Tag Archives: ហេង សំរិន

មហាក្សត្រ នរោត្តម សីហមុនី ចាត់តាំងលោក ហ៊ុន សែន បន្តជានាយករដ្ឋមន្រ្តី យ៉ាងប្រញាប់ប្រញាល់ ជារឿង​រំលោភ​រដ្ឋធម្មនុញ្ញ

កាលពីថ្ងៃទី១៥ ខែសីហា ឆ្នាំ​២០១៨ គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសលទ្ធផល​នៃ​ការបោះឆ្នោតជាផ្លូវការ ថា គណបក្សប្រជាជនកម្ពុជា របស់លោក ហ៊ុន សែន ឈ្នះការបោះឆ្នោត ១២៥ អាសនៈ លើ ១២៥ នៃអាសនៈរដ្ឋសភាទាំងអស់ ស្របពេលដែលគណបក្សប្រឆាំង CNRP និងក្រុមប្រទេសលោកសេរី បានហៅការបោះឆ្នោតនៅកម្ពុជា ជាការបោះឆ្នោតក្លែងក្លាយ និងគួរឲ្យអាមាស ដែលជាការសម្លាប់លទ្ធិប្រជាធិបតេយ្យ។

ព្រះមហាក្សត្រ នរោត្តម សីហមុនី តែតាំងលោក ហ៊ុន សែន បន្តជានាយករដ្ឋមន្រ្តី មុនពេលរដ្ឋសភា ចូលប្រជុំដំបូង និងមុនពេលសមាជិកសភាថ្មី ចូលស្បថសច្ចាប្រនិធាន។ នោះលោក ហ៊ុន សែន មិនត្រឹមតែ​យក​ស្ថាប័នព្រះមហាក្សត្រ ទៅលេងសើចប៉ុណ្ណោះទេ ប៉ុន្តែថែមទាំងរំលោភរដ្ឋធម្មនុញ្ញ និងច្បាប់បទដ្ឋាននានាតាមអំពើចិត្ត។ (អត្ថបទបន្ថែមដោយ ម៉ែន ណាត)


HunSen

ព្រះមហាក្សត្រ​ត្រាស់​បង្គាប់​តែងតាំង​លោក ហ៊ុន សែន ឲ្យ​បន្ត​កាន់​អំណាច

(ដោយវិទ្យុអាស៊ីសេរី  RFA Khmer/ 17-8-2018)

ព្រះមហាក្សត្រ​ចេញ​ព្រះរាជក្រឹត្យ​ចាត់តាំង លោក ហ៊ុន សែន ឲ្យ​ដឹកនាំ​សមាសភាព​គណៈរដ្ឋមន្ត្រី​ថ្មី នៃ​របប​ក្រុងភ្នំពេញ តាម​សំណើ​របស់​ព្រឹទ្ធិ​សមាជិក​រដ្ឋសភា លោក ហេង សំរិន និង​សំណើ​របស់​គណបក្ស​ប្រជាជន​កម្ពុជា។ អ្នកនាំពាក្យ​បក្ស​ប្រជាជន​កម្ពុជា ថា បើទោះជា​មិនទាន់​បង្កើត​រដ្ឋសភា​អាណត្តិ​ទី​៦ ក៏​គណបក្ស​កាន់អំណាច​មាន​លទ្ធភាព ស្នើ​ព្រះមហាក្សត្រ តាម​ផ្លូវ​រដ្ឋធម្មនុញ្ញ​បន្ថែម​បាន​ដែរ។ ប៉ុន្តែ សំណើ​របស់​បក្ស​កាន់អំណាច និង​សំណើ​របស់​លោក ហេង សំរិន ដែល​សុំ​ចាត់តាំង​នាយករដ្ឋមន្ត្រី មុន​បង្កើត​រដ្ឋសភា​បែបនេះ មិន​ស្របតាម​មាត្រា​១១៩​ថ្មី នៃ​រដ្ឋធម្មនុញ្ញ​ឡើយ។

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន្ដ អះអាង​ថា ការ​ចេញ​ព្រះរាជក្រឹត្យ​របស់​ព្រះមហាក្សត្រ គឺ​ជា​រឿង​ត្រឹមត្រូវ ព្រោះ​គណបក្ស​កាន់អំណាច បាន​ប្រើប្រាស់​មាត្រា​៤ នៃ​រដ្ឋធម្មនុញ្ញ​បន្ថែម សំដៅ​ធានា​នូវ​ដំណើរការ​ជា​ប្រក្រតី​នៃ​ស្ថាប័ន​ជាតិ ដើម្បី​ទៅ​ព្រះមហាក្សត្រ ឲ្យ​ចាត់​តាំង​លោក ហ៊ុន សែន ជា​នាយករដ្ឋមន្ត្រី។ «»

ព្រះមហាក្សត្រ ព្រះបាទ សម្ដេច​ព្រះ បរមនាថ នរោត្តម សីហមុនី នៅ​ថ្ងៃ​ទី​១៧ សីហា បាន​ចេញ​ព្រះរាជក្រឹត្យ ត្រាស់បង្គាប់​ចាត់តាំង លោក ហ៊ុន សែន ជា​នាយករដ្ឋមន្ត្រី។ ព្រះរាជក្រឹត្យ​នេះ គឺ ធ្វើឡើង​ភ្លាមៗ បន្ទាប់ពី​គណបក្ស​ប្រជាជន​កម្ពុជា បាន​ដាក់​សំណើ​នៅ​ថ្ងៃ​ទី​១៧ សីហា ដែរ ដើម្បី​ស្នើសុំ​ចាត់តាំង​នាយករដ្ឋមន្ត្រី សម្រាប់​នីតិកាល​ទី​៦ និង​តាម​សំណើ​របស់​សមាជិក​រដ្ឋសភា​ចាស់​ជាងគេ គឺ​លោក ហេង សំរិន។

ឆ្លើយ​តប​នឹង​ការ​តែងតាំង​នេះ លោក ហ៊ុន សែន ទូល​ព្រះមហាក្សត្រ​ថា លោក​នឹង​រៀបចំ​សមាសភាព​របប​ថ្មី​បញ្ជូន​ទៅ​ព្រឹទ្ធសមាជិក​រដ្ឋសភា នីតិកាល​ទី​០៦ ដើម្បី​សុំ​ការ​ផ្តល់​សេចក្តី​ទុកចិត្ត ពី​សមាជិក សមាជិកា​នៃ​រដ្ឋសភា ដែល​នឹង​ប្រជុំ​នៅ​ថ្ងៃ​ទី៦ ខែ​កញ្ញា ឆ្នាំ​២០១៨ ខាងមុខនេះ។ ក្នុង​លិខិត​តប​ថ្វាយ​ព្រះមហាក្សត្រ លោក ហ៊ុន សែន សន្យា​ថា លោក​នឹង​ខិតខំ​ឲ្យ​អស់​ពី​កម្លាំង​កាយ​ចិត្ត និង​ស្មារតី ដើម្បី​បម្រើ​ជាតិ មាតុភូមិ​កម្ពុជា។

