Author Archives: CWCI​ Cambodia

លោក Nguyen Phu Trong ស្នើមហាក្សត្រខ្មែរ ឲ្យជួយសម្រួលភាពស្របច្បាប់ ដល់ជនជាតិវៀតណាម នៅកម្ពុជា

Cambodia King Norodom Sihamoni (left) and Nguyen Phu Trong

យ៉ោងតាមអត្ថបពីគេហទំព័ររីដមី (ReadMe) ដែលបានដកស្រង់ ពីអត្ថបទគេហទំព័ររបស់​វៀតណាម ជុំវិញដំណើរទស្សនកិច្ចរបស់មេដឹកនាំវៀតណាម មកកម្ពុជា កាលពីពេលថ្មីៗនេះ មានខ្លឹមសារដដូចខាងក្រោម។

ភ្នំពេញ៖ អំឡុងពេលមកទស្សនកិច្ចនៅកម្ពុជា កាលពីថ្ងៃទី ២៥ ខែកុម្ភៈ ឆ្នាំ ២០១៩ លោក ង្វៀន ភូជុង (Nguyen Phu Trong) អគ្គលេខាធិការបក្សកុម្មុយនីសវៀតណាម (ឬប្រធានបក្ស បើហៅតាមបរិបទខ្មែរ) បានស្នើព្រះមហាក្សត្រកម្ពុជា ព្រះបាទ នរោត្តម សីហមុនី ឲ្យ «បន្តចង្អុលបង្ហាញឲ្យមានការបង្កើតលក្ខខណ្ឌងាយស្រួលដល់ [ជនជាតិ​វៀតណាម] ជាពិសេសគឺ ភាពស្របច្បាប់» សម្រាប់ពួកគេ។ នេះបើយោងតាមការចុះផ្សាយរបស់សារព័ត៌មានវៀតណាមណិត (Vietnam Net) ។

បើតាមប្រភពដដែល លោកប្រមុខរដ្ឋវៀតណាមរូបនេះ ក៏បានថ្លែងអំណរគុណរដ្ឋាភិបាល រដ្ឋសភា និងព្រឹទ្ធសភាកម្ពុជា ដែលបានផ្ដោតអារម្មណ៍ និងជួយសម្រួលដល់សហគមន៍ជនជាតិវៀតណាម នៅប្រទេសកម្ពុជា នាពេលកន្លងមក។

នៅក្នុងជំនួបដដែលនោះ ព្រះមហាក្សត្រកម្ពុជា ក៏បានថ្លែងអំណរគុណ ដល់បក្សកុម្មុយនីសវៀតណាម រដ្ឋវៀតណាម និងប្រជាជនវៀតណាម ចំពោះជំនួយមិនអាចកាត់ថ្លៃបាន ដល់កម្ពុជា នៅអំឡុងពេលរំដោះប្រទេស និងបំបាត់ការប្រល័យពូជសាសន៍។ ព្រះអង្គ ក៏មានព្រះបន្ទូលថា ប្រជាជនវៀតណាម គឺជា«មិត្តល្អណាស់ និងគួរអោយទុកចិត្តបាន» របស់ប្រជាជនកម្ពុជា ហើយប្រជាជនកម្ពុជា នឹងនៅតែជាអ្នកជិតខាងល្អរបស់វៀតណាម។

ក្នុងនោះដែរ ប្រមុខរដ្ឋទាំងពីរ ក៏បានរំលឹកពីការរីកចម្រើនរបស់ទំនាក់ទំនងកម្ពុជា-វៀតណាម នាពេល ៥ ទសវត្សរ៍មកនេះ ហើយនៅចុងបញ្ចប់ លោក ង្វៀន ភូជុង ក៏បានថ្វាយកុំព្យួទ័រចំនួន ១០០ គ្រឿង ដល់ព្រះអង្គ ដើម្បីជាអំណោយសម្រាប់វិស័យអប់រំកម្ពុជា៕
…………………………………

ទំព័រភ្ជាប់៖ Party Chief holds talks with Cambodian King
Party General Secretary and President Nguyen Phu Trong held talks with Cambodian King Norodom Sihamoni in Phnom Penh on February 25, 2019, during his ongoing state-level visit to Cambodia.
Advertisements

អង្គការឃ្លាំមើលហិរញ្ញវត្ថុពិភពលោក ដាក់កម្ពុជា ក្នុងបញ្ជីតាមដានរឿងលាងលុយកខ្វក់

វិមានសន្តិភាព ខុទ្ទកាល័យលោក ហ៊ុន សែន

អង្គការឃ្លាំមើលការលាងលុយកខ្វក់ នឹងដាក់កម្ពុជាក្នុងបញ្ជីតាមដាន

(ដោយលោក ស៊ុន សុខេន / VOD News, 22-2-2019)
អង្គការ​ឃ្លាំមើល​ការ​លាងលុយ​កខ្វក់អន្តរជាតិ​ នឹងបញ្ចូលប្រទេសកម្ពុជា ទៅក្នុងបញ្ជីតាមដានដោយថា ​ប្រទេស​នេះ ងាយស្រួល​ក្នុងការ​ប្រព្រឹត្តសកម្មភាពនេះ។

​យោងតាម​ការចុះផ្សាយរបស់ ទីភ្នាក់​សារព័ត៌មានរ៉យទ័រ (Reuters) អង្គការ​ក្រុមការងារសកម្មភាព​ហិរញ្ញវត្ថុ (Financial Action Task Force) ហៅកាត់ថា​ FATF នឹង​ដាក់កម្ពុជា ក្នុងបញ្ជីពណ៌ប្រផេះរបស់ខ្លួន ដោយអាចនឹង​ត្រួតពិនិត្យ​លំហូរហិរញ្ញវត្ថុ វិនិយោគ និង ពាណិជ្ជកម្ម​ ចេញ​ និងចូលប្រទេស​កម្ពុជា។

