Tag Archives: វ៉ា គឹមហុង

រឿង​ព្រំដែន ស្រុកកំណើត ហេង សំរិន ជុំវិញការដោះដូរ ជាមួយ​វៀតណាម

ទរឿង​ព្រំដែន ស្រុកកំណើត ហេង សំរិន ជុំវិញការដោះដូរ ជាមួយ​វៀតណាម
(ដោយ Moung Sony៖ បេសសកម្ម ១០០រាត្រី! រាត្រី៣២, ៣៣ /ថ្ងៃ ១១ ធ្នូ ២០១៨)

នៅខាងក្រោមនេះជាការអង្កេតរកឃើញ របស់ក្រុមការងារ ១០០រាត្រី ដែលមានខ្លឹមសារដូចតទៅ៖

I/ ការរកឃើញ

ទី១. ពលរដ្ឋនៅក្នុងតំបន់បានអះអាងថា អជ្ញាធរវៀតណាម តែងតែចូលល្បាតក្នុងដីខ្មែរ ស្ទើរជារៀងរាល់ថ្ងៃ។

ទី២. ប្រជាពលរដ្ឋដែលរស់នៅក្នុងតំបន់នោះ បានអះអាងថា ខ្លួនពុំអាចធ្វើអ្វីនៅទីនោះ បានទេ ដូចជាការដាំកូនស្វាយ កាប់ឈើជាដើម ដោយមានការរារាំង ពីសំណាក់អាជ្ញាធរវៀតណាម។

ទី៣. កម្ពុជា បានបាត់បង់វត្តត្នោត ដែលជាវត្តបុរាណ្យ ទៅប្រទេសវៀតណាម ដែលមានចម្ងាយ ពីបង្គោលព្រំដែន លេខ ១២៧ ដែលបានបោះ ក្នុងឆ្នាំ២០០៨ ប្រមាណជាង ២ គីឡូម៉ែត្រ តែតាមពិតទៅវត្តត្នោតនោះ ស្ថិតក្នុង ភូមិអន្លុងជ្រៃ ភាគខាងកើត ស្រុកពញាក្រែក ត្បូងឃ្មុំ (តាមការអះអាងរបស់ពលរដ្ឋ នៅក្នុងតំបន់)។

ទី៤. ប្រជាពលរដ្ឋនៅរស់នៅក្នុង ភូមិថ្លុកត្រាច និង ភូមិអន្លុងជ្រៃ ផ្ទាល់ សុទ្ឋតែបានអះអាងថា ខ្លួនបានបាត់បង់ដី ស្រែចម្ការ ទៅប្រទេសវៀតណាម ក្នុង ភូមិអន្លុងជ្រៃ និង ភូមិថ្លុកត្រាច (​ភាគខាងកើតភូមិ) ស្រុកកំណើត លោក ហេង សំរិន ប្រធានរដ្ឋសភាជាតិ ដែលសព្វថ្ងៃ ក្នុងប្រទេស​វៀតណាម ខណ្ឌដោយបង្គោលព្រំដែនថ្មី ដែលបោះក្នុងឆ្នាំ២០០៨ គឺបង្គោលលេខ ១២៥ ដល់បង្គោល លេខ ១៣១។ ដី ស្រែចម្ការ ដែលក្រុមគ្រួសារគាត់បានធ្វើការដាំដុះនៅទីនោះ ជាយូរណាស់មកហើយ ដែលអាជ្ញាធរវៀតណាម បានបញ្ឈប់ពួកគាត់មិនឱ្យធ្វើស្រែចម្ការ រវាងនៅចន្លោះឆ្នាំ១៩៨៥ និងបានបញ្ឈប់ទាំងស្រុង នៅពេលដែលបានបោះបង្គោលព្រំដែនរួច នៅឆ្នាំ២០០៨។

ទី៥. បើទោះបីជាមានការដុះដូរ ភូមិអន្លុងជ្រៃ និងភូមិថ្លុកត្រាច នៅឃុំកក់ ស្រុកពញាក្រែក មកប្រទេសកម្ពុជាវិញ ដែលវៀតណាម បានអះអាងថា ជារបស់ខ្លួននោះ ក៏ប្រទេសកម្ពុជា មិនបានទទួលផ្ទៃដី ពេញលេញ នូវភូមិទាំង២ នោះដែរ។ គឺទទួលបានត្រឹមភូមិថ្លុកត្រាច ខាងលិចរីឯខាងកើត បានបាត់បង់ទៅប្រទេសវៀតណាម និងទទួលបានភូមិអន្លុងជ្រៃ ខាងលិច រីឯខាងកើតបានទៅប្រទេសវៀតណាម។ មូលហេតុនេះ ឯងបានជាប្រជាពលរដ្ឋដែលរស់នៅក្នុងតំបន់ផ្ទាល់ បានបាត់បង់ដី ស្រែចម្ការ របស់ខ្លួន ដែលធ្លាប់ប្រកបផលតាំងពីយូរណាស់មកហើយ។ ក្រុមការងារ  ១០០រាត្រី មិនបានរកឃើញថាផ្ទៃដី នៅភូមិថ្លុកត្រាច ខាងកើត និងអន្លុងជ្រៃខាងកើត ដែលបាត់បង់ទៅវៀតណាមនោះ ចំនួនប៉ុន្មាននោះទេ។ (តាមការអះអាងរបស់ប្រជាពលរដ្ឋ ក្នុងតំបន់)។

ទី៦. បងប្អូនប្រជាពលរដ្ឋ ដែលបានរស់នៅក្នុងភូមិអន្លុងជ្រៃ និងភូមិថ្លុកត្រាច បានរៀបរាប់ថាក្រៅពីការបាត់បងចំនែកខ្លះនៃ ភូមិអន្លុងជ្រៃ និងភូមិថ្លុកត្រាច មានភូមិចំនួនផ្សេងទៀតដែលវៀតណាម បានយកនោះគឺ ភូមិត្នោត និងភូមិវត្តត្នោត ដែលភូមិទាំង២ នេះ មិនបាននិយាយរៀបរាប់អ្វី ពីថ្នាក់ដឹកនាំប្រទេសឡើយ។

ទី៧. ប្រជាពលរដ្ឋដែលរស់នៅក្នុងភូមិជន្លុងជ្រៃ និងភូមិថ្លុកត្រាច មិនបានទទួលព័ត៌មានអំពីការដោះដូរភូមិរបស់ខ្មែរ ទៅឱ្យប្រទេសវៀតណាម និងមិនបានចូលរួមសម្រេចផង ដែលក្នុងការដោះដូរភូមិទាំងនោះ។

ទី៨. ច្រកព្រំដែនត្នោត ដែលជាច្រករបៀង មានការដឹកទំនិញ ចេញចូលសេរី ពីវៀតណាម និងកម្ពុជា មន្ត្រីព្រំដែន ខ្មែរទទូលបានប្រាក់ខែតិចតូចគឺត្រឹម ១២០០០០០ រៀល ឬស្មើនឹង ៣០០ ដុល្លា ដែលប្រាក់ខែនេះ មានចំនួនតិចតួច ហើយអាចនាំអោយមានអំពើពុករលួយ។ ដោយឡែកមន្ត្រីបុស្តិ៍របៀងវៀតណាម ទទួលបានប្រាក់ខែជាង ១២០០ដុល្លា ដែលច្រើនជាងកម្ពុជា ៤ ដងឯនោះ។

II/ សេចក្តីសន្ធិដ្ឋាន

បើទោះបីជាមានការអះអាង ពីសំណាក់ ឯកឧត្តម វ៉ា គីមហុង នៅថ្ងៃទី ១៩ ខែមិថុនា ឆ្នាំ ២០១២ តាមរយៈសារពត័មានវិទ្យុអាស៊ីសេរី​ថា ភូមិអន្លុងជ្រៃ ភូមិថ្លុកត្រាច ដែលត្រូវបានគេគូស ចូលក្នុងផែនទីបារាំង មានមួយខ្នាតមួយ លើមួយរយពាន់ របស់ក្រុមប្រឹក្សាភូមិសាស្ត្រឥណ្ឌូចិន ទៅហើយ។ យ៉ាងណាយើងមិនដែលបានឃើញថា មានការយកផែនទី១ ខ្នាតលើ ១០០ ពាន់នោះ មកបកស្រាយ​ជុំវិញបញ្ហាការដោះដូរភូមិនេះដែរ។

ហេតុដូចនេះ ប្រជាពលរដ្ឋខ្មែរទាំងមូល រួមទាំងពលរដ្ឋរងគ្រោះ ដែលបានបាត់បង់ដី ស្រែ ចម្ការរបស់ខ្លួន មិនដឹងអ្វីទាំងអស់ អំពីការពិតនៃរឿងនេះ។ ហើយប្រជាពលរដ្ឋ ដែលរងគ្រោះពីការបាត់បង់ដីស្រែចម្ការ ទៅវៀតណាម ក៏មិនបានទទួលយុត្តិធម៌អ្វីដែរ។ ប្រសិនបើយោងតាមការសិក្សាស្រាវជ្រាវខាងលើ យើងអាចទាញសេចក្តីសន្និដ្ឋានបានថា វៀតណាមនៅតែមានព្រៀបជាងកម្ពុជា ព្រោះហេតុថា ភូមិដែលវៀតណាម អោយមកកម្ពុជាវិញនោះ វៀតណាម នៅតែគ្រប់គ្រង មិនព្រមចាត់ទុកជាដែនអធិបតេយ្យ របស់កម្ពុជាពិតប្រាក រីឯភូមិដែលកម្ពុជា ត្រូវដោះដូរជាថ្នូរយក ភូមិអន្លុងជ្រៃ និងធ្លុកត្រាច នោះ មិនដឹងភូមិមួយណា ដែលមិនត្រូវបង្ហាញជាសាធារណ:។ ហើយប្រសិនបើកម្ពុជា បានប្រគល់ភូមិ២ ទៅប្រទសវៀតណាម ជាថ្នូរ និងការដោះដូរភូមិថ្លុកត្រាច និងអន្លុងជ្រៃ ពិតប្រាដកមែន វៀតណាម គួរលែងលូកលាន់ដែន​អធិតេយ្យ​កម្ពុជា នៅក្នុងភូមិនោះបន្តទៀត។

