Tag Archives: ស ខេង

របប ហ៊ុន សែន ព្រមានសារព័ត៌មាន មិនឲ្យ​ប្រើ​ពាក្យ «របបក្រុង​ភ្នំពេញ និង របប ហ៊ុន សែន»

រូបថតលោក ស ខេង ចាប់ដៃលោក ហ៊ុន សែន

(អត្ថបទដោយ ម៉ែន ណាត /២២ មករា ២០១៩)
លោក ស ខេង រដ្ឋមន្រ្តីក្រសួងមហាផ្ទៃ កាលពីថ្ងៃទី ១៧ មករា ២០១៩ បានថ្លែងទិតៀន និងលាយឡំការព្រមាន ដល់ស្ថាប័ន​​សារព័ត៌មាន​​មួយចំនួន ដែលមិនចំណុះរបបដឹកនាំរបស់លោក ថាមាននិន្នាការ​នៃ​ការ​ប្រើ​ពាក្យ ​«របប​ក្រុងភ្នំពេញ​ ឬ ​របប ហ៊ុន សែន​»។ លោកនិយាយថា រដ្ឋាភិបាល​បច្ចុប្បន្ន​ ជា​រដ្ឋាភិបាល​ស្របច្បាប់​ ដែលកើត​ចេញ​ពី​ការបោះឆ្នោតត្រឹមត្រូវ។ លោក ស ខេង ថា​ «ការ​ហៅ​រដ្ឋាភិបាល​ ​ជារបប​ក្រុងភ្នំពេញ ឬ​ របប ហ៊ុន សែន នោះគឺជា​ការ​លាប​ពណ៌ ដែលគេចង់សំដៅថា រដ្ឋាភិបាលសព្វថ្ងៃ ជារដ្ឋាភិបាលខុសច្បាប់។ វាជារឿងធ្ងន់ធ្ងរពេក យើងមិនអាចទទួលយកបានទេ»។

តាមវិទ្យុវីអូអេ (VOA) ថ្ងៃទី ២១ មករា នេះឲ្យដឹងថា ការិយាល័យ​អ្នកនាំ​ពាក្យ​រដ្ឋាភិបាល​កម្ពុជា ​បាន​ចេញ​សេចក្តីថ្លែង​ការណ៍ ​ព្រមាន​មិនឲ្យ​ស្ថាប័ន​សារព័ត៌មាន ប្រើ​ពាក្យពីរឃ្លា​ ដែល​រដ្ឋមន្ត្រី​ក្រសួង​មហា​ផ្ទៃ​ មិន​ពេញ​ចិត្តគឺ​ «របបក្រុង​ភ្នំពេញ​» និង «​របប​លោក​ ​ហ៊ុន សែន» ទេ។​ ​មន្ត្រីនាំពាក្យ​​​អះអាងថា​ ​ពាក្យ​ទាំងនេះ មាន​គោល​ដៅ​ សម្រាប់​បម្រើសកម្មភាព​​​បដិវត្តន៍។​

លោក​ ផៃ ស៊ីផាន​ ​អ្នក​នាំពាក្យ​​រដ្ឋាភិបាល​កម្ពុជា​ បាន​ប្រាប់​វិទ្យុ ​VOA ​នៅថ្ងៃ​ចន្ទ នេះ​ថា​ ការ​ប្រើ​ប្រាស់​ពាក្យខាងលើ​ ​គឺមានចរិត​ជា​សកម្មភាព​បដិវត្តន៍​មួយ។​

