៨២ រឿង​សមុទ្រ និង ១៩៨៥ រឿង​ព្រំដែន​ដីគោក​»​។

លោក​បញ្ជាក់​ថា​លោក​ ប៉េងសែ ចាត់ទុក​សន្ធិសញ្ញា​ទាំង​នេះ ​រួម​ទាំង​សន្ធិសញ្ញា​បំពេញ​បន្ថែម​ឆ្នាំ ២០០៥ ថា​ «​ខុស​ច្បាប់​» ​និង​ «​បំពាន​លើ​ច្បាប់​អន្តរជាតិ​»

ទោះ​ជា​យ៉ាង​ណា​ មន្ត្រី​រដ្ឋាភិបាល​កម្ពុជា ​បាន​ច្រានចោល​ការ​លើក​ឡើង​ទាំង​នេះ ​ហើយ​លោក​នាយក​រដ្ឋមន្ត្រី​ ហ៊ុន សែន ​ធ្លាប់​ធ្វើការ​បំភ្លឺ​ជាច្រើន​ម៉ោង នៅ​ក្នុង​រដ្ឋសភា​កាលពី​ឆ្នាំ​ ២០១២ ជុំវិញ​បញ្ហា​ព្រំដែន​នេះ​។ Read more

លិខិតរំលែកទុក្ខ ជូនចំពោះក្រុមគ្រួសារសព លោក ស៊ាន ប៉ែងសែ អ្នកជំនាញការ​ព្រំដែនកម្ពុជា និង​ជាប្រធាន​គណៈកម្មការព្រំដែនកម្ពុជា

12a ប៉េងសែ

លិខិតរំលែកមរណទុក្ខ ជូនចំពោះក្រុមគ្រួសារសព លោក ស៊ាន ប៉ែងសែ

ក្នុងនាមក្រុមប្រឹក្សាឃ្លាំមើលកម្ពុជា និង សមាគមពុទ្ធសាសនិកជនខ្មែរ (សហគមន៍ខ្មែរ) នៅប្រទេស​ន័រវេស៍ ខ្ញុំសូមចូលរួមរំលែកមរណទុក្ខយ៉ាងក្រៀមក្រំ ជាមួយក្រុមគ្រួសារ និងសមាជិកសមាជិកានៃ គណ:កម្មាធិការព្រំដែនកម្ពុជា ប្រទេសបារាំង បន្ទាប់ពីបានទទួលដំណឹងថា លោក ស៊ាន ប៉េងសែ ជាស្ថានិក និងជាប្រធានគណ:កម្មាធិការព្រំដែនកម្ពុជា ទទួលមរណភាព នាថ្ងៃទី ២៣ ខែមករា ឆ្នាំ២០១៨ ម៉ោង ៤ ហៀបភ្លឺ ដោយរោគាពាធ នៅមន្ទីពេទ្យ ទីក្រុងប៉ារីស ប្រទេសបារាំង (Centre Hospitalier d’Orgemont, 77100 Meaux, France) ក្នុងជន្មាយុ ៨២ ឆ្នំា។ (សូមចុចអានលិខិត)!

មរណភាពរបស់ លោក ស៊ាន ប៉េងសែ គឺជាការបាត់បង់អ្នកជំនាញការគូសផែនទីខ្មែរ និង ជាធនធានមនុស្សរបស់ពលរដ្ឋខ្មែរដ៏ល្អម្នាក់ ដែលបានចំណាយពេលស្ទើរតែពាក់កណ្តាលជីវិត ដើម្បីបុព្វហេតុការពារបូរណភាពទឹកដីខ្មែរ និងការផ្តូចផ្តើមគំនិតតវ៉ារឿងប្រជុំ កោះត្រល់ ពីប្រទេសវៀតណាម នៅលើមូលដ្ឋានច្បាប់ជាតិ-អន្តរជាតិ ដែលពាក់ព័ន្ធកិច្ចការរបស់កម្ពុជា បើទោះបីជារបបដឹកនាំរបស់លោក ហ៊ុន សែន មិនខ្វល់ខ្វាយអំពីការបាត់បង់ទឹកដី និងប្រជុំ កោះត្រល់ ទៅប្រទេសជិតខាងក្តី។

