Monthly Archives: August 2017

ញឹក ប៊ុនឆៃ ត្រូវបានឃាត់ខ្លួន ក្រោមបទចោទ រឿងគ្រឿងញៀន ក្រោយបានទូរស័ព្ទទៅ អេង ឆៃអ៊ាង នៃបក្សប្រឆាំង កាលពីខែមុន

Captureចស

ញឹក ប៊ុនឆៃ ត្រូវបានឃាត់ខ្លួន ក្រោមបទចោទ ករណីគ្រឿងញៀន! រឿងនេះកើតឡើងក្រោយពី លោក បានទូរស័ព្ទទៅ អេង ឆៃអ៊ាង កាលពីខែមិថុនា ២០១៧ 

អត្ថបទដោយ ម៉ម មុនីរតន៍, RFA, 03-8-2017

អតីត​ឧបនាយករដ្ឋមន្ត្រី ​កូតា​ខាង​គណបក្ស​រាជានិយម ​ហ៊្វុនស៊ិនប៉ិច ត្រូវ​បាន​កម្លាំង​នគរបាល​រាជធានី​ភ្នំពេញ ចាប់ខ្លួន និង​កំពុង​សាកសួរ​ នៅ​ស្នងការ​ក្រុង​ភ្នំពេញ ពាក់ព័ន្ធ​បទ​ល្មើស​គ្រឿងញៀន នៅ​ស្រុក​ភ្នំស្រួច ខេត្ត​កំពង់ស្ពឺ។

អ្នកនាំពាក្យ​ក្រសួង​មហាផ្ទៃ​លោក ខៀវ សុភ័គ ឲ្យដឹង​ថា លោក ញឹក ប៊ុនឆៃ អតីត​ឧប​នាយករដ្ឋមន្ត្រី​ កូតា​គណបក្ស​រាជានិយម​ ហ៊្វុនស៊ិនប៉ិច និង​ជា​ប្រធាន​ គណបក្ស​ខ្មែរ​រួបរួម​ជាតិ ត្រូវ​បាន​សមត្ថកិច្ច​ចាប់​ខ្លួន​ហើយ នៅថ្ងៃទី ៣ សីហា ២០១៧ នេះ។ លោក​បន្ត​ថា មូលហេតុ​នៃ​ការ​ចាប់​ខ្លួន​នេះ ត្រូវ​គេ​រក​ឃើញ​ថា លោក ញឹក ប៊ុនឆៃ មាន​ជាប់​ពាក់ព័ន្ធ​ការ​ផលិត​គ្រឿងញៀន នៅ​ស្រុក​ភ្នំស្រួច ខេត្ត​កំពង់ស្ពឺ កាល​ពី​ឆ្នាំ​២០០៧។ នៅ​ពេល​នេះ លោក ញឹក ប៊ុនឆៃ ត្រូវ​ឃុំ​ខ្លួន​បណ្ដោះ​អាសន្ន ​នៅ​ស្នងការ​រាជធានី​ភ្នំពេញ ដើម្បី​សាកសួរ​ មុន​នឹង​បញ្ជូន​បន្ត​នីតិវិធី​ទៅ​តុលាការ។

លោក ខៀវ សុភ័គ បន្ត​ថា សមត្ថកិច្ច​​កំពុង​​បន្ត​​ស្រាវជ្រាវ​​អ្នក​​ពាក់ព័ន្ធ​​ដទៃ​ទៀត ប៉ុន្តែ​លោក​បដិសេធ​បង្ហាញ​អត្តសញ្ញាណ ដោយ​ទុក​ឲ្យ​សមត្ថកិច្ច​ចាត់ការ​រឿង​នេះ​បន្ត​ទៀត។