លោក ហ៊ីង សុខសាន្ត មន្រ្តីជាន់ខ្ពស់គណបក្សសង្គ្រោះជាតិ  ប្រាប់វិទ្យុអាស៊ីសេរី (RFA) ដែលមានខ្លឹមសារដើមថា «ការ​ប្រើ​ពាក្យ​ របប​ក្រុងភ្នំពេញ ឬ​ របប ហ៊ុន សែន មិន​មាន​អ្វី​ខុស​ទាស់​នោះ​ទេ ព្រោះ​មិន​មាន​ច្បាប់ ឬ​លិខិត​បទដ្ឋាន​គតិយុត្តិ​ណាមួយ​ ក្នុង​ការ​កម្រិត​កា​រប្រើ​ពាក្យពេចន៍​ របស់​ពលរដ្ឋ​ ដែល​ចង់​និយាយ​សម្តៅ​លើ​ រដ្ឋាភិបាល​ដឹកនាំ​ ដោយ​ គណបក្ស​ប្រជាជន​កម្ពុជា ​នោះ​ឡើយ»។ លោក ​ថ្លែង​ថា «រដ្ឋាភិបាល​បច្ចុប្បន្ន មិនបាន​កើត​ចេញ​ពី​ការបោះឆ្នោត ​តាម​បែប​ប្រជាធិបតេយ្យ​ នោះ​ទេ»។ ​លោក​ ជំរុញ​ឱ្យ​ក្រុម​មេដឹកនាំ​របប​ក្រុងភ្នំពេញ​ ស្តារ​ស្ថានការណ៍​នយោបាយ និង ​ការ​គោរព​សិទ្ធិមនុស្ស​ នៅ​ក្នុង​ប្រទេស ​ឱ្យ​បាន​ល្អ​ប្រសើរ​ឡើងវិញ ជំនួស​ឱ្យ​ការ​ប្រឹង​អួតខ្លួន​ឯង​ថា ​ជា​អ្នក​ប្រជាធិបតេយ្យ​នោះ។

គួររំលឹកថា របប ហ៊ុន សែន កាលពី ថ្ងៃទី ១៦ វិច្ឆិកា ២០១៧ បានបញ្ជាឲ្យតុលាការកំពូល រំលាយគណបក្សសង្គ្រោះជាតិ ដោយរំលោភរដ្ឋធម្មនុញ្ញធ្ងន់ធ្ងរ ក្រោយការចាប់ឃុំខ្លួនប្រធានបក្សប្រឆាំងនេះ គឺលោក កឹម សុខា ដាក់ពន្ធនាគារយ៉ាងអយុត្តិធម៌ តាំងពីថ្ងៃទី ០៣ កញ្ញា ២០១៧ មកនោះ។

កាលនោះផងដែរ របប ហ៊ុន សែន ក៏បានបង្ក្រាបអង្គការសង្គមស៊ីវិលរបស់អាមេរិកាំង NDI ការបិទអង្គភាពកាសែតឯករាជ្យ រួមទាំង The Cambodia Daily, VOA និង RFA ដែលររប ហ៊ុន សែន នេះ ទទួលការថ្កោលទោសធ្ងន់ធ្ងរ ពីសហគមន៍អន្តរជាតិ រួមទាំង អឺរ៉ុប និងអាមេរិក។

ទោះបីយ៉ាងណាក្តី សហភាពអឺរ៉ុប អាមេរិក និងប្រទេសលោកសេរីនានា មិនទាន់ទទួលស្គាល់លទ្ធផល នៃការបោះឆ្នោតរបស់របប ហ៊ុន សែន កាលពីខែកក្កដា ២០១៨ នៅឡើយទេ និងថែមដាក់ទណ្ឌកម្ម នៅលើមុខទំនិញខ្លះ នាំទៅអឺរ៉ុប ព្រមទាំងទណ្ឌកម្មលើមន្រ្តីធំៗខ្លះ របស់លោក ហ៊ុន សែន ក្នុងការចេញចូលទឹកដី អាមេរិក។

.

Advertisements

រដ្ឋាភិបាល ប្រកាសលុបចោល និងការដកហូតឯកសារ​រដ្ឋបាលមិនប្រក្រតី ដែល​ជនបរទេស កំពុងកាន់កាប់ប្រើប្រាស់! ចុះ យួន ខុសច្បាប់វិញ?