III/ អនុសាសន៍៖

ទី១. រាជរដ្ឋាភិបាល ត្រូវរៀបចំក្រុមសិក្សាស្រាវជ្រាវ ឯករាជ្យពិតប្រាកដ និងមានជំនាញវិជ្ជាជីវ: ច្បាស់លាស់ មកពីស្ថានប័នអន្តរជាតិ ដូចជាក្រសួងផែនការ និងស្ថានប័នអន្តរជាតិណាល្បីៗ រួចប្តឹងទៅតុលាការ ទីក្រុងឡាអេ។

ទី២. រាជរដ្ឋាភិបាល អនុញ្ញាតិអោយឯកឧត្តមបណ្ឌិត សុខ ទូច ដែលមិនជាអ្នកជំនាញត្រឹមត្រូវ និង ធ្វើការតាមអារម្ម មកសិក្សាអំពីបញ្ហាផែនទីនោះ ដូចនេះដើម្បីអោយភ្លឺច្បាស់ប្តូរយុទ្ឋសាស្ត្រក្នុង​ការសិក្សាអំពីបញ្ហាព្រំដែន។

ទី៣. ប្រសិនបើមានការដោះដូរភូមិមែននោះ រដ្ឋាភិបាលគួរសុំការអនុញ្ញាតិពីរដ្ឋសភា និងមិនគួរបំពានច្បាប់ព្រហ្មទណ្ឌ ក្នុងមាត្រា ៤៤0 ដែលបានចែងថា (អំពើប្រគល់​អោយរដ្ឋបរទេស ឬ ភ្នាក់ងារ​បរទេស នូវដែនដីជាតិទាំងស្រុង ឬុមួយផ្នែកត្រូវផ្តន្ទាទោស ដាក់ពន្ឋធនាគារអស់មួយជីវិត)។

ទី៤. រាជរដ្ឋាភិបាល គួរបន្ថែមប្រាក់ខែ ដល់មន្ត្រីរាជការ ដែលយាម និងការពារតាមព្រំដែនកម្ពុជា​ យ៉ាងហោចណាស់អោយបានស្នើរ មន្ត្រីវៀតណាម។

ទី៥. រាជរដ្ឋាភិបាលគួរតែផ្លាស់ប្តូរមន្ត្រីយាមព្រំដែន ក្នុងរយៈពេល ២អាទិត្យម្តង ដើម្បីកុំអោយមានអំពើពុករលួយ និងឃុបឃិត ជាមួយបរទេស។

ទី៦. រាជរដ្ឋាភិបាល គួរសិក្សាអោយបានលំអិត ចំពោះមន្ត្រីណាដែលឃុបឃិត ជាមួយបរទេស យក​មកដាក់ទោសតាមច្បាប់ព្រហ្មទណ្ឌ។

ទី៧. រាជរដ្ឋាភិបាល គួរចេញបំរាមហាមឃាត់មន្ត្រីអជ្ញាធរវៀតណាម ដែលចេញចូលល្បាត ក្នុងទឹកដីខ្មែរ ដើម្បីរក្សាជំហរឯករាជ្យ របស់ប្រទេសកម្ពុជា ក្នុងការពារព្រំដែន។

ក្រុមការងារ ១០០ រាត្រី សង្ឃឹមថារបាយការណ៍ស្រាវជ្រាវនេះ អាចចូលរួមចំនែកក្នុងការសិក្សា អំពីបញ្ហានៃការដោះដូរថ្លុកត្រាច និងអន្លុងជូនដល់រដ្ឋាភិបាល និងប្រជាពលរដ្ឋទូទៅ ហើយក៏បានជាឯកប្រវត្តិសាស្ត្រ សំរាប់ក្មេងជំនាន់ក្រោយផងដែរ។

កំណត់ចំណាំ៖ ក្រុមការងារ ១០០រាត្រី សូមស្វាគមន៍ ចំពោះមតិរិះគន់របស់បងប្អូនជនរួមជាតិក្នុងន័យស្ថាបនា និងក៍សូមអំពាវនាវអោយបងប្អូនជនរួមជាតិ មេត្តាចូលរួមទាំងអស់គ្នា ដើម្បីបន្តគាំទ្របេសកម្មលោកបណ្ឌិតកែមឡី ១០០រាត្រី និងគ្រួសារខ្មែរ។

Advertisements

ក្រុមឃ្លាំមើល បញ្ជាក់ជាថ្មីថា មិនទទួលស្គាល់ការបោះបង្គោលព្រំដែនខ្មែរ-យួន ធ្វើឡើងដោយរបប ហ៊ុន សែន

koy-pisey

ក្រុមប្រឹក្សាឃ្លាំមើលកម្ពុជា បញ្ជាក់ម្តងហើយម្តងទៀតថា យើងមិនដែលទទួលស្គាល់ការបោះបង្គោលព្រំដែន ខ្មែរ-យួន តាមសន្ធិសញ្ញាព្រំដែនថ្មី ឆ្នាំ២០០៥ និងផែនព្រំដែន ដែលអមសន្ធិសញ្ញាព្រំដែនខុសច្បាប់ ឆ្នាំ១៩៨៥ នោះទេ ដោយហេតុថា សន្ធិសញ្ញាព្រំដែន និងផែនទីព្រំដែនទាំងនេះ វាផ្ទុយស្រឡះពីមាត្រា ២ និង មាត្រា៥៥ នៃរដ្ឋធម្មនុញ្ញ ព្រមទាំងផ្ទុយពីខ្លឹមសារ កិច្ចព្រមព្រៀងទីក្រុងប៉ារីស ១៩៩១។

ប្រធានគណៈកម្មាធិការព្រំដែននៃរបប ហ៊ុន សែន គឺលោក វ៉ា គឹមហុង កាលពីថ្ងៃទី០២ កក្កដា ២០១៥ បានទទូលស្គាល់ហើយថា «ផែនទីដែលប្រើប្រាស់ ក្នុងការបោះបង្គោលព្រំដែនសព្វផ្ងៃ គឺបោះពុម្ពនៅ វៀតណាម»

ដូច្នេះ ការបោះបង្គោលព្រំដែនបច្ចុប្បន្ននេះ កម្ពុជា ត្រូវបាត់បង់ទឹកដីព្រំដែនរបស់ខ្លួនជាច្រើនពាន់គីឡូម៉ែនត្រក្រឡា ទៅខាងភាគី យួន។ ឯកសារព្រំដែនកម្ពុជារបស់លោក ស៊ាន ប៉េងសែ កម្ពុជា បាត់បង់ព្រំដែនគោលពីចន្លោះ ៤០០០ គីឡូម៉ែតក្រឡា ទៅ ៦០០០ គីឡូម៉ែត្រក្រឡា ដោយមិនរាប់បញ្ចូលព្រំដែនទឹក និង កោះត្រល់ផងទេ។

ក្រុមប្រឹក្សាឃ្លាំមើលកម្ពុជា និង គណៈកម្មាធិការព្រំដែនខ្មែរប្រទេសបារាំង ធ្លាប់បានពិភាក្សាគ្នាញឹកញាប់ ហើយសម្រចថា «យើងសូមរក្សាសិទ្ធិទាមទារទឹកដីខ្មែរ ដែលបាត់បង់មកវិញ នៅពេលកម្ពុជា មានរដ្ឋាភិបាលថ្មី ដែលបម្រើជាតិ និងពលរដ្ឋពិតប្រាកដ»។ ការរក្សាសិទ្ធិនេះ ត្រូវធ្វើឡើងស្របតាម កិច្ចព្រមព្រៀងទីក្រុងប៉ារីស ឆ្នាំ១៩៩១ និងរដ្ឋធម្មនុញ្ញកម្ពុជា ឆ្នាំ១៩៩៣ ព្រមទាំងស្របតាមឯកសារច្បាប់អន្តរជាតិនានា ស្តីពីកម្ពុជា។

ម៉ែន ណាត ប្រធានក្រុមប្រឹក្សាឃ្លាំមើលកម្ពុជា / ក្រុងគ្រីសស្ទានសាន់ (ប្រទេសន័រវេស៍) ២៥ ធ្នូ ២០១៧


មន្ត្រី​ព្រំដែន​កម្ពុជា​ថា ​ការ​បោះ​បង្គោល​ព្រំដែន ​នៅ​ខេត្ត​ភាគ​ឦសាន ​​នឹង​បញ្ចប់​នៅ​ដើម​ឆ្នាំ​២០១៨

(VOD News, ដោយ លោក លី វេហា​​, ថ្ងៃទី២៤ ខែធ្នូ ឆ្នាំ២០១៧)
មន្ត្រី​ព្រំដែន​កម្ពុជា អះ​អាង​ថា ការ​បោះ​បង្គោល​ព្រំដែន​កម្ពុជា-វៀតណាម នៅ​ក្នុង​ខេត្ត​មួយ​ស្ថិត​នៅ​ភាគ​​ឦសាន នឹង​ត្រូវ​បញ្ចប់​នៅ​ដើម​ឆ្នាំ​ក្រោយ​នេះ។ នេះ​បើ​តាម​ការ​ចុះ​ផ្សាយ​របស់​សារព័ត៌មាន​ស្និទ្ធ​នឹង​​រដ្ឋាភិបាល​ ដែល​បាន​ដក​ស្រង់​សម្ដី​របស់​ មន្ត្រី​ព្រំដែន​កម្ពុជា​រូប​នេះ។