សំណើ​របស់​បក្ស​កាន់អំណាច និង​សំណើ​របស់លោក ហេង សំរិន ដែល​សុំ​ចាត់តាំង​នាយករដ្ឋមន្ត្រី មុន​បង្កើត​រដ្ឋសភា​បែបនេះ មិន​ស្របតាម​មាត្រា​១១៨​ ថ្មី នៃ​រដ្ឋធម្មនុញ្ញ​ទេ។ វាក្យ​ខណ្ឌ​ទី​២ នៃ​មាត្រា​១១៨​ថ្មី ចែងថា តាម​សេចក្ដីស្នើ​ពី​ប្រធាន ដោយ​មាន​មតិ​ឯកភាព​ពី​អនុប្រធាន​ទាំងពីរ​នៃ​រដ្ឋសភា ព្រះមហាក្សត្រ​ទ្រង់​ចាត់តាំង​វរជន​មួយ​រូប ក្នុងចំណោម​តំណាងរាស្ត្រ​នៃ​គណបក្ស​ដែល​ឈ្នះ​ឆ្នោត​ឱ្យ​បង្កើត​រាជរដ្ឋាភិបាល។

ប៉ុន្ដែ ការ​បង្កើត​គណៈរដ្ឋមន្ត្រី​ថ្មី នៃ​របប​ក្រុងភ្នំពេញ​លើក​នេះ គណបក្ស​កាន់អំណាច​នៅ​តែ​ប្រើប្រាស់​តាម​មាត្រា​៤ នៃ​រដ្ឋធម្មនុញ្ញ​បន្ថែម សំដៅ​ធានា​នូវ​ដំណើរការ​ប្រក្រតី​នៃ​ស្ថាប័ន​ជាតិ ដែល​ត្រូវ​បាន​អនុម័ត​កាលពី​ថ្ងៃ​ទី​០៨ ខែ​កក្កដា ឆ្នាំ​២០០៤ ដែល​ជា​ច្បាប់​ដ៏​ចម្រូងចម្រាស ចុះ​ហត្ថលេខា ដោយ​ប្រធាន​រដ្ឋ​ស្ដីទី លោក ញឹក ប៊ុនឆៃ។

មាត្រា​៤ នៃ​រដ្ឋធម្មនុញ្ញ​បន្ថែម ចែងថា តាម​សេចក្ដីស្នើ​ពី​គណបក្ស​នយោបាយ ដែល​មាន​អាសនៈ​ច្រើន​ជាងគេ​ក្នុង​រដ្ឋសភា តាមរយៈ​ព្រឹទ្ធិ​សមាជិក​រដ្ឋសភា ព្រះមហាក្សត្រ​ទ្រង់​ចាត់តាំង​វរជន​មួយ​រូប ក្នុង​ចំណោម​តំណាងរាស្ត្រ នៃ​គណបក្ស​នយោបាយ​ឈ្នះ​ឆ្នោត ឲ្យ​បង្កើត​រាជរដ្ឋាភិបាល។

រដ្ឋធម្មនុញ្ញ​បន្ថែម​នេះ ត្រូវ​បាន​អ្នកវិភាគ​យល់ថា ជា​ច្បាប់​ដ៏​ចម្រូងចម្រាស ដែល​គណបក្ស​ប្រជាជន​កម្ពុជា បង្កើត​ឡើង ក្រោយ​ជាប់​គាំង​នយោបាយ នៅ​ឆ្នាំ​២០០៣ និង​ដោយសារ​ភាព​មិន​ទុកចិត្ត​គ្នា នៅ​ក្នុង​ជួរ​គណបក្ស​ប្រជាជន​កម្ពុជា ដែល​កាលណោះ មាន លោក ជា ស៊ីម ជា​ប្រធាន​គណបក្ស។

លោក​មេធាវី ផែង ហេង រំលឹក​ថា កាល​រដ្ឋធម្មនុញ្ញ​បន្ថែម អនុម័ត​រួច ក្នុង​រាជ​ព្រះបាទ នរោត្តម សីហនុ សមាជិក​រដ្ឋសភា ធ្លាប់​ប្រើប្រាស់​វិធីសាស្ត្រ​បែប​នេះ ម្ដង​ហើយ។ «»

កាលណោះ សមាសភាព​សមាជិក​រដ្ឋសភា មាន​៣​គណបក្ស គឺ មក​ពី​កូតា បក្ស​ប្រជាជន​កម្ពុជា បក្ស​សម រង្ស៊ី និង​បក្ស​ហ៊្វុនស៊ិនប៉ិច។ អ្នកវិភាគ​ថា កាលណោះ ដោយសារ​មាន​ភាព​ជាប់​គាំង​នយោបាយ នៅ​ឆ្នាំ​២០០៣ គណបក្ស​ប្រជាជន​កម្ពុជា ត្រូវ​ធ្វើ​ជា​រដ្ឋាភិបាល​ចាំផ្ទះ​ជាង​មួយ​ឆ្នាំ ទើប​បង្កើត​ច្បាប់​ចម្រូងចម្រាស​នេះ​ឡើង កាលពី​ឆ្នាំ​២០០៤ ហើយ​ដោយ​សារ ការ​មិន​ទុក​ចិត្ត​គ្នា ក្នុង​ជួរ​បក្ស​កាន់អំណាច និង​ភាព​មិន​ទុកចិត្ត​គ្នា ក្នុង​ការ​សន្យា​បង្កើត​រដ្ឋាភិបាលចម្រុះ រវាង​គណបក្ស​ប្រជាជន​កម្ពុជា និង​គណបក្ស​ហ៊្វុនស៊ិនប៉ិច ទើប​មានការ​បង្កើត​រដ្ឋធម្មនុញ្ញ​នេះ​ឡើង៕39303874_224177691587881_86793154384101376_n

Advertisements

ហេតុអ្វីយើងត្រូវប្រឆាំងជំទាស់ជុំវិញករណី ហ៊ុន សែន យល់ព្រម​ផ្ដល់​ភាព​ស្រប​ច្បាប់​ ដល់យួនខុសច្បាប់​ នៅកម្ពុជា?

ហេតុអ្វីយើងត្រូវប្រឆាំងជំទាស់ជុំវិញករណី ហ៊ុន សែន យល់ព្រម​ផ្ដល់​ភាព​ស្រប​ច្បាប់​ ដល់យួនខុសច្បាប់​ នៅកម្ពុជា?