Sar-Kheng-Feed

រដ្ឋាភិបាល បានចេញអនុក្រឹត្យ ស្តីពីការលុបចោល និងការដកហូតឯកសាររដ្ឋបាលមិនប្រក្រតី ដែលជនបរទេស កំពុងកាន់កាប់ប្រើប្រាស់ សព្វថ្ងៃ។ អនុក្រឹត្យនេះ ប្រកាសឲ្យប្រើ កាលពីថ្ងៃទី ១៥ ខែសីហា ឆ្នាំ​២០១៧។ អនុក្រឹត្យនេះ បានដាក់ឲ្យនិរាករណ៍ នូវបទប្បញ្ញត្តិ ឯកសារ ឬអនុក្រឹត្យមុនៗ ដែលផ្ទុយពីខ្លឹមសារនេះ។

ជនបរទេស ដែលជាអន្តោប្រវេសន្ត នៅកម្ពុជា កាន់ឯកសារមិនប្រក្រតី ឬក្លែងក្លាយ ឬក៏កាន់ អត្តសញ្ញាណប័ណ្ណ ដែលមិនធ្វើឡើងតាមបទដ្ឋាន គ្មានព្រះរាជក្រឹត្យ ពីព្រះមហាក្សត្ស និង គ្មានឯកសារបញ្ជាក់ពី តុលាការកំពូល នោះពួគេនៅតែមិនត្រូវបានទទួលស្គាល់ថា មានសញ្ជាតិខ្មែរស្របច្បាប់ទេ ហើយក៏គ្មានសិទ្ធិបោះឆ្នោតដែរ។ 

សូមជនរួមជាតិ អានខ្លឹមសារអនុក្រឹត្យទាំងស្រុង ដែលមានភ្ជាប់នៅខាងក្រោមអត្ថបទ នៃគេហទំព័រនេះ ហើយក៏សូមអំពាវនាវដល់អាជ្ញាធរខ្មែរទាំងអស់ ត្រូវទទួលអនុវត្ត និងជួយផ្សព្វផ្សាយបន្ត ដល់ជនអន្តោប្រវេសន៍ទាំងឡាយ ដែលកាន់ឯកសារមិនប្រក្រតី ខុសនីតិវិធី ឬខុសច្បាប់ ឲ្យប្រញាប់ប្រញាលផ្តល់ព័ត៌មាន ទៅកាន់អាជ្ញាធរសមត្ថកិច្ច នៃក្រសួងមហាផ្ទៃ។ ដូចករណីខាងលើ ជនបរទេសណា ដែលមិនចូលរួមគោរព និងអនុវត្តអនុកក្រឹត្យនេះ នឹងត្រូវប្រឈមមុខចំណាត់ការខាងផ្លូវច្បាប់។ 

គួររំលឹកថា ជារឿយៗ ក្រុមអ្នកឃ្លាំមើល និង ក្រុមអ្នកច្បាប់ឯករាជ្យ តែងតែរិះគន់ និងប្រឆាំងជំទាស់ ចំពោះរដ្ឋាភិបាល ដែលផ្តល់ឯកសារ ដល់ជនអន្តោប្រវេសន៍ខុសច្បាប់ ជាពិសេសគឺវៀតណាម បន្តហូរចូលកម្ពុជា និង រស់នៅលើទឹកដីកម្ពុជាយ៉ាងសុខសប្បាយ ហើយអ្នកខ្លះប្រកបរបរអាជីកម្ម ស្របច្បាប់ផង ខុសច្បាប់ផង និងអ្នកខ្លះទៀត បង្កចោរកម្ម ជួញគ្រឿងញៀន ជាដើម។ល។

