Tag Archives: រដ្ឋធម្មនុញ្ញ មាត្រា២

បណ្ឌិត ឌី ការេត បញ្ជាក់អំពី​រដ្ឋធម្មនុញ្ញ «មាត្រា២», ព្រំដែនដីគោក ​និង កោះត្រល់ ប្រឆាំងជំទាស់នឹង​ការអះអាង​របស់ ហ៊ុន សែន

 

ឌី ការេត ១

លោកបណ្ឌិត ឌី ការេត បញ្ជាក់អំពី​រដ្ឋធម្មនុញ្ញ (មាត្រា២), ព្រំដែនដីគោក ​និង កោះត្រល់ នៃបូរណភាពទឹកដីខ្មែរ ប្រឆាំងជំទាស់នឹងការអះអាងរបស់ ហ៊ុន សែន ថ្មីៗនេះ!

កាលពីថ្ងៃទី ១៧ ខែមីនា ២០១៨ នៅចំពោះមុខពលរដ្ឋខ្មែរ នៅអូស្ត្រាលី នាយករដ្ឋមន្ត្រី ហ៊ុន សែន បាន​អះអាងថា រដ្ឋធម្មនុញ្ញរបស់កម្ពុជា (ឆ្នាំ១៩៩៣) ​មានចំណុចខ្សោយ ២ ជាហេតុនាំឲ្យពិបាក ក្នុង​ការតវ៉ា លើបញ្ហាទឹកដី ជាមួយ​ប្រទេសជិតខាង ហើយគាត់ត្រូវប្រឹងប្រែងរក្សាទឹកដី បន្សល់​​ដោយសម្តេច នរោត្តម សីហនុ និងត្រូវប្រឹងបោះបង្គោលព្រំដែន ឲ្យបានរឹងមាំ។

ហ៊ុន សែន បានអះអាងទៀតថា កោះត្រល់ (យូនហៅ ភូកុក) គឺអគ្គទេសាភិបាលបារាំង ឈ្មោះ ​(ហ្សុល) ប្រ៊េវីយ៉េ (Jules Brévié) គូសកំណត់ ទៅឲ្យវៀតណាម តាំងពីឆ្នាំ១៩៣១ មកម្ល៉េះ។ លុះនៅឆ្នាំ ១៩៤៩ សភាបារាំង ក៏មានការប្រជុំ រឿងកូសាំងស៊ីន រួមទាំង ​កោះត្រល់ ដែរ តែខ្មែរមិនបាន​តវ៉ានោះទេ ថែមទាំងបោះឆ្នោតអនុប្បវាទថែម ទៀតផង។

ជាការឆ្លើយតប លោកបណ្ឌិត ឌី ការេត ប្រធានស្តីទីនៃ គណៈកម្មាធិការព្រំដែនកម្ពុជា បានប្រឆាំងជំទាស់ ចំពោះការអះអាងរបស់ ហ៊ុន សែន ដែល ហ៊ុន សែន ខ្លួនឯងជាអ្នកចុះហត្ថលេខា លើឯកសារនានា ជាមួយវៀតណាម តាំងពីទសវត្សទី ៨០ មកទល់សព្វថ្ងៃ ធ្វើឲ្យកម្ពុជា បាត់បង់បូរណភាពទឹកដី ហើយ យួប កាន់កាប់ប្រជុំ កោះត្រល់ ទាំងស្រុង។ (សូមអាន ឬទាញយកសេចក្តីថ្លែងការណ៍ CFC)។

CFC, DECLARATION sur la Constitution et Koh Tral, 22mars2018, Kh_Page_1CFC, DECLARATION sur la Constitution et Koh Tral, 22mars2018, Kh_Page_2
27067145_1539679609461470_6609290173237821459_n11866367_831987446897360_16957174121862871_n
Advertisements

លោក ឌី ការេត ផ្ញើលិខិតរំលឹកលោក សម រង្ស៊ី និងលោក កឹម សុខា ឲ្យប្រឆាំងជំទាស់ផែនការ «ផ្ទេរខ្នាតផែនទីព្រំដែន»