————————
#សម្គាល់ (ដោយ ម៉ែន ណាត)៖ ញឹក ប៊ុនឆាយ មានសភាពតានតឹងជាមួយ ហ៊ុន សែន ចាប់តាំងពីលោក បានទូរស័ព្ទទៅ អេង ឆៃអ៊ាង មន្រ្តីជាន់ខ្ពស់នៃគណបក្សប្រឆាំង ក្រោយការបោះឆ្នោតឃុំសង្កាត់ ក្នុងខែមិថុនា ២០១៧។ សុខ ឥសាន អ្នកនាំពាក្យគណបក្សកាន់អំណាច បានចោទប្រកាន់ថា ញឹក ប៊ុនឆាយ ក្បត់បក្សកាន់អំណាច និង រដ្ឋាភិបាល ហ៊ុន សែន។ ចាប់តាំងពីពេលនោះមក ញឹក ប៊ុនឆាយ ត្រូវបានដកហូត តំណែងជាឧបនាយករដ្ឋមន្រ្តី ហើយមន្រ្តីជិតស្និទ្ធនឹង លោក ជាង ១០ នាក់ទៀត ក៏ត្រូវបានដក​ហូត​​​​តំណែង ពីមន្រ្តីជាន់ខ្ពស់រដ្ឋាភិបាលដែរ។

Advertisements

ហ៊ុន សែន កើតជំងឺតួឯក ព្រមានជាថ្មី រឿងស្រុកកើតចលាចល បើអវត្តមានរូបលោក

Captureដសដថ

សម្គាល់៖ ហ៊ុន សែន កើតជំងឺតួឯក! ហ៊ុន សែន ព្រមានជាថ្មីរឿងស្រុកកើតចលាចល បើអវត្តមានរូបលោក។ តាមច្បាប់ និងទម្លាប់ប្រូតូកូលគឺ ស ខេង ត្រូវដឹកនាំបន្ត ក្នុងនាមនាយករដ្ឋមន្រ្តីស្តទី ហើយនៅមានមន្រ្តីឯទៀត គេក៏ចេះគិតគូររឿងស្រុកទេសដែរ។ ដូច្នេះហ៊ុន សែន កុំបារម្ភរឿងនេះ។ (ដោយ ម៉ែន ណាត)

ហ៊ុន សែន គំរាម​ពី​ការ​ស្លាប់​ ខណៈ​បក្ស​ប្រឆាំង​ថា ​កម្ពុជា​ជា​របស់​ប្រជាជាតិ​ខ្មែរ​ទាំង​មូល

ដោយ យាង សុជាមេត្តា, RFA, 03-8-2017

គណបក្ស​ប្រឆាំង​មិន​សូវ​យក​ចិត្ត​ទុក​ដាក់​ឡើយ​ចំពោះ​សារ​គំរាម​របស់​លោក ហ៊ុន សែន ពី​ការ​ស្លាប់​របស់​លោក។ លោក ហ៊ុន សែន ថ្លែង​ជា​ថ្មី​ថា នៅ​ពេល​លោក​ស្លាប់​ភ្លាម គឺ​ក្រុម​យោធា​ដែល​បច្ចុប្បន្ន​ឋិត​ក្រោម​ការ​គ្រប់គ្រង​របស់​លោក​នឹង​ឡើង​គ្រប់គ្រង​សភាពការណ៍ ហើយ​ដែល​អាច​ធ្វើ​ឲ្យ​ស្ថានភាព​ស្រុកទេស​មាន​ការ​ប្រែប្រួល។

ក្នុង​រយៈពេល​តែ ៣​ថ្ងៃ​ប៉ុណ្ណោះ​នៃ​ដើម​ខែ​សីហា នេះ លោក ហ៊ុន សែន បាន​ថ្លែង​សារ​ដល់​ទៅ​ពីរ​ដង ទស្សន៍ទាយ​ពី​សភាពការណ៍​ស្រុកទេស​ដែល​អាច​ប្រែប្រួល​នៅ​ពេល​គ្មាន​រូបលោក​ភ្លាម។

