Tag Archives: Vietnam

ពលរដ្ឋខ្មែរនៅអឺរ៉ុប និងអាមេរិក ប្រកាសធ្វើបាតុកម្ម ប្រឆាំងថ្ងៃ ៧ មករា ជាថ្ងៃដែល យួន ឈ្លានពានកម្ពុជា តាមរយៈរបប ហ៊ុន សែន ​និង CPP

26113905_10214669829956383_5102050775065236596_n

ពលរដ្ឋខ្មែរនៅអឺរ៉ុប គ្រោងធ្វើមហាបាតុកម្ម នៅទីក្រុងប៉ារីស ប្រទេសបារាំង ដើម្បីប្រឆាំងថ្ងៃ ០៧ មករា របស់របប ហ៊ុន សែន ដែលនៅតែអះអាងថា ជាថ្ងៃកំណើតទី២ ដែលប្រទេសវៀតណាម ជួយរំដោះពលរដ្ឋខ្មែរ ពីរបបខ្មែរក្រហម កាលពីឆ្នាំ១៩៧៩។ ប៉ុន្តែអ្នកច្បាប់ ក្រុមបញ្ញវន្តខ្មែរ និងអ្នកជាតិនិយម បានហៅថ្ងៃ ០៧ មករា ១៩៧៩ ជាថ្ងៃដែលកងទ័ពវៀតណាម ចូលឈ្លានពានប្រទេសកម្ពុជា ហើយពួកគេ បន្តនយោបាយឈ្លានពានខ្មែរ រហូតមកទល់សព្វថ្ងៃ តាមរយៈរបប ហ៊ុន សែន និងបក្សប្រជាជនកម្ពុជា (CPP)។

ដំណឹងមហាបាតុកម្មរបស់ពលរដ្ឋខ្មែរ នៅអឺរ៉ុបនេះ បានឲ្យដឹងថា ពួកគេ នឹងជួបជុំគ្នា នៅទីលានសេរីភាព ក្នុងទីក្រុងប៉ារីស ថ្ងៃទី ០៧ មករា ២០១៨ ម៉ោង ២ៈ៣០ នាទីរសៀល។ គោលបំណងបាតុកម្ម មាន ៣ ចំណុច៖

១. ថ្កោលទោសនយោបាយវាទីនិយមរបស់ប្រទេសវៀតណាម នៅប្រទេសកម្ពុជា ចាប់តាំងពីការលុយផ្នែកយោធា នៅឆ្នាំ១៩៧៩ មក។
២. សូមឲ្យប្រទេសបារាំង ជាសហប្រធាន ធ្វើអន្តរាគមន៍ ដើម្បីទាមទារឲ្យអនុវត្តកិច្ចព្រមព្រៀងសន្តិភាពទីក្រុងប៉ារីស ថ្ងៃទី ២៣ តុលា ១៩៩១។
៣. ទាមទារឲ្យដោះលែងអ្នកទោសមនសិការទាំងអស់ ជាបន្ទាន់ និងដោយគ្មានលក្ខខណ្ឌ ព្រមទាំងត្រូវដោះលែងលោក កឹម សុខា ដែលជាជនរងគ្រោះដោយសាររបបផ្តាច់ការ ហ៊ុន សែន។

ដោយឡែកពលរដ្ឋខ្មែរ នៅសហរដ្ឋអាមេរិក ក៏ប្រកាសធ្វើបាតុកម្ម និងវេទិកាសាធារណៈ ដើម្បីប្រឆាំងថ្ងៃ ០៧ មករាផងដែរ ដែលមានធ្វើនៅទីក្រុងឡុងប៊ិច រដ្ឋកាលីហ្វនញ៉ា និងទីក្រុងហូស្តុន រដ្ឋតិចសាស។

លោក ចាន់ វាសនា ប្រធានគណបក្ស​សង្គ្រោះ​ជាតិ ប្រចាំ​ទីក្រុង​ឡុងប៊ិច រដ្ឋ​កាលីហ្វ័រញ៉ា សហរដ្ឋអាមេរិក បានដឹងឲ្យថា «មហា​បាតុកម្ម​អហិង្សា​ គឺ​មិន​ទទួល​ស្គាល់​ថ្ងៃ ៧ មករា វាជា​ថ្ងៃ​ដែល​បរទេស​ឈ្លានពាន ​មក​លើ​ទឹកដី​កម្ពុជា»។ មហា​បាតុកម្ម​អហិង្សា​នោះ គ្រោង​ធ្វើនៅ​ អគារ​អាណាហែម (1321 E Anaheim) នៅ​ថ្ងៃ​សៅរ៍ ទី​ ០៦ ខែ​មករា ឆ្នាំ​២០១៨។

ចំពោះគណបក្សសង្គ្រោះជាតិ នៅទីក្រុងហូស្តុន (Houston( រដ្ឋតិចសាស (Texas) គ្រោងរៀបចំវេទិកាសាធារណៈ ដើម្បីជួបជាមួយ មេដឹកនាំគណបក្សសង្គ្រោះជាតិ ដែលមានវាគ្មិនលោក សម រង្ស៊ី លោកស្រី មួរ សុខហួរ និងលោក អេង ឆាយអ៊ាង។ ពិធីនេះ នឹងធ្វើនៅថ្ងៃទី ១៤ មករា ២០១៨ ម៉ោង ៦ ល្ងាច ដល់ ៩ យប់។ / អត្ថបទដោយ ម៉ែន ណាត, ០៣ មករា ២០១៨

25660325_10214669830356393_7128800695125032252_n26113846_10214669829996384_7456669055993224566_n26165219_2262891843937342_8275173667692097277_n