​ក្រុមការងារសកម្មភាព​ហិរញ្ញវត្ថុ (Financial Action Task Force) ជា​គឺជាអង្គការអន្តររដ្ឋាភិបាល ដែលមានមូលដ្ឋាននៅទីក្រុង ប៉ារីស ប្រទេសបារាំង។ អង្គការនេះ ធ្វើការលើការ​ប្រយុទ្ធប្រឆាំងនឹងការលាងលុយកខ្វក់ និងការផ្ដល់ហិរញ្ញទាន ​ដល់​ក្រុម​ភេរវកម្ម​។

បើតាមរ៉យទ័រ (Reuters) ដែលបានដកស្រង់សម្តីមន្រ្តីជាន់ខ្ពស់កម្ពុជាម្នាក់ ដែល​សុំ​មិន​បញ្ចេញឈ្មោះ ការដាក់​កម្ពុជា ក្នុងបញ្ជី​ឃ្លាំមើលរបស់ FATF អាចនឹង​​បង្កការលំបាក ដល់ក្រុមហ៊ុន ក៏ដូចជា​បុគ្គល​ទូទៅ ក្នុងការប្រើប្រាស់​ប្រព័ន្ធហិរញ្ញវត្ថុអន្តរជាតិ

ប្រភពដដែល ឲ្យដឹងថាកម្ពុជា ត្រូវបានដកចេញពី​បញ្ជីពណ៌ប្រផេះរបស់​ FATF កាលពីឆ្នាំ ២០១៥ កន្លងទៅ ហើយការដាក់កម្ពុជាក្នុងបញ្ជីនេះឡើងវិញ បង្ហាញថា​ប្រទេសនេះ ដើរថយក្រោយក្នុងកិច្ចខំប្រឹងប្រែងប្រយុទ្ធប្រឆាំងការលាង​លុយកខ្វក់នេះ៕

Reuters: Global watchdog to put Cambodia on its money-laundering watchlist

.

អត្ថបទអង់គ្លេស RFA: ហ៊ុន សែន អំពាវនាវមន្រ្តីក្រោមឱវាទ ឲ្យតាមកម្ទេចក្រុមអ្នកប្រឆាំង ក្នុងសារបែកធ្លាយ

Cambodia’s Hun Sen Calls For Destruction of Opposition in Leaked Phone Call

(Source: RFA English /14-2-2019)
Cambodia must work during the next 18 months to destroy the opposition party at the local level before European Union trade sanctions come into effect, Prime Minister Hun Sen said in a phone call to government officers leaked to social media on Thursday.

Dismantling remaining networks of opposition to Hun Sen’s rule would prevent the now-banned Cambodia National Rescue Party from gaining strength to challenge the ruling Cambodian People’s Party in future elections, Hun Sen said.

It would also remove support from exiled opposition leader Sam Rainsy, who has vowed to return to Cambodia after more than three years abroad and who should now be ignored, the long-ruling prime minister said in the audio clip, which was posted on several Facebook pages in Cambodia Thursday morning.

“To weaken [Sam Rainsy’s] popularity, it would be good not to respond to him,” Hun Sen said. “We don’t need to talk so much about Sam Rainsy.”

“We already have warrants for his arrest, and we need to execute those warrants. If he resists, we will use all means that we have to eliminate any elements who oppose the government,” he said.

And if Sam Rainsy verbally attacks Cambodia’s pro-government military and security forces, the soldiers and police “must be patient and not respond,” Hun Sen said, adding that Fresh News, a Cambodian media outlet sympathetic to the ruling CPP, can be counted on to reply.

Sam Rainsy must not be allowed to become the “focal point” of any future political negotiations with the CNRP brought about by international pressure, Hun Sen said.

‘Facing tough problems’

On Tuesday, the European Commission, which coordinates trade policy for the EU, announced a period of monitoring that could lead to the temporary suspension of Cambodia’s preferential trade access to the bloc’s market under an Everything But Arms (EBA) scheme, citing a deterioration in the Southeast Asian nation’s labor and human rights record over the last year and a half.

Examples cited in the EC statement include the September 2017 arrest of CNRP president Kem Sokha on charges of treason and the dissolution of his party two months later by the Supreme Court, paving the way for the CPP to win all 125 seats in parliament in a July 2018 general election.

Any withdrawal of trade preferences would come into effect after 18 months from the EC’s Feb. 12 announcement.

Cambodia’s government lashed out at the EU in a statement Tuesday, calling the decision “unjust” and suggesting that the bloc “doesn’t respect Cambodia’s sovereignty, because the EU’s demands amount to political interference.”

In his leaked phone call to government officers, Hun Sen said that if Cambodian trade preferences are withdrawn, “this will make things easier for me, because then no one can ask me to pardon Sam Rainsy and Kem Sokha.”

“We can control the local situation,” he said.

Reached for comment, government spokesperson Phay Siphan refused to comment on the leaked audio.

“I don’t comment on leaked information,” he said. “I only comment on official statements.”

Also speaking to RFA, Kim Sok—a Cambodian political commentator and frequent government critic now living in exile in Finland—said that Hun Sen’s comments on the audio show that he is trying hard to reassure himself in the face of sanctions that will hurt the whole country.

“Hun Sen is facing tough problems on how to resolve the EBA issue,” Kim Sok said.

Reported by RFA’s Khmer Service. Translated by Samean Yun. Written in English by Richard Finney.

.