ជាងនេះទៀត ជនជាតិវៀតណាម ឬ យួនខុសច្បាប់ មួយចំនួន មានទាំង អត្តសញ្ញាណប័ណ្ណសញ្ជាតិខ្មែរ ហើយមានសិទ្ធិបោះឆ្នោតទៀតផង ។ តាមផ្លូវច្បាប់ ជនអន្តោប្រវេសន៍ខុសច្បាប់ ត្រូវតែបញ្ជូនត្រឡប់ ទៅប្រទេសកំណើតវិញ។ ហើយករណី ជនអន្តោប្រវេសន៍ស្របច្បាប់ អាចមានសញ្ជាតិខ្មែរ និងមានសិទ្ធិកាន់ អត្តសញ្ញាណប័ណ្ណសញ្ជាតិខ្មែរបាន លុះត្រាពួកគេ ត្រូវបានទទួលស្គាល់ដោយ ព្រះរាជក្រឹត្យ និង មានឯកសារបញ្ជាក់ថា ធ្វើសម្បថនៅតុលាការកំពូល  ផង {ស្របតាមច្បាប់អន្តោប្រវេសន៍ ឆ្នាំ១៩៩៤ និង ច្បាប់សញ្ជាតិ ឆ្នាំ១៩៩៦} 

ក្រុមអ្នកឃ្លាំមើល និងអ្នកច្បាប់ឯករាជ្យ តែងតែមានការព្រួយបារម្ភ ចំពោះបញ្ហាមិនប្រក្រតីមួយចំនួន រដ្ឋាភិបាល ស្ទាក់ស្ទើរក្នុងការអនុវត្តផ្លូវច្បាប់ ចំពោះជនអន្តោប្រវេសន៍ យួន ខុសច្បាប់នៅកម្ពុជា ហើយ​ថា រដ្ឋាភិបាល ហ៊ុន សែន ត្រូវទទួលខុសត្រូវរឿងនេះ និង ត្រូវសើរើឯកសារមិនប្រក្រតី ឬឯកសារធ្វើឡើងក្រោមការសូកប៉ាន់ ពុករលួយ របស់ពួកមន្រ្តី។ រដ្ឋាភិបាល ក៏មិនត្រូវទទួលយកសំណើ របស់ រដ្ឋាភិបាល​វៀតណាម ដើម្បីធ្វើឲ្យមានការថ្កោលទោស ពីពលរដ្ឋខ្មែរថា «ជាអាយ៉ងយួន ឬជាអ្នកធ្វើជាតិប្រហារ» បន្ថែម​ទៀតដែរ។ (អត្ថបទដោយ ម៉ែន ណាត /០២ កញ្ញា ២០១៧)

21291449_1950617581878207_1457635401_n21290996_1950617588544873_486664512_n21291444_1950617601878205_669140797_n

14224780_1309673002438209_7339507313747921991_n15894511_1485124621559712_4789104273831223725_n

សម រង្ស៊ី រំលឹកអំពីផែនការរបស់ ហ៊ុន សែន ប៉ុនប៉ងធ្វើឃាត មកលើរូបលោក

ហុក-ឡង់ឌី

លោក សម រង្ស៊ី បានរំលឹកថា លោក ទទួលរងការប៉ុនប៉ងធ្វើឃាត មិនបានសម្រេច ជាច្រើនលើក ដោយរាប់បញ្ចូលទាំងការបោកគ្រាប់បែកដៃ នៅខាងមុខរដ្ឋសភា កាលពីថ្ងៃទី៣០ មីនា ១៩៩៧ ដែលបណ្តាលឲ្យបាតុករ ១៦ នាក់ស្លាប់ និងជាង ១០០ នាក់រងរបួស ហើយក្នុងនោះ មានលោក សម រង្ស៊ី និង លោក ជា វិជ្ជា ក៏រងរបួសផងដែរ ។