Advertisements

សុខ ទូច ទទួលស្គាល់ថា ភូមិកំណើតសម្តេច ហេង សំរិន ស្ថិតក្នុងទឹកដី វៀតណាម

19961368_1784363544912449_8654208286326023692_n

ភូមិកំណើត លោក ហេង សំរិន ប្រធានរដ្ឋសភាជាតិ ស្ថិតនៅជាប់ព្រំដែន កម្ពុជា-វៀតណាម បានកាត់មួយចំរៀកទៅឲ្យ វៀតណាម ក្រោយបោះបង្គោលព្រំដែនថ្មី តាមសន្ធិសញ្ញាព្រំដែនថ្មី ឆ្នាំ២០០៥។ ភូមិកំណើត លោក ហេង។ ភូមិកំណើតរបស់លោក នៅភូមិអន្លុងជ្រៃ និង ថ្លុកត្រាច ឃុំកក់ ស្រុកពញាក្រែក ខេត្តត្បូងឃ្មុំ (ពីមុននៅក្នុង ខេត្តកំពង់ចាម)។ (ដោយ ម៉ែន ណាត)


លោក សុខ ទូច៖​ សម្តេច ហេង សំរិន ទេជាអ្នកយកដីវៀតណាមនៅ

(VOD News, ដោយ លោក ពៅ មេត្តា​​, ថ្ងៃសុក្រ ទី១៨ ខែសីហា ឆ្នាំ២០១៧)

ប្រធានរាជបណ្ឌិតសភាកម្ពុជា ថ្លែងថា​ បើអ្នកណាមួយដឹងថា មានប្រទេសជិតខាងឈ្លានពាន ​ចូលទឹក​ដីកម្ពុជា ឲ្យប្រាប់រូបលោកហើយថា ចំពោះករណីចោទ វៀតណាម ទន្ទ្រានយកដីកម្ពុជា ក្បែរផ្ទះលោក ហេង សំរិន នោះគឺលោកថា មិនពិតទេ។​

នៅក្នុងសន្និសីទ ស្តីពីស្ថានភាពព្រំដែន នៅព្រឹកនេះ លោក សុខ ទូច​ បានច្រានចោល ​ចំពោះការចោទថា វៀតណាម​ ឈ្លានពាន​ផ្ទះ លោក ​ហេង សំរិន ប្រធានរដ្ឋសភាកម្ពុជា ដោយលោកថា លោក ហេង សំរិន ទេ ជាអ្នក​យកដីវៀតណាម​ រស់នៅ។​ លោកថ្លែងថា «សម្តេច ហេង សំរិន ទេ ជាអ្នកយកដី វៀតណាម នៅនោះ។ ដោយសារ គាត់នៅទៅ De Facto គាត់នៅយូរទៅ ដោយសារទម្លាក់ផែនទីទៅ ដីលោកតា ហេង សម្តេច ហេង សំរិន នោះ បានទៅវៀតណាម​ ប៉ុន្តែគាត់ នៅយូរ…»

ក្នុងពេលសន្និសីទនោះ លោក សុខ ទូច ក៏បានព្រមាន​ ចំពោះអ្នកដែលនិយាយថា វៀតណាម​ឈ្លានពានបូរណភាពទឹកដីកម្ពុជា ដោយមិនមានភស្តុតាង អាចព្រឈមមុខផ្លូវច្បាប់។​

ទន្ទឹមនឹងការលើកឡើង ពីបូរណភាពទឹកដីនេះ លោក កឹម សុខា មេដឹកនាំគណបក្សប្រឆាំង នៅក្នុងវេទិកាមួយ នៅខេត្តកំពង់ធំ នៅថ្ងៃនេះ ថ្លែងថា គោលដៅគណបក្សរបស់លោក ចង់ឲ្យប្រទេសមានឯករាជ្យ បូរណភាពទឹកដីពេញលេញ មិនរណបបរទេស។​

អ្នកវិភាគបញ្ហាសង្គម លោក ឡៅ ម៉ុងហៃ មិនបកស្រាយបញ្ហាព្រំដែន នៅចំណុចផ្ទះ លោក ហេង សំរិន ទេ ប៉ុន្តែលោក​ថា ការរឹតត្បិតមិនឲ្យមហាជន និយាយពីបញ្ហាព្រំដែននោះ មិនមែនជាការល្អទេ លោក​ថា អ្នកធ្វើការងារពាក់ព័ន្ធព្រំដែន ​គួរស្តាប់សម្តីមហាជន ឬ រៀបចំជាវេទិកាសាធារណៈ ដើម្បីពិគ្រោះពីបញ្ហាទាំងនេះ។​ លោក​មាន​ប្រសាសន៍ថា៖ «បើ​យល់​ល្អណា ពី​បញ្ហា​ព្រំដែន ​ដែល​ធ្លាប់​មាន​នោះ គឺ​គួរ​តែ​ធ្វើ​កម្មវិធីមួយ​ គម្រោង​មួយ​ដែល​អាច​ទៅ​សួរ​អ្នក​ស្រុកចាស់ៗ​ ដែល​ធ្លាប់​រស់​នៅ​ទី​នោះ ថា តើ​ពី​មុន​នោះ គាត់​ចាំ​ថា ​​ព្រំ​ប្រទល់​វា​នៅ​កន្លែង​ណា? … តែ​កាល​ណា ​មាន​ការ​ចោទ​ប្រកាន់​ថា​មាន​ការ​និយាយ​ផ្តេស​ផ្តាស​អី​ហ្នឹង ចុះ​បើ​គេ​និយាយ​ការពិត? តើ​ច្បាប់​ដាក់​ទោស​អ្នក​និយាយ​ការពិត​ដែរ​ទេ?»