បទបង្ហាញរបស់លោក ម៉ែន ណាត នៃ​ក្រុមប្រឹក្សាឃ្លាំមើលកម្ពុជា ថាហេតុអ្វីបានជាយើងប្រឆាំងជំទាស់ ចំពោះរបប ហ៊ុន សែន ដែលយល់ព្រម​ផ្ដល់​ភាព​ស្រប​ច្បាប់​ ដល់យួនខុសច្បាប់​ នៅកម្ពុជា។

យួនខុសច្បាប់នៅកម្ពុជា អាចរស់នៅកម្ពុជាបាន ដោយសំអាងលើឯកសារនានាដែលរបប ហ៊ុន សែន បានធ្វើឡើជាមួយ វៀតណាម នៅមុនឆ្នាំ១៩៩០។ កាលនោះកម្ពុជា ស្ថិតនៅក្រោមការត្រួតត្រារបស់ វៀតណាម ឬឈ្លានពានដោយវៀតណាម។ ឯកសារទាំងឡាយ ឬកិច្ចព្រមព្រៀងនានា ដែលធ្វើឡើងកាលនោះ ត្រូវបានទុកជាមោក្ខភាព ឬលុបចោល ដោយកិច្ចព្រមព្រៀងទីក្រុងប៉ារីស ឆ្នាំ១៩៩១។ ប៉ុន្តែរបប ហ៊ុន សែន មិនព្រមលុបចោល ឬអាចនិយាយថា មិនអាចគេច​ចេញ​ពី​សម្ពាធ​របស់ វៀតណាម បានទេ រហូតមកទល់សព្វថ្ងៃ ពីព្រោះពួកថ្នាក់ដឹកនាំទាំងនោះ បានឡើងកាន់អំណាច ដោយសារវៀតណាម លើកបន្តុប តាំងពីឆ្នាំ១៩៧៩។ ម្ល៉ោះហើយ ទោះចង់ ឬមិនចង់ ក៏របប ហ៊ុន សែន សព្វថ្ងៃ ត្រូវបន្តអនុវត្តឯកសារខុសច្បាប់នានា នៅមុនឆ្នាំ១៩៩០ ដដែល ហើយត្រូវតែយល់ស្របជានិច្ច រាល់ការទាមទារ ឬការស្នើសុំ ពីភាគីរដ្ឋាភិបាល វៀតណាម។

ដូចបានបញ្ជាក់ខាងលើ យើងនៅតែរក្សាជំហរប្រឆាំងជំទាស់ រាល់ការសម្រេចខុស និងការធ្វើខាតបង់​ផលប្រយោជន៍​កម្ពុជា ដែលធ្វើឡើងដោយរបប ហ៊ុន សែន។ (មានបទបង្ហាញ ជាវីដេអូរូបភាព។)

T-04-25-17-h-full

10670187_918366958259408_8520807832688678037_n18275074_1651153984956774_254485478664091462_n

ហេង សំរិន ជួបប្រជុំជាមួយអនុប្រធានរដ្ឋសភា យួន អំពីការកំណត់​ព្រំដែនសមុទ្រ (Heng Samrin met Vietnam Vice-President on Maritime Border) – ឯកសារ

ឯកសារនេះល្អ ដូច្នេះសូមផ្សាយឡើងវិញ និងមានភ្ជាប់នូវ កិច្ចព្រមព្រៀងព្រំដែនទឹកប្រវត្តិសាស្ត្រ ឆ្នាំ១៩៨២ ដែលធ្វើឲ្យ យួន កាន់កាប់ប្រជុំ កោះត្រល់ និងដែនទឹកមួយចំនួនរបស់ខ្មែរផង។

កាលពីថ្ងៃទី១២​ ខែតុលា ២០០៦ អនុប្រធានរដ្ឋសភាវៀតណាម​ លោក ង្វៀន ភុកថាន់ មកទស្សនកិច្ចកម្ពុជា និងបានជួបប្រជុំជាមួយលោក ហេង សំរិន ប្រធានរដ្ឋសភាខ្មែរ។ ភាគីទាំងពីរ បានពិភាក្សាអំពីដំណើរការបោះបង្គោលព្រំដែនរបស់ប្រទេសទាំងពីរ។ កម្ពុជា និងវៀតណាម មានគំរោងចរចាផ្លូវការ អំពីកិច្ចព្រមព្រៀងព្រំដែន នៅក្រោយឆ្នាំ២០០៨។

ប្រធាន​ ក្រុមប្រឹក្សាឃ្លាំមើលកម្ពុជា ដែលមានមូលដ្ឋាននៅប្រទេសន័រវេស៍ លោក ម៉ែន ណាត ចេញសេចក្តីថ្លែងការណ៍មួយ នៅថ្ងៃទី១២ ខែតុលានេះ ធ្វើការរិះគន់ចំពោះគំរោងការរបស់មេដឹកនាំរដ្ឋសភាទាំងពីរ។ ក្រុមប្រឹក្សាឃ្លាំមើលកម្ពុជា បានអធិប្បាយថា សន្ធិសញ្ញាព្រំដែនទឹក ឆ្នាំ១៩៨២ {ចុះហត្ថលេខាដោយ ហ៊ុន សែន} ធ្វើឲ្យបាត់បង់ដែនទឹក ៣០ ពាន់គីឡូម៉ែត្រក្រឡា ទៅភាគីវៀតណាម។ សូមចុចអានសេចក្តីថ្លែងការណ៍ទាំងស្រុង ។ សូមអានបន្ថែម៖ កិច្ចព្រមព្រៀងព្រំដែនទឹក ឆ្នាំ១៩៨២​ (ឯកសារដើម)។

On October 12, 2006, Vietnamisese Parliament Vice President Nguyen Phuc Thanh visited Cambodia, and met Cambodian Parliament President Mr. Heng Samrin at the National Assembly. They talked about the border demarcation of both country. Cambodia and Vietnam have schedule an official negotiation next 2008 on Maritime Border Treaty.

On October 12, 2006, Men Nath, President of the Cambodia Watchdog Council International (CWC-International) printed her Statement to criticize the schedule of both leders of Parliaments. The Watchdog did describe the Maritime Border Treaty of Cambodia and Vietnam in 1982 {signed by Hun Sen}, it means that Cambodia lost her maritime border of 30,000 square kilometers to Vietnam.

Please view full statement here writing in Khmer.

images

oct-12-06-cwci-statement-on-heng-samrin-with-vietnamese6ថដ11112772_902759513100132_4467690831066398197_n

ម៉ែន ណាត មានលក្ខខណ្ឌ ៣ សម្រាប់ដាក់ភ្នាល់ តាមសំណើរបស់ ហ៊ុន ម៉ាណែត!