អនុ​ប្រធាន​គណៈកម្មាធិការ​​ព្រំដែន​កម្ពុជា អ្នកស្រី កុយ ពិសី ត្រូវ​បាន​ដក​ស្រង់​សម្ដី​ដោយ​សារព័ត៌មាន Fresh News កាល​ពី​ថ្ងៃ​ម្សិល​មិញ​​ថា អ្នកស្រី​បាន​ចុះ​ទៅ​ត្រួត​ពិនិត្យ​ការ​បោះ​បង្គោល​ព្រំដែន​ នៅ​ក្នុង​ខេត្ត​រតនគិរី ជាប់​ខេត្ត​កន់ទុំ និង​ខេត្ត​យ៉ាឡាយ​របស់​វៀតណាម។

មន្ត្រី​ព្រំដែន​កម្ពុជា​រូប​នេះ ត្រូវ​បាន​ដក​ស្រង់​សម្ដី​ចុះ​ផ្សាយ​ថា ការ​បោះ​បង្គោល​ព្រំដែន​ខេត្ត​រតនគិរី​ របស់​កម្ពុជា និង​ខេត្ត​កន់ទុំ និង​ខេត្ត​យ៉ាឡាយ​របស់​វៀតណាម គ្រោង​បញ្ចប់​នៅ​ត្រីមាស​ទី​១​ ឆ្នាំ​២០១៨​ ខាង​មុខ។

អ្នកស្រី​ថ្លែងថា​៖ «នៅ​ក្នុង​ខេត្ត​នេះ រហូត​មក​ដល់​ពេល​នេះ គឺ​ការ​បោះ​បង្គោល​ព្រំដែន​ធំ បាន​ចំនួន ៨២​ភាគរយ និង​បង្គោល​ព្រំដែន​បំពេញ​បន្ថែម បាន​ចំនួន ៥​ ភាគរយ។ នៅ​សល់ ៤៤​ ភាគរយ​ទៀត ភាគី​ទាំង​ពីរ នឹង​ខិត​ខំ​ឲ្យ​បញ្ចប់​នៅ​មុន​ត្រីមាស​ទី​១ ឆ្នាំ​២០១៨»។

ប្រធាន​គណៈកម្មាធិការ​ព្រំដែន​កម្ពុជា លោក វ៉ា គឹមហុង បាន​ថ្លែង​ប្រាប់​វីអូឌី​កាល​ពី​ថ្ងៃ​ទី​១០ ខែ​វិច្ឆិកា​ ថាការ​បង្គោល​ព្រំដែន​កម្ពុជា-វៀតណាម សម្រេច​បាន ៨៤ ភាគរយ​ហើយ នៅ​លើ​បន្ទាត់​ព្រំដែន​គោក​រួម​រវាង​ប្រទេស​ទាំង​ពីរ​សរុប ១២៧០​ គីឡូម៉ែត្រ៕

15241435_1124653207630781_7891435524013098906_n15698234_1161158043980297_3024858021722100154_n

11112772_902759513100132_4467690831066398197_n

ល្បែងនយោបាយបោកខ្មែរ ដើម្បីបិទបាំង «អំពើក្បត់ជាតិ» របស់ ហ៊ុន សែន! 

King Father-PM Hun Sen-001

20953470_10155625437578210_8037570744631597445_n

អត្ថបទ ប៉ាង សុខឿន (ហ្វេសប៊ុក ខ្មែរ សុវណ្ណភូមិ) ធ្វើសេចក្តីកត់សម្គាល់អំពី រឿងព្រំដែនខ្មែរ-យួន និងការចោទប្រកាន់ថា «ហ៊ុន សែន ជាមួយអំពើក្បត់ជាតិ» បានផ្សព្វផ្សាយហូរហែរ ជាពិសេសនៅថ្ងៃទី ២២ សីហា ២០១៧ នេះ។ សូមអានអត្ថបទទាំងស្រុង៖

រឿងដំណោះស្រាយខ្សែបន្ទាត់ព្រំដែនខ្មែរ ជាមួយ យួន, ឡាវ និងថៃ គឺប្រើប្រាស់ផែនទីខុសៗគ្នា និងតាមឆ្នាំខុសៗគ្នា អាស្រ័យលើប្រទេសបារាំង ដែលកាលនោះ ជាអ្នកដាក់អាណានិគម នៅឥណ្ឌូចិន។ ជាក់ស្តែងជាមួយវៀតណាម បារាំងបានប្រើប្រាស់ផែនទីជាផ្លូវការ ប្រភេទ Bonnes ខ្នាត ១/១០០.០០០ ជាមូលដ្នាន និងមានចំនួន ២៦ ផ្ទាំង បោះពុម្ភពីចន្លោះឆ្នាំ ១៩៣៣ មកឆ្នាំ១៩៥៣ ដូចមានចែងក្នុង រដ្ឋធម្មនុញ្ញជាតិខ្មែរ មាត្រា២។

បញ្ហាជាមួយយួន៖ ដោយសារតែក្រោយរបបប៉ុលពត យួន បានត្រួតត្រាកម្ពុជា កាលនោះ យួនបានកំណត់ខ្សែបន្ទាត់ព្រំដែនគោក និង សមុទ្រជាថ្មី ដោយផ្អែកលើសន្ធិសញ្ញា ឆ្នាំ ១៩៨២, ១៩៨៣, និង ១៩៨៥ រួចឲ្យរបបអាយ៉ងរបស់ខ្លួន (ហ៊ុន សែន, ជា ស៊ីម, ហេង សំរិន) ចុះហត្ថលេខាយល់ព្រម ជាមួយ យួន ហើយចាប់ផ្តើម បោះបង្គោលព្រំដែនគោកជាថ្មី ខ្មែរ-យួន ចន្លោះឆ្នាំ ១៩៨៦-១៩៨៨ ដោយដកបង្គោលព្រំដែន ពីសម័យបារាំងចោល គឺឲ្យគ្មានពលរដ្ឋខ្មែរណាដឹងឡើយ ហើយក៏គ្មានពលរដ្ឋខ្មែរណាដឹងថា យួន បោះចូលដីខ្មែរប៉ុន្មានដែរ នាកាលនោះ។

ភស្តុតាងបន្សល់ទុកថា ជាទង្វើក្បត់ជាតិ កាត់ដីឲ្យយួន ក្នុងការបោះបង្គោលព្រំដែន ពីឆ្នាំ១៩៨៦-១៩៨៨ របស់ស៊ីភីភី (បក្សប្រជាជនកម្ពុជា)/ ហ៊ុន សែន រហូតមកដល់ពេលនេះគឺ៖

១. ការបោះបង្គោលព្រំដែនថ្មី គឺប្រើផែនទី ដែល យួន គូសឲ្យខ្មែរប្រើ តាមសន្ធិសញ្ញា ឆ្នាំ១៩៨៥ ទាំងអស់។
២. ប្តូរផែនទីពី Bonnes របស់បារាំង ខ្នាត ១/១០០.០០០ មកផែនសង្រ្គាមអាមេរិកកាំង UTM ខ្នាត ១/៥០.០០០ តាមការចង់បានរបស់ យួន។
៣. ផែនទីបារាំងគូសមាន ២៦ ផ្ទាំង ផែនទីយួនគូសថ្មី តាមផែនទីអាមេរិកកាំង តាមសន្ធិសញ្ញា ឆ្នាំ ១៩៨៥ មាន ៤០ ផ្ទាំង។
៣. យួន ការដកបង្គោលព្រំដែនបារាំង ១២៤ បង្គោល ចោល, បន្ទាប់មក យួន បោះបង្គោលថ្មី កាលពី ឆ្នាំ១៩៨៦-១៩៨៨ ហើយដកបង្គោលទាំងនេះចោលវិញ ដើម្បីបំបិទដាន, រួចហើយក៏បោះបង្គោលព្រំដែនថ្មីីទៀត ជាលើកទី៣ ឡើងវិញ ដោយបន្តបោះបង្គោលថ្មីទាំងនេះ ផ្អែកលើសន្ធិសញ្ញាបំពេញបន្ថែម ឆ្នាំ ២០០៥ និងប្រើផែនទី បោះពុម្ព ក្រោយឆ្នាំ១៩៥៣ ទាំងអស់ «ទេសរដ្ឋមន្ត្រី កិច្ចការព្រំដែន វ៉ា គឹមហុង ថាជាផែនទី បោះពុម្ពដោយប្រទេសវៀតណាម ក្នុងសន្និសីទ ថ្ងៃទី ០២ កក្កដា ២០១៥»
. ទិដ្ឋភាពនៃការបាត់បង់ដីស្រែ ដីចំការ វត្តអារ៉ាម និងភូមិករ តាមព្រំដែន (ជាក់ស្តែងភូមិកំណើត ប្រធានរដ្ឋសភា ហេង សំរិន) កោះត្រល់ខ្មែរ និង ដែនសមុទ្រខ្មែរ គឺពលរដ្ឋខ្មែរគ្រប់រូប សុទ្ធតែបានដឹង និង បានឮ។

ការព្យាយាមបំភ្លៃ និងបោកប្រាស់ខ្មែរ បិទបាំងទង្វើក្បត់ជាតិ របស់ខ្លួន {ហ៊ុន សែន} រួមមាន