វីអូឌី (VOD) មិនទាន់អាចសុំការបញ្ជាក់ ពីលោក ហេង សំរិន បានទេនៅថ្ងៃនេះ ដោយទូរសព្ទហៅចូលច្រើនដង តែមិនមានអ្នកទទួល។​​

កន្លងមកមានការចោទថា ការដោះស្រាយបញ្ហាព្រំដែន ជាមួយ វៀតណាម ​ធ្វើឲ្យកម្ពុជា បាត់បង់ទឹកដី ហើយថា សូម្បីផ្ទះជាភូមិកំណើត ​លោក ហេង សំរិន ប្រធានរដ្ឋសភា នៅស្រុកពញ្ញក្រែក ខេត្តត្បូងឃ្មុំ បច្ចុប្បន្ន​ក៏ត្រូវ​វាស់វែងទៅថា នៅក្នុងទឹកដីវៀតណាម​ដែរ។​ ទោះយ៉ាងណា លោកនាយករដ្ឋមន្ត្រី ហ៊ុន សែន ធ្លាប់អះអាងថា ការដោះស្រាយបោះបង្គោលព្រំដែន ជាមួយវៀតណាម ធ្វើឲ្យកម្ពុជា​ចំនេញទឹកដី គឺលោកថា ផ្ទៃដីជាក់ស្តែងរបស់កម្ពុជា គឺធំជាង ​១៨១.០៣៥ គីឡូម៉ែត្រការ៉េ៕ (រាយការណ៍បន្ថែមដោយ កញ្ញា ហ៊ាង សុគន្ធារី)


បញ្ជាក់ឡើងវិញ៖ «កូនកើតមុនឪ» បើតាម វ៉ា គឹមហុង ថ្លែងថា«បារាំង គូសផែនទី ដាក់ភូមិកំណើត ហេង សំរិន ទៅក្នុងទឹកដីយួន»!

លោក វ៉ា គឹមហុង បានក្រឡះសំដីអំពីរឿងដោះដូរភូមិកំណើតលោក ហេង សំរិន ថា «គ្មាន ការដោះដូរ ទេ» ប៉ុន្តែលោក ទទួលស្គាល់ថា រដ្ឋាភិបាលកម្ពុជា មានគោលការណ៍ «រកទីតាំង ផ្សេង មកដោះដូរជាមួយ វៀតណាម» ស្របតាមកិច្ចព្រមព្រៀង កាលពីថ្ងៃទី១៨-២០ ខែតុលា ២០១៦ កន្លងទៅ។ លោក វ៉ា គឹមហុង បន្តនិយាយកុហកថា «អាណានិគមបារាំង គូសផែនទី ដាក់ភូមិកំណើតលោក ហេង សំរិន ទៅក្នុងទឹកដីយួន» ការថ្ងែងរបស់លោក វ៉ា គឹមហុង នេះមានន័យថា «កូនកើតមុនឪ»

គួសបញ្ជាក់ថា អាណានិគមបារាំង បានបោះបង្គោលព្រំដែន ចំនួន ១២៤ បង្គោលរួចហើយ បន្ទាប់ ពីចុះអនុសញ្ញា បារាំង-កូសាំងស៊ីន-កម្ពុជា កាលពីឆ្នាំ១៨៧៣ ។ ហើយកាលនោះ ខ្សែបន្ទាត់ព្រំដែន គឺជាខ្សែបន្ទាត់រដ្ឋបាលនៅឡើយ ពីព្រោះបារាំងគ្រាន់តែ បែងចែក ការគ្រប់គ្រង រវាងកម្ពុជា និង កូសាំងស៊ីន (កម្ពុជាក្រោម) ប៉ុណ្ណោះ។

បង្គោលព្រំដែនទាំង ១២៤ បានក្លាយជាបង្គោលព្រំដែន រវាងកម្ពុជា និង វៀតណាម នៅ ពេលដែល បារាំង កាត់ទឹកដីខ្មែរកម្ពុជាក្រោម ឲ្យទៅវៀតណាម នៅថ្ងៃទី ០៤ ខែមិថុនា ឆ្នាំ១៩៤៩។ ហើយ ខ្សែបន្ទាត់ព្រំដែននេះ ត្រូវបានទទួលស្គាល់ ដោយសន្និសីទ ទីក្រុងហ្សឺណែវ ប្រទេសស៊្វីស ឆ្នាំ១៩៥៤ ដែលមានភាគីប្រទេស ជាប់ព្រំដែនគ្នា ចូលរួមយល់ព្រម និង ទទួលស្គាល់ផែនទីព្រំដែន ខ្នាត ១/១០០.០០០ ដែលគូសដោយ ក្រុមភូមិសាស្រ្តឥណ្ឌូចិន។ ឯកសារពាក់ព័ន្ធរឿងព្រំដែន ឬ បូរណភាពទឹកដីខ្មែរទាំងអស់ ត្រូវបានរំលឹកឡើងវិញ ក្នុងកិច្ចព្រមព្រៀងទីក្រុងប៉ារីស ឆ្នាំ១៩៩១។

 

ក្រុមប្រឹក្សាឃ្លាំមើលកម្ពុជា និង គណៈកម្មាធិការព្រំដែនកម្ពុជា ប្រទេសបារាំង ពិគ្រោះយោបល់ ជាហូរហែរ អំពីបញ្ហាព្រំដែន, ផែនទីព្រំដែន, និង យន្តការដោះស្រាយបញ្ហាព្រំដែនខ្មែរ ជាមួយ វៀតណាម។ ក្រុមការងារពិគ្រោះយោបល់ យល់ស្របគ្នាថា រដ្ឋាភិបាលកម្ពុជា ចាំបាច់ ត្រូវប្តឹងទៅ ប្រទេសហត្ថលេខីនៃ កិច្ចព្រមព្រៀងទីក្រុងប៉ារីស ឆ្នាំ១៩៩១ និង តុលាការយុត្តិធម៌អន្តរជាតិ (ICJ) Read more

​កោះត្រល់ ពី​មានឈ្មោះ​ក្នុង​សៀវភៅ​​សិក្សា ឆ្នាំ១៩៨៥ ​របស់​ខ្មែរ ​រហូត​​ធ្លាក់​ក្នុង​កណ្តាប់ដៃ យួន! តើរដ្ឋាភិបាល ហ៊ុន សែន បានធ្វើអ្វីខ្លះក្នុងរឿងនេះ?

