Monthly Archives: August 2017

ជា ខេង ភរិយារបស់ ស៊ុយ សែម និងភរិយារបស់ ម៉ៅ ថានិន អភិបាលខេត្តពោធិសាត់ ពាក់ព័ន្ធការបូមខ្សាច់ កោះថាស បំផ្លាញយ៉ាងប្រល័យ

Captureដរឆ២ឹ១

(ប្រភពពី DTN7 & Local KH-TV, 12-8-2017)
តាមរយៈទូរទស្សន៍ក្នុងស្រុក ដែលគាំទ្ររដ្ឋាភិបាលសព្វថ្ងៃ និងប្រភពពីមន្រ្តី បានរាយការពី​ខេត្តពោធិ៍​សាត់​ថា មាន​សកម្មភាព​បូម​ខ្សាច់​ បំ​ផ្លិ​ញ​បំផ្លាញ​តំបន់​ រមណីយដ្ឋាន​ទេសចរណ៍​ប្រវត្តិសាស្ត្រ ​កោះ​ថាស ឋិត​នៅ​ភូមិ​អូរ​លំចង់ ឃុំ​បាក់​ចិញ្ចៀន ស្រុក​ភ្នំក្រវាញ ខេត្តពោធិ៍សាត់ ខណៈ​មន្ត្រី​ជំនាញ​មន្ទីរ​រ៉ែ និង​ថាមពល​ ខេត្តពោធិ៍សាត់ មិន​ហ៊ាន​ទប់ស្កាត់ និង​បង្ក្រាប​ឡើយ ពីព្រោះ​ពាក់ព័ន្ធ​នឹង ​ជំទាវ​ ជា ខេង ជាភរិយា​របស់​លោក ស៊ុយ សែម រដ្ឋមន្រ្តីក្រសួង​រ៉ែ និង​ថាមពល។ ប្រភពបានឲ្យដឹងទៀតថា ភរិយារប់លោក ម៉ៅ ថានិន អភិបាលខេត្តពោធិសាត់ ដែលជាសាច់ញាតិរបស់ក្រុមគ្រួសារលោក ស៊ុយ សែម ក៏ពាក់ព័ន្ធក្នុងរឿងនេះដែរ ។​

​តំបន់​រមណីយដ្ឋាន​ទេសចរណ៍​ កោះ​ថាស ទំហំ​ប្រមាណ​ ១០ ​ហិកតា មាន​ទីតាំង​ឋិត​នៅ​ចម្ងាយ​ប្រមាណ​ ១​គីឡូម៉ែត្រ ​ខាងត្បូង​ទំនប់ទឹក​ ដំណាក់​អម្ពិល និង​មាន​ចម្ងាយ​ប្រមាណ​ ១៥​ គីឡូម៉ែត្រ ​ពី​ផ្លូវជាតិ​លេខ​ ៥ ក្នុងភូមិ​អូរ​លំចង់ ឃុំ​បាក់​ចិញ្ចៀន ស្រុក​ភ្នំក្រវាញ ខេត្តពោធិ៍សាត់ ត្រូវបាន​បើក​បម្រើ​ភ្ញៀវទេសចរ ​ចូល​ទស្សនា​កម្សាន្ត​ នា​ឆ្នាំ​២០០៩​ កន្លងទៅ។

​មិនទាន់​អាច​សុំ​ការបំភ្លឺ​ បញ្ជាក់​ពី​ជំទាវ ជា ខេង ពាក់ព័ន្ធ​នឹង​សកម្មភាព​បូម​ខ្សាច់​ បង្ក​ការប៉ះពាល់​ដល់​តំបន់​រមណីយដ្ឋាន​ទេសចរណ៍​ កោះ​ថាស ​នោះ​នៅឡើយ​ទេ គិត​ត្រឹម​ថ្ងៃទី​១១ ខែសីហា ឆ្នាំ​២០១៧​នេះ៕​