​ថ្លែង​នៅ​ចំពោះ​មុខ​កីឡាករ កីឡាការិនី ដែល​ទៅ​ជួប​លោក​នា​វិមាន​សន្តិភាព នៅ​ថ្ងៃ​ទី​៣ ខែ​សីហា មុន​នឹង​ចាកចេញ​ទៅ​ចូលរួម​ប្រកួត​កីឡា​ស៊ីហ្គេម (SEA Games) នៅ​ប្រទេស​ម៉ាឡេស៊ី (Malaysia) លោក ហ៊ុន សែន ព្រមាន​ជាថ្មី​ពី​ការ​ស្លាប់​របស់​លោក។ សារ​សំដៅ​ទៅ​កាន់​បក្ស​ប្រឆាំង​ដែល​លោក ហ៊ុន សែន តែង​ចោទ​ថា បាន​យក​ការ​ស្លាប់​របស់​លោក​ដើម្បី​កេង​ចំណេញ​នយោបាយ​នោះ លោក ហ៊ុន សែន យល់​ថា ការ​ស្លាប់​របស់​លោក​គឺ​ជា​គ្រោះ​អាក្រក់​សម្រាប់​ប្រទេស​ជាតិ​ទៅ​វិញ​ទេ។

​លោក ហ៊ុន សែន ដែល​កាន់​អំណាច​ជាង ៣០​ឆ្នាំ​នៅ​កម្ពុជា សង្កត់​ធ្ងន់​ថា ប្រសិនបើ​លោក​ស្លាប់​ភ្លាម នោះ​មន្ត្រី​នៅ​ក្នុង​ជួរ​រដ្ឋាភិបាល​ក្រោម​ការ​ដឹក​នាំ​របស់​លោក រាប់​តាំង​ពី​ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រហូត​ដល់​អនុ​រដ្ឋលេខាធិការ​ដែល​មាន​មុខងារ​នយោបាយ នឹង​ត្រូវ​រលាយ​ទៅ​តាម​លោក​ជា​ស្វ័យប្រវត្តិ​ភ្លាម​ដែរ។ ដូច្នេះ លោក​ថា គឺ​មាន​តែ​ក្រុម​យោធា និង​នគរបាល​ដែល​ឋិត​នៅ​ក្នុង​មុខងារ​សាធារណៈ​ទេ ដែល​ជា​អ្នក​គ្រប់គ្រង​សភាពការណ៍។

លោក ហ៊ុន សែន៖ «នៅ​ទី​នេះ​មាន​អគ្គបញ្ជាការ ប៉ុល សារឿន អគ្គ​នគរបាល​ជាតិ នេត សាវឿន អគ្គបញ្ជាការ​រង និង​មេបញ្ជាការ​អាវុធហត្ថ​លើ​ផ្ទៃ​ប្រទេស សៅ សុខា ប៉ុន្តែ​នៅ​មាន​បណ្ដា​អង្គភាព​ដទៃ​ទៀត​ដែល​ពេល​ហ្នឹង​ជួនកាល​មាន​ការ​ញុះញង់ គឺ​វាយ​គ្រឹប​តែម្ដង ខ្មោច​មិន​អាច​ងើប​មក​ត្រួតត្រា​សភាពការណ៍​ទេ ហើយ ទៀ បាញ់ ក៏​អស់​តំណែង ស ខេង ក៏​អស់​តំណែង តើ​ទៅ​ត្រួត​ពី​ណា​ទៀត? អ៊ីចឹង​រឿង​ហ្នឹង ពេល​ខ្លះ​ត្រូវ​យល់ កុំ​ចង់​ឲ្យ ហ៊ុន សែន ងាប់ ទុក ហ៊ុន សែន ដើម្បី​នឹង​គ្រប់គ្រង»