​រឿងរ៉ាវ​កោះត្រល់​ ដែល​មាន​ទីតាំង​នៅ​ជិតបង្កើយ​នឹង ​ខេត្ដកំពត​ របស់​ខ្មែរ​ បែរជា​ធ្លាក់​ទៅ​ក្នុង​ដៃប្រទេស​វៀតណាម ​កាន់កាប់ ​និងគ្រប់គ្រង​ទល់​សព្វ​ថ្ងៃនេះ​ បាន​ក្លាយជា​ប្រធានបទ​ក្ដៅ ​ក្នុង​ការ​វែកញែក​យ៉ាង​ចម្រូងចម្រាស​ រវាង​ថ្នាក់ដឹកនាំ​ប្រទេស​ជំនាន់​មុន ​(​អង្គ​សម្ដេចឪ​ នរោត្ដម​ សីហ​នុ​)​ និង ​ថ្នាក់ដឹកនាំ​ប្រទេស​បច្ចុប្បន្ន​ (​សម្ដេច​អគ្គមហាសេនា​បតី​តេ​ជោ​ ហ៊ុន​ សែន​)​។

ព្រះករុណា​ព្រះបាទ​សម្ដេចព្រះ​ នរោត្ដម​ សីហ​នុ​ អតីត​ព្រះ​មហា​វីរក្សត្រ​នៃ ​ព្រះរាជាណាចក្រ​កម្ពុជា​ ទ្រង់​ធ្លាប់​បាន​ចេញ​រាជ​សារ ​ចុះ​ថ្ងៃ​ទី​១៦ ​ខែតុលា ​ឆ្នាំ​២០០៥​ ពី​ទីក្រុង​ប៉េ​កាំ​ង ​ប្រទេស​ចិន​ថា​ «​នរោត្ដម​ សីហ​នុ​ មិន​ដែល​ទទួលស្គាល់​ថា​ ស្របច្បាប់​ និង​សម​ហេតុ​សម​ផល​ អំពី​កម្ពុជា​ក្រោម​-​កោះត្រល់​ បាន​ទៅ​ បារាំង​-​វៀតណាម ​នោះ​ទេ​ ។

លោក ជូ​ អេ​ន​ឡាយ​ អតីត​នាយក​រដ្ឋមន្ដ្រី​ចិន​ និង ​លោក ចេ​ន​ យី​ អតីត​សេនាប្រមុខ​ចិន​ ដែល​ជា​វីរបុរស​ចំណាស់​ ជាមួយ​លោក​ប្រធាន​ ម៉ៅ​ សេ​ទុង​ ធ្លាប់​បាន​មាន​ប្រសាសន៍​ទូល​ថ្វាយ ​អង្គ​សម្ដេចឪ​ នា​អំឡុង​ឆ្នាំ​១៩៥៥​ ថា​ «​ច្បាស់​ណាស់​ កោះត្រល់​ជា​របស់​ខ្មែរ​ ដ្បិត​ជាប់​នឹង​ទឹកដី​ខ្មែរ ​មិន​ជាប់​ជាមួយ ​ទឹកដី​វៀតណាម​ ទេ»។

​រីឯ​ សម្ដេច​អគ្គមហាសេនាបតី​តេ​ជោ ​នាយ​ឧត្ដមសេនីយ៍​ផុត​លេខ​ផ្កាយ​មាស​៥​ បណ្ឌិត​សភាចា​រ្យ​ ហ៊ុន​ សែន​ ប្រមុខ​រាជរដ្ឋាភិបាល​កម្ពុជា​ ដ៏​មាន​អំណាច​មហិមា នៅ​បច្ចុប្បន្ន​នេះ​វិញ​ តែង​បាន​អះអាង​ថា​ «កោះត្រល់​ បាន​បាត់បង់​ ពី​ខ្មែរ​ ក្លាយជា​របស់​វៀតណាម ​តាំងពី​យូរយា​រ ជំនាន់​អ្នកដឹកនាំ​ប្រទេស​មុនៗ​ មក​ម្ល៉េះ​»​។​​

​អ្វី​ទៅ​ជា​ការ​ពិត​?​ តើ​ កោះ​ត្រល់ ​របស់​ខ្មែរ ​បាន​បាត់បង់​នៅ​ពេល​ណា​?

«សម្ដេច​តេ​ជោ ​សែន​» កាល​ណោះ​នៅ​ជា​សម​មិត្ដ​នៅឡើយ​ បាន​ឡើង​កាន់កាប់​មុខ​តំណែង ​ជា​នាយក​រដ្ឋមន្ដ្រីនៃ ​រដ្ឋាភិបាល​សា​ធារ​ណ​រដ្ឋ​ប្រជាមានិត​កម្ពុ​ជា នា​ឆ្នាំ​ ១៩៨៥​ ។​ ការ​បោះពុម្ព​សៀវ​ភៅ​សិក្សា​ សម្រាប់​សិស្សានុសិស្ស​ ថ្នាក់​ទី​៧​ មុខ​វិជ្ជាភូមិ​វិទ្យា​នា ​សម័យ​នោះ​ បាន​ចែង​អំពី​សណ្ឋាន​ដី ​និង​ភោគទ្រព្យ​រ៉ែ​ ដែល​ក្នុង​នោះ​ ក៏​បាន​បញ្ជាក់​ អំពី​ក្រុម​កោះ​របស់​ខ្មែរ​ថា​ «កោះ​ ដែល​នៅ​ឯនាយ​ ស្ទើរកោះ​វាល​រេញ​មាន ​បី​ ក្រុម​ គឺ៖ ក្រុម​ទី​១-​ នៅ​ពីមុខ​កំពង់​ផែ​កំពង់​សោម​ មាន​កោះពស់​,​ ក្រុម​ទី​២- ​នៅ​មុខ​រាម​ មាន​កោះ​តា​កៀវ​ កោះ​ឫស្សី​ កោះ​ត្រែះ​ កោះ​ចន្លុះ​ និង​កោះ​ស្រមោច​,​ ក្រុម​ទី​៣- ​បន្ដ​ទៅ ​កោះត្រល់​ មាន​កោះ​ថ្មី​ និង​កោះសេះ​ ។​ នៅ​ក្នុង​លំហ​ឈូង​សមុទ្រ​កម្ពុជា​ មាន​កោះតាង​ កោះ​អាគ្នេយ៍​ កោះព្រីង​ កោះ​វៀ​ និង​ កោះ​វ៉ៃ​»។​