វីរភាព និងកិច្ចប្រឹងប្រែងរបស់លោក ព្រមទាំងសមាជិកនៃ គណៈកម្មាធិការព្រំដែនកម្ពុជា បានផ្តល់ឯកសារស្រាវជ្រាវផ្លូវច្បាប់ផង និងលើកទឹកចិត្តដល់យុវជនខ្មែរ ពលរដ្ឋខ្មែរ ឲ្យចេះចូលរួមការពារបូរណភាពទឹកដីខ្មែរ និងឲ្យចេះស្រឡាញ់ប្រទេសជាតិ។

ជាទីបញ្ចប់ យើងខ្ញុំសូមឧទ្ទិសកុសលផលបុណ្យ ជូនវិញ្ញាណខន្ធ លោក ស៊ាន ប៉េងសែ ឲ្យបានដល់ឋានសុគតិភព កុំបីឃ្លៀងឃ្លាតឡើយ។

ធ្វើនៅទីក្រុងគ្រីស្ទានសាន់ ថ្ងៃទី២៤ ខែមករា ឆ្នាំ២០១៨

ប្រធាន (ហត្ថលេខា)
ម៉ែន ណាត

កម្ពុជាជួបវិបត្តិធ្ងន់ធ្ងរជាថ្មី ដោយសារ ហ៊ុន សែន កំអែលកុម្មុយនីស្ត ថ្ងៃ ៧ មករា ជាថ្ងៃរំលឹកយួន ឈ្លានពានកម្ពុជា ព្រំដែនគោក និង កោះត្រល់

22814350_10211960516425900_5479263300456782306_n

សេចក្តីថ្លែងការណ៍របស់ ក្រុមប្រឹក្សាឃ្លាំមើលកម្ពុជា៖ កម្ពុជាជួបវិបត្តិធ្ងន់ធ្ងរជាថ្មី ដោយសាររបប ហ៊ុន សែន កំអែលកុម្មុយនីស្ត ថ្ងៃ ៧ មករា (សូមអានសេចក្តីថ្លែងការណ៍)

ស្របពេលរបប ហ៊ុន សែន និងបក្សប្រជាជនកម្ពុជា ជាបក្សបង្កើតដោយវៀតណាមកុម្មុយនីស្ត រៀបចំប្រារព្វខួបថ្ងៃ ៧ មករា ជាថ្ងៃកំណើតទី២ របស់ពួកគេ ក្រោយពេលពួកគេ ចាប់ឃុំខ្លួនលោក កឹម សុខា ប្រធានបក្សសង្គ្រោះជាតិ, បិទស្ថាប័នផ្សព្វផ្សាយឯករាជ្យ អង្គការសង្គមស៊ីវិល ព្រមទាំង រំលាយគណបក្សសង្គ្រោះជាតិ និងរចនាសម្ព័ន្ធគណបក្សនេះ (សមាជិកសភា ៥៥ រូប និងក្រុមប្រឹក្សាឃុំសង្កាត់ជាង ៥០០០ នាក់) ដែលមានពលរដ្ឋគាំទ្រជិតកន្លះនគរ (ឬ ៤៤%) កាលពីថ្ងៃទី១៦ ខែវិច្ឆិកា ឆ្នាំ២០១៧ នោះ គឺជាការធ្វើឲ្យកម្ពុជា ធ្លាក់ទៅក្នុងអន្លុងវិបត្តិធ្ងន់ធ្ងរជាថ្មី ដែលពលរដ្ឋខ្មែរ និងសហគមន៍អន្តរជាតិ កំពុងព្រួយបារម្ភ ធ្វើការថ្កោលទោសយ៉ាងដាច់អហង្កា