១. ការបង្កើត ក្រុមមនុស្សថ្មី គឺក្រុមការងារ សុខ ទូច ប្រធានរាជបណ្ឌិសភាកម្ពុជា ឲ្យមកធ្វើកិច្ចការព្រំដែន និយាយការពារ និង ជំនួស គណៈកម្មការព្រំដែនរបស់រដ្ឋាភិបាល ដឹកនាំដោយ វ៉ា គីមហុង និង ហ៊ុន សែន។
២.ការប្រើវិធីបោករាស្រ្តខ្មែរ តាមរយៈការធ្វើជាស្នើសុំផែនទី សម្តេចតា នរោត្ត សីហនុ តម្កល់ទុកនៅ UN ប៉ុន្តែសុំមកតែ ផែនទី មិនត្រឹមត្រូវ ហើយមានតែ ១៩ ផ្ទាំងតែប៉ុណ្ណោះ យកមកបោកប្រាស់ពលរដ្ឋខ្មែរ ដោយអះអាងថា ផែនទីទាំងនោះ ជាផែនទីសម្តេចតា បានតម្កល់ទុក នៅ UN។
៣. អ្វីដែលរឹតតែច្បាស់ គឺរដ្ឋាភិបាល ហ៊ុន សែន និង សុខ ទូច មិនដែលហ៊ានបង្ហាញ Sheet Name, Sheet No, Production Date និង Remarks នៃផ្ទាំងផែនទីនីមួយៗ យកមកពី UN ដែលជាអត្តសញ្ញាណពិត នៃផែនទី ដើម្បីឲ្យពលរដ្ឋខ្មែរ ឬបក្សប្រឆាំង បានដឹងឡើយ។ ជាពិសេសខាងរដ្ឋាភិបាល ក៏មិនដែលបានបង្ហាញពី Sheet Name, Sheet No, Production Date និង Remarks នៃផ្ទាំងផែនទី UTM នីមួយៗ តាមសន្ធិសញ្ញាព្រំដែនខុសច្បាប់ ឆ្នាំ១៩៨៥ និង សន្ធិសញ្ញាព្រំដែនបំពេញបន្ថែម ឆ្នាំ ២០០៥ ដែល វៀតណាម គូសឲ្យរដ្ឋាភិបាល ហ៊ុន សែន ប្រើសម្រាប់បោះបង្គោលព្រំដែន ដើម្បីឲ្យពលរដ្ឋខ្មែរ ឬបក្សប្រឆាំង បានឃើញថែមទៀតទេ។

តាមមូលហេតុ និងទឡ្ហីករណ៍ ដូចបានរៀបរាប់ខាងលើ ពលរដ្ឋខ្មែរ អាចយល់បានយ៉ាងងាយ ចំពោះរឿងព្រំដែន និង ទង្វើក្បត់ជាតិនៃ ស៊ីភីភី (បក្សកាប់អំណាច) របស់ ហ៊ុន សែន និង ក្រុមការងាររបស់ សុខ ទូច យ៉ាងពិតប្រាកដ។ (ដោយ ប៉ាង សុខឿន)

ខាងក្រោមនេះ សូមភ្ជាប់វីដេអូ ស្តីអំពីប្រវត្តិនៃ ការបោះបង្គោលព្រំដែនខ្មែរ-យួន៖

 

ប៉ាង សុខឿន ផ្តាំទៅ សុខ ទូច និង ហ៊ុន សែន ថាផែនទីព្រំដែនពិត ឬមិនពិត មិនអាចបំភ្លៃបានទេ ពីព្រោះយើងបានពិនិត្យផ្ទាល់

King Father-PM Hun Sen-001Hun Sen

នេះជាអត្ថបទរបស់លោក ប៉ាង សុខឿន (ហ្វេសប៊ុក សុវណ្ណភូមិ ខ្មែរ) ថ្ងៃទី២២ សីហា ២០១៧។ លោក សុខឿន អតីតប្រធានចលនានិស្សិតដើម្បីប្រជាធិបតេយ្យ ជំនាន់ទី៣ បន្ទាប់ពីលោក សារ៉ូ ស៊ីវត្ថា និង លោក អ៊ុំ សំអាន។ ក្រៅពីនេះលោក ជាអតីតសាស្ត្រាចារ្យ នៅសាកលវិទ្យាឯកជនមួយ ក្នុងក្រុងភ្នំពេញ កាលពីមុនឆ្នាំ២០០៥។ លោក ក៏ជាក្រុមការងារ នៃគណៈកម្មាធិការព្រំដែនខ្មែរ ជាមួយលោក ស៊ាន ប៉េងសែ និងលោក ឌី ការេត ផងដែរ។ សព្វថ្ងៃ លោករស់នៅប្រទេស ស៊ុយអែត ក្រោយេពីការធ្វើទុក្ខបុកម្នេញ ពីសំណាក់រដ្ឋាភិបាល ហ៊ុន សែន កាលពីឆ្នាំ២០០៥ ក្នុងរឿង ព្រំដែនខ្មែរ-យួន និង សិទ្ធិមនុស្ស។ ខាងក្រោមនេះ គឺជាអត្ថបទទាំងស្រុង៖

ផ្តាំមក សុខ ទូច ប្រធានរាជបណ្ឌិត្យសភា និង ហ៊ុន សែន នាយករដ្ឋមន្រ្តី៖ ផែនទីពិត ឬមិនពិត មិនអាចបំភ្លៃបានទេ ពេលយើងបានពិនិត្យផ្ទាល់ !
សំនួរ៖ ការដែល សុខ ទូច និយាយថា៖ «ពេលទំលាក់ផែនទីំមក ទើបដឹងថា សម្តេច ហេង សំរិន ប្រធានរដ្ឋសភា យកដីវៀតណាមនៅ» តើផែនទី ដែល សុខ ទូច បានទំលាក់មកនោះ ជាផែនទីប្រភេទអ្វី ? វាមានលេខកូដប៉ុន្មាន ? បោះពុម្ភឆ្នាំណា ? អ្នកណាជាអ្នកបោះពុម្ភ ? ឬផែនទី យួន បោះពុម្ភ អមសន្ធិសញ្ញាព្រំដែនខុសច្បាប់ ឆ្នាំ១៩៨៥ ដូចដែល វ៉ា គឹមហុង និយាយកាលពីខែ កក្កដា ២០១៥ ?
…………………..
ជនរួមឈាមជាទីគោរព!
ផែនទីសម្តេចតា នរោត្ត សីហនុ យកទៅតម្កល់ទុកនៅ UN ឆ្នាំ១៩៦៤ ដែលធ្វើឲ្យអន្តរជាតិ ទទួលស្គាល់បូរណភាពទឹកដីខ្មែរ គឺជាផែនទី Bonne ខ្នាត ១/១០០.០០០ មានចំនួន ២៦ ផ្ទាំង បោះពុម្ភពីចន្លោះឆ្នាំ ១៩៣៣ – ១៩៥៣។ ក្នុងនោះមាន៖ ៤ ផ្ទាំងសម្រាប់ខេត្តរតនគិរី, ៧ ផ្ទាំងសម្រាប់ខេត្តមណ្ឌលគិរី, ១ ផ្ទាំងសម្រាប់ខេត្តក្រចេះ, ១ ផ្ទាំងសម្រាប់ខេត្តក្រចេះ-កំពង់ចាម, ៣ ផ្ទាំងសម្រាប់ខេត្តកំពង់ចាម, ៣ ផ្ទាំងសម្រាប់ខេត្តស្វាយរៀង, ១ ផ្ទាំងសម្រាប់ខេត្តព្រៃវែង, ១ ផ្ទាំងសម្រាប់ខេត្តព្រៃវែង-កណ្តាល, ១ ផ្ទាំងខេត្តស្វាយរៀង-ព្រៃវែង, ១ ផ្ទាំងសម្រាប់ខេត្តកណ្តាល-តាកេវ, ១ ផ្ទាំងសម្រាប់ខេត្តតាកែវ, ១ ផ្ទាំងសម្រាប់ខេត្តតាកែវ-កំពត, ១ ផ្ទាំងសម្រាប់ខេត្តកំពត។

ចំណែកយួនវិញ៖ យួន ក៏បានយកផែនទីទៅតម្កល់ទុកនៅ UN ថ្ងៃទី២៦ តុលា ១៩៨៥ ផងដែរ ដើម្បីឲ្យអន្តរជាតិ ទទួលស្គាល់ព្រំដែនយួន-ខ្មែរថ្មី ដោយភ្ជាប់ជាមួយនូវសន្ធិសញ្ញាកំណត់ព្រំដែនថ្មី កម្ពុជា-យួន ឆ្នាំ ១៩៨៥ រួមមានផែនទី ២ ប្រភេទ គឺ៖
១). ប្រភេទ UTM ១/៥០.០០០ មានចំនួន ៤០ ផ្ទាំង (បោះពុម្ភចន្លោះ ឆ្នាំ ១៩៦៦-១៩៧១ ជាផែនទីសង្រ្គាម ភាគច្រើន គូសតាមទីតាំងយួនយៀកកុង ក្នុងដីខ្មែរ) និង អាចជាផែនទីរដ្ឋាភិបាល កំពុងប្រើសព្វថ្ងៃភាគច្រើន។
២). ផែនទី SGI ១/១០០.០០០ ចំនួន ២៦ ផ្ទាំង (បោះពុម្ភចន្លោះឆ្នាំ ១៩៥១ – ១៩៥៥ ដែលមិនមែនជាផែនទី សម្តេចតា យកទៅតម្កល់ទុកនៅ UN)។ ផែនទី ទាំងពីរប្រភេទនេះ UN បានទទួលស្គាល់ តាមភាគី យួន ដែរ ព្រោះភាគីខ្មែរ ក្នុងរបប ហ៊ុន សែន ក៏យល់ព្រមដែរ តាមសន្ធិសញ្ញាកំណត់ព្រំដែនថ្មី ឆ្នាំ១៩៨៥។