Capturecvdfdfgfr

ខ្ញុំ ម៉ែន ណាត មានលក្ខខណ្ឌ ៣ សម្រាប់ភ្នាល់ តាមសំណើរបស់ ហ៊ុន ម៉ាណែត!
……………………….
ហ៊ុន ម៉ាណែត ប្អូនប្រុស! ពួកយើងអាចភ្នាល់គ្នាក៏បានដែរ ខ្ញុំយល់ព្រមនូវលក្ខណ្ឌរបស់ ម៉ាណែត។ ប៉ុន្តែខ្ញុំមានលក្ខខណ្ឌ ៣ សម្រាប់ ម៉ាណែត ដោយទុកពេល ៤ សប្តាហ៍ គឺ៖

១). ត្រូវយកបង្គោលព្រំដែន កម្ពុជា-វៀតណាមទាំង ១២៤ (ស្របតាមអនុសញ្ញាបារាំង កម្ពុជា និង កូសាំងស៊ីន ឆ្នាំ១៨៧៣) ដែលជាបង្គោលបន្សល់ទុកពីសម័យបារាំង មកដាក់ត្រង់កន្លែងដើមវិញទាំងអស់ ដូចដែលសម្តេចតា នរោត្តម សីហនុ បានស្នើទៅលោក ហ៊ុន សែន និងសម្តេចក្រុមព្រះ កាលពីឆ្នាំ១៩៩៣-១៩៩៤។

២). ត្រូវដកបង្គោលព្រំដែនថ្មី ទាំងអស់ បោះចោល ពីព្រោះវាបោះចូលក្នុងទឹកដីខ្មែរ តាមសន្ធិសញ្ញាព្រំដែនបន្ថែម ឆ្នាំ២០០៥ រួមទាំងត្រូវដកបង្គោលព្រំដែន នៅក្នុងស្រុកភូមិកំណើតរបស់លោកតា ហេង សំរិន នៅត្បូងឃ្មុំផង។

៣). ត្រូវចាប់ផ្តើមប្តឹងប្តល់ ទៅតុលាការអន្តរជាតិ ទាមទារយក កោះត្រល់ និង កោះក្រចកសេះ មកឲ្យខ្មែរវិញ។ រឿងនេះគឺ ឪពុករបស់ ម៉ាណែត ជាអ្នកចុះសន្ធិសញ្ញាព្រំដែនទឹក ជាមួយ វៀតណាម ខែកក្កដា ឆ្នាំ១៩៨២។

លក្ខខណ្ឌទាំង ៣ ខាងលើ ខ្ញុំសង្ឃឹមថា ម៉ាណែត អាចភិក្សាបាន និងអាចធ្វើទៅបាន ពីព្រោះឪពុករបស់ ម៉ាណែត គឺជាមេដឹកនាំជាង ៣០ ឆ្នាំហើយ ហើយមានទំនាក់ទំនងល្អ ជាមួយ វៀតណាម ស្រាប់ផង។ បើ ម៉ាណែត មិនអាចធ្វើកិច្ចការនេះបានទេ គឺថារឿងភ្នាល់គ្នានេះ ត្រូវរងចាំដល់ កម្ពុជា មានអ្នកដឹកនាំល្អ ជាមុនសិន។ ដល់ពេលនោះ ខ្ញុំនឹងយកឯកសារពាក់ព័ន្ធរឿងលុយកាក់ របស់ក្រុមគ្រួសារ ម៉ាណែត ដែលផ្ញើនៅក្រៅប្រទេសទាំងអស់ជូន ម៉ាណែត ជាទីពេញចិត្តតែម្តង។

ហើយរឿងរ៉ាងវ៉ាវព្រំដែន និង ប្រជុំកោះត្រល់ ក៏ពួកយើងខ្ញុំ ប្តឹងប្តល់ទៅស្ថាប័នអន្តរជាតិ ទាមទារមកវិញ បើសិន ម៉ាណែត មិនអាច ឬមិនហ៊ានទាមទារមកវិញនោះ។

ជាថ្មីម្តងទៀត ខ្ញុំសូមបញ្ជាក់ជូន ម៉ាណែត ផងដែរថា «ប្រទេសបារាំង និងសម្ព័ន្ធមិត្តរបស់គេ រួមទាំងអាមេរិក គេចេះស៊ើបអង្កេតរឿងលុយកាក់របស់ត្រកូល ហ៊ុន ដែលផ្ញើនៅក្រៅប្រទេសហើយ។ គេមិនល្ងង់ទេ។ ហេតុនេះ ម៉ាណែត និងអ្នកគាំទ្របក្សកាន់អំណាចរបស់ ឪពុក ម៉ាណែត ធ្វើការស្វែងយល់ និង ធ្វើឲ្យប្រក្រភាពសិទ្ធិមនុស្ស ប្រជាធិបតេយ្យ និងធានាការបោះឆ្នោត ឆ្នាំក្រោយ ឲ្យមានសេរី និងយុត្តិធម៌ ជូនពលរដ្ឋ វាគឺជាការប្រពៃសម្រាប់ជាតិយើង ហើយយើងជាអ្នកជំនាន់ថ្មី ច្បាស់ជានឹងបន្តដំណើរកិច្ចការជាតិ និងពលរដ្ឋ ពីចាស់ទុំរបស់យើង»។

សូមស្តាប់ និងទស្សនាវីដេអូ៖

ប៉ាង សុខឿន ផ្តាំទៅ សុខ ទូច និង ហ៊ុន សែន ថាផែនទីព្រំដែនពិត ឬមិនពិត មិនអាចបំភ្លៃបានទេ ពីព្រោះយើងបានពិនិត្យផ្ទាល់

King Father-PM Hun Sen-001Hun Sen

នេះជាអត្ថបទរបស់លោក ប៉ាង សុខឿន (ហ្វេសប៊ុក សុវណ្ណភូមិ ខ្មែរ) ថ្ងៃទី២២ សីហា ២០១៧។ លោក សុខឿន អតីតប្រធានចលនានិស្សិតដើម្បីប្រជាធិបតេយ្យ ជំនាន់ទី៣ បន្ទាប់ពីលោក សារ៉ូ ស៊ីវត្ថា និង លោក អ៊ុំ សំអាន។ ក្រៅពីនេះលោក ជាអតីតសាស្ត្រាចារ្យ នៅសាកលវិទ្យាឯកជនមួយ ក្នុងក្រុងភ្នំពេញ កាលពីមុនឆ្នាំ២០០៥។ លោក ក៏ជាក្រុមការងារ នៃគណៈកម្មាធិការព្រំដែនខ្មែរ ជាមួយលោក ស៊ាន ប៉េងសែ និងលោក ឌី ការេត ផងដែរ។ សព្វថ្ងៃ លោករស់នៅប្រទេស ស៊ុយអែត ក្រោយេពីការធ្វើទុក្ខបុកម្នេញ ពីសំណាក់រដ្ឋាភិបាល ហ៊ុន សែន កាលពីឆ្នាំ២០០៥ ក្នុងរឿង ព្រំដែនខ្មែរ-យួន និង សិទ្ធិមនុស្ស។ ខាងក្រោមនេះ គឺជាអត្ថបទទាំងស្រុង៖