ក្រុមប្រឹក្សាឃ្លាំមើលកម្ពុជា សូមចាត់ទុកថាថ្ងៃ ៧ មករា ឆ្នាំ១៩៧៩ មិនមែនជាថ្ងៃកំណើតទី២ ដូចការអះអាងរបស់លោក ហ៊ុន សែន ​និងគណបក្សប្រជាជនកម្ពុជាទេ ពោលគឺវាជាថ្ងៃ ដែលវៀតណាម ចូលមកឈ្លានពាន និងកាន់កាប់កម្ពុជាដោយកម្លាំយោធា ដែលផ្ទុយច្បាប់ និងប្រូតូកូលអន្តរជាតិ។ ទន្ទឹមនឹងនោះ វៀតណាម បានបញ្ជួនពលរដ្ឋរបស់ខ្លួន ឲ្យមករស់នៅក្នុងប្រទេសកម្ពុជា រាប់លាននាក់ ដែលយើងនៅតែចាត់ថា «ជានិគមជនយួនខុសច្បាប់នៅកម្ពុជា» មកទល់សព្វថ្ងៃ។

ក្នុងអំឡុងពេលវៀតណាម ត្រួតត្រាប្រទេសកម្ពុជា ១០ឆ្នាំ (១៩៧៩-១៩៨៩) ត្រូវបានអង្គការសហប្រជាជាតិ (UN) ចាត់ទុកថា «វៀតណាម ឈ្លានពានប្រទេសកម្ពុជា»។ ពេលនោះវៀតណាម  បានបង្ខំឲ្យរបប ហ៊ុន សែន ធ្វើនៅសន្ឋិសញ្ញា  កិច្ចព្រមព្រៀង និងឯកសារខុសច្បាប់ជាច្រើន ដើម្បីបំពេញមហិច្ឆតាឈ្លានពានកម្ពុជា ដូចជាព្រំដែនទឹក, ការកំណត់ព្រំដែន​គោកជាថ្មី និងប្រជុំ កោះត្រល់ ផងទៀត។

សន្ធិសញ្ញាស្តីពីមិត្តភាព និងសហប្រតិបត្តិការរវាងកម្ពុជាវៀតណាម ថ្ងៃទី១៨ កម្ភៈ ឆ្នាំ១៩៧៩ ចុះហត្ថលេខា​ដោយ លោក ហេង សំរិន និង សារាចរណ៍ណែនាំ ថ្ងៃទី២៦ កុម្ភៈ ឆ្នាំ១៩៨៦ ចុះហត្ថលេខាដោយលោក ហ៊ុន សែន បានផ្តល់សិទ្ធិ និងជួយការពារពលរដ្ឋវៀតណាម នៅកម្ពុជា។ ម៉្ល៉ោះហើយ យួនខុសច្បាប់នៅកម្ពុជាសព្វថ្ងៃ នៅតែបន្តរស់នៅស្រុកខ្មែរ យ៉ាងមានសេរី និងបង្កផលវិបាកដង្គមជាច្រើន

សន្ធិសញ្ញាព្រំដែនទឹកប្រវត្តិសាស្រ្ត ថ្ងៃទី០៧ ខែកក្កដា ឆ្នាំ១៩៨២ ដែលចុះហត្ថេលខាដោយលោក ហ៊ុន សែន និង ង្វៀង កូថាច់ បានធ្វើឲ្យ វៀតណាម កាន់កាប់ប្រជុំ កោះត្រល់ មកទល់សព្វថ្ងៃនេះ។