នៅ​ថ្ងៃ​ទី​២៧​ ខែធ្នូ ​ឆ្នាំ​១៩៨៥​ សាធារណរដ្ឋ​ប្រជាមានិត​កម្ពុជា​ ដែល​មាន​សម​មិត្ដ ​ហ៊ុន​ សែន​ ជា​នាយក​រដ្ឋមន្ដ្រី​ បាន​ចុះ​សន្ធិសញ្ញា​កំណត់ព្រំដែន​រដ្ឋ​ ជាមួយ​សាធារណ​រដ្ឋ​សង្គមនិយម​វៀតណាម​។​ ចាប់​តាំងពី​ពេល​នោះ​ ថ្វី​ដ្បិត​សន្ធិសញ្ញា​កំណត់ព្រំដែន​រដ្ឋ​ ឆ្នាំ​១៩៨៥​ រវាង​កម្ពុជា​និង​វៀតណាម​ សំដៅ​កំ​ណ​ត់​តែ​អំពី​ព្រំដែន​គោក​ (​មិន​ទាន់​កំណត់​អំពី​ព្រំ​ដែនទឹក​នៅឡើយ​)​ ក៏​ពិតមែន​ ប៉ុន្ដែ​ក្នុង​សៀវភៅ​សិក្សា​ ផ្នែក​មុខ​វិជ្ជាភូមិ​វិទ្យា​ក្រោយៗ​មក ​លែង​មាន​និយាយ​ អំពី​ឈ្មោះ ​កោះ​ត្រល់​ របស់​ខ្មែរ ​សម្រាប់​ឱ្យ​កូន​ខ្មែរ​រៀនសូត្រ​ទៀត​ហើយៗ​កោះត្រល់​ក៏​បាន​ធ្លាក់​ទៅ​ជា​កម្មសិទ្ធិ​របស់​ប្រទេស​វៀតណាម​ ដោយ​ប្ដូរ​ដាក់​ឈ្មោះ​ថ្មី​ថា​ «​ភូ​កុក​- Phu Quoc» ទល់​សព្វថ្ងៃ​។​

នៅ​ថ្ងៃ​ទី​១០ ​ខែតុលា​ ឆ្នាំ​២០០៥​ សម្ដេច​ ហ៊ុន​ សែន​ ក្នុង​នាម​ជា​នាយក​រដ្ឋមន្ដ្រី ​នៃ​ព្រះរាជាណាចក្រ​កម្ពុជា បាន​ចុះ​សន្ធិសញ្ញា​បំពេញ​បន្ថែម ​ជាមួយ​សាធារណរដ្ឋ​សង្គម​និយម​វៀតណាម​ មាន​លោក ផា​ន​ វ៉ា​ន់ខា​យ (Phan Van khai)​ ជា​នាយក​រដ្ឋមន្ដ្រី​ នៅ​ប្រទេស​វៀតណាម​តែ​ម្ដង​ ដោយ​ប្រថាប់ត្រា ​ទៅ​លើ​សន្ធិ​សញ្ញា​កំណត់ព្រំដែន​រដ្ឋ​ ឆ្នាំ​១៩៨៥​ ក្នុង​ការ​កំណត់ព្រំដែន​គោក​ រវាង​កម្ពុជា​​​ និង​វៀតណាម ​ឱ្យ​កាន់តែ​រឹង​មាំ​។​ ទីបំផុត​ សន្ធិសញ្ញា​បំពេញ​បន្ថែម ​ទៅ​លើ​សន្ធិសញ្ញា​កំណត់​ព្រំដែន​រដ្ឋ​ កម្ពុជា​-​វៀតណាម​ ឆ្នាំ​១៩៨៥​នេះ​ បាន​ក្លាយជា​ច្បាប់​ ដែល​ប្រកាស​ឱ្យ​ប្រើ​ ដោយ​ព្រះរាជ​ក្រម ចុះ​ថ្ងៃ​ទី​ ៣០​ ខែវិច្ឆិកា​ ឆ្នាំ​២០០៥​។​ សន្ធិសញ្ញា​បំពេញបន្ថែម​នេះ​ ត្រូវ​បាន​រាជរដ្ឋាភិបាល​កម្ពុជា​ ធានា​អះអាង​ថា​ មិន​ឱ្យ​មានការ​បាត់បង់​បូរណភាព​ទឹកដី​ (​ផ្ទៃ​ដីគោក​)​ ទំហំ​ ១៨១​.០៣៥​ គីឡូម៉ែត្រ​ក្រឡា​រ បស់​កម្ពុជា​ឡើយ​។​