សហភាពអឺរ៉ុប EU ចាប់ផ្តើមនីតិវិធីព្យួរការអនុគ្រោះពន្ធ EBA បណ្តោះអាសន្នពី​កម្ពុជា

(RFA Khmer /ដោយ មួង ណារេត /11 th-2-2019)
សហភាពអឺរ៉ុប នៅថ្ងៃទី ១១ ខែ កុម្ភៈ ឆ្នាំ២០១៩ នេះ បានប្រកាសចាប់ផ្តើមនីតិវិធី ព្យួរការអនុគ្រោះពន្ធបណ្តោះអាសន្ន ក្រោយព្រមានរបបលោក ហ៊ុន សែន តាំងពីដើមខែ តុលា ឆ្នាំ ២០១៨ អំពី​ការចាប់ផ្តើមនីតិវិធីនេះ បើ​របបនេះមិនព្រមស្តារសិទ្ធិមនុស្ស និង ប្រជាធិបតេយ្យ​ឡើងវិញ។

សេចក្តីប្រកាសព័ត៌មានរបស់សហភាពអឺរ៉ុប នៅថ្ងៃទី ១១ ខែ កុម្ភៈ បញ្ជាក់ថា បើទោះបី​នីតិវិធីព្យួរការអនុគ្រោះពន្ធ «អ្វីៗទាំងអស់លើកលែង​តែសព្វាវុធ ឬ EBA» ពីកម្ពុជានេះ មិនមែនបានន័យថា សហភាពអឺរ៉ុប នឹងដកការអនុគ្រោះពន្ធនេះភ្លាមៗក៏ដោយ ក៏នៅទីបំផុត សហភាពអឺរ៉ុបនឹងដកការអនុគ្រោះពន្ធនេះជាស្ថាបពរ ប្រសិនបើរបបលោក ហ៊ុន សែន នៅតែមិនព្រមស្តារសិទ្ធិមនុស្ស និង ប្រជាធិបតេយ្យឡើងវិញ ទៅតាមសំណូមពររបស់សហគមន៍អន្តរជាតិ។

អនុប្រធានស្នងការពាណិជ្ជកម្ម សហភាពអឺរ៉ុប អ្នកស្រី ហ្វេដេរ៊ីកា ម៉ូហ្ការ៊ីនី (Federica Mogherini ) បញ្ជាក់ថា រយៈពេល ១៨ ខែចុងក្រោយនេះ សហភាពអឺរ៉ុបមើលឃើញនូវ​ស្ថានភាពសិទ្ធិមនុស្ស និង ប្រជាធិបតេយ្យ និង នីតិរដ្ឋ​នៅកម្ពុជា ធ្លាក់ចុះដុនដាបខ្លាំង។ សហភាពអឺរ៉ុប តាមរយៈរដ្ឋមន្រ្តីការបរទេស បានបញ្ជាក់ច្បាស់ ពីជំហររបស់សហភាពអឺរ៉ុបនេះរួចទៅហើយ ថាបើស្ថានភាពបច្ចុប្បន្ននេះ នៅតែមិនប្រសើរឡើង នោះការបន្តផ្តល់ការអនុគ្រោះពន្ធ នឹងជួបបញ្ហា។ អ្នកស្រីបញ្ជាក់បន្ថែមថា ភាពជាដៃគូផ្នែកពាណិជ្ជកម្ម របស់សហភាពអឺរ៉ុបជាមួយកម្ពុជា ត្រូវឈរលើការគោរពសិទ្ធិមនុស្ស និង ប្រជាធិបតេយ្យជាមូលដ្ឋានស្នូល។

ចំណែកឯស្នងការពាណិជ្ជកម្មអឺរ៉ុបអ្នកស្រី សេស៊ីលីយ៉ា ម៉ាមស្រ្តុម (Cecilia Malmström ) បានថ្លែងបញ្ជាក់ក្នុងសេចក្តីប្រកាសព័ត៌មាននេះដែរ ថាច្បាស់ណាស់ នីតិវិធីព្យួរការអនុគ្រោះពន្ធនៅថ្ងៃនេះ មិនទាន់ជាសេចក្តីសម្រេចចុងក្រោយ ដកការអនុគ្រោះពន្ធភ្លាមមែន ប៉ុន្តែនីតិវិធីនេះចាប់ផ្តើមចេញដំណើរហើយ។ អ្នកស្រីសង្កត់ធ្ងន់ថា អ្វីដែលសហភាពអឺរ៉ុប បញ្ជាក់ទៅភាគីកម្ពុជាឲ្យធ្វើតាមនោះ គឺមិនមែនជាការ​សន្យាខ្យល់ទេ។ អ្នកស្រីបញ្ជក់ទៀតថា បើកម្ពុជា ចង់បន្តទទួលបានការអនុគ្រោះពន្ធនេះតទៅទៀត កម្ពុជាត្រូវស្តារសិទ្ធិមនុស្ស និង ប្រជាធិបតេយ្យឡើងវិញដាច់ខាត។

សំណូមពរជាច្រើន ដែលសហភាពអឺរ៉ុបទាមទារ​ឲ្យ​របបលោក ហ៊ុន សែន ធ្វើតាម ដើម្បីជាថ្នូរ​នឹង​ការ​បន្ត​ការផ្តល់ការអនុគ្រោះពន្ធពាណិជ្ជកម្មនេះ រួមមាន​ ដោះលែង​ប្រធានគណបក្សសង្គ្រោះជាតិលោក កឹម សុខា ជាបន្ទាន់​ និង ដោយ​ឥតលក្ខខណ្ឌ អនុញ្ញាតឲ្យ​គណបក្សសង្គ្រោះជាតិ​បើកដំណើរការឡើងវិញដូចដើម ផ្តល់មុខតំណែង​ដល់មន្រ្តីក្រុមប្រឹក្សា​ជាប់​ឆ្នោត​របស់គណបក្ស​សង្គ្រោះជាតិ​ទាំងអស់ឡើងវិញ និង រៀបចំឲ្យ​មានការ​បោះឆ្នោតឡើងវិញ ដោយសេរី ត្រឹមត្រូវ​ និង យុត្តិធម៌ ដោយមានការចូលរួមពីគណបក្សប្រឆាំងពិតប្រាកដជាដើម។

សហភាពអឺរ៉ុប បានជូនដំណឹងទៅរបបលោក ហ៊ុន សែន កាលពីដើមខែ តុលា ឆ្នាំ ២០១៨ ថាសហភាពអឺរ៉ុប នឹងចាប់ផ្តើមនីតិវិធីព្យួរការអនុគ្រោះពន្ធ នៅខែ កុម្ភៈ នេះ បើរបបនេះ នៅតែចចេសមិនព្រមធ្វើតាមចំណុច​អស់​ទាំងនេះ។