សន្ធិសញ្ញាព្រំដែនគោក រវាកម្ពុជាវៀតណាម ឆ្នាំ១៩៨៣, ឆ្នាំ១៩៨៥ និងឆ្នាំ២០០៥ ដែលធ្វើឡើងដោយលោក ហ៊ុន សែន និងវៀតណាម សុទ្ធតែធ្វើឲ្យកម្ពុជា បាត់បង់បូរណភាព​ទឹកដី ទៅខាងវៀតណាម។ ជាក់ស្តែង តាំងពីពេលប្រទេសទាំង២ បោះបង្គោលកំណត់ព្រំដែនថ្មី (២០០៦-បច្ចុ្បន្ន)មក បានធ្វើឲ្យពលរដ្ឋខ្មែរ តាមបណ្តោយព្រំដែន បាត់បង់ដីស្រែចំការរបស់ខ្លួន សូម្បីតែភូមិកំណើតរបស់លោក ហេង សំរិន ប្រធានរដ្ឋសភា នៃរបប ហ៊ុន សែន នៅស្រុកពញាក្រែក ខេត្តត្បូងឃ្មុំ ត្រូវបានដោះដូរ ឲ្យទៅវៀតណាម ដោយយកភូមិខ្មែរ ២ ទៀត នៅស្រុកមេមត់ ខេត្តត្បូងឃ្មុំ ទៅដោះដូរ ឬហៅថា «យកភូមិខ្មែរ ដូរយកភូមិខ្មែរ ទៅឲ្យយួន»។

ក្រុមប្រឹក្សាឃ្លាំមើលម្ពុជា សូមទទូចអំពាវនាវឲ្យរបប ហ៊ុន សែន ភ្ញាក់រលឹកវិលមករកផ្លូវត្រូវ និងវិលមកតាមគន្លងលទ្ធិប្រជាធិបតេយ្យឡើងវិញ ដោយ៖
១. ត្រូវដោះលែង លោក កឹម សុខា និងលុបចោលសាលក្រមការរំលាយបក្សសង្គ្រោះជាតិ ដើម្បីឲ្យបក្សនេះ ចូលរួមការប្រគួតប្រជ្រែងការបោះឆ្នោតជាតិ ខែកក្កដា ឆ្នាំ២០១៨ ដោយស្មើមុខ  ដោយសេរី  ត្រឹមត្រូវ  និងយុត្តិធម៌  ព្រមទាំងត្រូវដោះលែង អ្នកទោសមនសិការទាំងអស់ ដោយគ្មានលក្ខខណ្ឌ។
២. ត្រូវលុបចោសន្ធិសញ្ញាព្រំដែនគោក ព្រំដែនទឹក និងកិច្ចព្រមព្រៀងនានា ជាមួយវៀតណាម ដែលផ្លុយពីខ្លឹមសាររដ្ឋធម្មនុញ្ញកម្ពុជា និងកិច្ចព្រមព្រៀងក្រុងប៉ារីស។ រួចមកកម្ពុជា ត្រូវប្តឹងសើរើទាមទារ កោះត្រល់ និងទឹកដីដែលបាត់បង់ មកជូនពលរដ្ឋកម្ពុជាវិញ តាមរយៈម្ចាស់ហត្ថលេខីនៃកិច្ចព្រមព្រៀងក្រុងប៉ារីស និងតុលាការយុត្តិធម៌អន្តរជាតិ (ICJ)។

ក្រុងគ្រីស្ទានសាន់ (ប្រទេសន័រវេស៍) ថ្ងៃទី០៥ ខែមករា ឆ្នាំ២០១៨

ម៉ែន ណាត ប្រធានក្រុមប្រឹក្សាឃ្លាំមើលកម្ពុជា

CWCI ប្រឆាំងថ្ងៃ ០៧ មករា_Page_1CWCI ប្រឆាំងថ្ងៃ ០៧ មករា_Page_2

 

ប៉ាង សុខឿន ផ្តាំទៅ សុខ ទូច និង ហ៊ុន សែន ថាផែនទីព្រំដែនពិត ឬមិនពិត មិនអាចបំភ្លៃបានទេ ពីព្រោះយើងបានពិនិត្យផ្ទាល់