ផ្តាំមក សុខ ទូច ប្រធានរាជបណ្ឌិត្យសភា និង ហ៊ុន សែន នាយករដ្ឋមន្រ្តី៖ ផែនទីពិត ឬមិនពិត មិនអាចបំភ្លៃបានទេ ពេលយើងបានពិនិត្យផ្ទាល់ !
សំនួរ៖ ការដែល សុខ ទូច និយាយថា៖ «ពេលទំលាក់ផែនទីំមក ទើបដឹងថា សម្តេច ហេង សំរិន ប្រធានរដ្ឋសភា យកដីវៀតណាមនៅ» តើផែនទី ដែល សុខ ទូច បានទំលាក់មកនោះ ជាផែនទីប្រភេទអ្វី ? វាមានលេខកូដប៉ុន្មាន ? បោះពុម្ភឆ្នាំណា ? អ្នកណាជាអ្នកបោះពុម្ភ ? ឬផែនទី យួន បោះពុម្ភ អមសន្ធិសញ្ញាព្រំដែនខុសច្បាប់ ឆ្នាំ១៩៨៥ ដូចដែល វ៉ា គឹមហុង និយាយកាលពីខែ កក្កដា ២០១៥ ?
…………………..
ជនរួមឈាមជាទីគោរព!
ផែនទីសម្តេចតា នរោត្ត សីហនុ យកទៅតម្កល់ទុកនៅ UN ឆ្នាំ១៩៦៤ ដែលធ្វើឲ្យអន្តរជាតិ ទទួលស្គាល់បូរណភាពទឹកដីខ្មែរ គឺជាផែនទី Bonne ខ្នាត ១/១០០.០០០ មានចំនួន ២៦ ផ្ទាំង បោះពុម្ភពីចន្លោះឆ្នាំ ១៩៣៣ – ១៩៥៣។ ក្នុងនោះមាន៖ ៤ ផ្ទាំងសម្រាប់ខេត្តរតនគិរី, ៧ ផ្ទាំងសម្រាប់ខេត្តមណ្ឌលគិរី, ១ ផ្ទាំងសម្រាប់ខេត្តក្រចេះ, ១ ផ្ទាំងសម្រាប់ខេត្តក្រចេះ-កំពង់ចាម, ៣ ផ្ទាំងសម្រាប់ខេត្តកំពង់ចាម, ៣ ផ្ទាំងសម្រាប់ខេត្តស្វាយរៀង, ១ ផ្ទាំងសម្រាប់ខេត្តព្រៃវែង, ១ ផ្ទាំងសម្រាប់ខេត្តព្រៃវែង-កណ្តាល, ១ ផ្ទាំងខេត្តស្វាយរៀង-ព្រៃវែង, ១ ផ្ទាំងសម្រាប់ខេត្តកណ្តាល-តាកេវ, ១ ផ្ទាំងសម្រាប់ខេត្តតាកែវ, ១ ផ្ទាំងសម្រាប់ខេត្តតាកែវ-កំពត, ១ ផ្ទាំងសម្រាប់ខេត្តកំពត។

ចំណែកយួនវិញ៖ យួន ក៏បានយកផែនទីទៅតម្កល់ទុកនៅ UN ថ្ងៃទី២៦ តុលា ១៩៨៥ ផងដែរ ដើម្បីឲ្យអន្តរជាតិ ទទួលស្គាល់ព្រំដែនយួន-ខ្មែរថ្មី ដោយភ្ជាប់ជាមួយនូវសន្ធិសញ្ញាកំណត់ព្រំដែនថ្មី កម្ពុជា-យួន ឆ្នាំ ១៩៨៥ រួមមានផែនទី ២ ប្រភេទ គឺ៖
១). ប្រភេទ UTM ១/៥០.០០០ មានចំនួន ៤០ ផ្ទាំង (បោះពុម្ភចន្លោះ ឆ្នាំ ១៩៦៦-១៩៧១ ជាផែនទីសង្រ្គាម ភាគច្រើន គូសតាមទីតាំងយួនយៀកកុង ក្នុងដីខ្មែរ) និង អាចជាផែនទីរដ្ឋាភិបាល កំពុងប្រើសព្វថ្ងៃភាគច្រើន។
២). ផែនទី SGI ១/១០០.០០០ ចំនួន ២៦ ផ្ទាំង (បោះពុម្ភចន្លោះឆ្នាំ ១៩៥១ – ១៩៥៥ ដែលមិនមែនជាផែនទី សម្តេចតា យកទៅតម្កល់ទុកនៅ UN)។ ផែនទី ទាំងពីរប្រភេទនេះ UN បានទទួលស្គាល់ តាមភាគី យួន ដែរ ព្រោះភាគីខ្មែរ ក្នុងរបប ហ៊ុន សែន ក៏យល់ព្រមដែរ តាមសន្ធិសញ្ញាកំណត់ព្រំដែនថ្មី ឆ្នាំ១៩៨៥។

បញ្ជាក់៖ ផែនទី ២៦ ផ្ទាំងដែល យួន យកទៅទុក នៅ UN នេះហើយ និង មាននៅបណ្ណាល័យផែនទីបារាំង ផងដែរ ដែលខ្មែរជាច្រើន តែងច្រឡំថា ជាផែនទីរបស់ សម្តេចតា យកទៅតម្កល់ទុកនៅ UN នោះ។ ម្យ៉ាងទៀត ផែនទីដែល UN យកមកឲ្យខ្មែរខ្ចី ១៨ ផ្ទាំង តាមសំណើ ហ៊ុន សែន មិនមែនជាផែនទី របស់សម្តេចតា យកទៅតម្កល់ទុក ឆ្នាំ ១៩៦៤ ទេ។ តើវាអាចជាផែនទីប្រភេទទី២ ដែល យួន យកទៅតម្កល់ទុក កាលពីថ្ងៃទី ២៦ តុលា ១៩៨៥ ដែរទេ ? ពីព្រោះផែនទី ដែល UN យកមកនោះ ក៏ជាផែនទីអាមេរិកកាំង បោះពុម្ភដែរ។