ទោះជាយ៉ាងណាក្តី នៅឆ្នាំ ២០១៤ និងឆ្នាំ ២០១៥ លោក សម រង្ស៊ី ក្នុងនាមជាមេដឹកនាំ គណបក្សសង្គ្រោះជាតិ (បក្សប្រឆាំង) និងលោក ហ៊ុន សែន នាយករដ្ឋមន្រ្តី (បក្សកុម្មុយនីស្ត នៃក្សកាន់អំណាច) បានល្អូកល្អើនជិតស្និទ្ធជាមួយគ្នា រហូតបានណាត់ក្រុមគ្រួសារទាំងពីរ និងកូនចៅផង មកជួបជុំគ្នា ទទួលទានអាហាររួមគ្នា នោះសណ្ឋាគារ កាំបូឌីយ៉ាណា របស់លោក គិត ម៉េង ដែលជិតស្និទ្ធនឹងលោក ហ៊ុន សែន។ ប៉ុន្តែដល់ខែ វិច្ឆិកា ឆ្នាំ២០១៥ លោក សម រង្ស៊ី ត្រូវបានបក្សកាន់អំណាចរបស់លោក ហ៊ុន សែន ដកហូតអភ័យឯកសិទ្ធិ ពីសមាជិសភា យ៉ាងអយុត្តិធម៌ រួចហើយបញ្ជាឲ្យតាមចាប់ខ្លួន ដែលក្រុមអ្នកច្បាប់់ហៅថា ការដកអភ័យឯកសិទ្ធិ និងដីកាចាប់ខ្លួននោះ ជាការរំលោភរដ្ឋធម្មនុញ្ញធ្ងន់ធ្ងរ។

បរិបទកាលនោះ គឺជាស្ថានការក្តៅគគុក ជុំវិញរឿងតរ៉ាព្រំដែន និង ផែនទីព្រំដែន ដែលតំណាងរាស្រ្តបក្សប្រឆាំង លោក អ៊ុំ សំអាន ដឹកនាំការតវ៉ា ជាមួយរដ្ឋាភិបាលខ្មែរ និង វៀតណាម អំំពីការបាត់បង់ទឹកដីខ្មែរ ក្រោយការបោះបង្គោលព្រំដែនថ្មី បាន ៨៣% ហើយនោះ។ តាំងពេលនោះមក លោក សម រង្ស៊ី បានភៀសខ្លួន ទៅកាន់ប្រទេសបារាំង ហើយបង្ខំចិត្ត លាឈប់ពីប្រធាន គណបក្សសង្គ្រោះជាតិ នៅខែកុម្ភៈ ឆ្នាំ២០១៧ ក្រោយពេល លោក ហ៊ុន សែន បញ្ជាឲ្យរដ្ឋសភា កែប្រែច្បាប់គណបក្សនយោបាយ ដើម្បីហាមប្រាមអ្នកនយោបាយ ដែលជាទណ្ឌិត ធ្វើជាមេដឹកនាំគណបក្សនយោបាយ។  (អត្ថបទដោយ ម៉ែន ណាត)


លោក សម រង្ស៊ី បើកកកាយការធ្វើឃាតមកលើរូបលោក

(ដោយ សហការី, ប្រភព៖ Cambodia Symbol Of Change, 15-8-2017)

(ទីក្រុងប៉ារីស)៖  លោក សម រង្ស៊ី អ្នកនយោបាយមានប្រជាប្រិយភាព (អតីតមេដឹកនាំបក្សសង្គ្រោះជាតិ) នៅកម្ពុជា ក្នុងខែសីហា ២០១៧ នេះ បានបើកកកាយក រណីធ្វើឃាតមួយ មកលើរូបលោក កាលពីឆ្នាំ ១៩៩៨។ លោក សម រង្ស៊ី បានបង្ហាញឯកសារចំនួន ៣ ជាភាសាអង់គ្លេស ដែលបញ្ជាក់ថា «រដ្ឋអំណាចលោក ហ៊ុន សែន បានប៉ុនប៉ងធ្វើឃាតខ្ញុំ នៅក្រសួងមហាផ្ទៃ កាលពីថ្ងៃ ២០ សីហា ១៩៩៨ គឺប្រមាណមួយឆ្នាំ ក្រោយការវាយប្រហារដោយគ្រាប់បែកដៃ នៅថ្ងៃ ៣០ ខែមិនា ១៩៩៧ នៅមុខអាគាររដ្ឋសភាចាស់» 