King Father-PM Hun Sen-001Hun Sen

នេះជាអត្ថបទរបស់លោក ប៉ាង សុខឿន (ហ្វេសប៊ុក សុវណ្ណភូមិ ខ្មែរ) ថ្ងៃទី២២ សីហា ២០១៧។ លោក សុខឿន អតីតប្រធានចលនានិស្សិតដើម្បីប្រជាធិបតេយ្យ ជំនាន់ទី៣ បន្ទាប់ពីលោក សារ៉ូ ស៊ីវត្ថា និង លោក អ៊ុំ សំអាន។ ក្រៅពីនេះលោក ជាអតីតសាស្ត្រាចារ្យ នៅសាកលវិទ្យាឯកជនមួយ ក្នុងក្រុងភ្នំពេញ កាលពីមុនឆ្នាំ២០០៥។ លោក ក៏ជាក្រុមការងារ នៃគណៈកម្មាធិការព្រំដែនខ្មែរ ជាមួយលោក ស៊ាន ប៉េងសែ និងលោក ឌី ការេត ផងដែរ។ សព្វថ្ងៃ លោករស់នៅប្រទេស ស៊ុយអែត ក្រោយេពីការធ្វើទុក្ខបុកម្នេញ ពីសំណាក់រដ្ឋាភិបាល ហ៊ុន សែន កាលពីឆ្នាំ២០០៥ ក្នុងរឿង ព្រំដែនខ្មែរ-យួន និង សិទ្ធិមនុស្ស។ ខាងក្រោមនេះ គឺជាអត្ថបទទាំងស្រុង៖

ផ្តាំមក សុខ ទូច ប្រធានរាជបណ្ឌិត្យសភា និង ហ៊ុន សែន នាយករដ្ឋមន្រ្តី៖ ផែនទីពិត ឬមិនពិត មិនអាចបំភ្លៃបានទេ ពេលយើងបានពិនិត្យផ្ទាល់ !
សំនួរ៖ ការដែល សុខ ទូច និយាយថា៖ «ពេលទំលាក់ផែនទីំមក ទើបដឹងថា សម្តេច ហេង សំរិន ប្រធានរដ្ឋសភា យកដីវៀតណាមនៅ» តើផែនទី ដែល សុខ ទូច បានទំលាក់មកនោះ ជាផែនទីប្រភេទអ្វី ? វាមានលេខកូដប៉ុន្មាន ? បោះពុម្ភឆ្នាំណា ? អ្នកណាជាអ្នកបោះពុម្ភ ? ឬផែនទី យួន បោះពុម្ភ អមសន្ធិសញ្ញាព្រំដែនខុសច្បាប់ ឆ្នាំ១៩៨៥ ដូចដែល វ៉ា គឹមហុង និយាយកាលពីខែ កក្កដា ២០១៥ ?
…………………..
ជនរួមឈាមជាទីគោរព!
ផែនទីសម្តេចតា នរោត្ត សីហនុ យកទៅតម្កល់ទុកនៅ UN ឆ្នាំ១៩៦៤ ដែលធ្វើឲ្យអន្តរជាតិ ទទួលស្គាល់បូរណភាពទឹកដីខ្មែរ គឺជាផែនទី Bonne ខ្នាត ១/១០០.០០០ មានចំនួន ២៦ ផ្ទាំង បោះពុម្ភពីចន្លោះឆ្នាំ ១៩៣៣ – ១៩៥៣។ ក្នុងនោះមាន៖ ៤ ផ្ទាំងសម្រាប់ខេត្តរតនគិរី, ៧ ផ្ទាំងសម្រាប់ខេត្តមណ្ឌលគិរី, ១ ផ្ទាំងសម្រាប់ខេត្តក្រចេះ, ១ ផ្ទាំងសម្រាប់ខេត្តក្រចេះ-កំពង់ចាម, ៣ ផ្ទាំងសម្រាប់ខេត្តកំពង់ចាម, ៣ ផ្ទាំងសម្រាប់ខេត្តស្វាយរៀង, ១ ផ្ទាំងសម្រាប់ខេត្តព្រៃវែង, ១ ផ្ទាំងសម្រាប់ខេត្តព្រៃវែង-កណ្តាល, ១ ផ្ទាំងខេត្តស្វាយរៀង-ព្រៃវែង, ១ ផ្ទាំងសម្រាប់ខេត្តកណ្តាល-តាកេវ, ១ ផ្ទាំងសម្រាប់ខេត្តតាកែវ, ១ ផ្ទាំងសម្រាប់ខេត្តតាកែវ-កំពត, ១ ផ្ទាំងសម្រាប់ខេត្តកំពត។