ក្រោយការព្រមាននេះ របបលោក ហ៊ុន សែន បានបន្ទន់ឥរិយាបទខ្លះ ដូចជាដោះលែងអ្នកទោសនយោបាយ មន្រ្តីអង្គការសង្គមស៊ីវិល និង អ្នកសារព័ត៌មាន និង បន្ធូរបន្ថយការរឹតត្បិតសិទ្ធិសេរីភាព​ខ្លះ ចំពោះសហជីពកម្មករ ប៉ុន្តែ ប៉ុណ្ណឹង​ សហគមន៍អន្តរជាតិ យល់ថា​មិនទាន់គ្រប់គ្រាន់ នៅឡើយទេ។

ចាប់ពីចេញសេចក្តីសម្រេចរបស់សហភាពអឺរ៉ុបថ្ងៃនេះ សហភាពអឺរ៉ុប នឹងផ្តើមបើកការត្រួតពិនិត្យ ស៊ីជម្រៅមួយសម្រាប់រយៈពេល ៦ ខែ។ បន្ទាប់មក បីខែតទៅមុខទៀត ស្ថាប័ននេះ នឹងចេញរបាយការណ៍ អំពីការវិវត្តនៃស្ថានការណ៍សិទ្ធិមនុស្ស និង ប្រជាធិបតេយ្យនៅកម្ពុជា។ ចុងក្រោយសហភាពអឺរ៉ុប នឹងសម្រេចជាស្ថាបពរ ក្នុងការដកការអនុគ្រោះពន្ធនេះ។

ភ្លាមៗក្រោយ​ការ​ប្រកាស​ដំណឹងនេះ របបលោក ហ៊ុន សែន តាមរយៈទីស្តីការគណៈរដ្ឋមន្រ្តី បាន​បង្ហោះសារតាមហ្វេស៊បុក ដោយ​ភ្ជាប់​មកនូវ​សេចក្តី​ថ្លែងការណ៍​របស់​របបនេះ និងបញ្ជាក់ថា ជាការរម្លឹក​អំពី​ជំហរ​របស់ខ្លួន​ តប​ទៅនឹងសហភាពអឺរ៉ុប។ សេចក្តីថ្លែងការណ៍ចាស់នេះ ចុះថ្ងៃទី ១០ ខែ តុលា ឆ្នាំ ២០១៨ រៀបរាប់​អំពីការសោកស្តាយ ចំពោះការសម្រេចចិត្ត​របស់សហភាពអឺរ៉ុប និង ចាត់ទុកការវាយតម្លៃរបស់ស្ថាប័នដែលមាន ២៨ ប្រទេសនេះ ថាលម្អៀង។ របបលោក ហ៊ុន សែន ការពារ​ចំណាត់ការរម្លាយគណបក្សសង្គ្រោះជាតិ ថាជាការត្រឹមត្រូវ និង ប្រាប់​ទៅសហភាពអឺរ៉ុបវិញថា បើនៅតែដកការអនុគ្រោះពន្ធពីកម្ពុជាមែន នោះកម្ពុជានឹង​នៅតែ​បន្តប្តេជ្ញាតាំងចិត្ត​កាន់តែមុតមាំថែមទៀត ការពារ និង រក្សា​ចំណាត់ការ​ ដែលខ្លួន​អះអាង​ថា​ត្រឹមត្រូវ និង ស្របច្បាប់​ ស្របពេលដែលសហគមន៍អន្តរជាតិ ថ្កោលទោស និង ដាក់ទណ្ឌកម្ម​ជុំទិសនេះ។​

អ្នកវិភាគ មន្រ្តីសិទ្ធិមនុស្ស និង ប្រធានសហជីពកម្មករជាច្រើន បាន​ព្រមាន​របបលោក ហ៊ុន សែន ជាហូរហែមកហើយ ថាបើរបបនេះ នៅតែចចេស មិនព្រមស្តារសិទ្ធិមនុស្ស​ឡើងវិញ កម្ពុជាចៀសមិនផុតពីបាត់បង់ការ​អនុគ្រោះពន្ធផ្នែកពាណិជ្ជកម្មនេះ។ មជ្ឈដ្ឋានទូទៅ រួមទាំងតំណាង​ថៅកែរោងចក្រ និង អ្នកជំនួញធំៗផង សុទ្ធតែមើលឃើញពីផលប៉ះពាល់ធ្ងន់ លើវិស័យ​សេដ្ឋកិច្ចកម្ពុជា ពេលអត់​ការអនុគ្រោះពន្ធនេះ។ ពលរដ្ឋខ្មែររាប់លាននាក់ នឹង​ធ្លាក់ខ្លួន​ក្រីក្រ ដោយសារ​តែវិបត្តិនេះ៕

.

ក្រសួង​ឧហ្សាហ​កម្ម ​បែកធ្លាយ​លិខិត​រដ្ឋបាល ​ហៅ​មន្រ្តីឲ្យចូលរួម​ចូលឆ្នាំ​ចិន​ ជាមួយ​លោក ​ចម ប្រសិទ្ធ​ បណ្តាលឲ្យមានការរិះគន់

(The Cambodia Daily /ដោយ តាំង សារ៉ាដា /០៥ កម្ភៈ ២០១៩)
ក្រុម​អ្នក​ប្រើប្រាស់​បណ្តាញ​សង្គម​ហ្វេសប៊ុក​ជាច្រើន​ បាន​នាំ​រិះគន់​យ៉ាង​ខ្លាំង ​ចំពោះ​លិខិត​រដ្ឋបាល​ផ្លូវការ​របស់​ក្រសួង​ឧហ្សាហ​កម្ម​ និង​សិប្បកម្ម​ ដែល​អញ្ជើញ​មន្រ្តី​របស់​ក្រសួង​នេះទាំងអស់​ ទៅ​ចូលរួម​ពិធី​សែន​ចូល​ឆ្នាំ​ចិន ​នៅ​ទីស្តីការ​ក្រសួង។​