Chea-kheng-E

Chea-Keng-B

Chea-Kheng-F

Advertisements

បណ្ឌិត ឡៅ ម៉ុងហៃ រិះគន់ ហ៊ុន សែន ស្របពេល ឡាវ សម្រេចដកកងទ័ព ថាជាការរកសម្លេងឆ្នោត

20770_naa

«អ្នក​វិភាគ​បញ្ហា​នយោបាយ ​លោក​បណ្ឌិត ឡៅ ម៉ុងហៃ មើល​ឃើញ​ថា វិធីសាស្ត្រ​ដែល​លោក ហ៊ុន សែន កំពុង​តែ​ដោះ​ស្រាយ​នៅ​ពេល​នេះ វា​ហាក់​ដូច​គ្នា​ណាស់​ ទៅ​នឹង​ព្រឹត្តិការណ៍​ កាល​ពី ១០​ ឆ្នាំ​មុន (ឆ្នាំ២០០៧​-​២០០៨ រឿងជម្លោះប្រាសាទព្រះវិហារ ជាមួយប្រទេស ថៃ) ដែល​នៅ​ពេល​នោះ ធ្វើ​ឲ្យ​គណបក្ស​កាន់​អំណាច​  ឈ្នះការបោះឆ្នោត ទទួល​បាន​អាសនៈ​ខ្ពស់​បំផុត​ រហូត​ដល់ ៩០​ អាសនៈ ក្នុង​ចំណោម​អាសនៈ​សរុប ១២៣​ អាសនៈ​នៅ​ក្នុង ​រដ្ឋសភា។»

——————————————————–
(ដោយ ម៉ម មុនីរតន៍, 12-8-2017)
នាយករដ្ឋមន្ត្រី​ឡាវ សន្យា​ថា នឹង​ដក​ទ័ព​ចេញ​ពី​ទឹក​ដី​កម្ពុជា ត្រង់​ចំណុច​អូរ​តាង៉ាវ និង​អូរអាឡៃ នៃ​ស្រុក​សៀមប៉ាង ខេត្ត​ស្ទឹងត្រែង ឲ្យ​ផុត​យ៉ាង​យូរ​ត្រឹម​ព្រឹក​ថ្ងៃ​ទី​១៣ ខែ​សីហា។ ស្រប​ពេល​ភាគី​ទាំង​ពីរ​ព្រមព្រៀង​ដក​ថយ​មួយ​ជំហាន​ដើម្បី​បន្ធូរបន្ថយ​ភាព​តានតឹង​ដោយ​យោធា​នេះ អ្នក​ឃ្លាំមើល​ពី​បញ្ហា​សង្គម​យល់​ឃើញ​ថា យុទ្ធសាស្ត្រ​នយោបាយ​ដែល​លោក ហ៊ុន សែន កំពុង​អនុវត្ត​នេះ គឺ​ដូច​គ្នា​ទៅ​នឹង​ព្រឹត្តិការណ៍​កាល​ពី​ឆ្នាំ​២០០៨ ដែល​កម្ពុជា កាល​ណោះ​មាន​ជម្លោះ​យោធា​ជា​មួយ​ថៃ ត្រង់​ប្រាសាទ​ព្រះវិហារ។

អ្នក​វិភាគ​បញ្ហា​នយោបាយ​លោក​បណ្ឌិត ឡៅ ម៉ុងហៃ មើល​ឃើញ​ថា វិធីសាស្ត្រ​ដែល​លោក ហ៊ុន សែន កំពុង​តែ​ដោះ​ស្រាយ​នៅ​ពេល​នេះ វា​ហាក់​ដូច​គ្នា​ណាស់​ទៅ​នឹង​ព្រឹត្តិការណ៍​កាល​ពី ១០​ឆ្នាំ​មុន ដែល​នៅ​ពេល​នោះ ធ្វើ​ឲ្យ​គណបក្ស​កាន់​អំណាច​ទទួល​បាន​អាសនៈ​ខ្ពស់​បំផុត​រហូត​ដល់ ៩០​អាសនៈ ក្នុង​ចំណោម​អាសនៈ​សរុប ១២៣​អាសនៈ​នៅ​ក្នុង​រដ្ឋសភា។