ចំណែកយួនវិញ៖ យួន ក៏បានយកផែនទីទៅតម្កល់ទុកនៅ UN ថ្ងៃទី២៦ តុលា ១៩៨៥ ផងដែរ ដើម្បីឲ្យអន្តរជាតិ ទទួលស្គាល់ព្រំដែនយួន-ខ្មែរថ្មី ដោយភ្ជាប់ជាមួយនូវសន្ធិសញ្ញាកំណត់ព្រំដែនថ្មី កម្ពុជា-យួន ឆ្នាំ ១៩៨៥ រួមមានផែនទី ២ ប្រភេទ គឺ៖
១). ប្រភេទ UTM ១/៥០.០០០ មានចំនួន ៤០ ផ្ទាំង (បោះពុម្ភចន្លោះ ឆ្នាំ ១៩៦៦-១៩៧១ ជាផែនទីសង្រ្គាម ភាគច្រើន គូសតាមទីតាំងយួនយៀកកុង ក្នុងដីខ្មែរ) និង អាចជាផែនទីរដ្ឋាភិបាល កំពុងប្រើសព្វថ្ងៃភាគច្រើន។
២). ផែនទី SGI ១/១០០.០០០ ចំនួន ២៦ ផ្ទាំង (បោះពុម្ភចន្លោះឆ្នាំ ១៩៥១ – ១៩៥៥ ដែលមិនមែនជាផែនទី សម្តេចតា យកទៅតម្កល់ទុកនៅ UN)។ ផែនទី ទាំងពីរប្រភេទនេះ UN បានទទួលស្គាល់ តាមភាគី យួន ដែរ ព្រោះភាគីខ្មែរ ក្នុងរបប ហ៊ុន សែន ក៏យល់ព្រមដែរ តាមសន្ធិសញ្ញាកំណត់ព្រំដែនថ្មី ឆ្នាំ១៩៨៥។

បញ្ជាក់៖ ផែនទី ២៦ ផ្ទាំងដែល យួន យកទៅទុក នៅ UN នេះហើយ និង មាននៅបណ្ណាល័យផែនទីបារាំង ផងដែរ ដែលខ្មែរជាច្រើន តែងច្រឡំថា ជាផែនទីរបស់ សម្តេចតា យកទៅតម្កល់ទុកនៅ UN នោះ។ ម្យ៉ាងទៀត ផែនទីដែល UN យកមកឲ្យខ្មែរខ្ចី ១៨ ផ្ទាំង តាមសំណើ ហ៊ុន សែន មិនមែនជាផែនទី របស់សម្តេចតា យកទៅតម្កល់ទុក ឆ្នាំ ១៩៦៤ ទេ។ តើវាអាចជាផែនទីប្រភេទទី២ ដែល យួន យកទៅតម្កល់ទុក កាលពីថ្ងៃទី ២៦ តុលា ១៩៨៥ ដែរទេ ? ពីព្រោះផែនទី ដែល UN យកមកនោះ ក៏ជាផែនទីអាមេរិកកាំង បោះពុម្ភដែរ។

ពេលនេះ មិនអាចបន្លំយើងបានទេ ពីព្រោះលេខកូដ របស់ផែនទីទាំងអស់ មិនដូចគ្នាឡើយ។ នាយករដ្ឋមន្រ្តី ហ៊ុន សែន, ទេសរដ្ឋមន្រ្តី វ៉ា គីមហុង និង សុខ ទូច អាចបន្លំអ្នកផ្សេងបាន ប៉ុន្តែមិនអាចបន្លំយើងបានជាដាច់ខាត នៅពេលដែលយើង បានពិនិត្យផែនទី ដោយផ្ទាល់៕ (អត្ថបទបន្ថែមដោយ ម៉ែន ណាត)

« Older Entries