មុន​នឹង​សន្ធិសញ្ញា​បំពេញបន្ថែម​ ឆ្នាំ​២០០៥ ​ទៅ​លើ​សន្ធិសញ្ញា​កំណត់​ព្រំដែន​រដ្ឋ ​កម្ពុជា​-​វៀតណាម​ ឆ្នាំ​១៩៨៥​ ចេញ​ជា​រូបរាង​ និង​ត្រូវ​បាន​ប្រថាប់ត្រា​ ប្រកបដោយ​ជោគ​ជ័យ​នោះ​ គឺ​មាន​ភាព​ប្រទាញ​ប្រ​ទង់​គ្នា​ខ្លាំង​ណាស់​ នៅ​ក្នុង​ស្ថាប័ន​ជាតិ​ផង​ និង​ប្រតិកម្ម ​ពី​អង្គការ​សង្គម​ស៊ី​វិល​ផង​។​ ជាក់ស្ដែង​ បុរស ​៤ ​នាក់​ រួម​មាន​ លោក​ រ៉ុ​ង​ ឈុ​ន​ ប្រធាន​សមាគម​គ្រូបង្រៀន​កម្ពុជា​ឯករាជ្យ​,​ លោក​ ជា​ មុនី​ ប្រធាន​សហជីព​សេរី​កម្មករ​នៃ​ព្រះ​រាជាណាចក្រ​កម្ពុជា​, ​លោក​ ម៉ែ​ន​ ណាត​ សមាគម​មន្ដ្រីរាជការ​ឯក​រាជ្យ​កម្ពុជា​ និង ​លោក​ អៀ​ ចាន់​ណា​ អគ្គលេខាធិការ​រង​ចលនា​និស្សិត​ដើម្បី​លទ្ធិ​ប្រជា​ធិ​ប​តេ​យ្យ​ ក្នុង​នាម​ជា ​ក្រុមប្រឹក្សា​ឃ្លាំ​មើល​កម្ពុជា​ ត្រូវ​បាន​រាជរ​ដ្ឋា​ភិ​បាល ​ប្ដឹង​ទៅ​តុលាការ​ ហើយ​តុលា​ការ ​ក៏​បាន​ចេញ​ដីកាចាប់ខ្លួន​ បន្ទាប់​ពី​ អ្នក​ទាំង​ ៤​ ចេញ​សេចក្ដី​ថ្លែង​ការណ៍ ​ចុះ​ថ្ងៃ​ទី​ ១១​ ខែតុលា​ ឆ្នាំ​ ២០០៥​ លើក​ឡើង​អំពី​បញ្ហា​គ្រោះ​ថ្នាក់​ នៃ​បូរណភាព​ទឹកដី​ខ្មែរ​ ។

​កាលពី​ថ្ងៃ​ទី​ ១៧ ​ខែមិថុនា​ ឆ្នាំ​២០១៣​ កន្លង​ទៅ​ថ្មីៗ​នេះ​ លោក​ រ៉ុ​ង​ ឈុ​ន​ តំណាង​ក្រុមប្រឹក្សា​ឃ្លាំ​មើល​កម្ពុជា​ និង​ជា​ប្រធាន​សមា​គម​គ្រូបង្រៀន​កម្ពុជា​ឯករាជ្យ​ បាន​ធ្វើ​លិខិតផ្លូវការ​មួយ​ច្បាប់​ គោរព​ជូន​«សម្ដេច​តេ​ជោ ​សែន​» ឱ្យធ្វើ​ការ​ពិចារណា​ ចំពោះ​បញ្ហា​ទឹកដី​ និង​កោះ​ (​ជា​ពិសេស​ កោះ​ត្រល់​) ​ដែល​បាន​បាត់បង់​ ទៅ​ប្រទេស​ជិតខាង​។​

មជ្ឈដ្ឋាន​អ្នក​ច្បាប់​ បាន​លើក​ឡើង​ថា​ ការ​បោះពុម្ព​សៀវភៅ​សិក្សា​ សម្រាប់​ឱ្យ​សិស្សានុសិស្ស​ រៀនសូត្រ​ ជា​ការ​យកចិត្ដទុកដាក់​ និង​ប្រុង​ប្រយ័ត្ន​ខ្លាំង​ណាស់​ ហើយ​សៀវភៅ​សិក្សា​ មុខ​វិជ្ជាភូមិ​វិទ្យា ​ថ្នាក់​ទី​៧ ​បោះពុម្ព​នៅ​ឆ្នាំ ​១៩៨៥​ នៅ​មានឈ្មោះ ​កោះត្រល់​ ជា​កោះ​របស់​ខ្មែរ​ បែរជា​លុប​បំបាត់​ឈ្មោះ​ កោះត្រល់​ នេះ​ទៅ​វិញ​ មក​ទល់​បច្ចុប្បន្ន​ គឹ​មាន​ន័យ​ថា​ ឈ្មោះ ​កោះត្រល់​ ទើបត្រូវ​បាន​លុប​បំបាត់​ចោល​ ពី​កម្មសិទ្ធិ​របស់​ខ្មែរ ​ចាប់​តាំង​ពី​ថ្ងៃ​ទី ​២៧ ​ខែធ្នូ ​ឆ្នាំ​១៩៨៥​ តរៀង​មក​ តាម​ស្មារតី​នៃ ​សន្ធិសញ្ញា​កំណត់​ព្រំដែន​រដ្ឋ ​ឆ្នាំ​១៩៨៥ ​រវាង ​កម្ពុជា​-​វៀតណាម​ ក្នុង​សម័យ​សម​មិត្ដ​ ហ៊ុន​ សែន​ ធ្វើ​ជា​នាយក​រដ្ឋមន្ដ្រី​នៃ ​សាធារណរដ្ឋ​ប្រជាមានិត​កម្ពុជា​។​