Read more

ឈាង វុន ដឹកនាំប្រតិភូ​រដ្ឋសភា​កម្ពុជា ចូលរួមសន្និសីទនៅ ឡាវ គាំទ្រគម្រោង​អភិវឌ្ឍ​តំបន់​ត្រីកោណ (CLV) ដែលផ្តួចផ្តើមដោយ វៀតណាម

 

ឈាង វុន ដឹកនាំប្រតិភូ​រដ្ឋសភា​កម្ពុជា ចូលរួមសន្និសីទនៅ ឡាវ គាំទ្រគម្រោង​អភិវឌ្ឍ​តំបន់​ត្រីកោណ (CLV) ដែលផ្តួចផ្តើមដោយ វៀតណាម

RFA, ដោយ យ៉ង ចាន់តា
02-8-2017

ប្រតិភូ​គណៈកម្មការ​កិច្ចការ​បរទេស​នៃ ​សភា​កម្ពុជា ឡាវ និង​ វៀតណាម ជួប​ជុំ​គ្នា​នៅ​ទីក្រុង​វៀងច័ន្ទ ប្រទេស​ឡាវ ចាប់​ពី​ថ្ងៃ​ទី​២ ដល់​ថ្ងៃ​ទី​៤ សីហា ដើម្បី​ធ្វើ​សន្និសីទ​ លើក​ទី​៦ ស្ដីពី​ការ​គាំទ្រ និង​ជំរុញ​ការ​អភិវឌ្ឍ​តំបន់​ត្រីកោណ​អភិវឌ្ឍន៍ (CLV = Cambodia, Laos, Vietnam)។

សេចក្តី​ប្រកាស​ព័ត៌មាន​របស់​ រដ្ឋសភា ចេញ​ផ្សាយ​នៅ​ព្រឹក​ថ្ងៃ​ទី​ ២ សីហា បញ្ជាក់​ថា ប្រតិភូ​សភា​កម្ពុជា ដឹកនាំ​ដោយ​លោក ឈាង វុន ដែល​ជា​ប្រធាន​គណៈកម្មការ​កិច្ចការ​បរទេស សហប្រតិបត្តិការ​អន្តរជាតិ ឃោសនាការ និង​ព័ត៌មាន​នៃ​រដ្ឋសភា។ លោក ឈាង វុន ថ្លែង​ក្នុង​ឱកាស​នោះ​ថា ផែនការ​អភិវឌ្ឍន៍​តំបន់​ត្រីកោណ​នៃ​ប្រទេស​កម្ពុជា ឡាវ និង​វៀតណាម កំពុង​ធ្វើ​ឲ្យ​តំបន់​ ក្លាយ​ជា​សហគមន៍​តែ​មួយ ហើយ​ទាំង​ស្ថាប័ន​នីតិប្បញ្ញត្តិ និង​ប្រតិបត្តិ​នៃ​ប្រទេស​ទាំង ៣ កំពុង​យក​ចិត្ត​ទុក​ដាក់​យ៉ាង​ខ្លាំង​ លើ​ផែនការ​អភិវឌ្ឍន៍​​​ ប្រកប​ដោយ​ចីរភាព​ក្នុង​តំបន់

តំបន់​អភិវឌ្ឍន៍​ត្រីកោណ​រួម​គ្នា ត្រូវ​បាន​បង្កើត​កាល​ពី​ឆ្នាំ​១៩៩៩ ដោយ​រដ្ឋាភិបាល​នៃ ​ប្រទេស​កម្ពុជា ឡាវ និង​វៀតណាម។ តំបន់​អភិវឌ្ឍន៍​ត្រីកោណ​រួម​គ្ នា​មាន​ខេត្ត​ចំនួន ​១៣ ជា​ចំណុះ ដោយ​កម្ពុជា មាន ៤​ខេត្ត គឺ​ខេត្ត​រតនគិរី មណ្ឌលគិរី ក្រចេះ និង​ខេត្ត​ស្ទឹងត្រែង ប្រទេស​ឡាវ មាន ៤ ​ខេត្ត និង​ប្រទេស​វៀតណាម មាន ៥​ ខេត្ត៕