លោក ឌី ការេត ផ្ញើលិខិតរំលឹកលោក សម រង្ស៊ី និងលោក កឹម សុខា ឲ្យប្រឆាំងជំទាស់ផែនការ «ផ្ទេរខ្នាតផែនទីព្រំដែន»

(ចុចត្រង់នេះ សូមអានលិខិតទាំងស្រុុង / មានភ្ជាប់សេចក្តីថ្លែងការណ៍ ស៊ាន ប៉េងសែ)

ថ្ងៃទី១៦ ខែធ្នូ ឆ្នាំ២០១៦ លោក ឌី ការេត អនុប្រធានគណៈកម្មាធិការព្រំដែនកម្ពុជា ផ្ញើលិខិត ទៅលោក សម រង្ស៊ី និងលោក កឹម សុខា អំពី«ផែនការនៃការផ្ទេរមាត្រដ្ឋានផែនទី ពីខ្នាត «បោន» ១/១០០ ពាន់ មកខ្នាត «យូធីអឹម» ១/៥០ ពាន់ ដែលនាយករដ្ឋមន្រ្តីខ្មែរ ហ៊ុន សែន និងនាយករដ្ឋមន្រ្តីវៀតណាម ង្វៀង សួន ហ្វ៊ុក បានព្រមព្រៀងគ្នា កាលពីខែវិច្ឆិកា ឆ្នាំ២០១៦ នោះថា «គ្មានបំណងបញ្ជាក់ភាពត្រឹមត្រូវ តាមបច្ចេកទេស នៃការបំឡែង មាត្រដ្ឋាផែនទីដើម របស់ប្រព័ន្ធបោន ស្របតាមមាត្រា២ នៃរដ្ឋធម្មនុញ្ញកម្ពុជា ឆ្នាំ១៩៩៣» ទេ។

រដ្ឋាភិបាលនៃប្រទេសទាំងពីរ ចាំបាច់ត្រូវប្រើផែនទី យូធីអឹម ១/៥០ ពាន់ បានបោះបង្គោល ព្រំដែនថ្មី ជាង ៨០% រួចហើយ ដែលរំកិលចូលក្នុងទឹកដីខ្មែរ និងធ្វើឲ្យពលរដ្ឋខ្មែរ តាមព្រំដែន បាត់បង់ដីស្រែចំការ ជាបន្តបន្ទាប់។

ក្នុងលិខិតនេះ បានភ្ជាប់ជាមួយនូសេចក្តីថ្លែងការណ៍ របស់លោក ស៊ាន ប៉េងសែ ដោយរំលឹកអំពី សន្ធិសញ្ញាកំណត់ព្រំដែនខុសច្បាប់ ឆ្នាំ១៩៨៥ និងសន្ធិសញ្ញាព្រំដែនបំពេញបន្ថែម ឆ្នាំ២០០៥ ថា «បានផ្ទុយពីកិច្ចព្រមព្រៀងទីក្រុងប៉ារីស ស្តីពីកម្ពុជា នៅឆ្នាំ១៩៩១ និង ផ្ទុយពីមាត្រា៥៥ នៃ រដ្ឋធម្មនុញ្ញា ហើយនិង ប្រើផែនទី ក្នុងការបោះបង្គោលព្រំដែន ផ្ទុយពីមាត្រា២ រដ្ឋធម្មនុញ្ញ»

លោក ឌី ការេត រំលឹកថា មេដឹកនាំគណបក្សសង្គ្រោះជាតិ ត្រូវប្រឆាំងជំទាស់ផែនការ «ផ្ទេរខ្នាត ផែនទីព្រំដែន» ដែលរដ្ឋាភិបាលខ្មែរ និង វៀតណាម បានឯកភាពគ្នា ស្នើជំនួយបច្ចេកទេស ពី ប្រទេសបារាំងនោះ។ លោក ការេត បានអំពាវនាវដល់អ្នកស្នេហាជាតិ និងពលរដ្ឋខ្មែរ ទាំងអស់ ឲ្យប្រឆាំងជំទាស់ដាច់ខាត ចំពោះផែនការរបស់លោក ហ៊ុន សែន និងវៀតណាម ខាងលើ។