​ក្រុម​អ្នក​ច្បាប់​ បាន​លើក​ឡើង​ទៀត​ថា​ មាត្រា​២​ និង​មាត្រា​៥៥ ​នៃ​រដ្ឋធម្មនុញ្ញ ​ដែល​ជា​ច្បាប់​កំពូល​ នៃ​ព្រះរាជាណាចក្រ​កម្ពុជា​ បាន​ចែង​រួច​ហើយ​ថា​ «បូរណភាព​ទឹក​ដី​របស់​ព្រះរាជាណាចក្រ​កម្ពុជា​ មិន​អាច​រំលោភ​បាន​ដាច់ខាត​ ក្នុង​ព្រំដែន​របស់​ខ្លួន​ ដែល​មាន​កំណត់​ក្នុង​ផែនទី​ ខ្នាត​ ១/១០០ ០០០​ ។ ​…សន្ធិសញ្ញា និង​កិច្ចព្រមព្រៀង​ទាំង​ឡាយ​ណា ​ដែល​មិន​ស្រប​នឹង​ឯក​រាជ្យ​ អធិបតេយ្យ​ បូរណភាព​ទឹក​ដី​ អព្យាក្រឹតភាព​ និង​ឯកភាព​ជាតិ​របស់​ ព្រះរាជាណាចក្រ​កម្ពុជា​ ត្រូវ​លុប​ចោល​»។​​ ដូច្នេះ​ សន្ធិសញ្ញា​កំណត់ព្រំដែន​រដ្ឋ​រវាង​ កម្ពុជា​-​វៀតណាម ​ដែល​បាន​ប្រើប្រាស់​ ផែនទី​ ខ្នាត​ ១/៥០ ០០០​ ដែល​ផ្ទុយ​នឹង​រដ្ឋធម្មនុញ្ញ​ ត្រូវ​ចាត់ទុកជា​មោឃៈ​ទាំងស្រុង​ ស្របតាមស្មារតី មាត្រា១៥០ ថ្មី កថាខណ្ឌទី២ នៃរដ្ឋធម្មនុញ្ញ ដែលបានចែងថា «ច្បាប់ និងសេចក្តីសម្រេចទាំងឡាយ នៃស្ថាប័ននានា របស់រដ្ឋ ត្រូវស្របនឹងរដ្ឋធម្មនុញ្ញ ជាដាច់ខាត»៕

Updated, 15-8-2017 / (ឯកសារ៖ អត្ថបទ DNT7, 20-6-2013)

Koh-Tral-FeedKoh-Tral5Koh-Tral-DKoh-Tral-C11112772_902759513100132_4467690831066398197_n

 

Koh-Tral-A

ស្វែងយល់ក្រោយពេល ឡាវ ដកកងទ័ព៖ ទាហាន ឡាវ ឬទាហានយួន? ហេតុអ្វីចាំបាច់ ឡាវ ឈ្លានពានដីទីខ្មែរ? 

32390b5c-a484-4fd7-a125-6b91d5a05a6b

លោក ប៉ាង សុខឿន និយាយថា «ខ្ញុំមិនមើលទៅលើការធ្វើសង្រ្គាមទេ ហើយខ្ញុំក៏មិនមើលរូបភាពកងទ័ព គេបញ្ជូនទៅធ្វើសង្គ្រាម ដូចបងប្អូនដែរ តែខ្ញុំមើលផែនការសង្រ្គាម ខ្ញុំមើលទីតាំងភូមិសាស្រ្តសង្រ្គាម ខ្ញុំមើលហេតុផលសង្រ្គាម ខ្ញុំមើលអ្នក (ឡាវ និង ហ៊ុន សែន)បញ្ជាសង្រ្គាម ខ្ញុំមើលអ្នកបង្កើតសង្រ្គាម ហើយជាពិសេស ខ្ញុំគិតចំពោះពលរដ្ឋខ្មែរ ជាទាហានដែលមិនគួរស្លាប់ ចំពោះសង្រ្គាម ដែលមិនគួរកើត។ ខ្ញុំមិនលើកទឹកចិត្តកងទ័ព ក្នុងសភាពនៃសង្រ្គាមបែបនេះទេ តែខ្ញុំអាណិតពួកគាត់ និងអាណិតជាតិ ដែលទៅធ្វើសង្រ្គាម ក្នុងរឿងគេរៀបចំពីខាងក្រោយ (វៀតណាម) សម្រាប់ប្រយោជន៍គេផ្ទាល់បែបនេះ»។

ឡាវ បានដកកងទ័ពទាំងស្រុង ពីតំបន់ជម្លោះ នៅព្រំដែន ស្រុកសៀមប៉ាង ខេត្តស្ទឹងត្រែង តាំងពីល្ងាចថ្ងៃទី១២ ខែសីហា ឆ្នាំ២០១៧ បន្ទាប់ពីនាយករដ្ឋមន្រ្តី ហ៊ុន សែន ទៅជួបចរចាជាមួយនាយករដ្ឋមន្រ្តី ឡាវ នៅទីក្រុងវៀងចាន់ នៅព្រឹកថ្ងៃខែឆ្នាំដដែលនេះ។ នេះបើតាមសេចក្តីរាយការណ៍របស់ លោក ស្វាយ ញ៉ន មេបញ្ជាការកងទ័ពខ្មែរ ដែលឈរជើងនៅខេត្តស្ទឹងត្រែង។

ខាងក្រោមនេះ លោក ប៉ាង សុខឿន បានផ្តល់យោបល់ ក្នុងទំព័រហ្វេសប៊ុករបស់លោក (ខ្មែរ សុវណ្ណភូមិ) យ៉ាងដូច្នេះថា៖