ពេលនេះ មិនអាចបន្លំយើងបានទេ ពីព្រោះលេខកូដ របស់ផែនទីទាំងអស់ មិនដូចគ្នាឡើយ។ នាយករដ្ឋមន្រ្តី ហ៊ុន សែន, ទេសរដ្ឋមន្រ្តី វ៉ា គីមហុង និង សុខ ទូច អាចបន្លំអ្នកផ្សេងបាន ប៉ុន្តែមិនអាចបន្លំយើងបានជាដាច់ខាត នៅពេលដែលយើង បានពិនិត្យផែនទី ដោយផ្ទាល់៕ (អត្ថបទបន្ថែមដោយ ម៉ែន ណាត)

ក្រុមឃ្លាំមើល ថាជាអំពើក្បត់ជាតិ ករណីរដ្ឋាភិបាល ហ៊ុន សែន អនុវត្តសន្ធិសញ្ញាព្រំដែនថ្មី ធ្វើឲ្យភូមិកំណើត ហេង សំរិន និងតំបន់ព្រំដែនឯទៀត ធ្លាក់ចូលក្នុងទឹកដី យួន

083b5b8f8319c3f11def2325d4914192

កន្លងមក ក្រុមអ្នកជំនាញការព្រំដែនខ្មែរ នៅប្រទេសបារាំង និង ក្រុមប្រឹក្សាឃ្លំាមើលកម្ពុជា បានប្រឆាំងជំទាស់ដាច់អហង្កា ចំពោះរដ្ឋាភិបាល ហ៊ុន សែន និង រដ្ឋសភា ជាដើមផង បានផ្តល់សច្ចាប័ន លើសន្ធិសញ្ញាព្រំដែនបំពេញបន្ថែមថ្មី ឆ្នាំ២០០៥ ទៅលើសន្ធិសញ្ញាព្រំដែនខុសច្បា​ប់ ឆ្នាំ១៩៨៥ ព្រំទាំងផែនទីអម «បោះពុម្ពនៅវៀតណាម» នៃសន្ធិសញ្ញានោះផង។ ក្រុមការងារពិគ្រោះយោបល់កិច្ចការព្រំដែន នៅតែរក្សាជំហរ ជំទាស់ការបោះបង្គោលព្រំដែនថ្មី ពីព្រោះថា វាធ្វើឲ្យកម្ពុជាខាតបង់ទឹកដីខ្មែរ ខាតបង់ព្រំដែនគោក ចន្លោះពី ៤០០០ គ.ម.ក្រឡា ទៅ ៦០០០ គ.ម.ក្រឡា (ឯកសារព្រំដែនខ្មែរ ស៊ាន ប៉េងសែ)។

ជាក់ស្តែងភូមិកំណើត លោក ហេង សំរិន នៅភូមិថ្លុកត្រាច ឃុំកក់ ស្រុកពញាក្រែក ត្បូងឃ្មុំ ជាឧទាហរណ៍ច្បាស់លាស់មួយ ត្រូវរអិលចូល ទៅក្នុងទឹកដី​ វៀតណាម បន្ទាប់ពីរដ្ឋាភិបាល ហ៊ុន សែន អនុវត្តសន្ធិសញ្ញាព្រំដែនថ្មី ឆ្នាំ២០០៥ និង ផែនទីអមផងនោះ ដើម្បីបោះបង្គោលព្រំដែនថ្មី ដែលមកដល់ពេលនេះ ការបោះបង្គោល សម្រេចបាន ៨៤% ហើយ។​ ឯកសារសន្ធិសញ្ញានេះ និងផែនទីអម វាមិនទាន់តឹមត្រូវ ទៅ​តាម​ការចង់បានរបស់អ្នកជំនាញការព្រំដែនខ្មែរ ក្រៅប្រទេស និងពីគ្រប់ភាគីនៅឡើយទេ។ ឯកសារទាំងនេះ រដ្ឋាភិបាល ហ៊ុន សែន ធ្វើឡើងទៅតាមការចង់បាន របស់វៀតណាម តែប៉ុណ្ណោះ។ វាផ្ទុយនឹងមាត្រា២ និងមាត្រា៥៥ នៃរដ្ឋធម្មនុញ្ញ ។ ម្ល៉ោះហើយពលរដ្ឋខ្មែរ តាមព្រំដែនខ្មែរ-យួន បានយំស្រែកគ្រប់ទីកន្លែង អំពីការបាត់បង់​ ដីស្រែចំការរបស់ខ្លួន ទៅខាងភាគីវៀតណាម។

ក្រុមប្រឹក្សាឃ្លាំមើលកម្ពុជាសូមចាត់ទុកថា ជាអំពើក្បត់ជាតិ ករណីរដ្ឋាភិបាល ហ៊ុន សែន ធ្វើឲ្យបាត់បង់ទឹកដីខ្មែរ ក្រោយពេលអនុវត្តសន្ធិសញ្ញាព្រំដែនថ្មី និង ការបោះបង្គោលព្រំដែនថ្មី មកទល់សព្វថ្ងៃ។

ក្រុមការងារយើង នៅតែរក្សាជំហរទាមទារ ការដោះស្រាយបញ្ហាព្រំខ្មែរ ជាមួយវៀតណាម តាមរយៈរដ្ឋសភាខ្មែរ ត្រូវលុបចោលសន្ធិសញ្ញាព្រំដែនថ្មី ឆ្នាំ២០០៥ និង ឯកសារព្រំដែនពាក់ព័ន្ធដទៃទៀត ត្រូវដាក់ជាមោឃភាពជាបន្ទាន់។ ហើយរឿងនៅសេសសល់គឺ រដ្ឋាភិបាលខ្មែរ ត្រូវប្តឹងទៅប្រទេសម្ចាស់ហត្ថលេខី នៃកិច្ចព្រមព្រៀងទីក្រុងប៉ារីស ១៩៩១ និង ប្តឹងទៅតុលាការអន្តរជាតិ ទីក្រុងឡាអេ ដើម្បីទាមទារមកវិញ នូវទឹកដីដែលបាត់បង់ និង បូរណភាពទឹកដីខ្មែរពេញលេញ។

ធ្វើនៅក្រុងគ្រីសស្ទានសាន់ (ប្រទេសន័រវេស៍) ថ្ងៃទី២១ ខែសីហា ២០១៧
ម៉ែន ណាត, ក្រុមប្រឹក្សាឃ្លាំមើលកម្ពុ​ជា

13177785_971082936321143_6718619017335857068_n


អ្នកនាំពាក្យ​រដ្ឋសភា ឲ្យ​សួរ​រាជរដ្ឋាភិបាល រឿងសុខ ទូច ថាហេង សំ​រិ​ន យក​ដី​យួន​នៅ

(Angrut News, 21-8-2017)