បញ្ជាក់៖ ផែនទី ២៦ ផ្ទាំងដែល យួន យកទៅទុក នៅ UN នេះហើយ និង មាននៅបណ្ណាល័យផែនទីបារាំង ផងដែរ ដែលខ្មែរជាច្រើន តែងច្រឡំថា ជាផែនទីរបស់ សម្តេចតា យកទៅតម្កល់ទុកនៅ UN នោះ។ ម្យ៉ាងទៀត ផែនទីដែល UN យកមកឲ្យខ្មែរខ្ចី ១៨ ផ្ទាំង តាមសំណើ ហ៊ុន សែន មិនមែនជាផែនទី របស់សម្តេចតា យកទៅតម្កល់ទុក ឆ្នាំ ១៩៦៤ ទេ។ តើវាអាចជាផែនទីប្រភេទទី២ ដែល យួន យកទៅតម្កល់ទុក កាលពីថ្ងៃទី ២៦ តុលា ១៩៨៥ ដែរទេ ? ពីព្រោះផែនទី ដែល UN យកមកនោះ ក៏ជាផែនទីអាមេរិកកាំង បោះពុម្ភដែរ។

ពេលនេះ មិនអាចបន្លំយើងបានទេ ពីព្រោះលេខកូដ របស់ផែនទីទាំងអស់ មិនដូចគ្នាឡើយ។ នាយករដ្ឋមន្រ្តី ហ៊ុន សែន, ទេសរដ្ឋមន្រ្តី វ៉ា គីមហុង និង សុខ ទូច អាចបន្លំអ្នកផ្សេងបាន ប៉ុន្តែមិនអាចបន្លំយើងបានជាដាច់ខាត នៅពេលដែលយើង បានពិនិត្យផែនទី ដោយផ្ទាល់៕ (អត្ថបទបន្ថែមដោយ ម៉ែន ណាត)

សុខ ទូច ទទួលស្គាល់ថា ភូមិកំណើតសម្តេច ហេង សំរិន ស្ថិតក្នុងទឹកដី វៀតណាម

19961368_1784363544912449_8654208286326023692_n

ភូមិកំណើត លោក ហេង សំរិន ប្រធានរដ្ឋសភាជាតិ ស្ថិតនៅជាប់ព្រំដែន កម្ពុជា-វៀតណាម បានកាត់មួយចំរៀកទៅឲ្យ វៀតណាម ក្រោយបោះបង្គោលព្រំដែនថ្មី តាមសន្ធិសញ្ញាព្រំដែនថ្មី ឆ្នាំ២០០៥។ ភូមិកំណើត លោក ហេង។ ភូមិកំណើតរបស់លោក នៅភូមិអន្លុងជ្រៃ និង ថ្លុកត្រាច ឃុំកក់ ស្រុកពញាក្រែក ខេត្តត្បូងឃ្មុំ (ពីមុននៅក្នុង ខេត្តកំពង់ចាម)។ (ដោយ ម៉ែន ណាត)


លោក សុខ ទូច៖​ សម្តេច ហេង សំរិន ទេជាអ្នកយកដីវៀតណាមនៅ

(VOD News, ដោយ លោក ពៅ មេត្តា​​, ថ្ងៃសុក្រ ទី១៨ ខែសីហា ឆ្នាំ២០១៧)

ប្រធានរាជបណ្ឌិតសភាកម្ពុជា ថ្លែងថា​ បើអ្នកណាមួយដឹងថា មានប្រទេសជិតខាងឈ្លានពាន ​ចូលទឹក​ដីកម្ពុជា ឲ្យប្រាប់រូបលោកហើយថា ចំពោះករណីចោទ វៀតណាម ទន្ទ្រានយកដីកម្ពុជា ក្បែរផ្ទះលោក ហេង សំរិន នោះគឺលោកថា មិនពិតទេ។​

នៅក្នុងសន្និសីទ ស្តីពីស្ថានភាពព្រំដែន នៅព្រឹកនេះ លោក សុខ ទូច​ បានច្រានចោល ​ចំពោះការចោទថា វៀតណាម​ ឈ្លានពាន​ផ្ទះ លោក ​ហេង សំរិន ប្រធានរដ្ឋសភាកម្ពុជា ដោយលោកថា លោក ហេង សំរិន ទេ ជាអ្នក​យកដីវៀតណាម​ រស់នៅ។​ លោកថ្លែងថា «សម្តេច ហេង សំរិន ទេ ជាអ្នកយកដី វៀតណាម នៅនោះ។ ដោយសារ គាត់នៅទៅ De Facto គាត់នៅយូរទៅ ដោយសារទម្លាក់ផែនទីទៅ ដីលោកតា ហេង សម្តេច ហេង សំរិន នោះ បានទៅវៀតណាម​ ប៉ុន្តែគាត់ នៅយូរ…»

ក្នុងពេលសន្និសីទនោះ លោក សុខ ទូច ក៏បានព្រមាន​ ចំពោះអ្នកដែលនិយាយថា វៀតណាម​ឈ្លានពានបូរណភាពទឹកដីកម្ពុជា ដោយមិនមានភស្តុតាង អាចព្រឈមមុខផ្លូវច្បាប់។​

ទន្ទឹមនឹងការលើកឡើង ពីបូរណភាពទឹកដីនេះ លោក កឹម សុខា មេដឹកនាំគណបក្សប្រឆាំង នៅក្នុងវេទិកាមួយ នៅខេត្តកំពង់ធំ នៅថ្ងៃនេះ ថ្លែងថា គោលដៅគណបក្សរបស់លោក ចង់ឲ្យប្រទេសមានឯករាជ្យ បូរណភាពទឹកដីពេញលេញ មិនរណបបរទេស។​

អ្នកវិភាគបញ្ហាសង្គម លោក ឡៅ ម៉ុងហៃ មិនបកស្រាយបញ្ហាព្រំដែន នៅចំណុចផ្ទះ លោក ហេង សំរិន ទេ ប៉ុន្តែលោក​ថា ការរឹតត្បិតមិនឲ្យមហាជន និយាយពីបញ្ហាព្រំដែននោះ មិនមែនជាការល្អទេ លោក​ថា អ្នកធ្វើការងារពាក់ព័ន្ធព្រំដែន ​គួរស្តាប់សម្តីមហាជន ឬ រៀបចំជាវេទិកាសាធារណៈ ដើម្បីពិគ្រោះពីបញ្ហាទាំងនេះ។​ លោក​មាន​ប្រសាសន៍ថា៖ «បើ​យល់​ល្អណា ពី​បញ្ហា​ព្រំដែន ​ដែល​ធ្លាប់​មាន​នោះ គឺ​គួរ​តែ​ធ្វើ​កម្មវិធីមួយ​ គម្រោង​មួយ​ដែល​អាច​ទៅ​សួរ​អ្នក​ស្រុកចាស់ៗ​ ដែល​ធ្លាប់​រស់​នៅ​ទី​នោះ ថា តើ​ពី​មុន​នោះ គាត់​ចាំ​ថា ​​ព្រំ​ប្រទល់​វា​នៅ​កន្លែង​ណា? … តែ​កាល​ណា ​មាន​ការ​ចោទ​ប្រកាន់​ថា​មាន​ការ​និយាយ​ផ្តេស​ផ្តាស​អី​ហ្នឹង ចុះ​បើ​គេ​និយាយ​ការពិត? តើ​ច្បាប់​ដាក់​ទោស​អ្នក​និយាយ​ការពិត​ដែរ​ទេ?»

វីអូឌី (VOD) មិនទាន់អាចសុំការបញ្ជាក់ ពីលោក ហេង សំរិន បានទេនៅថ្ងៃនេះ ដោយទូរសព្ទហៅចូលច្រើនដង តែមិនមានអ្នកទទួល។​​

កន្លងមកមានការចោទថា ការដោះស្រាយបញ្ហាព្រំដែន ជាមួយ វៀតណាម ​ធ្វើឲ្យកម្ពុជា បាត់បង់ទឹកដី ហើយថា សូម្បីផ្ទះជាភូមិកំណើត ​លោក ហេង សំរិន ប្រធានរដ្ឋសភា នៅស្រុកពញ្ញក្រែក ខេត្តត្បូងឃ្មុំ បច្ចុប្បន្ន​ក៏ត្រូវ​វាស់វែងទៅថា នៅក្នុងទឹកដីវៀតណាម​ដែរ។​ ទោះយ៉ាងណា លោកនាយករដ្ឋមន្ត្រី ហ៊ុន សែន ធ្លាប់អះអាងថា ការដោះស្រាយបោះបង្គោលព្រំដែន ជាមួយវៀតណាម ធ្វើឲ្យកម្ពុជា​ចំនេញទឹកដី គឺលោកថា ផ្ទៃដីជាក់ស្តែងរបស់កម្ពុជា គឺធំជាង ​១៨១.០៣៥ គីឡូម៉ែត្រការ៉េ៕ (រាយការណ៍បន្ថែមដោយ កញ្ញា ហ៊ាង សុគន្ធារី)


បញ្ជាក់ឡើងវិញ៖ «កូនកើតមុនឪ» បើតាម វ៉ា គឹមហុង ថ្លែងថា«បារាំង គូសផែនទី ដាក់ភូមិកំណើត ហេង សំរិន ទៅក្នុងទឹកដីយួន»!