សូមចុចអានបន្ថែមអត្ថបទខាងក្រោម

– អ្នកជំនាញ ថ្លែងថា ហ៊ុន សែន បំពេញបំណងឈ្លានពានរបស់វៀតណាម ក្នុងតំបន់ត្រីកោណអភិវឌ្ឍ CLV

– យួន ឈ្លានពានតាមរបៀបថ្មី៖ កម្ពុជា ៤ ខេត្ត ត្រូវបានដាក់ជាតំបន់ អភិវឌ្ឍត្រីកោណឥណ្ឌូចិន​

រដ្ឋាភិបាលអាល្លឺម៉ង់ បណ្តេញអ្នកកាទូត វៀតណាម ពីបទសង្ស័យចាប់ជំរិត {អ្នករកស៊ីយួន សញ្ជាតិអាល្លឺម៉ង់}

20604550_460296007673531_6847487701187049930_n (1)

រដ្ឋាភិបាលអាល្លឺម៉ង់ ទុកពេល ៤៨ ម៉ោងឲ្យឯកអគ្គរដ្ឋទូតយួន វេចបង្វិចចាកចេញពីប្រទេសអាល្លឺម៉ង់

BBC ថ្ងៃទី០២ សីហា ២០១៧ ផ្សាយថា រដ្ឋាភិបាលអាល្លឺម៉ង់ បណ្តេញអ្នកកាទូត វៀតណាម ពីបទសង្ស័យចាប់ជំរិតមនុស្ស {អ្នករកស៊ីយួន សញ្ជាតិអាល្លឺម៉ង់} /Germany expels Vietnam attache over suspected kidnap ។
#សម្គាល់៖ រឿងរ៉ាវរបៀបនេះ ក៏បានកើតមានជាហូរហែរនៅ ស្រុកខ្មែរ ដូចជារឿង អតីតព្រះសង្ឃខ្មែរក្រោម ទឹម សុខន  ឆ្នាំ២០០៧ ជាដើម (ចុចមើលលំអិត http://www.rfa.org/khmer/indepth/timsakhorn-can-live-in-cam-04072009223852.html)។ រឿងទាំងនោះគឺ រដ្ឋាភិបាល ហ៊ុន សែន បានជ្រោមជ្រែង រដ្ឋាភិបាលយួន ករណីចាប់ខ្លួនអ្នកប្រឆាំងខ្មែរក្រោម និង ពួកជនជាតិភាគតិភៀសខ្លួន ម៉ុងតាញ៉ាផង។ (អត្ថបទដោយ ម៉ែន ណាត)

អត្ថបទ សម ទ្រី៖ អគ្គរដ្ឋទូត​នៃ ​សា​ធា​ណ​រដ្ឋ​សង្គមនិយម​វៀតណាម ត្រូវ​បាន​រដ្ឋាភិបាល ​របស់​អា​ល្លី​ម៉​ង ដាក់​ឱសានវាទឲ្យ វេច​បង្វេច​ចាក​ចេញពី​ទឹកដី​អា​ល្លី​ម៉​ង់ ក្នុង​រយៈពេល​ ៤៨ ​ម៉ោង​។