ភ្នំពេញ៖ ជុំវិញ​ករណី ​លោក សុខ ទូច ប្រធាន​រាជបណ្ឌិត្យសភាកម្ពុជា ដែល​បាន​លើក​ឡើង​ថា «ភូមិ​គ្រឹះ​សម្តេច ហេង សំ​រិ​ន ប្រធានរដ្ឋសភា នៅ​ខេត្ត​ត្បូងឃ្មុំ ស្ថិត​នៅ​លើ​ទឹកដី​វៀតណាម» ​នោះ លោក ឡេ​ង ប៉េង​ឡុ​ង អ្នកនាំពាក្យ​រដ្ឋសភា មិន​បកស្រាយ​ឲ្យ​បាន​វែង​ឆ្ងាយ ដោយជំរុញ​ឲ្យ​ អ្នក​សារព័ត៌មាន ទៅ​សាកសួរ​រាជរដ្ឋាភិបាល ឬ​ក៏​គណៈកម្មាធិការ​ព្រំដែន បើ​ចង់បាន​ច្បាស់លាស់​ជាង​នេះ ។

ថ្លែងប្រាប់​ក្រុម​អ្នក​សារព័ត៌មាន ក្រោយ​បញ្ចប់​កិច្ចប្រជុំ​ គណៈកម្មាធិការ​អចិន្ត្រៃយ៍​ រដ្ឋសភា នៅ​ព្រឹក​ថ្ងៃ​ទី​២១ សីហា ២០១៧ នេះ លោក ឡេ​ង ប៉េង​ឡុ​ង មិន​បាន​ធ្វើការ​អត្ថាធិប្បាយ​ច្រើន​នោះ​ទេ គ្រាន់តែ​ លោក​ថា ដើម្បី​កំណត់ព្រំដែន​ រវាង​កម្ពុជា និង ​វៀតណាម ត្រូវធ្វើ​ឡើង​តាម​កិច្ចព្រមព្រៀង រវាង​ប្រទេស​ទាំង​ពីរ។ Read more

ផៃ ស៊ីផាន, សុខ ឥសាន ដែលគាំទ្រ សុខ ទូច ក៏ត្រូវមានទោសពីបទសមគំនិត «សហចារី» ប្រើប្រាស់ទឹកដីខ្មែរ បម្រើមហិច្ឆតាយួន រឿងភូមិកំណើត ហេង សំរិន

c2b9a5d8672cd003e1937dca4c9b5db1-1

តើនាយករដ្ឋមន្ត្រី ហ៊ុន សែន ត្រូវទុកដាក់យ៉ាងណាចំពោះ សុខ ទូច ប្រធានរាជបណ្ឌិត្យសភាកម្ពុជា ដែលហ៊ាននិយាយថា ភូមិកំណើតប្រធានរដ្ឋសភា ហេង សំរិន (ឃុំកក់ ពញាក្រែក ត្បូងឃ្មុំ) ស្ថិតនៅលើទឹកដី យួន ?
តាមដំណឹងមកថាតា ហេង សំរិន និងសាច់ញាតិ សំដែងការខឹងសម្បា ចំពោះការលើកឡើងរបស់លោក សុខ ទូច ពីព្រោះទីនេោះ ជាស្រុកភូមិរបស់ពួកគេ តាំងពីបូរមបូរាណមក។ លោក សុខ ទូច លើកឡើងមកនោះ បានរំលោភមាត្រា២ និង មាត្រា៥៥ នៃរដ្ឋធម្មនុញ្ញ ដែលមានទោសទណ្ឌ ស្មើនឹង អំពើក្បត់ជាតិ។ ដូចគ្នានេះដែរ ករណីលោក សុខ ឥសាន និងលោក ផៃ ស៊ីផាន ថ្លែងគាំទ្រការលើកឡើង របស់លោក សុខ ទូច នោះក៏ត្រូវមានទោស ពីបទសមគំនិត ក្នុងការប្រើប្រាស់ទឹកដីកម្ពុជា ដើម្បីបម្រើមហិច្ឆតា របស់បរទេសជិតខាង ឈ្លានពានទឹកដីខ្មែរ

រដ្ឋធម្មនុញ្ញ មាត្រា២. «បូរណភាព​ទឹកដី​របស់​ព្រះរាជាណាចក្រ​កម្ពុជា​​​ មិន​អាច​រំលោភ​បាន​ដាច់​ខាត​ក្នុង​ព្រំដែន​របស់​ខ្លួន​ដែល​មាន​កំណត់​​ ក្នុង​ផែនទី​ខ្នាត​ ១/១០០.០០០​ ធ្វើ​នៅ​ចន្លោះ​ឆ្នាំ​១៩៣៣​-១៩៥៣ ហើយ​ដែល​ត្រូវ​បាន​ទទួល​ស្គាល់​ជា​អន្តរជាតិ​នៅ​ចន្លោះ​ ឆ្នាំ ១៩៦៣-១៩៦៩»។

រដ្ឋធម្មនុញ្ញ មាត្រា៥៥. «សន្ធិសញ្ញា​ និង​ កិច្ច​ព្រមព្រៀង​ទាំងឡាយ​ណា​ ដែល​មិន​ស្រប​នឹង​ឯករាជ្យ​ អធិបតេយ្យ​ បូរណភាព​ទឹកដី​ អព្យាក្រឹតភាព​ និង​ឯកភាព​ជាតិ​របស់​​ព្រះរាជាណាចក្រ​កម្ពុជា​ ត្រូវ​លុប​ចោល។»

បញ្ជាក់៖ ការអនុវត្តសន្ធិសញ្ញាព្រំដែនបំពេញបន្ថែម ឆ្នាំ២០០៥ ព្រមទាំងប្រើផែនទីព្រំដែន ដែលអមសន្ធិសញ្ញាព្រំដែន ឆ្នាំ១៩៨៥ ខ្នាត ១/១០០ ពាន់ «បោះពុម្ភឡើងវិញដោយ វៀតណាម» និង ផែនទី ខ្នាត ១/៥០ ពាន់ នោះវាផ្ទុយនឹងរដ្ឋធម្មនុញ្ញ មាត្រាទី២ និងមាត្រា៥៥ ព្រមទាំងផ្ទុយពីកិច្ចព្រមព្រៀងក្រុងប៉ារីស ឆ្នាំ១៩៩១ ដែលតម្រូវឲ្យរដ្ឋាភិបាល ហ៊ុន សែន លុបចោលសន្ធិសញ្ញាខុសច្បាប់ និងកិច្ចព្រមព្រៀងខុសច្បាប់នានា ដែលធ្វើឡើងនៅមុន ឆ្នាំ១៩៩០។ – (អត្ថបទដោយ ម៉ែន ណាត)


មន្ត្រី​ CPP (សុខ ឥសាន និង ផៃ ស៊ីផាន) គាំទ្រ​ថា​ភូមិ​លោក​ ហេង សំរិន ស្ថិត​ក្នុង​ទឹកដី​វៀតណាម
(Mon, 21-8-2017, មាស សុខជា, Phnom Penh Post)