ក្នុង​លិខិត​អញ្ជើញ​មួយ ​ចុះ​ថ្ងៃទី ​៣០ ​ខែ​មករា​ ដែល​ធ្វើ​ឡើង​ដោយ​លោក ​ឡុង សុភ័ណ្ឌ ​អគ្គនាយក​រង​កិច្ចការ​ទូទៅ​ នៃ​ក្រសួង​ឧស្សាហ​កម្ម ​និង​សិប្បកម្ម​ ហើយ​ដែល​បាន​បែក​ធ្លាយ​ជា​សាធារណៈ ​លើ​បណ្តាញ​សង្គម​ហ្វេសប៊ុក​នោះ ​«បាន​ណែនាំ​ដល់​មន្ត្រី​ក្រសួង​ទាំងអស់​ ត្រូវ​ស្លៀកពាក់​ឲ្យ​បាន​សមរម្យ ​ចូល​រួម​ពិធី​សែនចូល​ឆ្នាំចិន ​នៅ​ទីស្តី​ការ​ក្រសួង​ នាថ្ងៃ​ទី​ ៤​ ខែ​កុម្ភៈ​ ក្រោម​អធិបតី​ភាព​លោក​ ចម ប្រសិទ្ធ ​រដ្ឋមន្រ្តី​ក្រសួង​ឧស្សាហ​កម្ម ​និង​សប្បកម្ម»។​

ប្រធាន​ក្រុម​ប្រឹក្សា​ឃ្លាំមើល​កម្ពុជា ​ដែល​មាន​មូលដ្ឋាន​ក្នុង​ប្រទេស Norway​ លោក ​ម៉ែន ណាត​ បាន​សរសេរ​នៅ​លើ​គណនី​ហ្វេសប៊ុក​របស់​លោក​ថា​ «ការ​ចេញ​លិខិត​ក្នុង​ក្របខណ្ឌ​ក្រសួង​របៀប​នេះ ​ជា​កំហុស​រដ្ឋបាល​សាធារណៈ​ផង​ ហើយ​និង​ធ្វើ​ឲ្យ​ស្ថាប័ន​ជាតិ​ កាន់តែ​មាន​ភាព​រញ៉េ​រញ៉ៃ»។​

លោក​ {ម៉ែន ណាត} បន្ត​ថា ​ពិធី​បុណ្យ​ចូល​ឆាំ្ន​ចិន ​និង​វៀតណាម​នេះ​ មិន​មែន​ជា​ប្រពៃណី​របស់​ខ្មែរ​ ​ឬ​ជា​ពិធី​ផ្លូវការ​របស់​ខ្មែរ​នោះ​ទេ ​ដូច្នេះ​អ្នក​ដែល​មាន​សែ​ស្រឡាយ​ចិន​ និង​វៀតណាម ​ភាគ​ច្រើន​ ធ្វើ​ពិធី​នេះនៅ​​តាម​ផ្ទះ ​ហើយ​អញ្ជើញ​សាច់​ញាតិ​ មិត្ត​ភក្តិ​ ឬអ្នក​ជិត​ខាង​​មក​ចូល​រួម​តែ​ប៉ុណ្ណោះ។

​អ្នកនាំពាក្យរបស់ក្រសួង​ឧស្សាហ​កម្ម ​និង​សប្បកម្ម លោក អ៊ុំ សុថា បានប្រាប់វិទ្យុ VOD ថា៖ «យើងអត់មានទៅធ្វើអី ពិធីសែនចិនអីនៅក្នុងក្រសួងទេ។ យើងគ្រាន់តែនាំគ្នា អុជធូប នៅពេលថ្ងៃសីលធម្មតា​ទេ ហើយដោយសារថ្ងៃហ្នឹង មន្រ្តីរាជការគាត់មកធ្វើការទាំងអស់គ្នាទៅ យើងក៏ប្រាប់តៗគ្នា»។ លោកទទួលស្គាល់កំហុស ក្នុងការចេញលិខិតរបស់ក្រសួងថា «ខាងរដ្ឋាបាល គាត់ទៅធ្វើលិខិតផ្លូវការអញ្ចឹង វាខុស យើងកំពុងកែតម្រូវវិញ»

លោក ម៉ែន ណាត ប្រធានក្រុមប្រឹក្សាឃ្លាំមើលកម្ពុជា នោប្រទេសន័រវេស៍

.

វៀតណាម ថាពលរដ្ឋខ្លួន ៨០% ហើយ រស់នៅស្របច្បាប់ នៅកម្ពុជា បើតាម Vietnam News

 លោក ស ខេង រដ្ឋមន្រ្តីក្រសួងមហាផ្ទៃខ្មែរ និងលោក ផាម ប៊ិញមីញ រដ្ឋមន្រ្តីក្រសួងការបរទេសវៀតណាម

………………………….
(អត្ថបទ៖ វិទ្យុសម្លេងស្រី្ត WMC ដោយ នួន បូរិន / 30-1-2019)
អ្នកនាំពាក្យនាយកដ្ឋានអន្ដោប្រវេសន៍ ក្រសួងមហាផ្ទៃ បានប្រាប់វិទ្យុស្រ្ដី នៅថ្ងៃនេះថា តួលេខជនបរទេស ធ្វើអន្ដោប្រវេសន៍មកម្ពុជា មានប្រមាណ ១៨ ម៉ឺន ២ ពាន់នាក់ ដែលក្នុងនោះមានពលរដ្ឋវៀតណាម សរុបគឺ ៩០ ភាគរយ។ ទាក់ទងនឹងរឿងនេះ សារព័ត៌មាន​​វៀតណាម (Vietnam News) បានចុះផ្សាយកាលពីថ្ងៃអង្គារ៍ទី ២៩ មករា ថាពលរដ្ឋខ្លួននៅពេលនេះ ប្រមាណ ៨០% ហើយ ដែលរស់នៅស្របច្បាប់នៅកម្ពុជា។ អ្នកវិភាគព្រមានពីកំហុស​ទាក់​ទងនឹងការផ្ដល់សញ្ជាតិ ដែលគ្មានរាជក្រិត្យ។