លោក សម រង្ស៊ី សរសេររៀបរាប់នៅលើទំព័រ Facebook របស់លោកថា នៅយប់ថ្ងៃ ២០ សីហា ១៩៩៨ មានជនមិនស្គាល់មុខមួយក្រុម បានជិះរថយន្តយ៉ាងលឿន កាត់មុខក្រសួងមហាផ្ទៃ ពេលដែលលោក កំពុងសម្ភាសន៍ ជាមួយអ្នកសារព័ត៌មាន ស្របពេលដែលលោក និង សកម្មជនគណបក្ស សម រង្ស៊ី មួយក្រុម នៅឃ្លាំមើលបាវសន្លឹកឆ្នោត ដែលរក្សាទុកនៅក្នុងអាគារ គ.ជ.ប. នៃបរិវេណក្រសួងមហាផ្ទៃ។ លោក សម រង្ស៊ី បានបន្ថែមថា ក្រោយពេលដែលលោក វិលត្រឡប់ពីកន្លែងកើតហេតុ ចូលទៅក្នុងអាគារគណៈកម្មាធិការជាតិរៀបចំការបោះឆ្នោត (គ.ជ.ប) វិញ ជាមួយអ្នកកាសែត មិនបានប៉ុន្មាននាទីផង ស្រាប់តែមានទាហានមួយក្រុម ប្រដាប់ដោយកាំភ្លើងគ្រប់ដៃ ចូលទៅភ្ជង់គាត់ ហើយរៀបនឹងបាញ់សម្លាប់គាត់។ លោកថា ដោយសារតែមានវត្តមានអ្នកកាសែតច្រើន ពួកទាហានទាំងនោះ មិនបានសម្លាប់លោកភ្លាមទេ តែបានចាប់លោក យកទៅឃុំឃាងក្នុងបន្ទប់មួយដ៏ ងងឹតឈឹង និងដាច់ពីគេ ក្នុងបរិវេណ ក្រសួងមហាផ្ទៃនោះ។

លោក សម រង្ស៊ី បានសរសេរបញ្ជាក់យ៉ាងច្បាស់ថា គេរៀបនឹងសម្លាប់លោក ក្រោយពេលឃុំឃាំងបានប៉ុន្មានម៉ោង ហើយចង់យកសពលោក ទៅបោះចោលផងដែរ។ លោកថា ជាសំណាងល្អ ស្របពេលនោះ ក៏មានអន្តរាគមន៍ ពីប្រភពមួយផ្សេងទៀត ឲ្យដោះលែងលោក ដោយសារតែលោក ស ខេង និងលោក ហុក ឡង់ឌី បានខ្វែងគំនិតគ្នា លើការសម្លាប់លោក សម រង្ស៊ី។

សូមបញ្ជាក់ថា អំពើឃាតកម្មមកលើលោក សម រង្ស៊ី កាលពីឆ្នាំ ១៩៩៨ នោះ បានធ្វើឲ្យអ្នកបើកបររថយន្ត ឲ្យកាសែតជប៉ុន Kyodo ម្នាក់ បានស្លាប់បាត់បង់ជិវិត។ គួររម្លឹកផងដែរថា លោក សម រង្ស៊ី ត្រូវបានគេ ប៉ុនប៉ងធ្វើឃាតជាច្រើនលើកច្រើនសា តែមិនបានសម្រេច។ លោក សម រង្ស៊ី ក៏ជាប់បណ្តឹងជាច្រើនផងដែរ ពីសំណាក់តុលាការ និងរដ្ឋអំណាចនៃប្រទេសកម្ពុជា។ គិតមកដល់ពេលនេះ លោក សម រង្ស៊ី ត្រូវបានតុលាការកម្ពុជា កាត់ទោសឲ្យជាប់ពន្ធនាគារ មិនតិចជាង ១០ ឆ្នាំនោះទេ៕