ទោះជាយ៉ាងណាក្តី លោក សម រង្ស៊ី បានប្រកាសគាំទ្រជំហរលោក ហ៊ុន សែន ក្នុងការផ្ទេរ ខ្នាតផែនទី រួចហើយ ពីថ្ងៃទី២៥ ខែវិច្ឆិកា ឆ្នាំ២០១៦ ដែលធ្វើឲ្យមាន ប្រតិកម្មជំទាស់ យ៉ាង ខ្លាំងក្លា ពីក្រុមអ្នកជំនាញការព្រំដែន អ្នកសង្កេតការណ៍ និងសកម្មជនព្រំដែន ព្រមទាំង គណបក្សប្រឆាំងខ្លួនឯងផង។ (អត្ថបទដោយ ម៉ែន ណាត /ថ្ងៃទី១៤ ខែមករា ឆ្នាំ២០១៧)

ហ៊ុន សែន មានផែនការ «កាត់ក្បាលតម្រូវមួក» ក្នុងរឿងផ្ទេរ ខ្នាតផែនទីព្រំដែន ជាមួយ យួន

លោក ម៉ែន ណាត សរសេរបញ្ជាក់បន្ថែម លើទំព័រហ្វេសប៊ុកថា ការព្រមព្រៀង របស់លោក ហ៊ុន សែន ជាមួយភាគីវៀតណាម ក្នុងផ្ទេរខ្នាតផែនទីព្រំដែន នឹងមិនយកភាពត្រឹមត្រូវ នៃបច្ចេកទេស «ផ្ទេរផែនទី» ទៅប្រើ ដើម្បីបោះបង្គោលព្រំដែននោះទេ។ ការផ្ទេរផែនទីបោន ខ្នាត 1/100.000 មកខ្នាត UTM 1/50.000 គឺចង់ តម្រូវតាមផែនទី UTM ដែលបោះបង្គោលបាន ៨៣% តាំងពីឆ្នាំ២០០៦ មកដល់ សព្វថ្ងៃនោះ ឲ្យវាស្រប ច្បាប់ ហើយដើម្បីឲ្យវាស្របច្បាប់ទៅបាន នោះរដ្ឋាភិបាល ត្រូវជម្រុញកែប្រែ មាត្រា២ រដ្ឋធម្មនុញ្ញ ផង។ នោះ គឺជាការរំលោភ រដ្ឋធម្មនុញ្ញធ្ងន់ធ្ងរ។

យើងតែងពិគ្រោះយោបល់ញឹកញាប់ ជាមួួយក្រុមការងារ លោក ស៊ាន ប៉េងសែ នៃ គណៈកម្មាធិការ ព្រំដែនកម្ពុជា ប្រទេសបារាំង អំពីរឿងព្រំដែន និងរឿងផែនទីព្រំដែននេះ ដូច្នេះអ្វីដែលលោក ហ៊ុន សែន កំពុងធ្វើនេះ គឺមិនខុសពីការ«កាត់ក្បាលតម្រូវមួក»

លោក វ៉ា គឹមហុង ក៏ទទួលស្គាល់កាលពីថ្ងៃទី០២ ខែកក្កដា ២០១៥ ថាផែនទីបោះបង្គោលព្រំដែន សព្វថ្ងៃ ផលិតដោយប្រទេសវៀតណាម ហើយការបោះបង្គោល ក៏អនុលោមតាម ផែនទី UTM ខ្នាត 1/50.000 និងផែនទីអម សន្ធិសញ្ញាព្រំដែនខុសច្បាប់ ឆ្នាំ១៩៨៥ ដែរ។ (អត្ថបទ ម៉ែន ណាត ថ្ងៃទី២៧ វិច្ឆិកា ២០១៦)
———————-