ភ្នំពេញៈ ខណៈ​សាធារណជន ​កំពុង​រិះគន់​ប្រធាន​រាជបណ្ឌិត្យ​សភា​ លោក សុខ ទូច ដែល​និយាយ​ថា​ភូមិកំណើត​របស់​លោក​ ហេង សំរិន ប្រធាន​រដ្ឋសភា​ ស្ថិត​នៅ​ក្នុង​ទឹកដី​វៀតណាម មន្ត្រី​គណបក្ស​កាន់​អំណាច​ បាន​ការពារ​ការ​លើក​ឡើង​នេះ ​ដោយ​ថ្លែង​ថា ​ការ​លើក​ឡើង​របស់​លោក សុខ ទូច គឺ​ត្រឹមត្រូវ។

អ្នក​នាំពាក្យ ​គណបក្ស​ប្រជាជន​លោក សុខ ឥសាន និង​អ្នក​នាំ​ពាក្យរដ្ឋាភិបាល​ លោក​ ផៃ ស៊ីផាន បាន​ថ្លែង​កាលពី​ម្សិលមិញ​ថា ​ការ​លើក​ឡើង​របស់​ លោក សុខ ទូច ​គឺ​មិន​ខុស​ទេ ​ពីព្រោះ​ភូមិ​របស់​លោក ហេង សំរិន ពិត​ជា​ស្ថិត​នៅ​ក្នុង ​ទឹកដី​វៀតណាម ​មែន បើ​យោង​តាម​ផែនទី​ខ្នាត ១/១០០.០០០ ដែល​ចេញ​ដោយ​ ក្រុម​ភូមិសាស្ត្រ​ឥណ្ឌូចិន និង​រៀបចំ​ដោយ​អាណានិគម​បារាំង​។ លោក ឥសាន បាន​ប្រាប់​ភ្នំពេញ​ប៉ុស្តិ៍​ថា​៖ «​ខ្សែ​ផែនទី​ ដែល​រត់​នៅ​ខាង​លិច ​នៃ​ផ្ទះ​របស់​សម្តេច ហេង [​សំរិន​] វា​ជាក់ស្តែង​ដូច​នេះ​»​។ លោក​បន្ត​ថា ​កាលពី​មុន ​មិន​មាន​នរណា​គូស​ខ្សែ​ផែនទី​ កាត់​កន្លែង​ណា​នោះ​ទេ ដោយសារ​ផែនទី​ ខ្នាត​ ១/១០០.០០០ ដែល​ចេញ​ដោយ​អ្នក​ជំនាញ​បារាំង ​មិន​ត្រូវ​បាន​ប្រើប្រាស់​សម្រាប់​ការ​គូសបន្ទាត់​ព្រំដែន​។ លោក​បន្ត​ថា​៖ «​ប្រជាពលរដ្ឋ​មិន​ដឹង​ខ្សែ​ព្រំដែន ​នៅ​កន្លែង​ណា​ដោយសារ​យើង​ នៅ​លើ​ដី​ជាក់ស្តែង​»​។ លោក​បន្ត​ថា​៖ «​លោក សុខ ទូច បាន​និយាយ​ត្រឹមត្រូវ​ណាស់​លោក​បាន​និយាយ​ថា ​សម្តេច ហេង សំរិន បាន​ទៅ​រស់នៅ​ក្នុង ​ដី​វៀតណាម​។ ឯកឧត្តម សុខ ទូច ចូលចិត្ត​និយាយ​ខ្លាំងៗ​»​។ លោក ឥសាន បន្ត​ថា​ គណបក្ស​កាន់​អំណាច​ មិន​មាន​ប្រតិកម្ម​អ្វី​ ចំពោះ​លោក សុខ ទូច ទេ ​ដោយសារ​ផ្អែក​លើ​ផែនទី​បារាំង ភូមិ​របស់​លោក ហេង សំរិន ឈ្មោះ​ ភូមិ​ថ្លុកត្រាច​ដែល​ស្ថិត​នៅ​ក្នុង​ ស្រុក​ពញាក្រែក ខេត្ត​ត្បូងឃ្មុំ​ ពិតជា​នៅ​ក្នុង​ ដី​វៀតណាម ​ទោះ​យ៉ាង​ណា​ក្តី​ លោក ហេង សំរិន នៅ​តែ​ត្រូវ​បាន​អនុញ្ញាត​ ឲ្យ​រស់នៅ​ក្នុង​ភូមិ​របស់​លោក​ ដោយសារ​គ្រួសារ​របស់​លោក ​បាន​និង​កំពុង​រស់នៅ​ក្នុង​ភូមិ​នោះ​ ជា​យូរ​មក​ហើយ​។

ជាង​នេះ​ទៀត ​នៅ​លើ​ហ្វេសប៊ុក ​របស់​លោក ​កាលពី​ម្សិលមិញ​អ្នក​នាំ​ពាក្យ​រដ្ឋាភិបាល ​លោក​ ផៃ ស៊ីផាន ក៏​បាន​ការពារ​ការ​ថ្លែង​របស់​ លោក​ សុខ ទូច ​ផង​ដែរ​ថា​ផ្អែក​តាម​ផែនទី​ ខ្នាត ១/១០០.០០០ ភូមិសាស្ត្រ​ផ្ទះ​របស់​ លោក ហេង សំរិន គឺ​ស្ថិត​នៅ​ក្នុង​ ដី​វៀតណាម​ បច្ចុប្បន្ន និង​បាន​លើក​ឡើង ​នូវ​សំណួរ​មួយ​ថា ហេតុ​អ្វី​កម្ពុជា​ អាច​កាន់កាប់​តំបន់​នេះ​បាន​។ លោក ស៊ីផាន សរសេរ​ថា​៖ «​មាន​ន័យ​ថា​ក្នុង​សម័យកាល​អាណានិគម​បារាំង ​មិន​បាន​គូស​ព្រំដែន​រដ្ឋ​ទេ​ គឺ​មាន​តែ​​ព្រំដែន​រដ្ឋបាល​ រវាង​កម្ពុជា និង​កូសាំងស៊ីន ទី​ ២). ក្នុង​ន័យ​នេះ​បារាំង​ បាន​គូស​ផែនទី​ព្រំដែន​រដ្ឋបាល ​ដែល​យើង​ធ្លាប់​ស្គាល់​តាមរយៈ​ផែនទី «​បោន Bonne ខ្នាត​ ១/១០០.០០០» នេះ​ឯង​។ ដូច្នេះ​ប្រជាជន​ទាំង​សង​ខាង​នា​សម័យ​កាល​នោះ​ អាច​តាំង​លំនៅ​បន្ត​តាម​ទម្លាប់​តពី​ដូនតា​»​។ Read more

« Older Entries