ការ​សង្កេត​របស់​អ្នក​ឃ្លាំមើល​ពី​បញ្ហា​សង្គម និង​នយោបាយ​គឺ​លោក​បណ្ឌិត ឡៅ ម៉ុងហៃ នេះ ដោយ​លោក​អះអាង​ថា ក្រោយ​ការ​បោះឆ្នោត​ឆ្នាំ​២០០៨ បាន​ធ្វើ​ឲ្យ​បក្ស​កាន់​អំណាច​នៅ​ពេល​នោះ ទទួល​បាន​ការ​គាំទ្រ​ពី​ម្ចាស់​ឆ្នោត​យ៉ាង​ច្រើន។ លោក​បន្ត​ថា ព្រឹត្តិការណ៍​លើក​នេះ​ក៏​ហាក់​ដូច​ជា​មិន​ឆ្ងាយ​គ្នា​ប៉ុន្មាន​ដែរ ស្រប​ពេល​ការ​បោះឆ្នោត​ក៏​កាន់​តែ​ខិត​ជិត​មក​ដល់​ណាស់​ដែរ​ហើយ៖ «មុន​ការ​បោះឆ្នោត​ឆ្នាំ​២០០៨ ហើយ​ពេល​នោះ​រដ្ឋាភិបាល​គឺ​គណបក្ស​ប្រជាជន បាន​ទទួល​ការ​គាំទ្រ​យ៉ាង​ច្រើន។ ឥឡូវ​នេះ ក៏​មាន​របៀប​គ្នា​អ៊ីចឹង​ដែរ មុន​ការ​បោះឆ្នោត​គ្រាន់​តែ​យូរ​បន្តិច។ ប៉ុន្តែ​ស្ថិត​ក្នុង​កាលៈទេសៈ​មួយ​ដែល​រដ្ឋាភិបាល ឬ​គណបក្ស​ប្រជាជន​កម្ពុជា កំពុង​ធ្វើ​យុទ្ធនាការ​ដើម្បី​ដណ្ដើម​សន្លឹក​ឆ្នោត​យ៉ាង​ខ្លាំងក្លា»

បើ​ទោះ​ជា​បែប​ណា លោក ហ៊ុន សែន បាន​ប្រកាស​មុន​ចេញ​ដំណើរ​ទៅ​ចរចា​ជាមួយ​លោក ថងលួន ស៊ីស៊ូលីត (Thongloun Sisoulith) នាយករដ្ឋមន្ត្រី​ឡាវ ថា នេះ​ជា​ការ​ការពារ​ទឹក​ដី ហើយ​លោក​មិន​ចង់​ឃើញ​ប្រទេស​ជិត​ខាង​រំលោភ​លើ​អធិបតេយ្យ​របស់​កម្ពុជា ដែរ។ ប៉ុន្តែ​នេះ​ជា​ការពារ​ទឹក​ដី​ក្នុង​នាម​ការ​ទទួល​ខុស​ត្រូវ​របស់​រដ្ឋាភិបាល​តែ​ប៉ុណ្ណោះ។

លោក​នាយករដ្ឋមន្ត្រី ហ៊ុន សែន ធ្លាប់​បាន​ព្រមាន​បញ្ចេញ​កង​ទ័ព​ ទៅ​កាន់​តំបន់​ព្រំដែន​នៃ ​ខេត្ត​ស្ទឹងត្រែង និង​ទុក​ពេល​ឲ្យ​ឡាវ ដក​ទ័ព​ចេញ​ក្នុង​រយៈពេល ៦​ថ្ងៃ។ យុទ្ធសាស្ត្រ​នយោបាយ​នេះ ត្រូវ​រង​ការ​រិះគន់​ថា ហេតុ​អី​ចាំបាច់​លោក ហ៊ុន សែន ប្រកាស​ឲ្យ​ដឹង​ហើយ ទើប​ទៅ​ប្រយុទ្ធ​ពេល​ក្រោយ។ ម្យ៉ាង​ទៀត បញ្ហា​នេះ​ បាន​ផ្ទុះ​ជា​យូរ​ខែ​ណាស់​មក​ហើយ តែ​ទើប​ត្រូវ​បាន​រដ្ឋាភិបាល​ ចាត់​វិធានការ​នៅ​ពេល​នេះ​ទៅ​វិញ​ជាដើម។