ជាការពិតគេថា ឡាវ តែជាក់ស្តែងគឺ យួន ជាអ្នកត្រួត ឡាវ ។ បើនិយាយពីសម័យសង្គ្រាម យួន ជាមួយ អាមេរិក រហូតដល់ឆ្នាំ​២០០០ គឺទាហាន យួន បានដាក់នៅ ឡាវ ចំនួន ២០ កងពល ដែលក្នុង ១ កងពល មានចំនួន ២០០០០ នាក់ ដើម្បីត្រួត ឡាវ និងការពារ ឡាវ ។ កន្លងមកគេថា ឡាវ វាយជាមួយ ថៃ វាយជាមួយ ឡាវ សេរី ។ល។និង។ល។ តែធាតុពិតគឺ យួន វាយជាមួយ ថៃ ហើយ យួនវាយជាមួយ ឡាវសេរី (ពួកម៉ុង – Hmong) តែប៉ុណ្ណោះ។

ក្រោយពី​ឆ្នាំ២០០០ មក យួន បានកាត់បន្ថយកម្លាំងកងទ័ពរបស់ខ្លួន ជាច្រើនពីទឹកដី ឡាវ ដោយសារតែគ្រប់ស្ថាប័ន យួន បានដាក់មនុស្សរបស់ខ្លួន និងបានគ្រប់គ្រង ឡាវ រឹងមាំរួចហើយ និងជាពិសេសការជៀសឲ្យបាន ពីការចោទប្រកាន់របស់ អន្តរជាតិថា យួន កំពុងត្រួតត្រា ឡាវ។ តែរឿងនេះ យួន អាចបន្លំអន្តរជាតិបាន តែមិនអាចបន្លំភ្នែកពលរដ្ឋ ឡាវ បានទេ។ បងប្អូន ដែលស្គាល់ជនជាតិ ឡាវ អាចសួរពួកគេបាន លើសពីនេះ បងប្អូន អាចសួរពលរដ្ឋ យួន ក៏រឹតតែច្បាស់ថា កងទ័ព ឡាវ សព្វថ្ងៃគឺ យួន គ្រប់គ្រងឬអត់? តើក្នុងជួរកងទ័ព ឡាវ ភាគច្រើនជាទាហាន យួន ឬទាហានឡាវ? ចម្លើយបងប្អូននឹងដឹងច្បាស់ ១០០%។

ដោយឡែក បើនិយាយពី ដីនៅតំបន់ជម្លោះ នៅស្រុកសៀមប៉ាង ខេត្តស្ទឹងត្រែង នោះវិញ គឺរឹតតែ​អត់សម​ថា នឹងត្រូវឈ្លោះទៅទៀត ព្រោះ ខ្មែរ ឡាវ និង យួន បានដាក់ខេត្តរួមគ្នា ជាតំបន់អភិវឌ្ឍន៍ត្រីកោណរួមទៅហើយ ក្រោមការរៀបចំរបស់ យួន ដោយរួមមាន ខាងប្រទេសកម្ពុជា បានដាក់ ៤ ខេត្ត (ក្រចេះ ស្ទឹងត្រែង មណ្ឌលគីរី និង រតនគរី), ខាង ឡាវ បានដាក់ ៤ ខេត្ត និង ខាង យួន បានដាក់ ៥ ខេត្ត។ ចំពោះ ខេត្តស្ទឹងត្រែង របស់កម្ពុជា និង ខេត្តអាតាភឺ របស់ ឡាវ គឺជាខេត្តក្នុងតំបន់អភិវឌ្ឍរួម ដែលតាមកិច្ចព្រមព្រៀង គឺដាច់ខាត គ្មានសង្រ្គាម វាជាតំបន់រួមគ្នា រកស៊ីជាមួយគ្នា បើកចំហរបន្ទាត់ព្រំដែន មិនគិតបន្ទាត់ព្រំដែន ដូចគ្រួសារតែមួយ ក្រោមរដ្ឋាបាលរួមគ្នា ។ល។និង។ល។ តាមផែនការ យួន។ ដូច្នេះ វាអត់សមថា ជាតំបន់ជម្លោះទៅរួច។

ម្យ៉ាងទៀត រឿងនេះ កើតឡើងដំបូងតាំងពីឆ្នាំ២០១៦ មកម្ល៉េះ ហើយ ឡាវ បានឆ្លងអូរមកគ្រប់គ្រងក្នុងទឹកដីខ្មែរ តំបន់ព្រំដែន ស្រុកសៀមប៉ាង នៅខែកុម្ភៈ ឆ្នាំ២០១៧ ហើយក្រោយ ហ៊ុន សែន ក៏បានជួបមេដឹកនាំ យួន និងមេដឹកនាំ ឡាវ រាប់ភ្លេច ហើយដែរ ជាពិសេសកាលប្រជុំ គណៈកម្មការអភិវឌ្ឍន៍តំបន់ត្រីកោណរួម រៀបចំនៅខេត្តសៀមរាប កម្ពុជាកន្លងមក គឺគេមិនដែលឮ ហ៊ុន សែន និង មេដឹកនាំ ឡាវ និយាយរឿងជម្លោះព្រំដែន ទាល់តែសោះ។ និយាយរួម ស្ងាត់ឲ្យជ្រៀបតែម្តង ហើយសភាពការ ក៏ស្ងាត់ដែរ។ ស្រាប់តែមិនដឹងជាប្រកាច់យកស្អីទេ ពេលនេះ ខែនេះ ឆ្នាំនេះ បានជា ហ៊ុន សែន ចេញមកទទឹងទិសប្រកាសដាក់ ឱសានវាទឲ្យ ឡាវ តែម្តង និង បញ្ជូនទ័ព ទៅត្រៀមវាយ ឡាវ ឯណានោះឆ្កុយ។ តើសមទេបងប្អូន? – (អត្ថបទបន្ថែមដោយ ម៉ែន ណាត)

20729343_181407235734753_3816810355946918569_nCaptureដរេរេរត20620968_1774474522624719_374769543003322589_n20708271_1775490062523165_334097169392318214_n