លោក វ៉ា គឹមហុង បានក្រឡះសំដីអំពីរឿងដោះដូរភូមិកំណើតលោក ហេង សំរិន ថា «គ្មាន ការដោះដូរ ទេ» ប៉ុន្តែលោក ទទួលស្គាល់ថា រដ្ឋាភិបាលកម្ពុជា មានគោលការណ៍ «រកទីតាំង ផ្សេង មកដោះដូរជាមួយ វៀតណាម» ស្របតាមកិច្ចព្រមព្រៀង កាលពីថ្ងៃទី១៨-២០ ខែតុលា ២០១៦ កន្លងទៅ។ លោក វ៉ា គឹមហុង បន្តនិយាយកុហកថា «អាណានិគមបារាំង គូសផែនទី ដាក់ភូមិកំណើតលោក ហេង សំរិន ទៅក្នុងទឹកដីយួន» ការថ្ងែងរបស់លោក វ៉ា គឹមហុង នេះមានន័យថា «កូនកើតមុនឪ»

គួសបញ្ជាក់ថា អាណានិគមបារាំង បានបោះបង្គោលព្រំដែន ចំនួន ១២៤ បង្គោលរួចហើយ បន្ទាប់ ពីចុះអនុសញ្ញា បារាំង-កូសាំងស៊ីន-កម្ពុជា កាលពីឆ្នាំ១៨៧៣ ។ ហើយកាលនោះ ខ្សែបន្ទាត់ព្រំដែន គឺជាខ្សែបន្ទាត់រដ្ឋបាលនៅឡើយ ពីព្រោះបារាំងគ្រាន់តែ បែងចែក ការគ្រប់គ្រង រវាងកម្ពុជា និង កូសាំងស៊ីន (កម្ពុជាក្រោម) ប៉ុណ្ណោះ។

បង្គោលព្រំដែនទាំង ១២៤ បានក្លាយជាបង្គោលព្រំដែន រវាងកម្ពុជា និង វៀតណាម នៅ ពេលដែល បារាំង កាត់ទឹកដីខ្មែរកម្ពុជាក្រោម ឲ្យទៅវៀតណាម នៅថ្ងៃទី ០៤ ខែមិថុនា ឆ្នាំ១៩៤៩។ ហើយ ខ្សែបន្ទាត់ព្រំដែននេះ ត្រូវបានទទួលស្គាល់ ដោយសន្និសីទ ទីក្រុងហ្សឺណែវ ប្រទេសស៊្វីស ឆ្នាំ១៩៥៤ ដែលមានភាគីប្រទេស ជាប់ព្រំដែនគ្នា ចូលរួមយល់ព្រម និង ទទួលស្គាល់ផែនទីព្រំដែន ខ្នាត ១/១០០.០០០ ដែលគូសដោយ ក្រុមភូមិសាស្រ្តឥណ្ឌូចិន។ ឯកសារពាក់ព័ន្ធរឿងព្រំដែន ឬ បូរណភាពទឹកដីខ្មែរទាំងអស់ ត្រូវបានរំលឹកឡើងវិញ ក្នុងកិច្ចព្រមព្រៀងទីក្រុងប៉ារីស ឆ្នាំ១៩៩១។

 

ក្រុមប្រឹក្សាឃ្លាំមើលកម្ពុជា និង គណៈកម្មាធិការព្រំដែនកម្ពុជា ប្រទេសបារាំង ពិគ្រោះយោបល់ ជាហូរហែរ អំពីបញ្ហាព្រំដែន, ផែនទីព្រំដែន, និង យន្តការដោះស្រាយបញ្ហាព្រំដែនខ្មែរ ជាមួយ វៀតណាម។ ក្រុមការងារពិគ្រោះយោបល់ យល់ស្របគ្នាថា រដ្ឋាភិបាលកម្ពុជា ចាំបាច់ ត្រូវប្តឹងទៅ ប្រទេសហត្ថលេខីនៃ កិច្ចព្រមព្រៀងទីក្រុងប៉ារីស ឆ្នាំ១៩៩១ និង តុលាការយុត្តិធម៌អន្តរជាតិ (ICJ) Read more

អ្នក​ឃ្លាំមើល​ព្រំដែនខ្មែរថា ហ៊ុន សែន ធ្វើឲ្យបាត់បង់ កោះត្រល់ និង កោះក្រចកសេះ ហើយថា វៀតណាម​ ​ប៉ុនប៉ង​លេប​​ទឹក​ដី​កម្ពុជា

ctn_2_vov_ht

ក្រុម​អ្នក​ឃ្លាំមើល​អំពី​បូរណភាព​ទឹក​ដី​កម្ពុជា បាន​ប្រតិកម្ម​ទៅ​នឹង​ ការ​ចុះ​អនុស្សរណៈ​យោគយល់​គ្នា ស្ដីពី​កម្មវិធី​សហប្រតិបត្តិការ​ រវាង​អង្គការ​រណសិរ្ស​ទាំង ៣ ​ប្រទេស មាន​កម្ពុជា វៀតណាម ឡាវ ថាអាច​ជា​មហិច្ឆតា​របស់​វៀតណាម ក្នុង​ការ​លេប​យក​កម្ពុជា ដើម្បី​ពង្រីក​អំណាច ​សហព័ន្ធ​ឥណ្ឌូចិន។

Update 18-8-2017 /(ដោយ តាំង សារ៉ាដា, RFA, 10th-12-2011)

ក្រុម​អ្នក​ឃ្លាំមើល​អំពី​បញ្ហា​ព្រំដែន​កម្ពុជា នៅ​ឯ​នាយ​សមុទ្រ បាន​សំដែង​ការ​ព្រួយ​បារម្ភ​ចំពោះ​ការ​ចុះ​អនុស្សរណៈ ស្ដីពី​កម្មវិធី​សហ​ប្រតិបត្តិការ ​រវាង​អង្គការ​រណសិរ្ស​ទាំង​បី​ប្រទេស មាន​កម្ពុជា វៀតណាម ឡាវ កាល​ពី​ថ្ងៃ​ទី​៣០ ខែ​វិច្ឆិកា នោះ​ថា អាច​ជា​ល្បិចកល​របស់​វៀតណាម ក្នុង​ការ​លេប​ត្របាក់​ប្រទេស​កម្ពុជា ហើយ​ពង្រីក​ទឹក​ដី​របស់​ខ្លួន​ប៉ុណ្ណោះ។

អនុស្សរណៈ​រវាង​ប្រទេស​បី​នេះ ធ្វើ​ឡើង​ក្នុង​គោល​បំណង​កសាង​ ខ្សែ​បន្ទាត់​ព្រំដែន​សន្តិភាព មិត្តភាព និង​សហ​ប្រតិបត្តិការ ខណៈ​ក្រុម​អ្នក​ឃ្លាំមើល​អះអាង​ថា នេះ​ជា​យុទ្ធសាស្ត្រ​ថ្មី​របស់​វៀតណាម ដើម្បី​ឈាន​ទៅ​រក​ការ​បើក​ចំហ​ព្រំដែន​រវាង​កម្ពុជា និង​វៀតណាម ដូចគ្នា​ទៅ​នឹង​ការ​បើក​ចំហ​ព្រំដែន ​រវាង​វៀតណាម និង​ឡាវ ដូច្នោះ​ដែរ។

លោក ស៊ាន ប៉េងសែ ដែល​ជា​ប្រធាន​គណៈកម្មាធិការ​ព្រំដែន​កម្ពុជា ដែល​មាន​មូលដ្ឋាន​នៅ​ប្រទេស​បារាំង មាន​ប្រសាសន៍​ថា វៀតណាម​កំពុង​ប្រើ​គ្រប់​រូបមន្ត ដើម្បី​ពង្រីក​ទឹក​ដី​របស់​ខ្លួន ពីព្រោះ​វៀតណាម​មាន​ប្រជាជន​ជាង ៨០​លាន​នាក់ ដែល​ត្រូវ​ការ​ផ្ទៃដី​ថែម​ទៀត ដើម្បី​ចិញ្ចឹម​ប្រជាជន​របស់​គេ។

លោក ស៊ាន ប៉េងសែ៖ «ពីព្រោះ​ខ្ញុំ​ដឹង​យូរ​ហើយ ហើយ​កូនចៅ​របស់​យើង​ទាំង​អស់​គ្នា​ដឹង​យូរ​មក​ហើយ​ថា យួន​ហ្នឹង​មិន​ចង់​ឲ្យ​ខ្មែរ​យើង​ចេញ​ពី​ឥណ្ឌូចិន ដែល​បារាំង ទុក​ឲ្យ​ទេ ពីព្រោះ​ហេតុផល​ធំ​បំផុត​ហ្នឹង វា​មាន​ប្រជាជន​ច្រើន​ណាស់ ជាង ៨០​លាន ហើយ​ឡាវ មាន​មិន​ដល់ ៦ ទៅ ៧​ លាន អី​អ៊ីចឹង​ទៅ ហើយ​ខ្មែរ​យើង​មាន​ប្រជាជន ១៤ លាន​នាក់ ហើយ​ពី ៣ ទៅ ៤​ លាន​ហ្នឹង សុទ្ធតែ​ប្រជាជន​យួន។ ដូច្នេះ​យួន​គាត់​ត្រូវការ​ទឹក​ដី ដើម្បី​ឲ្យ​ប្រជាជន​គេ​មក​នៅ​ជាមួយ​យើង»