ថ្លែង​នៅ​ក្នុង​ជំនួប​ទ្វេ​ភាគី នៅ​ព្រឹក​ថ្ងៃ​ទី​១២ ខែ​សីហា នាយករដ្ឋមន្ត្រី​ឡាវ លោក ថងលួន ស៊ីស៊ូលីត ព្រមព្រៀង​ថា នឹង​ដក​កងទ័ព​របស់​ខ្លួន​ឲ្យ​អស់​គិត​ត្រឹម​ព្រឹក​ថ្ងៃ​ទី​១៣ ខែ​សីហា។ ទន្ទឹម​នឹង​នេះ លោក ថងលួន ស៊ីស៊ូលីត ក៏​សូមទោស​លោក ហ៊ុន សែន ដែល​ធ្វើ​ឲ្យ​មាន​សភាពការណ៍​ជ្រួលច្របល់​ ជាពិសេស​មាន​ភាព​យឺតយ៉ាវ​ក្នុង​ការ​ឆ្លើយ​តប​លិខិត​ទៅ​លោក​នាយករដ្ឋមន្ត្រី ហ៊ុន សែន វិញ៖ «ឥឡូវ​នេះ​ខ្ញុំ​បាន​បញ្ជា​ឲ្យ​អាជ្ញាធរ​ពាក់ព័ន្ធ​ដក​កងកម្លាំង​ដែល​ឈរ​ជើង​នៅ​កន្លែង​នោះ​ទាំង​អស់ ឲ្យ​អស់​នៅ​ព្រឹក​ស្អែក​នេះ»Read more

នាយករដ្ឋមន្ត្រី​ ឡាវ​ សម្រេច​ដក​កងទ័ព ​ចេញ​ពី​តំបន់​មាន​ជម្លោះ អូរអាល័យ ស្រុកសៀមប៉ាង ​​ខេត្ត​ស្ទឹងត្រែង

Captureចវងហ

{ឥឡូវ ឡាវ យល់ព្រមដកកងទ័ពហើយ ដើម្បីបញ្ចប់បញ្ហា បន្ទាប់ពី ហ៊ុន សែន ទៅជួបនាយករដ្ឋមន្រ្តី ឡាវ នៅក្រុងវៀងចាន់ ប្រទេសឡាវ ថ្ងៃទី១២ សីហា ២០១៧ នេះ។ 
ចំពោះក្រមបណ្តាញសង្គម នៅតែផ្តល់មតិថា ជម្លោះព្រំដែន ខ្មែរ និង ឡាវ គឺជាឆាកល្ខោន របស់​បងប្អូនម៉ឺនឆ្នាំ របស់ពួកគេ ដែលមានមេកោយជា យួន ។ ជម្លោះនេះ កើតឡើងនៅតំបន់អូរអាល័យ ស្រុកសៀមប៉ាង ខេត្តស្ទឹងត្រែង តាំងពីខែកុម្ភៈ ២០១៧ ពោលគឺទាហាន ឡាវ បានឆ្លងទន្លេសេកុង ចូលមកបោះទីតាំង ក្នុងទឹកដីខ្មែរ ខណៈពេលកងវិស្វកម្មខ្មែរ ធ្វើផ្លូវមួយខ្មែរ ទីនោះ។ – អត្ថបទដោយ ម៉ែន ណាត}
…………………………………………………………….
(ដោយ ម៉ម មុនីរតន៍, RFA, 12-8-2017)
នាយករដ្ឋមន្ត្រី​ឡាវ សន្យា​ថា នឹង​ដក​កងទ័ព ​មិន​ឲ្យ​ហួស​​ថ្ងៃ​ទី​១៣ ខែ​សីហា ពី​តំបន់​មាន​ជម្លោះ​នៅ​ក្នុង​ស្រុក​សៀមប៉ាង នៃ​ខេត្ត​ស្ទឹងត្រែង ទឹក​ដី​កម្ពុជា។

ថ្លែង​នៅ​ក្នុង​ជំនួប​ទ្វេ​ភាគី​នៅ​ក្នុង​ប្រទេស​ឡាវ រវាង​លោក​នាយករដ្ឋមន្ត្រី ហ៊ុន សែន និង​នាយករដ្ឋមន្ត្រី​ឡាវ នៅ​ព្រឹក​ថ្ងៃ​ទី​១២ ខែ​សីហា នាយករដ្ឋមន្ត្រី​ឡាវ លោក ថងលួន ស៊ីស៊ូលីត (Thongloun Sisoulith) សន្យា​ថា នឹង​ដក​កងទ័ព​របស់​ខ្លួន​ឲ្យ​អស់​ពី​ទឹក​ដី​កម្ពុជា នៅ​ព្រឹក​ថ្ងៃ​ទី​១៣ ខែ​សីហា។ ទន្ទឹម​នឹង​នេះ លោក ថងលួន ស៊ីស៊ូលីត ក៏​សុំទោស​ដែល​ធ្វើ​ឲ្យ​មាន​សភាពការណ៍​ជ្រួលច្របល់ ហើយ​មាន​ភាព​យឺតយ៉ាវ​ក្នុង​ការ​ឆ្លើយ​តប​លិខិត​ទៅ​លោក​នាយករដ្ឋមន្ត្រី ហ៊ុន សែន វិញ។