ហេតុផល​៖ សមត្ថកិច្ច​សហព័ន្ធ ​អា​ល្លឺ​ម៉​ង់​ បាន​ស៊ើបអង្កេត និង​រក​ឃើញ​ថា លោក​អគ្គរដ្ឋទូត ​នៃ​សាធារណរដ្ឋ សង្គមនិយម​វៀតណាម ប្រចាំ​ប្រទេស​អា​ល្លី​ម៉​ង់ ឈ្មោះ Doan Xuan Hung បាន​ប្រ​ព្រឹត្តបទឧក្រិដ្ឋ​ព្រហ្មទណ្ឌ ព្រមទាំង​បាន​រួមចំណែក​សហការ ​ជាមួយ​សេវា​សមត្ថកិច្ច​សន្តិសុខរ​ជាតិ​វៀតណាម លប​ចាប់​លោក អតីតមន្ត្រី ថ្នាក់ដឹកនាំ​ជាតិ​ជាន់ខ្ពស់ និង​ពាណិជ្ជករ ​(businessman) ​របស់​សាធារណរដ្ឋ​សង្គមនិយម​វៀតណាម ឈ្មោះ Trinh Xuan Thanh (51) នៅ​លើ​ទឹកដី​អា​ល្លី​ម៉​ង់ (​នៅ​លើ​សួនច្បារ Tiergarten/Berlin/​ប្រទេស​អា​ល្លី​ម៉​ង់​) ហើយ​លួច​បញ្ជូន​ទៅ​ឃុំខ្លួន នៅ​ឯ​ប្រទេស​វៀតណាម​វិញ​។

សំគាល់​៖ ជនរ​ងគ្រោះ​ឈ្មោះ Trinh Xuan Thanh (​អា​យុក​៥១​ឆ្នាំ​សញ្ជាតិ​វៀតណាម​) បាន​ភៀសខ្លួន និង ដាក់​ពាក្យ​ស្នើ​សុំ​សិទ្ធ​ជ្រកកោន ផ្នែក​នយោបាយ នៅ​រដ្ឋធានី “​បាក់​ឡាំង​/Berlin/​ប្រទេស​អា​ល្លី​ម៉​ង់​” កាលពី​ឆ្នាំ​២០១៦ កន្លង​មក​។

រដ្ឋាភិបាល​ប្រទេស​អា​ល្លី​ម៉​ង់ បាន​ចោទប្រកាន់ លោក​អគ្គរដ្ឋទូត Doan Xuan Hung និង រដ្ឋាភិបាល វៀតណាម ថា ករណី​នេះ គឺជា​សកម្មភាព​«​ចាប់ជំរិត​» ដែល​រំលោភ​រដ្ឋធម្មនុញ្ញ​ជាតិ និង​ច្បាប់​អន្ដរជាតិ យ៉ាងធ្ងន់ធ្ងរ​។

រដ្ឋាភិបាល​សហព័ន្ធ​អា​ល្លឺ​ម៉​ង់​បាន​ទាមទារឲ្យវៀតណាម​បញ្ជូន​ជនរ​ង្គ្រោះ លោក Trinh Xuan Thanh មក​កាន់ ទឹកដី​អា​ល្លី​ម៉​ង់​វិញជា​បន្ទាន់ និង​ដោយ​ឥត​លក្ខខណ្ឌ​។ ជាង​នេះ​ទៀត​រដ្ឋាភិបាល​អា​ល្លី​ម៉​ង់ បាន​ព្រមា​ន​កាត់​ផ្ដាច់ ការ​ទំនាក់ទំនង​ផ្នែក​សេដ្ឋកិច្ច​មួយ​ចំនួន និង​កិច្ចការ​ផ្លូវ​ទូត​ជាមួយ​ប្រទេស​វៀតណាម​ផង​ដែរ​៕

កម្ពុជា​ ជួបគ្រោះថ្នាក់​ទៅ​ថ្ងៃអនាគត​ ពី​ផែនការ ​ត្រីកោណ​អភិវឌ្ឍន៍​ ឥណ្ឌូចិន របស់វៀតណាម

កម្ពុជា​ ជួបគ្រោះថ្នាក់​ទៅ​ថ្ងៃអនាគត​ ពី​ផែនការ ​ត្រីកោណ​អភិវឌ្ឍន៍​ ឥណ្ឌូចិន របស់វៀតណាម
ដោយ តាំង សារ៉ាដា / 01-7-2012 – RFA