តាមសារព័ត៌មាន​​វៀតណាម គឺប្រមាណ ៨០% នៃ​ពលរដ្ឋវៀតណាម រស់នៅកម្ពុជា បានទទួលភាពស្របច្បាប់ ក្នុងការរស់នៅ គឺការផ្ដល់ការអនុគ្រោះឱ្យជ្រកកោន ការផ្ដល់នូវប័ណ្ណស្នាក់នៅអចិន្រ្ដៃយ៍ ដែលទាំងអស់នេះ ធ្វើឱ្យពួកគេមានលទ្ធភាពក្នុងការទទួលបានសញ្ជាតិកម្ពុជា ដោយអនុលោមតាមច្បាប់សញ្ជាតិ និង ​ច្បាប់អន្ដោប្រវេសន៍។

អនុប្រធានគណៈកម្មការកិច្ចការអន្ដោប្រវេសន៍វៀតណាម លោក ឡួង ថាច់ ងី បានប្រា​ប់សារព័ត៌មានជាតិ វៀតណាម ញ៉ូវស៍ របស់ខ្លួនថា ពលរដ្ឋវៀតណាមប្រមណា ១១ ម៉ឺននាក់ កំពុងរស់នៅប្រទេសកម្ពុជា ដែលច្រើនតែរស់នៅម្ដុំបឹងទន្លេសាប ដែលជាបឹងធម្មជាតិដ៏ធំជាងគេ នៅអាស៊ីអាគ្នេយ៍។ លោកបានបញ្ជាក់ទៀតថា វៀតណាម បានសម្របខ្លួនជាសហគមន៍ នៅប្រទេសកម្ពុជា រស់នៅ អភិវឌ្ឍខ្លួន និងរួមចំណែកកសាងនូវការអភិវឌ្ឍសេដ្ឋកិច្ចសង្គម របស់ប្រទេសនេះ។ តែថាក៏មានព​លរដ្ឋវៀតណាមមួយចំនួនទៀត មិនទាន់ទទួលបានភាពស្របច្បាប់នៅឡើយ។

ចាប់តាំងពីឆ្នាំ ២០១៧ មក កម្ពុជា បានចេញសេចក្តីសម្រេចមួយ ដើម្បីពិនិត្យឡើងវិញនិងសហការជា​មួយ​រដ្ឋាភិបាលវៀតណាម ដើម្បីផ្តល់ឯកសារស្របច្បាប់ សម្រាប់​ជនជាតិ​វៀតណាម រស់នៅក្នុងប្រ​ទេសកម្ពុជា។

ការផ្លាស់ប្តូរនេះ មានគោលបំណងដើម្បីស្ថិរភាពសហគមន៍ ក៏ដូចជាការបង្កើតលក្ខខណ្ឌអំណោយផល សម្រាប់ជនជាតិវៀតណាម ដើម្បីទទួលបានស្ថានភាពផ្លូវច្បាប់ច្បាស់លាស់ និងធ្វើឱ្យកូនរបស់ពួកគេ មានសិទ្ធិចូលរៀន។

មន្រ្ដីរូបនេះ ក៏ដូចជារដ្ឋាភិបាលវៀតណាម បានសម្ដែងអារម្មណ៍លំបាកខ្លះដែរ ដែលពលរដ្ឋខ្លួន ខ្លះរស់នៅទីនោះជួបការលំបាកលើផ្នែក វប្បធម៌ ភាសា និង​ការយល់ដឹងពីច្បាប់ជាតិ។ ពេលខ្លះទៀត ជនជាតិវៀតណាមទាំងនោះ រងការផ្លាស់ប្ដូរលំនៅឋាន ដូចជាការរៀបចំពួកគេ ឱ្យចាកចេញពីលំនៅឋានលើបឹងទន្លេងសាប ដែលជាទីតាំងពួកគេរស់នៅ និង ប្រកបរបរចុះទូកនេសាទ ដើម្បីផ្គត់ផ្គង់ជីវភាព ក៏ដូចជាមានការ ហៅទៅចុះបញ្ជីទាក់ទងនឹងច្បាប់ខ្លះ ហើយពួកគេពិបាកក្នុងការយលដឹង។ យ៉ាងណា មន្រ្ដីរូបនេះ រំពឹងថា ពលរដ្ឋវៀតណាមនៅកម្ពុជា នឹងអាចសម្របខ្លួន ឬសមាហរណកម្មបាន ហើយអាចរៀនយល់ដឹងឱ្យកាន់តែបានច្រើន និងទូលំទូលាយពីភាសា វប្បធម៌ នៃប្រទេស​កម្ពុជា។

តែយ៉ាងណា នេះជាតួលេខ របស់ភាគីវៀតណាម បញ្ជាក់អំពីពលរដ្ឋខ្លួនរស់នៅកម្ពុជា។ ទាក់ទិន រឿងនេះ លោកឧត្តមសេនីយ៍ កែវ វាន់ថា អ្នកនាំពាក្យនាយកកដ្ឋានអន្តោប្រវេសន៍ នៃក្រសួងមហាផ្ទៃបានពន្យល់ថា ជនអន្តោប្រវេសន៍មករស់នៅកម្ពុជា គឺសរុបមានជាង ១៨ ម៉ឺននាក់។ តែក្នុងនោះលោកថា ពលរដ្ឋវៀតណាម មានដល់ទៅ ៩០ ភាគរយ។ នៅក្នុងបទសម្ភាសខ្លីមួយជាមួយវិទ្យុស្ត្រី លោកឧត្តមសេនីយ៍ បានបកស្រាយពីហេតុផលនាំអោយកម្ពុជា ត្រូវបានផ្ដល់សិទ្ធិស្នាក់នៅ ដល់ពលរដ្ឋវៀតណាមថា «បច្ចុប្បន្ន​អាជ្ញាធរកម្ពុជាយើង កំពុងតែចុះធ្វើការងារហ្នឹង ហើយមានជនអន្តោប្រវេសន៍ថ្មីខ្លះ គាត់ទើបតែមកនៅ ប៉ុន្តែពួកគាត់មានលិខិតមិនប្រក្រតី អ៊ីចឹងយើងត្រូវធ្វើការដកហូត។ ក្រោយពីការដកហូត ពួកគាត់ត្រូវដាក់ពាក្យសុំជាជនអន្តោប្រវេសន៍។ កាលណាពួកគាត់ មានប័ណ្ណស្នាក់នៅអចិន្ត្រយ៍ ទើបពួកគាត់រស់នៅស្របច្បាប់»។ (…)