កាល​ពី​ថ្ងៃ​ទី​១១ ខែ​សីហា ម្សិលមិញ​នេះ លោក​នាយករដ្ឋមន្ត្រី ហ៊ុន សែន បាន​ដាក់​ឱសានវាទ​ដល់​ភាគី​ឡាវ ឲ្យ​ដក​កងទ័ព​ឲ្យ​អស់​ពី​ទឹក​ដី​កម្ពុជា នៅ​តំបន់​អូរអាឡៃ ក្នុង​ខេត្ត​ស្ទឹងត្រែង យ៉ាង​យូរ​ត្រឹម​ថ្ងៃ​ទី​១៧ ខែ​សីហា។ ទន្ទឹម​នឹង​ការ​ព្រមាន​របស់​លោក​នាយករដ្ឋមន្ត្រី កងកម្លាំង​ទាហាន​កម្ពុជា ជា​ច្រើន​ក៏​ត្រូវ​បាន​បញ្ជូន​ទៅ​កាន់​តំបន់​មាន​ជម្លោះ​នោះ​ដែរ។

 

 

សម រង្ស៊ី រក្សាជំហរ​ចោទ​​ប្រកាន់ ​រដ្ឋាភិបាល​ ហ៊ុន សែន ​នៅ​ពី​ក្រោយ​ឃាតកម្ម ​​បណ្ឌិត កែម ឡី

Captureដវវ

សូមស្តាប់បទសម្ភាសន៍របស់លោក ជុន ចន្ទបុត្រ ជាមួយលោក សម រង្ស៊ី៖

(ដោយ មួង ណារ៉េត, RFA Khmer, 12-8-2017

អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី នៅ​តែ​អះអាង​ថា រដ្ឋាភិបាល​កម្ពុជា ជា​អ្នក​នៅ​ពី​ក្រោយ​ការ​បាញ់​សម្លាប់​លោក​បណ្ឌិត កែម ឡី ទោះ​បី​សាលាឧទ្ធរណ៍ នៅ​ថ្ងៃ​សុក្រ ទី​១១ ខែ​សីហា បន្ត​ផ្ដន្ទាទោស​លោក​ឲ្យ​ជាប់ពន្ធនាគារ និង​ពិន័យ​ជា​ប្រាក់ ដោយសារ​ការ​ចោទ​ប្រកាន់​នេះ។

លោក សម រង្ស៊ី អតីត​ប្រធាន​គណបក្ស​សង្គ្រោះ​ជាតិ ដែល​កំពុង​រស់​នៅ​និរទេស​ខ្លួន​ក្នុង​ប្រទេស​បារាំង ដោយសារ​​ជាប់​បណ្ដឹង​ជា​ច្រើន​ករណី​នៅ​តុលាការ​កម្ពុជា នៅ​តែ​ប្រកាន់​ជំហរ​ឥត​កែប្រែ​របស់​លោក​ដដែល ដោយ​នៅតែ​អះអាង​ថា រដ្ឋាភិបាល​លោក ហ៊ុន សែន នៅ​ពី​ក្រោយ​ការ​បាញ់​សម្លាប់​លោក​បណ្ឌិត កែម ឡី។