អនុស្សរណៈ​ស្ដីពី​កម្មវិធី​សហ​ប្រតិបត្តិការ ​រវាង​អង្គការ​រណសិរ្ស​ទាំង​បី​ប្រទេស​នេះ បាន​ដឹកនាំ​ធ្វើ​ឡើង​ដោយ​លោក ហេង សំរិន ប្រធាន​កិត្តិយស​នៃ​ គណបក្ស​ប្រជាជន​កម្ពុជា ភាគី​វៀតណាម មាន​លោក ហ្វិញ ដាម ប្រធាន​គណៈកម្មាធិការ​មជ្ឈិម​បក្ស​រណសិរ្ស​មាតុភូមិ​វៀតណាម រី​ឯ​ភាគី​ឡាវ មាន​លោក ផាញ់ ដួងចិត្ត វស្សា  ជា​សមាជិក​គណៈកម្មាធិការ​កណ្ដាល​បក្ស​ប្រជាជន​បដិវត្តន៍​ឡាវ ហើយ​ភាគី​ទាំង​បី​បាន​ប្ដេជ្ញា​ចិត្ត​របស់​ខ្លួន​ថា នឹង​ខិតខំ​ថែ​រក្សា​នូវ​លទ្ធផល​ទាំង​ឡាយ ​ដែល​កើត​ចេញ​ពី​កិច្ច​សហប្រតិបត្តិការ​រួម​គ្នា ដើម្បី​ពង្រីក​ប្រពៃណី​ដ៏​ល្អ​នៃ​ប្រទេស​ទាំង​បី និង​ប្ដេជ្ញា​ចិត្ត​ជួយ​ឧបត្ថម្ភ​គ្នា​ទៅ​វិញ​ទៅ​មក ទាំង​ស្មារតី សម្ភារៈ និង​ថវិកា រវាង​ថ្នាក់​ជាតិ និង​ថ្នាក់​ជាតិ ថ្នាក់​ខេត្ត និង​ថ្នាក់​ខេត្ត ហើយ​ថ្នាក់​ស្រុក និង​ថ្នាក់​ស្រុក។

របាយការណ៍​របស់​ គណៈកម្មាធិការ​ព្រំដែន​កម្ពុជា ឲ្យ​ដឹង​ថា កម្ពុជា​តែង​បាត់បង់​ទឹក​ដី​របស់​ខ្លួន ​តាម​រយៈ​ការ​ចុះ​សន្ធិសញ្ញា ឬ​ការ​ចុះ​អនុស្សរណៈ​ផ្សេងៗ ជាមួយ​ប្រទេស​វៀតណាម។ ក្រុម​នេះ​ក៏​បាន​ឲ្យ​ដឹង​ផង​ដែរ​ថា កិច្ច​ព្រមព្រៀង​ព្រំដែន​ទឹក​រវាង​កម្ពុជា ដែល​ចុះ​ហត្ថលេខា​នៅ​ថ្ងៃ​ទី​ ៧ ខែ​កក្កដា ឆ្នាំ​១៩៨២ ដោយ​លោក ហ៊ុន សែន រដ្ឋមន្ត្រី​ក្រសួង​ការបរទេស​កម្ពុជា ជាមួយ​លោក ង្វៀង កូថាច់ រដ្ឋមន្ត្រី​ក្រសួង​ការបរទេស​​វៀតណាម បាន​បាត់​ព្រំដែន​ទឹក​ទំហំ ៣​ ម៉ឺន​គីឡូម៉ែត្រ​ការ៉េ ហើយ​បាន​ដាក់​តំបន់​ទឹក​ប្រវត្តិសាស្ត្រ​​រួម​ជាមួយ​វៀតណាម ទំហំ ១​ ម៉ឺន​គីឡូម៉ែត្រ​ការ៉េ ផ្សេង​ទៀត ដើម្បី​រក​រួម​គ្នា​ជាមួយ​វៀតណាម។ កិច្ច​ព្រមព្រៀង​ឆ្នាំ​១៩៨២ នេះ​ បាន​នាំ​ឲ្យ​ខ្មែរ​បាត់បង់​ កោះ​ត្រល់ និង​ កោះ​ក្រចក​សេះរបស់​ខ្លួន ដែល​មាន​ទំហំ​ស្មើ​ប្រទេស​ប៊ែលហ្ស៊ិក (Belgium) ទាំង​មូល។ 
ចំពោះ​សន្ធិសញ្ញា​មួយ​ទៀត​ដែល​ចុះ​ហត្ថលេខា​ដោយ​លោក ហ៊ុន សែន កាល​លោក​នៅ​ជា​រដ្ឋមន្ត្រី​ក្រសួង​ការបរទេស​កម្ពុជា ធ្វើ​ឡើង​ជាមួយ​លោក ង្វៀង កូថាច់ រដ្ឋមន្ត្រី​ក្រសួង​ការបរទេស​វៀតណាម កាល​ពី​នៅ​ថ្ងៃ​ទី​២៧ ខែ​ធ្នូ ឆ្នាំ​១៩៨៥ កំណត់​ហេតុ​របស់​គណៈកម្មាធិការ​ព្រំដែន​កម្ពុជា ប្រចាំ​ក្នុង​ប្រទេស​បារាំង បាន​ឲ្យ​ដឹង គឺ​ជា​សន្ធិសញ្ញា​ខុស​ច្បាប់ ព្រោះ​សន្ធិសញ្ញា​នេះ​បាន​ធ្វើ​ឡើង​ខណៈ​កម្ពុជា ស្ថិត​ក្រោម​ការ​ត្រួតត្រា​របស់​កងទ័ព​វៀតណាម។

កំណត់ហេតុ​របស់​ គណៈកម្មាធិការ​ព្រំដែន​កម្ពុជា ប្រចាំ​ក្នុង​ប្រទេស​បារាំង ចាត់​ទុក​ថា សន្ធិសញ្ញា​ច្បាប់​ឆ្នាំ​១៩៨៥ នេះ បាន​ធ្វើ​ឲ្យ​បាត់​ព្រំដែន​គោក​របស់​កម្ពុជា ប្រមាណ​ពី ៤​ ពាន់ ទៅ ៦ ​ពាន់​គីឡូម៉ែត្រ​ក្រឡា

ទាក់ទិន​ទៅ​នឹង​ការ​ចោទ​ប្រកាន់​អំពី​ការ​បាត់បង់​ទឹក​ដី​ខ្មែរ​នេះ​ដែរ លោក ស៊ាន ប៉េងសែ បាន​បន្ទោស​ទាំង​ស្រុក​ដល់​លោក​នាយករដ្ឋមន្ត្រី ហ៊ុន សែន ថា បាន​កាត់​ទឹក​ដី​របស់​ខ្លួន​ទៅ​ឲ្យ​វៀតណាម ដោយ​ខុស​ច្បាប់៖ «ក្មួយ​ឯង​ឃើញ​ស្រាប់​ថា ខ្ញុំ​មាន​អាយុ ៧៤​ឆ្នាំ ហើយ​ថា អ្នក​ណា​ដែល​ហ៊ាន​ទទួល​ស្គាល់​កោះ​ត្រល់ កោះ​ពូលូប៉ងហ្សង់​ហ្នឹង ជា​របស់​យួន​ហ្នឹង រួច​ខ្ញុំ​និយាយ​រួច​ហើយ​ថា អ្នក​ណា​ដែល​ទទួល​ស្គាល់​ដី​ខ្មែរ​ថា ជា​របស់​គេ​ហ្នឹង​គឺ​ជា​មនុស្ស​ក្បត់​ជាតិ អ្នក​ណា​ក៏ដោយ ឪពុក​ខ្ញុំ​ក៏ដោយ។ សម្រាប់​ខ្ញុំ​គិត​ថា លោក ហ៊ុន សែន ជា​មនុស្ស​ក្បត់​ជាតិ»Read more

ជីវប្រវត្តិសង្ខេប៖ លោក ម៉ែន ណាត ពីកូនកសិករ ក្លាយជាបញ្ញវន្ត បន្តដំណើរជាអ្នកជាតិនិយម

13932811_1006700922784387_2575749434272095641_n

ជីវប្រវត្តិសង្ខេប៖ លោក ម៉ែន ណាត ពីកូនកសិករ ក្លាយជាបញ្ញវន្ត បន្តដំណើរជាអ្នកជាតិនិយម
………………………..
លោក ម៉ែន ណាត (ហៅ នគរ គោកធ្លក) ជាកូនកសិករ ក្នុងជីវភាពគ្រួសារមធ្យម មានស្រុកកំណើតនៅ ភូមិ/ឃុំដូងខ្ពស់ ស្រុកបុរីជលសារ ខេត្តតាកែវ។ លោក កើតនៅក្នុងសម័យសង្គ្រាម ថ្ងៃទី១៤ ខែមេសា ឆ្នាំ១៩៧៥ (ក្នុងបញ្ជីជាតិ ខែមករា ១៩៧៦)។

បន្ទាប់ពីបញ្ចប់ការសិក្សា នៅវិទ្យាល័យព្រៃសណ្តែក ក្នុងស្រុកទ្រាំង ខេត្តតាកែវ លោក ម៉ែន ណាត បានបន្តការសិក្សា នៅទីក្រុងភ្នំពេញ ផ្នែកសង្គមវិជ្ជា ជំនាន់​ទី៣ (១៩៩៦-២០០០) ហើយបញ្ចប់បរិញ្ញាប័ត្របូក១ នៅមហាវិទ្យាល័យគរុកោសល្យ ឆ្នាំ២០០១។ ប្រវត្តិការសិក្សារបស់លោក ជាសិស្សពូកែ តាំងពីថ្នាក់បឋមសិក្សារហូតមក ហើយលោក បានប្រឡងជាប់ចូលមហាវិទ្យាល័យ ចំនួន ២ កាលនោះគឺ សង្គមវិជ្ជា និង មន្ទីរពិសោធន៍ ផ្នែកសុខាភិបាល។ ក្រៅពីនេះ លោក បានសិក្សាវគ្គបណ្តុះបណ្តាលជំនាញមួយចំនួនទៀត ផែ្នករដ្ឋបាលទូទៅ ច្បាប់ និង វិទ្យាសាស្រ្តនយោបាយផង។

លោក ម៉ែន ណាត ក៏បានបញ្ចប់បរិញ្ញាប័ត្រជាន់ខ្ពស់ ផ្នែកវិទ្យាសាស្រ្តអប់រំ នៅសាកលវិទ្យាល័យ​អាហ្គ័រឌើរ៍ (University Of Agder or UiA) ប្រទេសន័រវេស៍ (Norway) ឆ្នំា២០១៣ ក្នុងឋានៈជាជនភៀសខ្លួន និងបានទទួលសញ្ជាតិ នៅប្រទេសនេះ។