វៀតណាម និងកម្ពុជា ថ្វីត្បិតជាប្រទេសជិតខាងនឹងគ្នាពិតមែន តែប្រទេសពីរនេះ មានវប្បធម៌ប្រពៃណី ខុសគ្នាជាច្រើន។ ដើមឡើយ វៀតណាម គេហៅថា អាណ្ណាម ដែលជាជាតិសាសន៍ មកពីតុងកឹងប្រទេសចិន តែសហគមន៍ ចេះពង្រីកទីតាំងរស់នៅបានយ៉ាងធំធេង រហូត​យកបានទឹកដី ចាម្ប៉ា និងគ្រប់គ្រងដែនដីខ្មែរកម្ពុជាក្រោម មកទល់សព្វថ្ងៃ។ តាមសៀវភៅប្រវត្តិសាស្ត្រ របៀបពង្រីកទឹកដី របស់អាណ្ណាម ឬយួន មានច្រើនរូបភាព តែរូបភាពលេចធ្លោជាងគេ មានតែ ២ ប៉ុណ្ណោះ គឺការបញ្ជ្រៀតការរស់នៅ របស់ជនជាតិនេះ និង ការពង្រីងដែនដីព្រំដែន។ 

កន្លងមកអ្នកប្រវត្តិសាស្ត្រខ្លះ ដែលមានឧត្តមគតិជាតិ ច្រើនតែព្រមានពីការធ្លាក់ក្រោមឥទ្ធិពលជាតិសាសន៍នេះ បើមិនមានភាពហ្មត់ចត់ និងវាងវៃនៃការគ្រប់គ្រងជនអន្តោប្រវេសន៍ មកពីប្រទេសនេះ។

លោក ឯម សុវណ្ណារ៉ា អ្នកវិភាគនយោបាយ និងកិច្ចការសង្គម ដែលបានផ្ដល់បទសម្ភាសរឿងនេះជាមួយវិទ្យុស្រ្តី ក៏បានបង្ហាញខ្លះៗដែរពីភាពធូររលុង នៃការអនុ​វត្តច្បាប់សញ្ជាតិ លើជាតិសាសន៍វៀតណាមនិងចិន។​ លោកនិយាយថា «ពលរដ្ឋវៀតណាម គេឆ្លាតជាងពលរដ្ឋខ្មែរ ដោយសារពលរដ្ឋវៀតណាម គេមក គេរកមធ្យោបាយគ្រប់បែបយ៉ាង ដើម្បីបានសិទ្ធិរស់នៅ បានអត្តសញ្ញាណប័ណ្ណ។ ប៉ុន្តែអ្វីដែលខុសឆ្គងគឺ អាជ្ញាធរមូលដ្ឋានខ្មែរខាងអត្តសញ្ញាណប័ណ្ណឲ្យជនបរទេស ដែលគេហៅថា ការយល់នូវវប្បធម៌ ការយល់នូវច្បាប់របស់កម្ពុជា។ ហើយជនរទេសខ្លះ ដែលកាន់អត្តសញ្ញាណប័ណ្ណកម្ពុជា អត់យល់ដឹងប្រពៃណវប្បធម៌ យល់ច្បាប់កម្ពុជា ហើយអត់បានការអនុញ្ញាតព្រះមហាក្សត្រខ្មែរទេ។ តាមត្រូវគឺ ត្រូវមានព្រះមហាក្សត្រ ជាអ្នកឡាយព្រះហស្ថលេខាទទួលស្គាល់ថា ជាពលរដ្ឋខ្មែរ»។ លោកបន្ថែមថា «ច្បាប់សញ្ញាតិកម្ពុជា ធ្វើវិសោធកម្មថ្មីគឺ ជនបរទេស រស់នៅតែ ១ ឆ្នាំទេ គឺមានសិទ្ធិចូ្លសញ្ជាតិកម្ពុជាបានទៀត អ៊ីចឹងអនាគតកម្ពុជា មានការលំបាកក្នុងការគ្រប់គ្រងជនអន្តោប្រវេសន៍។ (…)»។

ទាក់ទិនជនអន្តោប្រវេសន៍ វៀតណាម និង ចិន រស់នៅកម្ពុជា គឺកាលពីសប្ដាហ៍មុន ក្រុមប្រឹក្សាឃ្លាំមើលកម្ពុជា ដែលលោក រ៉ុង ឈុន ជាសមាជិក បានចេញសេចក្ដីអំពាវនាវសុំឱ្យរដ្ឋាភិបាល ត្រូវធ្វើការប្រុងប្រយ័ត្ន ពីការហូរចូលមករស់នៅកម្ពុជា របស់ជាតិសាសន៍ទាំងពីរនេះ។ សេចក្ដីថ្លែងការណ៍របស់ ក្រុមប្រឹក្សាឃ្លាំមើលកម្ពុជា ដាក់ការព្រួយបារម្ភជាខ្លាំងអំពីអនាគតកម្ពុជា ដែលមាន​ជនជាតិ វៀតណាម និង ចិន រស់នៅដ៏ច្រើន។ យ៉ាងណា ការបារម្ភរបស់ ក្រុមប្រឹក្សា​ឃ្លាំមើលកម្ពុជា មិនបានឆ្លើយតបជាផ្លូវការ ពីស្ថាប័នជាតិណាមួយរបស់កម្ពុជានោះទេ៕

