លោក កែ គឹមយ៉ាន៖ វៀតណាម រំលោភចូលព្រំដែនខ្មែរ ជម្រៅ ១២៧០ ម៉ែត្រ នៅស្រុកគីរីវង់ តាកែវ
(អត្ថបទលោក ម៉ែន ណាត នៃក្រុមប្រឹក្សាឃ្លាំមើលកម្ពុជា / Updated 26-8-2019)
ឯកសាររបាយការណ៍ លោក កែ គឹមយ៉ាន ដែលជាអតីតអគ្គមេបញ្ជាការ កងយោធពលខេមរភូមិន្ទ កាលពីឆ្នាំ១៩៩៩ បានសរសេរថា វៀតណាម បានរំកិលព្រំដែន ចូលមកក្នុងទឹកដីខ្មែរ តាមបណ្តាយជីកព្រែក ឬប្រឡាយ ៧៩ ដែលបច្ចុប្បន្ន វាក្លាយជាខ្សែបន្ទាត់ព្រំដែនខ្មែរ-យួន ពីកើត ទៅលិច។ លោក កែ គឹមយ៉ាន សរសេរថា វៀតណាម រំលោភចូលព្រំដែនខ្មែរ ជម្រៅ ១២៧០ ម៉ែត្រ នៅក្បែរចំណុចច្រកទ្វារ ភ្នំដិន ស្រុកគីរីវង្ស ខេត្តតាកែវ។
កាលនោះ បន្ទាប់ពីជូនរបាយការណ៍ទៅលោកនាយករដ្ឋមន្ត្រី ហ៊ុន សែន មិនយូរប៉ុន្មាន លោក កែវ គឺមយ៉ាន ត្រូវបានដកហូតតួនាទីពីអគ្គមេបញ្ជាការកងយោធពលខេមរភូមិន្ទ ឲ្យទៅកាន់ជាប្រធានអាជ្ញាធរប្រឆាំងគ្រឿងញៀន មកទល់សព្វថ្ងៃ។
ចំណែកទេសរដ្ឋមន្រ្តី លោក វ៉ា គឹមហុង ទទួលបន្ទុកជាប្រធានគណៈកម្មាធិការចម្រុះកិច្ចការព្រំដែននៃរដ្ឋាភិបាលកម្ពុជា កាលពីថ្ងៃទី១៤ ខែកក្កដា ឆ្នាំ២០១៥ ថ្លែងសារភាព នៅក្រសួងមហាផ្ទៃថា វៀតណាម ទាមទារឲ្យកម្ពុជា យកផែនទីព្រំដែន តាមសន្ធិសញ្ញាព្រំដែន ឆ្នាំ១៩៨៥ និងសន្ធិសញ្ញាបំពេញបន្ថែម ឆ្នាំ២០០៥ ដើម្បីបោះបង្គោលព្រំដែនថ្មី ជាមួយវៀតណាម។
តំណាងរាស្រ្តពីគណបក្សសង្គ្រោះជាតិ (២០១៣-២០១៨) លោក អ៊ុំ សំអាន ត្រូវបានចាប់ឃុំខ្លួន ដោយបុព្វហេតុប្រឆាំង «ការបោះព្រំដែន ជាមួយវៀតណាម » តាមរយៈការអនុវត្តផែនទីព្រំដែន អមសន្ធិសញ្ញាខុសច្បាប់ ឆ្នាំ១៩៨៥ និងសន្ធិសញ្ញាពាក់ព័ន្ធផ្សេងទៀត។ លោក សំអាន ធ្លាប់បញ្ញាក់ហូរហែរថា «រដ្ឋាភិបាល ហ៊ុន សែន ធ្វើឲ្យខាតបង់ទឹកដី ទៅវៀតណាម»។
លោក អ៊ុំ សំអាន ត្រូវតុលាការ កាត់ទោសឲ្យជាប់ពន្ធនាគារ ទាំងនៅមាន «អភ័យឯកសិទ្ធិតំណាងរាស្រ្ត» ចំនួន ២ឆ្នាំ ៦ខែ និងពិនិ័យប្រាក់ ៤ លានរៀន កាលពីថ្ងៃទី ១០ តុលា ឆ្នាំ២០១៦។ លោក សំអាន ត្រូវបានចាប់ខ្លួន កាលពីថ្ងៃទី ១១ ខែមេសា ឆ្នាំ២០១៦។ លោក សំអាន ត្រូវបានដោះលែងពីពន្ធនាគារ ឲ្យមានសេរីភាពឡើងវិញ នៅថ្ងៃទី ២៥ សីហា ២០១៨។ សពថ្ងៃលោក រស់នៅជួបជុំប្រពន្ធកូនរបស់លោក នៅសហរដ្ឋអាមេរិក។
សូមភ្ជាប់ឯកសារទាក់ទងរឿងព្រំដែន ដូចខាងក្រោម៖
.
Cambodia should compare all map with border pole since French colonial n scencus from local people elderly
LikeLike