ការ​ជឿជាក់​បែប​នេះ ដោយសារ​លោក​សំអាង​ថា ឃាតកម្ម​កន្លង​មក​លើ​អ្នក​ស្នេហា​ជាតិ និង​អ្នក​ដែល​មាន​ប្រជាប្រិយភាព​ដែល​ជា​អ្នក​ការពារ​ទ្រព្យសម្បត្តិ​ជាតិ ដូចជា​ព្រៃឈើ​អ្នក​ដែល​ស្វែងរក​យុត្តិធម៌​ជូន​ប្រជារាស្ត្រ ដូចជា​ប្រធាន​សហជីព​កម្មករ លោក ជា វិជ្ជា និង​ព្រះតេជព្រះគុណ សំ ប៊ុនធឿន និង​សកម្មជន​​​លេច​ធ្លោ​ដទៃ​ទៀត​ជាដើម សុទ្ធ​តែ​មាន​លំនាំ​មិន​ខុស​គ្នា​ពី​ការ​បាញ់​សម្លាប់​លោក​បណ្ឌិត កែម ឡី នោះ​ទេ៖ «លក្ខណៈ​ដែល​បាញ់​សម្លាប់​ហ្នឹង​ដូច​គ្នា​ទាំង​អស់ គឺ​បាញ់​សម្លាប់​ទាំង​កណ្ដាល​ថ្ងៃត្រង់ ហើយ​ឃើញ​អ្នក​ដែល​បាញ់​សម្លាប់​ហ្នឹង គេច​ខ្លួន​យ៉ាង​ងាយស្រួល ហើយ​អ្នក​ដែល​មាន​អំណាច​ហ្នឹង​គឺ​លុប​ចោល​បំបិទ​ដាន បំបិទ​ភស្តុតាង​យក​មនុស្ស​ដែល​គ្មាន​ពាក់ព័ន្ធ​នឹង​ឃាតកម្ម​ទាំង​នោះ មក​បង្វែង​ដាន​ទៅ​វិញ​ឲ្យ​ជន​ដៃដល់ និង​អ្នក​នៅ​ពី​ក្រោយ​ហ្នឹង​រួច​ខ្លួន ដូច្នេះ​ទង្វើ​ទាំង​អស់​ហ្នឹង យើង​ស្គាល់​ច្បាស់​ហើយ មានតែ​រដ្ឋ​អំណាច និង​អ្នក​មាន​អំណាច​ទេ ដែល​អាច​ធ្វើ​អ៊ីចឹងៗ​បាន!»

ទោះ​បី​សាលាឧទ្ធរណ៍​កាល​ពី​ថ្ងៃ​សុក្រ ទី​១១ ខែ​សីហា សម្រេច​តម្កល់​សេចក្ដី​សម្រេច​របស់​សាលាដំបូង​ផ្ដន្ទាទោស​ដាក់​ពន្ធនាគារ​លោក សម រង្ស៊ី ចំនួន ២០​ខែ និង​ពិន័យ​ជា​ប្រាក់​ចូល​រដ្ឋ ១០​លាន​រៀល សង​ជំងឺ​ចិត្ត​ទៅ​លោក​នាយករដ្ឋមន្ត្រី ហ៊ុន សែន ចំនួន ១០០​រៀល ក៏​លោក សម រង្ស៊ី នឹង​មិន​ប្ដឹង​ទៅ​តុលាការ​កំពូល​នោះ​ទេ ដោយ​លោក​ថា គ្មាន​បាន​ការ ព្រោះ​លោក​ចាត់​ទុក​តុលាការ​កម្ពុជា ថា​ជា​តុលាការ​អាយ៉ង ស្ថិត​ក្រោម​​បញ្ជា​របស់​លោក ហ៊ុន សែន។ ប៉ុន្តែ​លោក សម រង្ស៊ី សង្ឃឹម​លើ​ការ​ផ្ដល់​យុត្តិធម៌​ក្នុង​ករណី​ឃាតកម្ម​លោក​បណ្ឌិត កែម ឡី នៅ​ឯ​តុលាការ ក្នុង​ប្រទេស​ប្រជាធិបតេយ្យ ដូចជា​នៅ​សហរដ្ឋអាមេរិក ដោយ​ថ្មីៗ​នេះ តុលាការ​អាមេរិក នៅ​រដ្ឋ​កាលីហ្វ័រញ៉ា បាន​ចេញ​ដី​បង្គាប់​ឲ្យ​ក្រុមហ៊ុន ឆេវរ៉ុន (Chevron) ដែល​ជា​ក្រុមហ៊ុន​មេ​របស់​ស្ថានីយ​សាំង​កាល់តិច បង្ហាញ​ឯកសារ​ផ្សេងៗ ពាក់ព័ន្ធ​នឹង​ការ​បាញ់​សម្លាប់​លោក​បណ្ឌិត កែម ឡី។ ឯកសារ​ទាំង​នោះ​រួម​មាន​ទាំង​រូបភាព​វីដេអូ ពី​កាមេរ៉ា​សុវត្ថិភាព នៅ​ហាង​ស្តារម៉ាត ក្នុង​ស្ថានីយ​សាំង​កាល់តិច នៅ​ឯ​ស្តុប​បូកគោ​នោះ​ផង​ដែរ។