កម្ពុជា នៅតែមាន​អំពើ​ពុករលួយ​ធ្ងន់ធ្ងរ​​ជាងគេ​ ក្នុង​តំបន់​​អាស៊ាន

(ទស្សនាវដ្តីមនោរម្យ /២៩ មករា ២០១៩)
របាយការណ៍សន្ទស្សន៍​ចំណាត់ថ្នាក់ របស់អង្គការតម្លាភាពអន្តរជាតិ (Transparency International) មិនផ្ដល់ក្ដីសោមនស្ស សម្រាប់របបដឹកនាំរបស់ លោក ហ៊ុន សែន សព្វថ្ងៃនេះទេ ហើយនៅតែចាត់ទុកកម្ពុជា ថាជាប្រទេសដែលមាន «អំពើ​ពុករលួយ​ធ្ងន់ធ្ងរ​ជាងគេ​ក្នុង​តំបន់ និងខ្លាំងជាងឆ្នាំមុន»។ របាយការណ៍នោះ ដែលត្រូវបានចេញផ្សាយ ក្នុងថ្ងៃអង្គារនេះ បានផ្ដល់ពិន្ទុឲ្យកម្ពុជា ក្នុងឆ្នាំ ២០១៨ កាន់តែអន់ជាងឆ្នាំ ២០១៧ មួយពិន្ទុ។

រវាងឆ្នាំ ២០១៧ និងឆ្នាំ ២០១៨ ចំណាត់ថ្នាក់របស់ប្រទេសកម្ពុជា ក្នុងបញ្ជីសន្ទស្សន៍ របស់អង្គការតម្លាភាពអន្តរជាតិ នៅតែជាប់លេខ​ «ជិតចុងគេបង្អស់» ដដែល – លេខ ១៦១ ក្នុងចំណោម ១៨០ ប្រទេស។ តែផ្ទុយទៅវិញ កម្ពុជារកពិន្ទុ​​ ក្នុងឆ្នាំ ២០១៨ នេះ បានត្រឹមតែ ២០ ពិន្ទុប៉ុណ្ណោះ បើប្រៀបនឹងឆ្នាំ ២០១៧ ដែលរកបាន​ ២១ ពិន្ទុ។

ខាងក្រោមនេះ ជាតារាងចំណាត់ថ្នាក់ បៀបធៀបនឹងប្រទេសទាំង ៩ ទៀត នៅក្នុងតំបន់ ដែលបង្ហាញថា កម្ពុជាជាប្រទេស​ដែលមាន​​ «អំពើ​ពុករលួយ​ធ្ងន់ធ្ងរ​ជាងគេ​ក្នុង​តំបន់»៖

១). សិង្ហបូរី (Singapore) មាន ៨៥ ពិន្ទុ លេខ ៣ (ឆ្នាំ២០១៧ រកបាន ៨៤ពិន្ទុ លេខ ៦)
២). ប្រ៊ុយណេ (Brunei) មាន ៦៣ ពិន្ទុ លេខ ៣១ (ឆ្នាំ២០១៧ រកបាន ៦២ពិន្ទុ លេខ ៣២)
៣). ម៉ាឡេស៊ី (Malaysia) មាន ៤៧ ពិន្ទុ លេខ៦១ (ឆ្នាំ២០១៧ រកបាន ៤៧ពិន្ទុ លេខ ៦២)
៤). ឥណ្ឌូនេស៊ី (Indonesia) មាន ៣៨ ពិន្ទុ លេខ៨៩ (ឆ្នាំ២០១៧ បាន ៣៧ពិន្ទុ លេខ ៩៦)
៥). ថៃ (Thailand) មាន ៣៦ ពិន្ទុ លេខ៩៩ (ឆ្នាំ២០១៧ រកបាន ៣៧ ពិន្ទុ លេខ ៩៦)
៦). ហ្វីលីពីន (Philippines) មាន ៣៦ ពិន្ទុ លេខ៩៩ (ឆ្នាំ២០១៧ បាន ៣៤ពិន្ទុ លេខ ១១១)
៧). វៀតណាម (Vietnam) មាន ៣៣ ពិន្ទុ លេខ ១១៧ (ឆ្នាំ២០១៧ រកបាន ៣៥ ពិន្ទុ លេខ ១០៧)
៨). ឡាវ (Laos) មាន ២៩ ពិន្ទុ លេខ ១៣២ (ឆ្នាំ២០១៧ រកបាន ២៩ពិន្ទុ លេខ ១៣៥)
៩). ភូមា (Burma) មាន ២៩ ពិន្ទុ លេខ ១៣២ (ឆ្នាំ២០១៧ រកបាន៣០ពិន្ទុ លេខ ១៣០)
១០). កម្ពុជា (Cambodia) មាន ២០ ពិន្ទុ លេខ ១៦១ (ឆ្នាំ២០១៧ រកបាន ២១ពិន្ទុ លេខ ១៦១)។

ប្រទេស​ដែលអង្គការតម្លាភាពអន្តរជាតិ រកឃើញថា មានភាពស្អាតស្អំជាងគេ គឺប្រទេស​ដាណឺម៉ាក ជាប់លេខ១ ជាមួយនឹង ៨៨ ពិន្ទុ។ បន្ទាប់មក ប្រទេសជាប់លេខ ២ គឺប្រទេស ញ៉ូហ្សេឡែន ដែលទទួលបាន ៨៧ ពិន្ទុ។ ប្រទេសស្អាតស្អំបន្ទាប់ ដែលទទួលចំណាត់ថ្នាក់ ស្មើប្រទេសសិង្ហបូរី ដែរនោះ គឺប្រទេស ហ្វាំងឡង់ (ក្នុងពិន្ទុ ៨៤ ដូចគ្នា)៕

.

« Older Entries