4b80f89e-8b1e-4c39-8b1f-a4c486651ea4_w640_r1_s_cx0_cy5_cw0

អ្នកឃ្លាំមើលព្រំដែន ជំទាស់ផែនការផ្ទេរផែនទី របស់រដ្ឋាភិបាល កម្ពុជា! 
(VOD: សូរ្យ ជ័យឧត្ដម | ថ្ងៃទី២៦ ខែវិច្ឆិកា ឆ្នាំ២០១៦)

ក្រុមប្រឹក្សាឃ្លាំមើលកម្ពុជា បានបង្ហាញជំហរជំទាស់ ទៅនឹងគម្រោងរដ្ឋាភិបាល កម្ពុជា ដែល គ្រោង ផ្ទេរផែនទី ខ្នាត ១/១០០,០០០ ទៅផែនទីខ្នាត ១/៥០,០០០ ជាមួយរដ្ឋាភិបាល វៀតណាម។

លោកនាយករដ្ឋមន្ត្រី ហ៊ុន សែន កាលពីថ្ងៃទី២៣ ខែវិច្ឆិកាកន្លងមកនេះ បានឲ្យដឹងថា លោក និង នាយករដ្ឋមន្ត្រី វៀតណាម លោក ង្វៀន សួនហ្វ៊ុក បានឯកភាពគ្នា នៅក្នុងជំនួប នៅខេត្ត សៀមរាប ទៅលើ ការផ្ទេរផែនទី ខ្នាត ១/១០០,០០០ ទៅផែនទីខ្នាត ១/៥០,០០០ វិញ។

សេចក្ដីប្រកាសព័ត៌មាន ចុះថ្ងៃទី២៥ ខែវិច្ឆិកា លោក ម៉ែន ណាត ប្រធានក្រុមប្រឹក្សាឃ្លាំមើល កម្ពុជា ដែលមានមូលដ្ឋាន នៅប្រទេសន័រវេស៍ បានលើកឡើងថា ក្រុមប្រឹក្សាមួយនេះ នឹងធ្វើ សេចក្ដីថ្លែងការណ៍ ជំទាស់ ទៅនឹងការសម្រេចបែបនេះ របស់រដ្ឋាភិបាល លោក នាយករដ្ឋមន្ត្រី ហ៊ុន សែន ដែលលោក ម៉ែន ណាត ចោទថាជា «អំពើក្បត់ជាតិ»

លោក ម៉ែន ណាត លើកឡើងថា៖ «នៅក្នុងបំណងនៃការផ្ទេរផែនទីនេះ គឺគ្រាន់តែជាការ បន្លំភ្នែក និងកាឡៃឯកសារប្រវត្តិសាស្ត្រ ស្ដីពីព្រំដែនខ្មែរ តាំងពីអនុសញ្ញាបារាំង-កម្ពុជា- កូសាំងស៊ីន ឆ្នាំ១៨៧៣»

ក្រៅពីជំទាស់នឹងការសម្រេចបែបនេះ ក្រុមប្រឹក្សាឃ្លាំមើលកម្ពុជា បានអះអាងថា «វាគឺជា ការរំលោភ បំពាន ទៅលើមាត្រា ២ នៃរដ្ឋធម្មនុញ្ញកម្ពុជា»

មាត្រា ២ នៃរដ្ឋធម្មនុញ្ញកម្ពុជា បានចែងថា បូរណភាពទឹកដីរបស់ ព្រះរាជាណាចក្រកម្ពុជា មិនអាច រំលោភបានដាច់ខាត ក្នុងព្រំដែនរបស់ខ្លួន ដែលមានកំណត់ ក្នុងផែនទីខ្នាត ១/១០០,០០០ ធ្វើនៅ ចន្លោះឆ្នាំ១៩៣៣ និងឆ្នាំ១៩៥៣ ហើយដែលត្រូវបានទទួលស្គាល់ ជាអន្តរជាតិ នៅចន្លោះ ឆ្នាំ១៩៦៣ និងឆ្នាំ១៩៦៩៕