រដ្ឋាភិបាល​កម្ពុជា បាន​បង្ហាញ​ក្ដី​សង្ឃឹម​ដ៏​មុតមាំ​របស់​ខ្លួន ក្នុង​ការ​បង្កើត​តំបន់​ត្រីកោណ​អភិវឌ្ឍន៍​សេដ្ឋកិច្ច​ពិសេស​រួម​គ្នា​ជាមួយ​ប្រទេស​វៀតណាម និង ឡាវ នោះ​ថា នាំ​មក​នូវ​ភាព​ចំរើន​រុងរឿង​ដល់​ជីវភាព​រស់​នៅ​របស់​ពលរដ្ឋ​ក្នុង​តំបន់​ភូមិ​ភាគ​ឦសាន​របស់​ខ្លួន។

ប៉ុន្តែ​ក្រុម​អ្នក​ឃ្លាំមើល​អំពី​បូរណភាព​ទឹក​ដី​បាន​សម្ដែង​ក្ដី​បារម្ភ​ថា ការ​បង្កើត​តំបន់​មុំ​បី ឬ​ហៅ​ថា CLV នេះ អាច​នាំ​ឲ្យ​កម្ពុជា បាត់​បង់​ធនធាន​ធម្មជាតិ និង​ទឹក​ដី​របស់​ខ្លួន​ដ៏​ធំធេង​ទៅ​ឲ្យ​ប្រទេស​វៀតណាម នៅ​ថ្ងៃ​មុខ។

លោក​នាយករដ្ឋមន្ត្រី ហ៊ុន សែន កាល​ពី​ចុង​ខែ​ឧសភា បាន​សម្ដែង​មោទនភាព និង​មហិច្ឆតា​របស់​ខ្លួន​ថា ការ​បង្កើត​ តំបន់​ត្រីកោណ​អភិវឌ្ឍន៍​ពិសេស រវាង​កម្ពុជា វៀតណាម ឡាវ។ លោក​ចាត់​ទុក​ថា គម្រោង​នេះ​ ជា​គន្លឹះ​មួយ​ដ៏​សំខាន់​ ដើម្បី​កាត់​បន្ថយ​ភាព​ក្រីក្រ ​តាម​រយៈ​ការ​វិនិយោគ​ លើ​វិស័យ​ទេសចរណ៍ កសិ-​ឧស្សាហកម្ម រ៉ែ និង​ទំនប់​វារីអគ្គិសនី។

កាល​ពី​ខែ​ធ្នូ ឆ្នាំ​២០១១ កម្ពុជា​ បាន​យល់​ព្រម​ដាក់​បញ្ចូល​ ខេត្ត​របស់​ខ្លួន​ចំនួន ​៤ មាន​ ខេត្ត​ក្រចេះ ស្ទឹងត្រែង រតនគិរី និង​ មណ្ឌលគិរី ដែល​មាន​ពលរដ្ឋ​ប្រហែល​ជាង ៥​ សែន​នាក់។ រី​ឯ​ប្រទេស​ឡាវ ក៏​បាន​ដាក់​បញ្ចូល​ទឹក​ដី​របស់​ខ្លួន​ចំនួន ៤ ​ខេត្ត​ដែរ ដូចជា​ខេត្ត អាតាពើរ (Ataper) ចំប៉ាសាក់ (Champasak) សារាវ៉ាន់ (Saravan) សេកុង (Sekong) ដែល​មាន​មនុស្ស​ប្រមាណ ៧​សែន​នាក់ ហើយ​វៀតណាម បាន​ដាក់​បញ្ចូល​ទឹក​ដី​របស់​ខ្លួន​ចំនួន ៥ គឺ​ខេត្ត​ចាឡាយ (Gia Lai) កនទុំ (Kon Tum) ដាក់ឡាក់ (Dac Lac) ដាណាង (Da Nang) ប៊ិញហ៊្វឺក (Binh Phuoc) ដែល​ខេត្ត​ទាំង​នេះ មាន​មនុស្ស​ជាង ៧​លាន​នាក់។

Read more