លោក ម៉ែន ណាត ធ្លាប់ជាមន្រ្តីរាជការ នៃការិយាល័យកំណត់ហេតុ នាយកដ្ឋាននីតិវិធី រដ្ឋសភា ពីឆ្នាំ​១៩៩៩ ដល់ឆ្នាំ​​​២០០៥។ ទន្ទឹមនឹងនេះ លោក ក៏បានរៀបចំ សមាគមមន្រ្តីរាជការឈ្មោះថា «សមាគម​មន្រ្តីរាជកការឯករាជ្យកម្ពុជា (CICA or Cambodia Independent Civil-servants Association)» ក្នុងគោលបំណងលើកស្ទួយលក្ខខណ្ឌមន្រ្តីរាជការ ជីវភាពមន្រ្តីរាជការ និងសិទ្ធិមនុស្ស។

កាលនៅជានិស្សិត លោក ម៉ែន ណាត បានក្លាយជាយុវជនឆ្នើម និង ជាមេដឹកនាំ ក្នុងចំណោមមេដឹកនាំនៃ ចលនានិស្សិតដើម្បីលទ្ធិប្រជាធិបតេយ្យ (SMD or Students’ Movement for Democracy)  ពីខែកញ្ញា ឆ្នាំ​១៩៩៨ ដែលជាក្រុមអ្នកជាតិមនិយម ប្រឆាំងនយោបាយដឹកនាំ របស់លោក ហ៊ុន សែន និង គណបក្សប្រជាជនកម្ពុជា ដែលគាំទ្រដោយប្រទេស​វៀតណាម។ លោក ម៉ែន ណាត ជានិស្សិត​ម្នាក់ ក្នុងចំណោមនិសិ្សតក្រីក្រ មានការតស៊ួូខ្ពស់ ស្នាក់នៅ វត្តនាគវ័ន ខណ្ឌបឹងកក់២ ក្រុងភ្នំពេញ។ ជាមួយគ្នានេះ លោក ក៏ជាអ្នកសម្របសម្រួល ក្រុមប្រឹក្សាឃ្លាំមើលកម្ពុជា (Cambodia Watchdog Council) បង្កើតឡើងនៅឆ្នាំ​​២០០២ ដែលជាបណ្តុំអង្គការ សមាគម និងសហជីព។ ក្រុមប្រឹក្សានេះ គឺបានធ្វើសកម្មភាពខ្លាំងក្លា ទៅលើការលើកកំពស់សិទ្ធិកម្មករ សិទ្ធិមន្ត្រីរាជការ សិទ្ធិពលរដ្ឋ យុត្តិធម៌សង្គម និង កិច្ចការព្រំដែន។

{សមាជិកស្ថាបនិកនៃ ក្រុមប្រឹក្សាឃ្លាំមើលកម្ពុជា ឆ្នាំ​​២០០២ រួមមាន៖
១. លោក ជា វិជ្ជា ប្រធានសហជីពសេរីកម្មករកម្ពុជា។ លោក ត្រូវបានធ្វើឃាតដោយ ចារកិច្ចរដ្ឋាភិបាល ហ៊ុន សែន ថ្ងៃទី២២ មករា ឆ្នាំ២០០៤ ខណៈពេលជាប់គាំងនយោបាយ ក្រោយការបោះឆ្នាំជាតិ ឆ្នាំ២០០៣។
២. លោក រ៉ុង ឈុន ប្រធានសមាគមសមាគមគ្រូបង្រៀនកម្ពុជា ដែលបច្ចុប្បន្នជាសមាជិកនៃ គណៈកម្មាធិការជាតិរៀបចំការបោះឆ្នោត ៏(គ.ជ.ប)។ 
៣. លោក អ៊ុំ សំអាន ប្រធានចលនានិស្សិតដើម្បីលទិ្ធប្រជាធិបតេយ្យ ដែលសព្វថ្ងៃជាតំណាងរាស្រ្ត នៃគណបក្សសង្គ្រោះជាតិ​ អាណត្កិទី៥ (២០១៣-២០១៨)។ ប៉ុន្តែលោក អ៊ុំ សំអាន ត្រូវបានរដ្ឋាភិបាល ហ៊ុន សែន ចាប់ដាក់ពន្ធនាគារ  (២ ឆ្នាំកន្លះ )កាលពីខែមេសា ឆ្នាំ២០១៦ ក្នុងរឿងផែនទីព្រំដែន និង ដឹកនាំយុវជន ចុះពិនិត្យបង្គោលព្រំដែនថ្មី ដែលបានបោះរំ លោភចូល ក្នុងទឹកដីខ្មែរ។
៣. លោក ម៉ែន ណាត ប្រធានសមាគមមន្រ្តីរាជការកម្ពុជា ដែលសព្វថ្ងៃជាប្រធាននៃ ក្រុមប្រឹក្សាឃ្លាំមើលម្ពុជា និង ជាប្រធានសហគមន៍ខ្មែរ នៅប្រទេសន៍វេស៍ (Norway)។
៤. លោក ឆាំ ឆានី ប្រធានសមាគមកសិការកម្ពុជា ដែលសព្វថ្ងៃ ជាអនុប្រធាន ក្រុមប្រឹក្សាឃ្លាំមើលកម្ពុជា មានមូលរដ្ឋនៅប្រទេេស ន័រវេស៍ (Norway)។
៥. លោក ជា មុន្នី (ប្អូនប្រុសលោក ជា វិជ្ជា) ស្ថាបនិកសហជីពសេរីកម្មករកម្ពុជា ហើយសព្វថ្ងៃគឺប្រធានសហជីពនេះ។
៦. អ្នកស្រី ឆន សុខា ប្រធានសម្ព័ន្ធសហជីពកម្មករកាត់ដេរកម្ពុជា ដែលសព្វថ្ងៃ ជាមន្រ្តិសម្របសម្រួសសិទ្ធិកម្មករ នៃអង្គការសិទ្ធិមនុស្សមួយ។}

លោក ម៉ែន ណាត ត្រូវបានគេទទួលស្គាល់ថា យុវជនរៀនពូកែកាលនៅរៀន ឧស្សាហ៍ព្យាយាម ស្មោះត្រង់ ចិត្តទូលាយ មានគំនិតអហិង្សានិយម មិនចេះបង្កជម្លោះជាមួយមិត្តភ័ក្រ្ត ឬអ្នកដទៃ, មានការអធ្យាស្រ័យខ្ពស់ជាមួយជនទូទៅ និង ក្នុងសហគមន៍។ ក្រៅពីនេះ លោកជាមនុស្ស ដែលមានសមត្ថភាពខ្ពស់ លើកិច្ចការរដ្ឋបាល និង ជាមនុស្សយកចិត្តទុកដាក់ ចំពោះការងារ ក្នុងក្រុមការងារ ដើម្បីបម្រើប្រយោជន៍រួម និង សហគមន៍ ក៏ដូចជាប្រទេសជាតិផងដែរ។ លោក ជាមនុស្សរស់នៅជាមួយឧត្តមគតិ មិនក្បត់មនសិការ និងមិត្តភ័ក្រ្ត ក្នុងការងារ។ លោក ម៉ែន ណាត បានភៀសខ្លួន មករស់នៅប្រទេស​ន័រវ៉េស៍ (Norway) ដើមឆ្នាំ​២០០៦ ដោយសាររដ្ឋាភិបាល ហ៊ុន សែន គំរាម និង តាមចាប់ខ្លួន ពីព្រោះតែលោក ជាមួយសមាជិកឯទៀត នៃក្រុមប្រឹក្សាឃ្លាំមើលកម្ពុជា បានចេញសេចក្តីថ្លែងការណ៍ ប្រឆាំងជំទាស់សន្ធិសញ្ញាព្រំដែនបំពេញបន្ថែមថ្មី ឆ្នាំ២០០៥ និង ប្រឆាំងរឿងអន្តោប្រវេសន៍ យួនខុសច្បាប់ នៅកម្ពុជា។

ជាលក្ខណៈផ្ទាល់ខ្លួន ជាមួយខ្ញុំ ប៉ាង សុខឿន (ខ្មែរ សុវណ្ណភូមិ) លោក ម៉ែន ណាត ក៏មិនខុសពីលោក ទូច វិបុល (អតីតអនុប្រធាន ចលនានិស្សិតដើម្បីលទ្ធិប្រជាធិបតេយ្យ សព្វថ្ងៃជាប្រធានសម្ព័នអង្គការខ្មែរអាមេរិកាំង នៅសហរដ្ឋអាមេរិក) និងលោក អ៊ុំ សំអាន ដែរ។ ពួកយើងជាមិត្ត និងជាក្រុមការងារដ៏ល្អ ហើយអ្វីដែលពិសេសជាងគេ គឺលោក ម៉ែន ណាត និង ខ្មែរ សុវណ្ណភូមិ ប្រៀបបាននឹងគ្រួសារតែមួយ។ ពួកយើង មកពីខេត្តតាកែវ ដូចគ្នា។ ពួកយើង នឹងបន្តដំណើររបស់យើងរួមគ្នាទៅមុខ រហូតបានជោគជ័យ និងកសាងមាតុភូមិរបស់យើង ឲ្យខ្លាំងក្លាឡើងវិញ ឲ្យទាល់តែបាន។ (អត្ថបទដោយ ប៉ាង សុខឿន, ហ្វេសប៊ុក៖ ខ្មែរ សុវណ្ណភូមិ)

20140618_171114

សូមមើលវីដេអូនីមួយៗខាងក្រោម 

« Older Entries