លោក សម រង្ស៊ី៖ «ការ​ស្រាវជ្រាវ​ហ្នឹង​នៅ​បន្ត​ទៀត។ តុលាការ​នៅ​ភ្នំពេញ ថា​ចប់​ហើយ គឺ​ឥឡូវ​គេ​រក​មុខ​អ្នក​បាញ់​សម្លាប់​ហ្នឹង​ឃើញ​ហើយ។ ប៉ុន្តែ​មិនមែន​ទេ ដូចជា​ឃាតក​សិប្បនិម្មិត។ ជា​ឃាតក​ក្លែងក្លាយ។ អ្នក​បាញ់​សម្លាប់​មែន​ទែន អ្នក​ដែល​នៅ​ពី​ក្រោយ​ឃាតកម្ម​នោះ គឺ​មិន​ទាន់​វែកមុខ​បាន​ច្បាស់​ទេ។ ប៉ុន្តែ​ខ្ញុំ​ជឿ​ថា អ្វី​ដែល​ជា​តុលាការ​ឯករាជ្យ​ពី​ក្រៅ​ប្រទេស ពី​សហរដ្ឋអាមេរិក​ជាដើម អាច​ជួយ​ថ្ងៃ​ណា​មួយ​លាតត្រដាង​ការពិត ហើយ​ផ្ដន្ទាទោស​ជន​ដៃដល់ និង​អ្នក​នៅ​ពី​ក្រោយ​ជន​ដៃដល់​តាម​ច្បាប់»

​ចំណែក​ឯ​មេធាវី​ជនជាតិ​អង់គ្លេស លោក រីឆាត រ៉ូជើរ (Richard Rogers) ដែល​បាន​យក​ករណី​ឃាតកម្ម​លោក​បណ្ឌិត កែម ឡី ដាក់​នៅ​តុលាការ​ព្រហ្មទណ្ឌ​អន្តរជាតិ (ICC) ប្តឹង​រដ្ឋាភិបាល​លោក ហ៊ុន សែន ក៏​មាន​សង្ឃឹម​ដែរ​ថា សេចក្តី​សម្រេច​របស់​តុលាការ​អាមេរិក នឹង​ជួយ​ផ្ដល់​ភស្តុតាង​បន្ថែម​ដើម្បី​គាំទ្រ​ដល់​បណ្ដឹង​របស់​គាត់៖ «ដោយសារ​ឃាតកម្ម​លើ​លោក កែម ឡី ជា​អំពើ​ឃាតកម្ម​មួយ​ក្នុង​ចំណោម​អំពើ​ឃាតកម្ម​​ជា​ច្រើន​នៅ​កម្ពុជា ដែល​យើង​បាន​ដាក់​ប្ដឹង​នៅ​តុលាការ​ព្រហ្មទណ្ឌ​អន្តរជាតិ ដូច្នេះ​យើង​សង្ឃឹម​ថា ភស្តុតាង​ដែល​បាន​ពី​ក្រុមហ៊ុន ឆេវរ៉ុន នឹង​លាតត្រដាង​ការពិត​ដែល​ផ្ទុយ​ទៅ​នឹង​អ្វី​ដែល​ជា​ការ​បិទ​បាំង​របស់​រដ្ឋាភិបាល​លោក ហ៊ុន សែន។ ភស្តុតាង​ថ្មី នឹង​ជួយ​ដល់​សម្អាង​ហេតុ​របស់​យើង ដែល​ថា​ឃាតកម្ម​លើ​លោក កែម ឡី ធ្វើ​ឡើង​ដោយ​ហេតុផល​នយោបាយ។ ចំណុច​នេះ ជួយ​ឲ្យ​យើង​អាច​ដាក់​បណ្ដឹង​បន្ថែម ពាក់ព័ន្ធ​នឹង​ឧក្រិដ្ឋកម្ម​ប្រឆាំង​មនុស្ស​ជាតិ ប្រឆាំង​រដ្ឋាភិបាល​លោក ហ៊ុន សែន»Read more